رواية روح الأدهم الجزء الثاني 2 الفصل السابع بقلم هاجر العفيفي
رواية روح الأدهم الجزء الثاني 2 الفصل السابع
فى فيلا عاصم
مايا دخلت مكتب أدم الخاص بالفيلا دخلته بهدوء وفضلت تدور على أى ورق وفتح الأدراج كلها ودورت كتير وأخر مازهقت وقفت بقلة حيله لقت مكان صغير كده راحت تدور فيه بس فاجأه وهى بتدور سمعت صوت أدم من خلفها
أدم باستغراب : بتعملى ايه هنا يامايا ؟
مايا كان فى ايدها بعض الأوراق وقعوا منها بتوتر وخوف واتحدثت برعب : أدم !
أدم : بتعملى ايه ؟
مايا بارتباك : ها أ أنا ك كنت كنت يعنى
أدم بشك : مالك يامايا مرتبكه ليه كنتى ايه كملى
مايا وتذكرت شئ ما : كنت بدور على روايه
أدم باستغراب : وايه ال هيجبها المكتب ؟
مايا : أصل أصل كنت جايه هنا المكتب ليك قبل كده وبشوف يمكن نسيتها هنا
أدم : اممم ولقتيها
مايا بارتباك : ل لاء م مش مهم بقا هجيب غيرها وبهروب من الموضوع قولى بقا ايه جيت بدرى يعنى
أدم وهو يقرب منها : جيت أخد ورق للشركه بس انتى وحشتينى على فكره
مايا : ط طب هحضرلك الغدا علطول
أدم بضحك : بتهربى صح
مايا : ل لاء أنا فعلا هعملك الغدا واشوف اسر
أدم وهو يقبل جبينها : لاء ياقمرى وفرى مجهودك أنا هتغدا فى الشركه عشان مستعجل
مايا اكتفت بابتسامه بسيطه
أدم : يلا عايزه حاجه سلام
مايا : مع السلامه
أدم خرج ومايا اتنهدت بارتياح ان هو مشكش فيها وبصت بقلة حيله وخرجت تشوف أسر ومدورتش تانى عشان ممكن أدم يرجع فى أى وقت
💫💫💫💫💫💫💫💫💫💫💫💫💫💫
فى المساء
فى فيلا سليم العشرى
سليم : ياندى قولتلك مش عايز اعلق نفسى بأمل فارغ
ندى : ياحبيبى دى تجربه مش أكتر ولو منفعش خلاص
سليم بحزن : ندى أنا مديلك حرية الأختيار من دلوقتى لو عايزه تعيشى حياتك وأطلق
قاطعته ندى مسرعه : برضوا هتقول طلاق ياسليم قولتلك كفايه بقا الكلمه دى وبمرح ولا انت مبقتش تحبنى ياسولى
سليم بابتسامه : أنا عمرى ماحبيت حد قدك ياقلب سولى
ندى : خلاص هتعمل العمليه
سليم بابتسامه : حاضر
ندى بمشاكسه : أحبك ياقمر انت وانت مطيع
سليم بضحك وغمزه : طب خدى أقولك حاجه ياعسل
ندى : نو نو مش عايزه احكيلى حدوته
سليم برفعة حاجب : انتى قاعده مع ابن أختك يلا ياحبيبتى ربنا يهديكى
ندى باعتراض : أبدااااا احكيلى يلا
سليم وهو يفرد ذراعه : طب تعالى يامغلبانى
ندى ابتسمت بسعادة ونامت فى حضنه وابتدا سليم يقص ليها بعض الحكايات الجميله ويلعب فى شعرها كالطفله الصغيره لحد ماأنفاسها هديت خالص عرف انها نامت ضمها بعشق وابتسم وذهب فى ثبات عميق هو الأخر
💫💫💫💫💫💫💫💫💫💫💫💫💫💫
بعد مرور اسبوع على أبطالنا
ندى دايما مع سليم وبتشجعه للأحسن وواقفه جمبه وبيتابعوا مع دكتور واتفقوا على ميعاد العمليه وهيسافروا لندن عشان يعملها وهو سعيد جدا بوقفتها جمبه واتزرع فى قلبه أمل جديد وحياه جديده 😍
جنه وخالد عايشين حياه سعيده جدا وطبعا مبيبطلوش خناق 😂 بس بيرجع يصالحها علطول ومبيخلوش المشاكل الكبيره تدخل مابينهم وبيبنوا حياه سعيده مع أولادهم
مايا طبعا طول الوقت متوتره وأدم ملاحظ عليها جدا وحاول يسالها كتير بس هى بتتهرب وكمان المده ال ادهالها المجهول قربت تخلص وهى مش عارفه تعمل ايه وحياتها اتقلبت من ساعة ماظهر فى حياتها المجهول ده 🙂
روح وأدهم حياتهم جميله جدا بينهم حب وموده وألفه وقررورا انهم هيسافروا هما الاتنين بس عشان أدهم هيخلص شغل وفى نفس الوقت هيفسح روح ويخرجها
💫💫💫💫💫💫💫💫💫💫💫💫💫💫
فى فيلا الحديدى
روح بضحك : انا مش عارفه ايه ال هيخلينا نسافر متأخر أووى كده
أدهم : لاء أنا حرمت أسافر بالنهار وكمان مقولتش لحد اننا هنسافر عشان يتفاجئوا كده ويتهدوا ويشوفوا شغلهم
روح : هههههههه طب يلا أنا جهزت
أدهم : وجودى
روح : جهزتها برضوا وهى مع طنط تحت
أدهم بضحك : دى مستعده أكتر مننا يلا
روح : يلا
أدهم شال الشنط ونزل وكانت جودى مع فاطمه
فاطمه بضحك : الحقوا اجروا بقا قبل ماحد يجى
أدهم وهو يقبل والدته من جبينها ويأخذ منها جودى : عندك حق سلام ياست الكل
فاطمه : مع السلامه يابنى تروحوا وترجعوا بالسلامه
روح وهى تقبلها هى الأخرى : سلام ياطنط
فاطمه : مع السلامه ياحبيبتى
أدهم : يلا وأخدهم وخرجوا وركبوا العربيه ومشيوا
روح : مين هياخد العربيه
أدهم هركنها عند المطار ولما نوصل روما هكلم خالد أو أدم يجوا ياخدوها
روح : امممم انت مخطط بقا
أدهم : من بدرررى بس كنت مستنى التنفيذ
جودى بطفوله : مامى احنا لايحين فين
روح بابتسامه : هنتفسح فسحه جميله عشان جودى القمر تبقا مبسوطه
جودى : تب أسى مش جه معانا يه
أدهم بغيظ : وانتى عايزه أسر ليه ياختى
جودى ببراءه : عسان ايعب معاه
أدهم : روووح سكتى بنتك
روح بضحك : حاضر بس ياجودى متعصبيش بابى
جودى ببراءه : حاتر
أدهم : شطوره
وكملوا طول الطريق ضحك وهزار لحد ماوصلوا المطار وركن عربيته وطلعوا الطياره وسافروا
💫💫💫💫💫💫💫💫💫💫💫💫💫💫
فى فيلا خالد القناوى
جنه : أيوه مين ال عملتلك لاف على البوست دى أفهم
خالد بغرور : يابنتى أنا رجل أعمال طبيعى تلاقى بنات كتير عندى
جنه بعصبيه : ياسلام ياخويا وأنا أباجوره فى البيت
خالد وهو يكتم ضحكته : اه طبعا مش انتى منوراه تبقى أباجوره قمر
جنه : بتثبتنى يعنى مش هتثبت ياخالد وهتنام النهارده مع الأولاد ها ايه تانى
خالد : يامجنونه انتى بهزر
جنه : وأنا نونوت فى دماغى ان اتكلم جد يلا بقا ورينا عرض كتافك
خالد بصدمه : أنا بطرد من أوضتى
جنه : كلمه كمان هخليك تروح تبات عند أدهم
خالد : لاء وعلى ايه انتى مجنونه وتعمليها أنا هخلينى بكرامتى عند ولادى أحسن
جنه : شطور ياحبيبى☺
خالد : بس
قاطعته جنه : مابسش يلا ياحبيبى عشان عايزه انام خلصنى
خالد : ده كله عشان واحده عملتلى لاف اومال لو جت اتقدمتلى هتعملى ايه
جنه حدفته بالمخده : اطلع بررره ياخالد
خالد بضحك : حاضر يامجنونه هبقا اعزمك على فرحى بقا وقفل الباب سريعا قبل مايشوف ردها
جنه فتحت عنيها بصدمه : اه يابن سنيه عايز تتجوز عليا ده أنا أخليها جنازه قبل الجوازه
خالد فتح الباب فتحه صغيره : ربنا يشفيكى بتكلمى نفسك
جنه : سيكا كمان وهطلب الطلاق
خالد قفل الباب وضحك جامد على طفلته وراح غرفة أولاده
خالد : احم ممكن ياولاد أنام معاكم لو مفهاش مضايقه
حور ببراءه : تب ومامى
خالد : ها مامى لاء أصل أنا قولت اجى انام معاكم شويه
عمر : تعايا دمبى يابابى
حور : لاء دمبى أنا
خالد : بااااس انتوا هتتخانقوا هنام جمبكم انتوا الاتنين وراح عندهم واخد حور وراح جمب عمر وخدهم الاتنين فى حضنوا وكان بيتوعد لجنه وذهبوا فى ثبات عميق
💫💫💫💫💫💫💫💫💫💫💫💫💫💫
فى صباح اليوم التالى
أدهم وروح وصلوا وراحوا الفندق وغيروا هدومهم وخرجوا ولفوا كتير جدا فى البلد بس تأتى الرياح بما لاتشتهى السفن وهما بيتمشوا فيه بنت قابلتهم وحضنت أدهم
البنت كانت بتتحدث ايطالى نترجم احنا علطول😂
البنت : أوووه أدهم وحشتنى
روح بصتلهم بصدمه وأدهم اتصدم وبعد عن البنت باحراج واتحدث بجديه : اهلا جاكى
جاكى باستغراب : مين دول حبيبى
أدهم كان لسه هيرد روح سبقته وردت بغيظ(وطبعا روح بتعرف ايطالى ومعاها لغات)
روح بغيظ : أنا مراته ياحبيبتى والقمر دى بنته
جاكى بدهشه : أوووه أدهم انت اجوزت امتى
أدهم كان لسه هيرد قاطعته روح برضوا 😂وهو كتم ضحكته بالعافيه
روح بهدوء عكس مابداخلها: بقاله كتير ياحبيبتى انتى مين بقا عرفينا عليكى
جاكى : أنا جاكلين صاحبة أدهم
روح بسخريه : والله
أدهم وهو بيتحدث مع نفسه بقلق : استر يارب باظت السفريه أنا قولت ان حد عايش فى حياتى محدش صدقنى
جاكى وهى ممسكه بايد أدهم : هنتقابل كتير مش كده
أدهم : ها أ أصل أنا مسافر النهارده معلش فرصه تانيه
روح بابتسامه صفراء : معلش ياحبيبتى تتعوض يلا بقا مع السلامه عشان متأخرين
جاكى وهى تقبل أدهم من جبينه : هتوحشنى بيبى بااى
أدهم بابتسامه خفيفه وهو على وشك البكاء من الاحراج : سلام جاكى
جاكلين مشيت وروح كانت ماسكه جودى النائمه وساكته خالص مبتتكلمش
أدهم بتوتر : أحم روح أنا
قاطعته روح بهدوء : يلا نروح الأوتيل عشان تعبانه
أدهم بلهفه : مالك ياحبيبتى أوديكى المستشفى
روح بجديه : لاء يلا أنا عايزه أروح ارتاح
أدهم بحب : روح والله دى بنت اعرفها من زمان جدا وكنت
روح بسخريه : مش محتاج تبرر أى حاجه يلا ومشيت قدامه
أدهم نفخ بضيق ومشى وراها وعرف ان الموضوع مش هيعدى بسهوله
💫💫💫💫💫💫💫💫💫💫💫💫💫💫
فى فيلا عاصم
مايا بدموع : طب اعمل ايه مفيش فى ايدى حل والله
الشخص بعصبيه : وحيات أمك انتى بتستعبطى خلاص يبقا انتى ال جنيتى على نفسك وعلى المحروص أبنك متزعليش من ال هيحصل بقا سلام ياقطه
مايا : ط طب هقولك ألو ألو ولكن لايوجد رد مايا بدموع يارب هعمل ايه يارب استرها يارب
أدم دخل عليها بحده : مين ال بتكلميه ده يامايا وايه ال بيحصل فهمينى دلوقتى انتى حالك ده مبقاش طبيعى أنا عايزه أفهم
مايا بصدمه ودموع : أدم أنا................
و
يتبع الفصل الثامن اضغط هنا
- الفهرس يحتوي على جميع فصول الرواية كاملة :"رواية روح الأدهم" اضغط على اسم الرواية