رواية ماذا يسمى هذا العشق الفصل الثاني بقلم رحمة كريم
رواية ماذا يسمى هذا العشق الفصل الثاني
عشق :انت بتعمل ايه هنا في اوضتي
هاني :هكون بعمل ايه يعني قاعد فيها حاجه
عشق :مين سمح ليك انك تدخل اوضتي ولا تلمس حاجتي
هاني :انا سمحت لنفسي عندك مانع
عشق بصوت عالي :اطلع بره
هند جت على صوت عشق
هند :ايه يا بت صوتك عالي ليه
عشق :مين سمحله انه يدخل اوضتي ويفتح حاجتي الشخصيه
هند :وفيها ايه يعني يابت ماهو اخويا هو حر
عشق :عشان اخوكي يدخل اوضتي، اطلع بره
هند :انتي بتردي اخويا، لعلمك بقى اخويا هيبات هنا انهارده وفي اوضتك
عشق :طب وانا
هاني :عادي يعني نامي هنا معايا يا يعني
عشق :انت انسان مش محترم
فجاءه لقت قلم نازل علي وشها من هند
هند :عشان تبقى تكلمي اخويا بأدب، تعالى معايا يا حبيبي احضرلك الغذاء
عشق قعدت على الأرض وضم رجلها على صدرها وبتعيط ومسكت صوره امها
عشق وهي بتعيط :كده يا ماما تسبيني لوحدي انتي من يوم ماتوفيتي وانا مش عارفه اعيش ولا استحمل ما فيش حد معوضني عن فارقك وحشني حضنك ااوي انتي شايفه إلى بيحصلي ارجعيلي انا تعبانه حتى بابا إلى مفروض يعوضني شويه مش بيحبني مش عارفه اعمل ايه انا لسه فاكره يوم موتك عمري مهنساه
Flach pack
عشق كانت لسه راجعه من المدرسه وراحت البيت مش لقيه امها
عشق :فين ماما يابابا
عبدالله :امك في المستشفى
عشق بصدمه :ليه ماما مالها
عبد الله :كنا بنتخانق واغمي عليها
عشق :طب وديني لماما المستشفى
عبد الله :هو انا فضيلك
عشق خرجت من البيت
مش عارفه تروح المستشفى ازاي
خبطت على جارتها كانت صاحبه امها
عشق :عمو هي طنط كندا موجوده
جارها :لا يا بنتي دي راحت مع مامتك المستشفى
عشق :طب ونبي وديني المستشفى
جارهم خد عشق ووداها المستشفى
عشق :طنط كندا هي ماما كويسه
كندا :لسه الدكتور مطلعش
عشق قعدت في الأرض بتعيط خايفه تخسر امها
كندا :قوني يا عشق الدكتور خرج اهو
عشق :دكتور هي ماما كويسه صح
الدكتور :للأسف البقاء
عشق بصدمه:لالا انت بتكدب صح قول كده ونبي ازاي لاا
الدكتور :لاسف ماتت نتيجه صدمه جامده قلبها مقدرش يستحملها
عشق وقعدت على الأرض تصوت وتعيط كندا خدتها في حضنها فضلت حضنتها بس عشق مستحملتش واغمي عليها
Back
عشق :مش هنسي اليوم ده عمري ياريتك كنتي خدتيني معاكي
عشق فضلت تعيط كتير اااوي (الفراق وحش ااوي لما تكون بتحب حد ويفراقك هتعمل اكتر من كده)
***********************************
ويونس وصل الفيلا بعد غياب ١٠سنه
عزيز :وحشتني يا يونس ١٠سنه مشوفكش
يونس :معلشي يا عمي والله انا مكنتش عايز ارجع تاني
عزيز :حاول تنسي بقى، تعالى بقى سلم على مرات عمك هي مواحشتكش ولا ايه
هاله أخذت يونس باحضن :وحشتني ااوي يا بني
يونس :والله و انتي اكتر يا مرات عمي
هاله :مش تسلم على رضوى
يونس :ازيك يا رضوى
رضوى :الحمد لله
عزيز:احنا هنتكلم كتير يلا بقى عشان يونس ياكل
هاله :يلا اتفضل
************************
رحمه روحت بيتها مالقتش غير جوز امها في البيت (شريف)
رحمه :ازيك يا جوز امي، اومال فين ماما
شريف :نزلت تشتري شويه حاجات وجايه
رحمه بقلق :ماشي هدخل استريح في اوضتي شويه لحد ماهي تيجي
شريف مسك ايدها :طب ما تيجي اقعدي معايا شويه
رحمه سحبت ايديها :شكرا انا لسه راجعه من الجامعه محتاج أرتاح شويه
شريف :طب تحبي اساعدك
رحمه :لا شكرا مش محتاجه مساعده
رحمه دخلت غرفتها وقفلت الباب بالمفتاح وعلقت هدوم على الباب عشان بيرقبها
رحمه :انا هفضل كده كتير استحمل وساخته لحد امتى
يارب ريحني منه بقى تعبت
**********************
زياد وصل عند بيت خاله
دق دق علي دق
زياد :ازيك يا خالو عامل ايه
بسيوني :ازيك يا زياد وحشتني اااوي يابني
زياد :وانت اكتر والله يا خالو، اومال فين طنط حكمت
حكمت :ازيك يا بني عامل ايه
زياد :كويس الحمد لله يا مرات خالي، انا قررت خلاص مش هسافر تاني وهقعد في مصر على طول
بسيوني :كويس يابني احسن من بلاد باره ١٠سنه مشَفتكش كان لزومو ايه السفر
زياد :انت عارف انا بحب يونس قد ايه ده اخويا وبعدين هقعد لمين بعد ابويا وامي ماتوا
بسيوني :يابني احنا هنا اهلك متقولش كده تاني
زياد :حاضر يا خالي هستأذن امشي انا بقى
بسيوني :تمشي تروح فين يا بني انت هتقعد معانا انهارده
زياد :إلى تشوفه يا خالي، اومال فين لمياء
بسيوني :زمانها جايه من الجامعه
زياد :وهي بتدرس ايه
بسيوني :تجاره هتتخرج السنه دي
زياد :خلاص بقى هبقي أخدها معانا الشركه
بسيوني :بجد يا بني كتر خيرك
زياد :على ايه بس يا خالي
***********************
نيروز بعد مارجعت من الجامعه
نيروز :ماما ياست الكل انا جيت
ام نيروز :اهلا ياقمر بتاعي جيتي اخيرا اتاخرتي ليه
نيروز :معلشي والله كان عندي انهارده محاضرات كتيره
ام نيروز :ربنا يوفقك يارب
نيروز :يارب يا ماما، عامله غداء ايه انهارده
ام نيروز :معلشي والله يا بنتي معملتش أكل، تعبانه شويه
نيروز :ولا يهمك ياست الكل، انا هعمل الغذاء انهارده
ام نيروز :ربنا يخليكي يارب
نيروز :هقوم اغير هدومي واعمل الاكل
نيروز بدأت في تحضير الاكل
نيروز وهي ماسكه صنيه الأكل :ماما الاكل جهز
نيروز بصدمه :ماماااااا
يتبع الفصل الثالث اضغط هنا
- الفهرس يحتوي على جميع فصول الرواية كاملة :"رواية ماذا يسمى هذا العشق" اضغط على اسم الرواية