رواية حكاية ورد الفصل الثاني بقلم كوكي سامح
رواية حكاية ورد الفصل الثاني
ولسه بتكلم وبقولوا ورد مين يا عم
شدنى وكتم نفسى وقال ورد روح قلبى
وفجأه لقيته......
قرب منى وخدنى فى حضنه
وانا مش عارفه اعمل ايه
كنت خايفه منه اوى
وسيم.. بحبك يا ورد
روح.. اوف بقى انا مش ورد
والله العظيم مش ورد
= ولقيته سابنى وراح يتأكد ان الباب
مقفول كويس
ورجع قرب ليه تانى
وكل نظراته شهوانيه كانت عينه على جسمى
وبس
انا كنت مرعوبه مين الراجل ده وعاوز منى
ايه ويا ترى مين ورد دى
اللى من الواضح انها واحده خاينه
دى بتخون جوزها المريض مع
جوز امه اللى المفروض
انه فى مقاام حماها
وقرب منى وابتدى يحسس على
كل جسمى
وانا بحاول ابعد عنه
ومش عارفه
ولقيته بيقولى انا بصالحك
انا اسف على اللى حصل
امبارح بس والله مقدرتش
اجيلك بالليل الاوضه
الجو كان ملغم
حماتك كاتمه على نفسى ليل ونهار
ايه الست دى
بجد فظيعه مبتشبعش
كل دماغها فى الجنس وبس
وانا هعمل ايه
لازم اعمل اللى تطلبه
علشان لما تيجى ساعه الصفر
اخدك وامشى من هنا يا حبيبتى
روح.. انت ازاى كده
وسيم.. فى ايه يا ورد مالك
روح زقت ايده وقالت : قولتلك انا مش ورد
ولازم امشى من هنا
وسيم.. تمشى تروحى فين
هو انتى ليكى مكان
روح.. ايوه انا عندى بيت فى السيده
وليه كمان اختى الوحيده منار
انا سيباها فى البيت لوحدها
وتلاقيها مستنيه انى ارجع
انا فعلا اتأخرت عليها
وسيم.. شكلك كده الدور رجعلك تانى
بس انا بقى هفوقك يا روح قلبى
= ولقيته سابنى وراح فتح الباب وخرج
بصراحه استغربت وقولت لنفسى
هو رايح فين
وانا قولت فرصه انى اخرج من الڤيلا
وهو مش موجود
بس لفت نظرى ان المرسم فيه سرير
ومفروش كمان
وكان مليان تحف غريبه
وصور لبنات شكلها غريب
كلهم بنات عريانه
وعاملين ميك اب اسود
فعلا شكلهم شاذ
بس كان فى صوره مختلفه
بجد لفتت نظرى
قربت منها وشوفتها كويس
كانت بنت شكلها فقير
ووشها شاحب بس جميله وحزينه
وفى ايدها ورقه
فضلت ابص للصوره اوى
البنت اللى فى الصوره
شكلها ملفت غريب بس ياخدك لعالم تانى
وانا متنحه للصوره
لقيت وسيم رجع
وفتح الباب ودخل وكان فى ايده
علبه ولما شافنى ببص للصوره
جرى عليه وقالى بلاش
يا ورد
وكان متعصب اوى وهو بيقول
انا مش قولتلك كذا مره
بلاش تبصى للصوره دى
لقيت نفسى برد عليه
** مين البنت اللى فى الصوره
دى؟
.. حبيبتى انا قولتلك قبل كده
انا معرفش هى مين
وكل إللى اعرفه انى لما سألت ياسر
قالى ملكش دعوه
فعلا بنى آدم اسلوبه وحش زى شكله
** طيب ومسألتش مراتك ليه
.. ما انتى عارفه الهانم
من قبل ما اتجوزها كان شرطها انى اعيش
معاها كده وخلاص
مليش دعوه بأى حاجه هنا
انا عايش هنا لمتعتها وبس
ما انتى عارفه يا ورد
انا عايش هنا ازاى
انتى اللى مصبرانى على العيشه هنا
بحبك يا ورد
= وفتح العلبه وطلع منها قميص نوم
لونه احمر وشكله غااالى جدا
ومسكه وقرب منى وحطه على جسمى
وقال : ايه رأيك يا حبيبتى
انا عارف انك بتحبى اللون الأحمر
وانا كمان بحبه عليكى
حاولت ابعد عنه
بس مش عارفه
لقيته قرب منى وبيحاول يقلعنى
ومد ايده على جسمى
وانا حسيت ان كل جسم
تلج وكنت خايفه منه
وايده بتلمس كل جسمى
وانا حاسه باحساس غريب
اول مره احسه
انا بنت غلبانه مليش حد فى الدنيا
ورغم انى جميله لكن فقيره
وعمرى ما حسيت بحضن راجل
وكان حضن وسيم اول حضن ليه
بس مكانش ينفع لأنى انا مش ورد
وفجأه لقيته بعد عنى
وشكله اتغير
وطفى النور
وقال : فى صوت بره فى الجنينه
اكيد حمزه الجنينى
الله يخربيته
ده مبينمش
روح.. عم حمزه
وسيم.. الليله ضاعت
يا ورد
والمرسم كله مضلم
قرب منى وانا مش شيفاه
ولف ايده حوالين جسمى
وخدنى فى حضنه
وقرب شفايفه من شفايفى وقال :
بس انا هعوضك يا حبيبتى
بكره هستناكى فى شقتنا
فى الزمالك
بس عاوز من ايدك الحلوه دى
أكله سمك إنما ايه
انا عارف انك بتعملى سمك حلو اوى
وياريت شوربه سى فود
روح.. يا مصيبتى هو فى حد بره
يا فضيحتى
وسيم كتم صوتها وقال بشويش
يا مجنونه حمزه الجنينى يسمعك
وكمل كلامه وقال :
الفون بيرن شكل حماتك صحيت
وبدور عليه كمان
يادى القرف
انا زهقت منها ومن كل حاجه
عموما حمزه شكله راح ينام
انا مش سامع صوته
يلا اطلعى وانا هطلع وراكى
وبكره فى شقتنا على اتفقنا
وفتح باب المرسم
وانا طلعت وانا بكلم نفسى وبقول
كان زمانى هربت من بيت المجانين
ده
انا حاسه انى هتجنن
وطلعت على اوضه ياسر
ولما فتحت الباب كان نايم
ومش حاسس بحاجه
خرجت البلكونه وقعدت على الكرسى
والتفكير شغل بالى
وبقيت اسأل نفسى
انا مش ورد
بس معقوله اكون شبهها لدرجه
حماتها وكل الموجودين
بيأكدوا ان انا هى
ورد
وبعدين ايه حكايه ورد
دى شكلها ست خاينه
وراحت فين يا ترى
شكل الموضوع كبير وفى الغاز
كتير انا مش
فاهماها
بس انا مالى
وايه اللى يخصنى
انا لازم أمشى من هنا
واريح نفسى من القرف ده كله
وفى صوت جوه روح بيكلمها
.. يعنى ايه مالك
دى ڤيلا طويله عريضه
وياسر من الواضح انه وحيد امه
وهو الوريث الوحيد ليها
وانتى مراته
وست البيت
وجاتلك الفرصه انك تعيشى كويس
على طبق من دهب يا خايبه
وبعدين ورد شكلها مش موجوده
خودى مكانها
وعيشى واتمتعى
لقيت نفسى برد على الصوت وبقول
ازاى انا اخد مكان واخده خاينه
انا لو اخدت مكانها
لازم اعمل زى ما كانت بتعمل
اولها ان اعمل علاقه مع وسيم
الصوت رد عليه وقال
وايه يعنى ما تعملى المهم الفلوس
رديت عليه وقولت من جوايا
ازاى اخسر شرفى
واعيش مكان ست خاينه
الصوت رد عليه وقال
يا عبيطه الفلوس والعز حلو
انتى متمرمطه وشغاله خدامه
عند ست انتى برقبتها
تضرب فيكى وتهينك
وترميلك نص المرتب اخر الشهر
عيشى مكان ورد
رديت وقولت
ولو ورد ظهرت انا وقتها هعمل ايه
رد عليه الصوت وقال
مين قالك انها هتظهر
مش يمكن طفشت منهم
ومش راجعه تانى
رديت وقولت انت بتقول طفشت
يعنى ممكن ترجع
رد وقالى
عيشى مكان ورد واكثبى ثواب وربى
فريده بنتها
ده ثواب
رديت وقولت اه اه ثواب
وفجأه افتكرت صوره البنت
ياسر قال بصوت عالى :
يا ورد يا ورد
روح.. ده صحى من النوم
وقامت من مكانها وقالت :
نعم يا حبيبى
ياسر.. انا تعبان يا ورد
وكل شويه احلم بيه
روح.. مين ده؟
ياسر.. حسام
كل لما افتكر ان ايدى اتلطخت بدم
ابن عمى
بحس انى مش انا
روح.. ايدك اتلطخت بدم ابنك عمك
يا نهار اسود
ياسر.. ايوه مش انتى قولتى
انه مش سايبك فى حالك وبيعاكسك
واتهجم عليكى فى خطوبتنا
وبسببه فقدتى شرفك
فاكره يا ورد
فلاش بااااااااااااك
= ورد قاعده على السرير بفستان الفرح
ياسر دخل عليها وقال
اخيرا يا عمرى حلمنا اتحقق وبقيتى مراتى
وحلالى
ورد.. ايوه بسسس
ياسر.. مفيش بسسس فى حب وعشق
وغرام
تعالى فى حضنى بقى
ورد.. استنى اقوم اغير الفستان
ياسر.. تغيرى الفستان
يا نور عينى انا مستنى اللحظه دى بالذات
اليوم اللى هقلعك بإيدى فستانك الأبيض
ورد.. هههههه بحبك
بسس عاوزه اقولك حاجه مهمه اوى
ياسر.. بعدين بعدين
الباب خبط
ياسر.. اكيد العشا وصل
وقام ياسر فتح الباب
وكان مامته ومعاها وسيم
الام.. مبروك يا عرسان
وسيم عينه جوه الاوضه
ورد شيفاه وهو بيبص عليها
ياسر.. ماما فين العشا علشان انا ورد بقى
هنبقى جعانين وكده
الام.. حاضر يا نور عينى
وطلعت الشغاله ومعاها العشا
وقدمته ل ياسر
ونزلت
الام.. يلا تصبحوا على خير
ورد.. وانتى من اهله
ياسر.. وانتى من اهله يا ماما
ايه وسيم مفيش مبروك
وسيم.. مبروك والف مبروك كمان
مبروك يا ورد
ياسر قفل الباب وقرب من ورد
ونام فى حضنها
وقام وقال : ايه ده يا ورد
ورد قالت وهى بتعيط ومنهاره
ما انا كنت عاوزة اقولك انى مش بنت
بس والله العظيم
غصب عنى فاكر لما انت سافرت
وكنت بروح الشقه قبل ما نقرر اننا هنعيش فى الڤيلا هنا
كنت بروح اتابع مهندس الديكور
ابن عمك حسام
وفى يوم اتهجم عليه واغتصبنى
وانا حاولت اقاومه بس مقدرتش عليه
انا بنت ضعيفه
ورفع عليه المسدس
وكتبنى شيك على بياض ب 5 مليون
جنيه وغير صورنى فيديو وانا نايمه معاااه
علشان يذلنى بيهم 😭😭
وطلب منى اكمل الجوازه
يأما ينزل الڤيديو ع اليوتيوب ويفضحنى
بس انا حاولت اسيبك
بس خوفت منه
ومن الفضايح
وحاولت اعمل عمليه
بس مقدرتش اغشك
ياسر.. ابن الكلب طول عمره عينه زايغه
وبيحب الحريم
بس مش لدرجه انه يعمل فيكى كده
انا هموته...
عوووده
ياسر.. وبعدها قتلته بإيدى
ومن يومها وانا مش مرتاح
كل يوم احلم بيه لحد ما اعصابى تعبت
روح قالت فى سرها : يا مصيبتى
ده طلع قتال قتله
ومين ابن عمه
ياسر قال انا هنام
وفعلا راح فى النوم تانى
روح.. انا لازم انزل المرسم
فى أسرار كتير لازم اعرفها
وقالت : يطلع النهار ويحلها اللى ما يغفل ولا ينام
ونامت على الكرسى لحد الصبح
ولما قامت من النوم
نزلت المرسم وهى بتتسحب
حمزه الجنينى.. صباح الخير يا ست ورد
روح.. صباح النور يا عم حمزه
بقولك ايه
انا عاوزه ورده بلدى من ايدك الحلوه
رد وقال : طول عمرك بتحبى الورد البلدى
ثوانى وهتكون عندى
روح.. انا فعلا بحبه بس انا مش ورد
وقالت : يا راجل يا طيب انت تدخل
زى الشاطر تطلب من الشغاله تحضر الفطار
وتصحى وسيم وماما علشان نفطر مع بعض
حمزة الجنينى.. ياااه الحمد لله رجعلك عقلك يا
بنتى
روح.. ههههههه يلا بسرعه
وبردوا مستنيه الورده البلدى
وفعلا حمزه الجنينى سابها وراح الڤيلا يعمل
زى ما طلبت منه
روح دخلت المرسم وقفلت الباب عليها
وقربت من صوره البنت
وبصت لها اوووى اووووى
وكانت بتشدها اكتر
وكل لما تبص نظرها يتشد ليها
وق
الت يا ترى انتى مين وحكايتك ايه
وبردوا بتبص اوى للصوره
وفجأه الباب المرسم اتفتح
ودخلت منه بنت صغيره
روح.. مين
البنت داخله وماسكه فى ايدها ورقه
وقالت.. انتى مالك ومال صوره ماما
روح.. ماما مين يا حبيبتى
البنت شاورت على الصوره وقالت
دى ماما ورد
روح.. هى دى ورد؟؟
البنت.. بقولك دى ماما ورد
مش مصدقه طيب شايفه الورقه اللى فى ايدها
دى
روح قربت من البنت وقالت
ايوه انا شايفه
هو انتى تعرفى فيها ايه
البنت.. ايوه اعرف
روح.. فى ايه يا حبيبتى
البنت شاورت على الصوره وقالت
ورا البرواز هتلاقى الورقه
ماما ورد كانت قايله ليه ع مكانها
روح.. ورا البرواز
البنت.. ايوه
روح قربت ايدها من البرواز
ومسكته وفعلا لقت ورقه
خدتها بسرعه
ومسكتها وفتحت الورقه
وفجأه البنت جريت
روح.. يا بت انتى يا بت
هى راحت فين دى
وفتحت الورقه وابتدى تقراها
وأول لما قرأتها
قالت.. لا لا لا لا مش معقول
اللى مكتوب ده
معقول ورد تبقى.....
يتبع الفصل الثالث اضغط هنا
- الفهرس يحتوي على جميع فصول الرواية كاملة :"رواية حكاية ورد" اضغط على اسم الرواية