رواية انا لك انت الفصل السابع والعشرون 27 بقلم حبيبة محمد
رواية انا لك انت الفصل السابع والعشرون 27
سليم بعصبيه: انا قرفت منك يا ملك..
ملك بلعت ريقها بكسوف من كلامه ليها وقالتله بصوت هادي: عارفه اني غلطانه وعارفه اني كدبت عليك بس انا خوفت منك
سليم زعق في وشها بصوت اعلي وقال: ليه وانا من امتي خوفتك مني؟ من امتي؟
ملك اترعشت من صوته وقالتله وهي بتنزل دموع من عينها: من دلوقتي يا سليم؛ خوفتني منك من دلوقتي
سابته ومشيت سليم مشي وراها وشدها من ايدها: علي فين؟ في نص الليل
ملك مسحت دموعها وقالت: علي اي مكان اروحه المهم مقفش قدامك عشان انت مش طايقني زي ما قولت
سليم وقف مكانه وزقها بعصبيه وقال: امشي يا ملك مش عايز اشوفك تاني؛ انتي مبقتيش مهمه ابدا بالنسباالي امشي
ملك فاقت من الخيال ال هي فيه وفاقت من الكابوس الهي كانت فيه وحطت ايدها علي قلبها بخوف: الحمد لله اني مقولتش لسليم علي كدبي عليه عن ديما وصحابها الحمد لله
***
ليلي بأبتسامه خفيفه: تعرف شي؟
امير رفع كتفه وقال: لا معرفش شي؟
ليلي ضحكت وقالت: بتتمسخر عليا يعني!
امير بص علي مريم الواقفه مرقباه وقال ل ليلي: وانا اقدر اتريق عليكي يا قمر انتي
ليلي مسكت ايده وقالت: بدي ارقص معك؛ وكمان بدي شي منك
امير رقص معاها وقالها: اطلبي؟
ليلي بصت في عيونه بحب وقالت: بدي رقمك كرمال اتصل بيك في اي وقت.
امير وقف رقص وخرج فونه من جيبه وقال: بس كدا! من عيني
ادالها رقمه ومريم واقفه بتشيط علي جنب.
ملك كانت واقفه بتبص علي سليم ومركزه مع كل حركه هو بيعملها مع صحابه؛ ضحكته؛ ابتسامته؛ نظراته؛ كل حاجه فيه كانت عجباها
سليم لاحظ نظراتها وراح وقف جمبها وهو بيغمز: النجم واقف لوحده ليه؟
ملك ضحكت وقالتله بمعاكسه: عشان القمر سايبني
سليم هرش في دقنه وقال: لا حلو دي؛ بتعرفي تلاغي جدعه يا بت
ملك انجشته وخرجت برا الحافله وهي بتقوله: سليم ينفع اكلمك في كام حاجه كدا؟
سليم وقف وحط ايده في جيبه وقال: خيير!
_ انا قلبي مقبوض اليومين دول وخايفه من حاجه مش عارفه اي هي؛ بس عايزاك توعدني انك هتفضل تحبني دايما وعلطول؛ عايزاك دايما تكون جمبي
سليم حمحم بتوتر: احمم؛ اكيد يا ملك انا جمبك علطول من غير ما تقولي بس اي الكلام الغريب دا؟ قلبك مقبوض من اي؟
ملك رفعت كتفها بخوف: معرفش يا سليم؛ بس انا حاسه بحاجه غريبه؛ حاسه...
_ ايوه كملي؟ حاسه بأيه؟
ملك بص في عيونه وقالت بحزن: حاسه اني هيحصلي حاجه صدقني مش مجرد احساس
سليم وشه جاب اللوان وحضنها بخوف عليها وحاول يطمنها: متخافيش يا ملك؛ انا جمبك؛ انتي بس بيتهيألك لاكن انتي كويسه و زي الفل اهو
ملك ضحكت علي الهو بيقوله: سليم حبيبي! انت فاهم غلط خاالص انا مبقولش هيحصلي حاجه بمعني اني هموت مثلا! انا بقول هيحصلي حاجه يعني هيحصلي حاجه حلوه انا حاسه ب كدا
سليم زقها بعصبيه: وقفتي قلبي يا شيخه
_ طب مانت القلبك خفيف الاه!
اتنهد وغمزلها: قلبي خفيف معاكي انتي يا قمرر
ملك ابتسمت وقعدت علي شنطه العربيه وشاورتله يجي يقعد جمبها
سليم نط قعد جمبها ومسك ايدها وقال: بقولك اي يا ملك
ملك ردت عليه بسرحان: امم؟
_ ما تيجي نتجوز
ملك ضحكت عليه وقالت: انت اتجننت رسمي يا سليم بجد يعني اتجننت
سليم نزل من علي شنطه العربيه وقال: بتكلم بجد؛ تعالي نتجوز
ملك وقفته وهي بتحاول تفوقه: سليم اهدي يا بابا؛ فووق؛ جواز اي دلوقتي انا عندي ١٨ سنه!
سليم اتنهد بحزن: ما هي المشكله في صغر امك دا
ملك مسكت ايده بحنيه: بعيدا عن اي حاجه بتحصل بس انا مكنتش عارفه حياتي من غيرك كانت هتبقي عامله ازاي يا سليم؛ تعرف اني برتاح لما بشوفك! ولمجرد ما صورتك بس بتيجي قدامي انا بفرح وبضحك
_بس عايزه اسأل سؤال محيرني
سليم باس ايدها بحب: قولي كل النفسك فيه
_ انت حبتني امتي يا سليم؟
اتنهد وبصلها وافتكر كل حاجه عاشها معاها وبعدين رد عليها بحب: ملك؛ انا حبيتك من قبل ما انتي تحبيني؛ انا حبيتك في اول يوم شوفتك فيه انا مش بس بحبك وبعتبرك حبيبتي انا بعتبرك بنتي يا ملك بحبك حب ملهوش حدود ولا عمره هينتهي وامنيتي الوحيده اني اكمل معاكي حياتي؛ مهما شرحتلك قد اي انا بحبك وبخاف عليكي مش هتصدقيني
ملك نزلت من علي شنطه العربيه وحضنته وغمضت عينها بأرتياح وقالت: مصدقاك وعارفه انك بتحبني بس انت كمان لازم تصدقني وتعرف اني لما بحضنك برتاح وبطمن؛ ومهما حاولت الناس تبعدي عنك وايا كان مين هما حتي لو اهلي ال في الصعيد برضو هفضل احبك حتي لو انا اصغر منك عشان الحب عمره ما كان بالسن
كان في شله ولاد جايه من بعيد وكل واحد فيهم عمال يضحك مع التاني
سليم دخل ملك العربيه وقالها: متخرجيش من هنا لحد ما اقولك..
ملك بصتله من شباك العربيه وقالت: ليه يا سليم؟
سليم قفل الشباك عليها وقالها: دقيقتين وهقولك استني بس
شله الولاد دي عدت ف سليم فتح باب العربيه لملك تاني وخرجت وهي بتقوله: ينفع افهم السبب!
سليم قعد علي شنطه العربيه ببرود وقالها: في شله ولاد جايه وانتي لابسه فستان ضيق عليكي وانا مكنتش عايزك تنزلي بيه من الاول اصلا
ملك نطت قعدت جمبه وحطت راسها علي كتفه: محدش هيقدر يبصلي طول مانت جمبي استريح.
سليم اتنهد وقال: وحتي لو مش جمبك مش عايز حد يبصلك يا ملك
امير خرج من الحفله وهو بيهزر مع ليلي: اشطا هنتقابل بكره
ليلي حركت راسها بموافقه: ايي مو مشكله راح نتقابل كتير بعد هيك موو؟
سليم اول ما شاف امير جاي نزل من علي شنطه العربيه وبصله بأستغراب علي البنت المعاه :
امير ودعها وراح لسليم وقال: مالك متنحلي كدا ليه؟
ملك لعبته بحواجبها وقالت: بقا مش عارف هو متنحلك ليه برضو؟
مريم خرجت من الحفله هي كمان بس كانت سرحانه ومضايقه
ملك قربت منها وقالتلها: مالك يبنتي؟
مريم ركبت العربيه وقالت: لما اروح هحكيلك
سليم ركب جمب امير وغمزله: مش هتقول مين المزه؟
ملك ضربته في كتفه: اتلم
سليم بصلها من مرايه العربيه: انا ملموم يا ملك بس طبعا مش هبقي كداب انتي عارفه ان البت حلوه بصراحه
مريم اتغاظت اكتر وقالت لسليم: دي معفنه وشبهه البرتقانه
امير لقح علي مريم بهزار وقال: مالك مضايقه كدا ليه؟ عشان احلي منك مثلا!!
مريم مردتش عليه وبصت من شباك العربيه بعصبيه
ملك ردت علي امير: مفيش احلي من مريم يا امير
امير ضحك بسخريه: عارف انتي هتقوليلي؛ يبنتي اتضح ان انتوا مش بنات دا البت الانا كنت واقف معاها بتنور في الضلمه من حلاوتها
سليم ضحك عشان يغيظهم وضرب هو وامير كف وقال: بس بس لحسن شويه وهيولعوا
ملك بصت من الشباك هي كمان بغيظ ومردتش عليهم
꧁꧂
ديما قعدت علي الكرسي ب شر وهي بتفتكر كريم لما قعد مع مريم وسابها: حاضر يا مريم! وحيات امك لهعرفك تقعدي مع حد مش ملكك ازاي
اتصلت ب مي صاحبتها: تعاليلي بسرعه واندهي سيف معاكي
نريمان دخلت وحطتلها صينيه في اكل: خدي يا ديما اتعشي عشان متعشيتيش
ديما قامت وقفت عشان تشوف الاكل وبعدين زقته بتكبر: لا مش عاوزه وبعدين اي دا؟ جيبالي لانشون؟ مبحبهوش
نريمان بعصبيه: خلاص براحتك
خدت الصينيه وخرجت برا الاوضه...
****
كريم ريح ضهره علي السرير وهو بيفتكر مريم: كانت حلوه اوي انهارده؛ كانت زي الملاك
_ لازم اخليها تسامحني؛ وانا عارف الحاجه الهي ممكن تسامحني بيها؛ هتجوزها؛ هخليها تحبني من اول وجديد
فتح الفون بتاعه وجاب صور مريم وقال ب شر: هخطفك بعيد عن الناس يا مريم؛ هتكوني ليا انا لوحدي من انهارده انا مكنتش شايفك كنت اعمي مش واخد بالي منك بس خلاص انتهي الكلام انتي بقيتي ليا مش هسيبك لحد تاني
ديما فتحت ل مي وسيف باب الڤيلا ودخلت اوضتها ومعاها صحابها وقعدوا كلهم علي الكراسي
سيف مسك ايديه الاتنين بتوتر: اممم افهم من نظراتكوا الخبيثه دي ان فيه حاجه هتتعمل!
ديما ابتسمت بخبث: جدع بتفهمها وهي طايره
مي بصت لديما من طرف عينها: اشمعنا كريم مجاش!
ديما قالت بغيظ: انتي بقا غبيه؛ عارفه ليه؟ عشان احنا عندنا قانون في الشله دي والقانون دا: لو واحد غدر بينا احنا التلاته نغدر بيه وممكن نطبقه علي اي حد فينا فاهمين!
مي حركت راسها بفهم: ااااه قصدك ان كريم غدر بيكي؟
_الله ينور عليكي بس انا مش هعلمه هو الادب انا هعلم الما تتسمي الادب
سيف بعدم فهم: تقصدي اي؟ مين ال ما تتسمي؟
ديما قامت وقفت وحطت ايدها في جيبها وقالت: مريم
***
امير فتح باب الڤيلا وطلع ع السلم وهو بيقول بتعب: انهارده مش عايز حد يقلقني
وقف وهو بيلقح علي مريم: ولا حد يقولي اصحي بسرعه وديني المدرسه
_عايز انام في راحه كدا واحلم ب البت البتنور في الضلمه
مريم طلعت علي السلم وهي بتدبدب بغيظ: مش هصحيك متقلقش احلم براحتك
دخلت اوضتها وقفلت الباب وامير دخل اوضته وقفل الباب
سليم طلع ع السلم ملقاش ملك طلعت وراه ف وقف بأستغراب: واقفه تحت ليه؟
_هقلع الهيلز من رجلي مش قادره اطلع بيها
سليم امأ براسه وقال: تصبحي علي خير يا قلبي
ملك ابتسمت بكسوف ومردتش عليه؛ دخل اوضته وقفل الباب
ملك طلعت علي السلم وهي حاطه ايدها علي قلبها بتوتر: قالي يا قلبي!
دخلت اوضتها وقفلت الباب ورمت نفسها علي السرير بأرهاق: كفايا تفكير في سليم بقا؛ وراكي امتحانات الاسبوع دا كله
***
في صباح يوم جديد
ملك ومريم كانوا لبسين لبس المدرسه والشنطه جاهزه وكله تمام وسليم خرج من اوضته وهو لابس بدلته وجاهز
بس امير مخرجش من اوضته لحد دلوقتي!!
سليم دخل يصحيه ضربه علي ضهره: فوق يا جحش
امير اتمتع بنعاس وقال: مش قادر اقوم انهارده؛ بكره هبقا اروح اوعدك
سليم بعصبيه: قوم يبني ورانا شغل.
امير استغطي وقال بنعاس: سيبني بقا يسطا عايز انام الله يخليك
سليم قفل النور وخرج بعصبيه وهو بيقول: مشغل واحد متخلف معايا؛ العيب مش عليه العيب عليا
نزل ركب العربيه وبص لمريم وملك القاعدين متوترين ورا
_ خيير! متوترين كدا ليه؟ دا امتحان هتحلوا وخلص الموضوع!
_ لا يا سليم الامتحان بيكون صعب وانا خايفه اجيب درجه وحشه
مريم ربعت ايدها وقالت: وبعدين انت عارف ان المواد كلها صعبه
سليم كمل سواقه وبصلهم ف المرايه: مش انتوا زاكرتوا؟
ملك ومريم حركوا راسهم وقالوا: اه زاكرنا
سليم رفع كتفه بارتياح: يبقا هتحلوا! اداما زاكرتوا هتعرفوا تحلوا!
***
امير كان عامل نفسه نايم واول ما سليم نزل قام غسل وشه ولبس تيشرت ابيض وبنطلون چينس اسود وكوتش ابيض وسرح شعره وهو بيصفر وبيغني
ليلي اتصلت بيه: وينك؟ ليش ما اجيت؟
امير رد عليها وهو بيتعجب في نفسه في المرايه: ها! لا انا انا جاي اهو
شد مفاتيح الڤيلا وحطها في جيبه وخرج من الڤيلا وقالها: هقفل دلوقتي وهجيلك اهو
ليلي بصوت رقيق: ايي بدك شي مني؟ رح اسكر معك!
امير مفهمش ال هي قالته: نعم!
_ يعني رح اقفل معك السكه
***
مريم وملك نزلوا من العربيه وودعوا سليم
سليم بصلهم من الشباك وقالهم: متنسوش تقرأوا سوره ياسين بتساعد علي تفتيح العقل وانشاء الله ربنا هيقف جمبكوا في الامتحان وتحلوا
ملك ابتسمت بحب: خلي بالك من نفسك
سليم ودعها وقفل الشباك ومشي
مريم انجشتها وهي بتقول بتريقه: خلي بالك من نفسك
ملك ضحكت بكسوف وقالت: في اي! مش حبيبي ولازم اودعه بطريقه حلوه! الاه
ديما ومي وسيف دخلوا ورا ملك ومريم وبصوا لبعض ب شر
ديما بصتلهم بضحكه خبيثه: ميعرفوش يعيني اي هيحصلهم بعد المدرسه معلش معذورين
كريم اول ما شاف مريم جري عليها وقال: صباح الخير
ملك استغربت جدا لدرجه انها مصدقتش الحصل قدامها ومسكت كريم عسان تصدق انه مش خيال
مريم مسكت ايد ملك ومشيوا وسابوه؛ جري وراهم تاني وقال: بس انا عايز اتكلم معاكي يا مريم
_ ورايا امتحان يا كريم؛ بصراحه مش فاضيه ليك ابدا
شدت ملك وطلعوا اللجنه بتاعتهم.
***
سليم اتصل ب امير بس مبيردش خالص
فهد دخل وقعد علي الكرسي وقاله: متغير اليومين دول يا سليم
_ اشمعنا!
فهد رفع كتفه وقال: معرفش! بس شكلك بيقول كدا
سليم لف بالكرسي وبص من ازاز المكتب وقال: مش متغير ولا حاجه؛ بس مشغول
فهد قام وخرج سيجاره من جيبه: طب متضايق مني عشان جيبت نريمان الحفله؟
سليم حرك راسه بنفي: لا خالص
**
مريم خرجت هي وملك من الامتحان وهما بيضحكوا وفرحانين
ملك بفرحه: الحمد لله ربنا وقف جمبنا
مريم رمت الورق والملازم في الارض بفرحه وقالت: وادي الورق اهو والملازم اهي خلاص مبقتش محتجاهم
ملك ضحكت بارتياح وقالت: عقبال بقيت المواد
مريم انجشت ملك ومشيت اتجاهه الجنينه وهي بتقولها: بما اننا خلصنا اول مادتين تعالي بقا نتمرجح شويه علي المرجيحه دي
ملك حركت راسها بعدم موافقه : لا الجنينه دي فاضيه؛ وممكن يكون فيها شباب
مريم شدتها بأصرار: تعالي بس
ديما بصت عليهم من بعيد لقتهم بيتمرجحوا قالت ب شر: يلا بينا؟
مي بتوتر: طب وملك! احنا مش عاملين حسابها
سيف رفع كتفه وقال تسرع: يلا بس كدا كدا هي اللازقه مع مريم وجايبه المصايب لنفسها
ديما مشيت اتجاهه الجنينه وبعدين وقفت المرجيحه بتاع مريم ووطت جمب ودنها بخبث: حذرتك مره واتنين وتلاته انك تبعدي عن كريم؛ بس مفيش فايده!
_ الحل الوحيد معاكي هو انك تتربي
ملك زقت سيف جامد عشان يسيبها بس هو مكتفها بأديه الاتنين
مريم ردت عليها ب شر: انتي مجنونه! كريم هو البيتقرب مني؛ وبدل ما تيجي تحاسبيني شوفي نفسك الاول يمكن زهق من منظرك
ديما شدت مريم من علي المرجيحه لدرجه انها وقعت علي الارض وسيف كمان بينفذ نفس الديما بتعمله ووقع ملك علي الارض جمب مريم
ومي واقفه بتصور بعيد بخبث من غير ما يشوفوها
ديما مسكت مريم من شعرها جامد وقالتلها بعصبيه: مبتسمعيش كلامي ليه؟ قولتلك ابعدي عني وعن اي حاجه ملكي! بس انتي مبتكفيش عن شري
خبطت راسها في الارض جامد وقالت بصوت عالي: مره تانيه مشوفش وشك جمب كريم سامعه!
مريم من اثر الضربه مفتحتش عينها تاني؛ وسيف ضرب ملك برجله في ضهرها و في بطنها لحد ما فقدت وعيها جمب مريم
****
ديما روحت الڤيلا ورمت شنطتها علي الصالون وقالت بأفأفه: يوم متعب بشكل
ندهت علي الداده وهي بتقول بغرور: انتي يا زفته ما تردي
الداده رمت الاطباق في الارص بعصبيه وقالت: سكتلك كتير يا بت انتي انا مسميش زفته؛ دا نتي عيله قليله الادب ومشوفتيش يوم واحد ربايه صحيح
ديما شاورت ناحيه الباب وقالت: دلوقتي حالا تخرجي برا قالت بصوت اعلي: برااااا؛ غورييي
الداد خرجت برا الڤيلا وديما طلعت علي السلم بقرف: هو يوم باين من اوله
قبل ما تدخل اوضتها لقت نريمان واقعه قدام باب اوضتها
ديما بلعت ريقها بتوتر وقالت: ماما!
نزلت علي الارض وحطت خصلاتها ورا شعرها وهي بتعيط: ماما! فوقيي؛ ماما مالك فيه ايه؟
عيطت اكتر ومسحت دموعها وفضلت تشد فيها وهي بتقول: ارجوكي فوقي يا ماما؛ انا اسفه لو زعلتك؛ يا ماما عشان خاطري فوق؛ ماماااااااا
***
سليم اتصل ب ملك عشان يطمن عليها عملت اي في الامتحان:
مريم فتحت شنطتها بصعوبه وجرجرت الفون منها وحطته جمب ودنها وقالت لسليم بتعب: الحقنا يا سليم؛ احنا في الجنينه ال ورا المدرسه
سليم لقي الفون قفل ومفيش حد رد خد مفاتيح العربيه ونزل ركبها وراح علي هناك وهو قلبه مقبوض
....
نزل من العربيه لقي مريم دماغها بتجيب دم وفاقده وعيها وملك جسمها متوسخ طين ومضروبه في وشها!
جه وقت ان سليم يعرف كل حاجه! بس يا تري لو عرف هيعملهم اي؟
- تابع الفصل التالي عبر الرابط: "رواية انا لك انت"اضغط على اسم الرواية