رواية قلب لا يقبل الهزيمة الفصل الثلاثون بقلم دودو محمد
رواية قلب لا يقبل الهزيمة الفصل الثلاثون
اشرقت شمس صباح يوم جديد بنورها الساطع فى سماء الاسكندريه ليبدء سليم بفتح عينه على صوت أبيه نظر له بأستغراب وقال
سليم :- بابا فيه ايه ونهض جلس على السرير
اشرف :- قوم جهز نفسك
سليم :- اجهز نفسى ليه
اشرف :- جدك تعبان اوى وعايزنا كلنا هناك
سليم :- نهض وقال أنا مش رايح هناك عايز تروح روح انت وجاسر
اشرف :- جدك مأكد عليا انك تكون موجود معانا
سليم :- يوووووه بقى تانى يا بابا انا مش رايح الصعيد تانى
اشرف :- بعصبيه وانا قولتلك كلمه واحده هتيجى معانا يعنى هتيجى قوم جهز نفسك وخلى الهانم مراتك تجهز وتركه وخرج من الغرفه
سليم :- زفر بضيق ودلف إلى المرحاض وبعد عدة دقائق انتهى وخرج ارتدى ملابسه وقام بتأدية فرضه وخرج من الغرفه ذهب إلى غرفة رانيا وفتح الباب بالمفتاح ونظر لها بقرف وهى نائمه وذهب لها ووقف أمام السرير وقال انتى يا زفته قومى يلا
رانيا :- فتحت عينها وقالت سليم فيه ايه
سليم :- قومى جهزى نفسك علشان رايحين الصعيد
رانيا :- بأستغراب رايحين الصعيد نعمل ايه
سليم :- بقرف انتى متسأليش انتى تنفذى اللى بقولك عليه وبس فاهمه وتركها وذهب
رانيا :- زفرت بضيق ونهضت بتعب شديد من على السرير واتجهت إلى المرحاض
وبعد وقت الجميع جهز وصعدوا السيارات واتجهوا إلى الصعيد
&&&&&&&&&&&&&&&&&&&&&&&
بالقاهره......فيلا هشام
غرفة رحيم
استيقظت اسماء من نومها ونظرت بجوارها على رحيم بحب وابتسمت وحركت أصابعها على خده برقه واقتربت من شفتيه وقبلته برقه وتنهدت وظلت تنظر له واتفاجئت برحيم يقربها اكثر له واقترب من شفتيها والتهمهما نظرت له بصدمه ودفعته برقه ابتعد عنها رحيم وقال بأبتسامه
رحيم :- صباح السعاده والهنا على عيونك يا قلبى
اسماء :- بخجل ص.ص.صباح النور
رحيم :- صباحيه مباركه يا عمرى ويارب تفضلى منوره حياتى
اسماء :- وميحرمنيش منك يارب
رحيم :- انا مش قادر اصدق نفسى أنك فعلا نايمه فى حضنى حاسس نفسى بحلم اوعدك يا قلبى هخلى حياتك كلها سعاده وحب وهنا وعمرى ما هجرحك وهخلى البسمه مرسومه دايمآ على شفايفك
اسماء :- وضعت رأسها فوق صدره وأغلقت عينها والدموع انهمرت منها
رحيم :- نظر لها بأستغراب ورفع رأسها له وقال اسماء مالك
اسماء :- انا اسفه يا رحيم ان مقدرتش احس بحبك ده من زمان اسفه أن كنت سبب فى وجعك وكسرت قلبك اسفه علشان انا غبيه وحبى اديته لشخص الغلط
رحيم :- شششش يا اسماء انا قولتلك انسى اللى فات انا مش زعلان منك المهم انك بقيتى معايا دلوقتى وفى حضنى وهنعيش اسعد أيام عمرنا مع بعض أن شاءالله بس هزعل منك بجد لو شوفت دموعك دى تانى ومسح دموعها من على خدها بأصابعه بحنان وقبل وجينتها وقال بحبك يا اسماء انتى حب عمرى الاول والاخير وهفضل احبك لاخر نفس فيا
اسماء :- بدموع وانا والله العظيم بحبك اوى
رحيم :- خلاص بقى يا سمسمه بلاش دموع وقبل وجينتها وفى ذلك الوقت سمعوا صوت طرق على الباب نظر إلى اسماء بأستغراب وقال مين اللى هيخبط علينا
اسماء :- مش عارفه
رحيم :- نهض وارتدى ملابسه وألقى ملابس اسماء بجوارها وقال خدى البسى هدومك
اسماء :- ارتدت ملابسها وجلست على السرير
رحيم :- ذهب إلى باب الغرفه وفتحه وقال ماما تعالى يا حبيبتى
صباح :- صباح النور يا حبيبى معلش أن خبط عليكم بس جدك تعبان جدآ وعايزنا كلنا نروح الصعيد عنده
اسماء :- بقلق ركضت عند الباب وقالت جدى ماله يا مرات عمى
صباح :- أهدى يا حبيبتى جدك تعبان شويه وعايز الكل عنده يلا يا حبايبى اجهزوا علشان نلحق نروح هناك
رحيم :- حاضر يا ماما ودلفوا إلى الداخل واغلق رحيم الباب
اسماء :-انا خايفه على جدى اوى يا رحيم
رحيم :- أهدى يا حبيبتى أن شاءالله جدى هيكون كويس يلا ادخلى خدى شاور بسرعه علشان منتأخرش
اسماء :- ح.ح.حاضر ودلفت المرحاض وجلس رحيم على السرير ينتظرها
&&&&&&&&&&&&&&&&&&&&&&
فى غرفة احمد
استيقظت نسرين ونظرت بجوارها لم تجد احمد نهضت وجلست على السرير وسمعت صوت مياه تأتى من المرحاض علمت أن احمد بالداخل نهضت من على السرير ورتبت الفراش وبعد عدة دقائق خرج احمد من المرحاض وقال
احمد :- صباح الورد يا قلبى
نسرين :- بحب صباح الخير يا حبيبى
احمد :- البطل بتاعى اللى كان مولعها امبارح يا ناس
نسرين :- احم ا.ا.احمد بقولك ايه اتلم
احمد :- اقترب منها وقال مكسوفه من ايه بس ده انتى كنتى امبارح نار بجد بطل ورقصك تحفه
نسرين :- يوووه بقى يا ابنى اتلم هو انت مبتعرفش تقعد ساكت شويه من غير لسانك اللى عايز قطعه ده
احمد :- قهقه وقال يا وتك انت يا جامد وغمز لها وقال ما تيجى نراجع شويه اللى حصل امبارح
نسرين :- ابتعدت عنه وقالت اوعى وربنا اصرخ وألم عليك الفيلا كلها حكمت عليا ارقص ليك امبارح وانا حامل ونفذت طلبك لكن تقولى نعيد تانى لااااااا والف لااااااا
احمد :- قهقه وقال يا بنت المجنونه بهزر وربنا
نسرين :- اااااايه مبتتعبش انا حامل يا راجل
احمد :- خلاص وربنا بهزر هدى اعضائك يا جدع مش كده وبعدين ده فيه ستات مش لاقيه بوسى ايديك وش وضهر على النعمه اللى فى ايديكى وبلاش قر احسن الحاجات دى بتتحسد
نسرين :- لاء شكرآ مش عايزه
احمد :- يعنى انحرف بره عادى ده انا نفسى اجرب الانحراف ده من زمان اوى
نسرين :- نعععععععم يا روح امك يعنى برقص ليك وانا حامل وتقول تنحرف طيب فكر تعمل كده يا حبيبى وشوف هيحصلك ايه وخاف على مستقبلك يا روحى
احمد :- احم هدى نفسك يا برعى مش كده ده انا بهزر معاك يا عسل انت يا جامد
نسرين :- ايوه كده شاطر خاف على نفسك بقى وقبلت خده وتركته ودلفت إلى المرحاض
احمد :- قهقه وقال يا بنت المجنونه بس عسل وبموت فيكى
نسرين :- فتحت الباب وقالت بحب وانا بعشقك وأغلقت الباب مره اخرى
احمد :- ابتسم على طريقتها وفى ذلك الوقت سمع صوت طرق على باب الغرفه اتجه إليه وفتح الباب وقال ماما صباح الخير يا حبيبتى تعالى
صباح :- صباح النور يا حبيبى جهز نفسك علشان جدك تعبان شويه وعايزنا كلنا نروح الصعيد
احمد :- تعبان عنده ايه
صباح :- مش عارفه والله يلا يا حبيبى انا بلغت اخوك وبيجهز هو ومراته
احمد :- حاضر يا ماما ودخل واغلق الباب خلفه وبدل ملابسه وانتظر خروج نسرين من المرحاض
&&&&&&&&&&&&&&&&&&&&&&&
بالاسكندريه......شقة منصور
دلف منصور داخل الغرفه وجلس على السرير بجوار رحاب وهى نائمه وقال
منصور :- رحاب يا حبيبتى اصحى يلا
رحاب :- اممم ايوه يا منصور
منصور :- قومى يلا علشان رايحين الصعيد
رحاب :- فتحت عيناها بصدمه ونظرت له قائله رايحين فين
منصور :- رايحين الصعيد ابويا تعبان وعايزنا نروح عنده
رحاب :- ومن أمته ابوك بيطلب منك تخدنا انا والاولاد الصعيد
منصور :- مش عارف بقى يا حبيبتى هو بلغنى كده أنه عايزنى ضرورى وانتى والأولاد معايا
رحاب :- ومراتك التانيه هتكون موجوده عادى
منصور :- اكيد يا رحاب وبعدين انتى مالك بيها خليكى فى حالك هناك
رحاب :- تنهدت وقالت ماشى
منصور :- قومى يلا ومتتأخريش وانا بلغت العيال وبيجهزوا
رحاب :- حاضر ونهضت من على السرير ودلفت إلى المرحاض
منصور :- تنهد وقال يا ترى يا أبا بترسم على ايه وايه سبب تجمعك لينا ده وانتظر خروج رحاب من المرحاض
&&&&&&&&&&&&&&&&&&&&&&
الصعيد.....دوار سويلم
استيقظت رضوى من نومها ونهضت من على سريرها واتجهت إلى المرحاض وبعد وقت خرجت مره اخرى وبدلت ملابسها وادت فرضها وخرجت من غرفتها ونزلت إلى الاسفل ووجدت حركه غريبه فى الدوار نظرت لهم وقالت
رضوى :- صباح الخير
الجميع :- صباح النور
رضوى :- هو فيه ايه وفين جدى
خديجه :- مفيش يا بنتى فيه ايه
رضوى :- مش عارفه حاسه بحركه غريبه فى الدوار
منال :- يمكن علشان جدك تعبان شويه
رضوى :- بخضه جدى تعبان ماله يا ماما
منال :-اهدى يا حبيبتى دول شوية تعب صغيرين
مى :- واهم ما فى الموضوع ان العيله كلها هتتجمع النهارده وهشوف جاسر حبيبى
رضوى :- بأستغراب العيله تتجمع تقصدى ايه
منال :- نظرت لمى بغيظ وقالت مفيش يا حبيبتى جدك طلب يشوف اعمامكم وابوكى
رضوى :- نهضت وقالت وطبعآ هيجى ولادهم معاهم صح
خديجه :- اكيد يا بنتى
رضوى :-اممممم ماشى واتجهت إلى غرفة جدها
منال :- انتى لازم تنسحبى من لسانك ده وتتكلمى
مى :- وانا ايه عرفنى أنها متعرفش أن كلهم جايين
خديجه :- جدك مكانش عايزها تعرف دلوقتى أن سليم جاى
مى :- معرفش بقى هى جات معايا كده اصل مش مصدقه نفسى أن هشوف جاسر النهارده أصله واحشنى اوى
منال :- ربنا يسعدك يا بنتى
طرقت رضوى على باب غرفة جدها وفتحت الباب ودلفت إلى الداخل وقالت
رضوى :- ممكن افهم ايه اللى بيحصل
سويلم :- تقصدى ايه
رضوى :- اصل انا مش مقتنعه بموضوع تعبك المفاجئ ده واللى جمع العيله كلها
سويلم :- اومال انتى شايفه ايه
رضوى :- شايفه أن فيه حاجه بتحصل من ورايا ومش مرتاحه ليها
سويلم :- تعالى قعدينى على الكرسى
رضوى :- تنهدت واتجهت له ووضعته على المقعد الخاص به ووقفت أمامه وقالت ها فهمنى بقى يا جدى ايه اللى بيحصل من ورايا
سويلم :- نظر لها وقال ابن العمده متقدم ليكى
رضوى :- مين ده عثمان
سويلم :- ايوه
رضوى :- والله ومن أمته يا جدى بتوافق على عرسان من بره العيله
سويلم :- طيب واعمل ايه مبقاش فيه شباب فى العيله ومش هقدر اشوفك كده وعلشان كده جمعت اعمامك وابوكى وولاد عمك علشان نتناقش فى الموضوع ده
رضوى :- ابتسمت بتهكم وقالت وانا بقى صحبت الشأن اخر من يعلم صح تانى يا جدى
سويلم :- انا لسه هشوف رأى ابوكى واعمامك وولاد اعمامك ايه الاول
رضوى :- حتى لو هما موافقين انا رافضه يا جدى وجواز مش هتجوز تانى حتى لو ابن الرئيس نفسه ماشى وتركته وخرجت تركض من الغرفه
سويلم :- خرج من الغرفه ونظر لمنال بخيبة أمل
منال :- تنهدت بحزن ونظرت إلى خديجه ومى
&&&&&&&&&&&&&&&&&&&&&&&
جاء الليل والجميع وصل الدوار وتجمعوا على طاولة العشاء نظر لهم سويلم وقال
سويلم :- منورين يا ولاد
الجميع :- اجابوا عليه بسعاده شديده
اسماء :- اومال رضوى فين
منال :- فى اوضتها مرضتش تنزل
اشرف :- نهض وقال أنا هطلع اجيبها وصعد إلى الأعلى وطرق على باب غرفتها وفتح الباب ودخل وقال كده يا بنتى اجى ومتنزليش تسلمى عليا
رضوى :- نهضت من على السرير واتجهت إلى عمها وحضنته وقالت اسفه يا عمى واحشتنى والله
اشرف :- ربت على ظهرها بحنان وقال وانتى والله واحشتينى اوى يا حبيبتى لو بتحبى عمك بجد تعالى انزلى معايا تحت
رضوى :- يا عمى
اشرف :- علشان خاطرى
رضوى :- تنهدت بحزن وقالت حاضر يا عمى ووضعت الحجاب فوق شعرها ونزلت معه إلى الأسفل وسلمت على البنات والجميع معاده سليم ورانيا ورحاب ومنصور واخواتها تجاهلت وجودهم
اشرف :- تعالى يا حبيبتى اقعدى جمبى
رضوى :-جلست بجوار عمها اشرف ونظرت إلى سليم بأشمئزاز
اشرف :- خدى يلا يا حبيبتى كلى
رضوى :- شكرآ يا عمى وبدأت تأكل
سليم :- اخذ قطعة فطير ووضعها أمام رانيا وقال خدى يا حبيبتى كلى انتى حامل ومحتاجه تتغذى
رانيا :- نظرت له بأستغراب
رضوى :- اغلقت عينها بألم وضغط بقبضة يدها بشده على قدميها حتى تهدأ قليلا
سويلم :- نظر لهم ثم نظر لمنال
هشام :- المهم انت عامل ايه دلوقتى يا بابا
سويلم :- انا كويس يا ابنى انا قولت كده علشان تيجوا ليا كلكم
اشرف :- بأستغراب ليه يا بابا فيه حاجه
سويلم :- ايوه يا ابنى
منصور :- خير يا أبا
سويلم :- رضوى جالها عريس
الجميع نظر إلى بعض بأستغراب
جاسر :- ومن أمته يا جدى حد من بره العيله بياخد بناتنا
سويلم :- ومفيش شباب دلوقتى فى العيله الكل اتجوز وشاف حياته إلا رضوى هى الوحيده اللى اتظلمت فى حياتها وانا لازم اعوضها ليها حتى لو هكسر قوانين العيله
احمد :- بس يا جدى سليم موجود
سويلم :- سليم ما شاف حياته خلاص
رحيم :- انا رأيي لو ده فيه سعادتها يبقى مفيش مشكله
سويلم :- الولا شاريها عثمان ابن العمده
منصور :- وانتى رأيك ايه يا بنتى
سويلم :- مش لما نشوف رأى ابن عمها الرابع زى رأى الباقى ونظر إلى سليم وقال ايه رأيك يا سليم مسمعتش حسك
سليم :- والله يا جدى هى حره دى حياتها هى مش حياتنا احنا بس لو هو كويس ايه المانع
سويلم :- هو ده رأيك
سليم :- ايوه
محمد :- بس انا مش موافق أن اختى تتجوز بالطريقه دى
رحاب :- ملكش دعوه انت
محمد :- مليش دعوه ايه مش اختى
سويلم :- ليه مش موافق يا ،اسمك ايه
منصور :- ده محمد يا ابا ابنى ودى منه ودى جودى اختهم الصغيره
محمد :- ايوه مش موافق يمكن انا عمرى ما اتقابلة مع اختى رضوى دى بس زيها زى منه عمرى ما هقبل ليها تتجوز بالطريقه دى احنا زمنا دلوقتى غير زمانكم ولو كنت موجود هنا فى اوى مره كنت هرفض برضه
رضوى :- نظرت له وشعرت بأحساس غريب داخلها وابتسمت له
سليم :- انا شايف نسمع رأى صاحبة الشأن نفسها ونظر لرضوى وقال بتحدى ايه رأيك يا عروسه
رضوى :- نهضت ونظرت لهم جميعآ وقالت ....
يتبع الفصل الواحد والثلاثون اضغط هنا
- الفهرس يحتوي على جميع فصول الرواية كاملة :"رواية قلب لا يقبل الهزيمة" اضغط على اسم الرواية