رواية المغامرة المجنونة الفصل الثاني 2 بقلم حنين عادل

رواية المغامرة المجنونة البارت الثاني 2 بقلم حنين عادل

رواية المغامرة المجنونة الفصل الثاني 2

السواق: احنا هنا في صحراء يا حلوة يعني ما حدش هيسمعك فتعالي من سكات بدل ما اشوهلك وشك .....

نزلت من العربيه ..

قدام شقه هنا ..

عامر بيخبط علي الباب ..

عامر: افتحي يا هنا افتحي ارجوكي طيب انا اسف ..

فضل يخبط لما مالقاش امل أنها تفتح مشي وهوا زعلان ..

...................

هنا سايقه العربيه ومشغله اغنيه ..

لما شفتها من بعيد🤣

قلت يا سلام عالجمال 🥰

قلت منها استفيد👍

نفسي بس اسال سؤال 🤔

ايه يا وحش العظمه دي 💪

وحدة وحدة كده عليا 😍

ايوه طلعت ضحكتي لما طليتي عليا 🤣🤣

هههه كانوا مفكرني هاخاف وهاترعش واني بنت مكسورة الجناح وكده دا حظهم المنيل اللي وقعهم في أيدي اهم اترنوا علقه تمام يستاهلوا ما انا بلعب ملاكمه طلعت كل مواهبي عليهم وزي ما انتم شايفين سرقت قصدي استعرت العربيه اخد بيها لفه ومش هارجعها هههههه💪

بس يا تري هاروح فين وانا فين انا هافضل ماشيه وخلاص ببركه ربنا ...

بيب بيب ....حاسب حاسب 

اضرب .....

خبطت واحد بالعربيه🙂

نزلت من العربيه ما انا لازم اشوف انا هببت ايه..

لقيته قاعد ماسك ركبته 

مسكته من ليقته : انت يلا يا بن التيت مالقيتش الا عربيتي اللي تنتحر قصادها اي المصايب السوده دي ..

عينه احمرت كده نزلت ايدي بكل هدوء واحترام انا في الوش ما عنديش معلش 🙂

قام وقف طول بعرض بارتفاع 😳

..ايه يا هندسه مش تخلي املك في ربنا كبير وكده هتموت كافر يا جدع ..

سبني ومشي من دون أي كلام ...

جريت وراه ..

..يا هندسه يا هندسه طب احنا هنا فين قولي بس. 

بدون اي رد منه...

..انت اخرس طب لو اخرس يبقي اكيد اطرش يبقي ياكش تولع يا طور ..

وقف وبصلي : انتي قلتي ايه 😡

..مين اللي قفل النور 😳 الدنيا عتمه جدا .

مشي تاني وهوا متعصب ..

..يعني هتتعب في حاجه لو قلتلي احنا فين دي أخلاق ولاد البلد يا طحش انت .

لف وشه تاني والمرة دي اكيد هاتضرب ..

مسكني من لقيتي وفجاءة كده الاقيه رافعني في الهوا لا وحش ايه الجمدان ده يا جدع 😂

هوا انتي مش هتسبيني في حالي بقا وكمان بطولي لسانك عليا اعمل فيكي ايه .

..اهدي بس يا عسل اهدي ما انت برده اللي غلطان ..

غلطان ؟؟!!!

ايوه غلطان انك تقف تتكلم مع واحدة تافهه زيي 

نزلني ومشي وسابني 🙄

روحت افتح العربيه اوبا انا قفلت علي المفتاح يا شتات الشتات يا با رشدي ...

جريت وراه تاني وفضلت ماشيه وراه بدون اي صوت 🤫

بس ده مش بيمشي ده بيجري ..

لف ليا : مش هنخلص النهاردة بقا ..

..اصل العربيه اتقفلت علي المفتاح وشنطتي وكل حاجتي وانت السبب المفروض تساعدني مش دي أخلاق ولاد البلد برده ولا ايه 🙄

هوا : انتي غبيه يا بنت انتي في بنت تمشي في الوقت المتاخر ده لوحدها ..

..الظروووف بقا ممكن تساعدني بقا ☺️

هوا: هوف يلا عشان اخلص منك 😡

 ..وحد الله 

هوا :لا اله الا الله

..صلي على النبي

هوا : اللهم صلي وسلم وبارك عليه

..امك 

هوا : نعم😡

..لا اوعي تفهمني غلط انا كنت هاقلك امك ثم امك ثم امك ..

هوا : يارب صبرني .

..ليه هوا انا ابتلاء 🙄

فتحلي العربيه في دقيقه 😳

.. أيه ده انت حرامي عربيات ولا ايه 🤔

زقني جوا العربيه وقفل عليا الباب : ماشوفش وشك تاني .

..قال ايه انا اللي نفسي اشوفك نينينيني😛

مشي وهوا متعصب انا هسميه الاستاذ طماطم اهيييييييي والنبي دمك عسل يا هنا يابنت ام هنا 😂

كملت سواقه لحد ما اخيرا لقيت لوحه عليها اسكندريه كملت الطريق لحد ما اخيرا وصلت 💪

ولا الحوجه ليك يا استاذ طماطم 🙄

نزلت من العربيه ونزلت شنطتي ودخلت فندق ابات فيه الكام ساعه اللي فاضلين والنهار يطلع 😴

وانا هلكانه وعلي اخري ..

حجزت اوضه ليومين علي اما ادور علي بيت جمب البحر بقا ....

اخدت مفتاح اوضتي وطلعت انام وانا هلكانه وتعبانه ..

............

قدام بيت هنا .

عامر : يا هنا ارجوكي افتحي  بقا 

البواب طلع ليه : انا شوفتها ماسكه شنطه كبيرة وماشيه امبارح..

عامر: ايه ..وما رجعتش 

البواب : لأ وسابه ونزل .

عامر سند بضهره علي الباب وقعد : انا اللي غبي انا اللي عصبيتي ضيعتها من ايدي هنااااااااا ارجعي انا مقدرش اعيش من غيرك 😭

..........

صحيت من النوم تقريبا العصر ..

نمت كتير ...اخدت شاور ونزلت عشان منها اتفسح ومنها ادور علي بيت كان حلم حياتي من زمان اني اروح اسكندريه 🥰

دخلت مطعم اتغديت الأول علي البحر وحاجه اخر جمال وحلاوة وبعدين مشيت اسال عن بيت وكده لحد ما اخيرا وبعد عذاب دلوني علي بيت للايجار جمب البحر علطول عز الطلب ..

روحت البيت وسألت البواب صاحبه مين وكده وهوا فين 

البواب: استاذ جاسر فوق ..

..طب ممكن تكلموا ينزل لي.  

البواب:الوووو استاذ جاسر في مستأجر عايز يشوف حضرتك ..

جاسر: طب ما يطلع .

البواب: أصلها بنت ..

جاسر: تمام تمام نازل اهو ..

كنت واقفه بتفرج علي البحر وجماله علي ما صاحب البيت ينزل ..

جاسر: اهلا بحضرتك كنتي عايزة تأجري الشقه ..

بلف وشي : 😳

جاسر: انتي 

..استاذ طماطم دي احلوت اوي ...

• تابع الفصل التالي عبر الرابط: "رواية المغامرة المجنونة" اضغط على أسم الرواية