رواية انتقام وعشق الفصل الثالث والثلاثون 33 - بقلم اميرة محمود

رواية انتقام وعشق البارت الثالث والثلاثون 33 بقلم اميرة محمود

رواية انتقام وعشق الفصل الثالث والثلاثون 33

اااااه براحه والنبي أيدي ربنا يسامحك يا يوسف

يوسف ، معلش استحملي عشان تبقي تغلطي فيه

ايلا ، غلط في انيشتاين ده انت فاشل اااااه

يوسف بص للدكتور لقاه بيضحك سابها وخرج بره 

يوسف ، الو ايوه يا سيف تعالي مستشفى ،،، خد بنت خالتك منها

سيف ، ليه مالها

يوسف ، وقعت وبتتجبس وانا روحت معاها ومش فاضي أنا ماشي

سيف ،، يا اخي خلي عندك دم

يوسف ، لا معنديش أنا ماشي تعالا خدها سلام

يوسف خرج ركب العربيه وراح الفيلا 

ايلا حست أن يوسف مشي بتسأل الممرضه ، هواللي كان معايا مشي 

الممرضه ، اه لسه ماشي

ايلا بدموع ، دكتور هو لسه كتير 

الدكتور ، عشر دقايق بس الجبس ينشف وتروحي 

،،،،،،،ؤؤؤؤؤؤ،،،،،،،،،،،

بعد ساعه يوسف دخل الفيلا

سليم ، عملت ايه مع ايلا

يوسف ، معرفش سبتها ومشيت وبعتلها سيف يروحها

فرح بصدمه ، لا كده كتير اقسم بالله

سليم ، انت عمرك ماهتبقي راجل عمرك

يوسف ، والله محدش قالها تغلط فيا 

سليم ، غلطت فيك ازاي

يوسف ، معرفش سيبني بقا يا بابا لو سمحت خلصت اسئله

سليم ، فوضت امرى لله فيك انت حيوان

يوسف ، بابا أنا مش حيوان أنا مش فاشل أنا مش عاله انا تعبت معايره وتقطيم فيه انت بتكرهني ليه انا تعبت من كلامك ده انا معملتلكش حاجه لكل ده انا همشي وهسيبلك الدنيا يا بابا عشان ترتاح مني

كل ده وايلا واقفه هي وسيف ومصدومين من اللي بيقوله يوسف

فرح جرت ومسكت أيده ، يوسف اهدي متمشيش اهدي يا حبيبي ابوك ميقصدش ابوك بيحبك ونفسه تبقي احسن 

يوسف وقف وباصص لايلا ، اللي بيحب حد مبيهنوش يا ماما ده بيكسره 

ايلا فهمت أنه زعلان منها هي كمان

منال نزلت جرى ، مالك يا يوسف زعلان ليه يا حبيبي وبعدين بصت لايلا راحت لها جرى ، مالك انتي كمان متجبسه ليه

ايلا ، مفيش يا نناه كنت طالعه اشوفك اتلخبط في السلم وقعت اتكسرت ايدي وراحت جرى حضنتها 

منال ، سلامتك ياقلب نناه وبدلتها الحضن وهي مسكه ايد يوسف 

يوسف أيده بقت لمسه ضهر ايلا

يوسف ، علي فكره يا تيتا انتي ماسكه أيدي لو سمحتي سيبيني امشي

ايلا اتحرجت وبعدت 

سيف ، خلاص بقا يا يوسف انت عارف بابا

سليم ، ماله بابا

سيف ، ملكش يا حبيبي ملكش

سليم ابتسم وراح ناحيه يوسف 

يوسف لف وشه الناحيه التانيه

سليم ، يوسف

يوسف ، نعم

سليم ، متزعلش مني بقي وراح فاتح ايده

يوسف راح جرى حضن أبوه

سليم ، أنا بحبك يا حمار

يوسف خرج من حضن أبوه ، بردك بتغلط فيا يا بابا

سليم ، تعالي اديني قلمين احسن

يوسف ، حاش لله يا بابا وراح بايس راس ابوه

فرح ، خلاص بقي ياللا اقعدوا اتغدوا 

يوسف ، أنا فعلا جعان اوي 

ايلا ، أنا هروح عشان مش هعرف اكل أيدي اللي باكل بيها اتكسرت

يوسف بصوت واطي جنب ودنها ، احسن

ايلا سمعته ، أنا ماشيه عن اذنك يا خالتو 

فرح ، مش هتروحي من غير ماتكلي تعالي أما ااكلك

ايلا ، معلش يا خالتو هروح كفايه كده

يوسف ، لا اقعدي يا نونه مامي تاكلك

ايلا قامت مره واحده ، عن اذنكم وخرجت جرى من الفيلا

فرح ، انت قولتلها ايه خلاها تقوم تجرى كده

يوسف ، انشك في رجل سيف ماقولت حاجه

سيف ، طب وانا مالي امي أنا أنا رايح وراها اوصلها 

فرح ، ماتشوف حل مع ابنك ده يا سليم

سليم ، مليش دعوه اصل كلامي بيزعل فهسكت احسن

يوسف معبرهمش وكمل اكل عادي

سيف جرى ورا ايلا ، يابنتي استني هوصلك استني

ايلا ، لا هعرف اروح لوحدي

سيف ، وانا قولت هوصلك ياللا يا ايلا تعالي اركبي

ايلا ركبت 

سيف وصل ايلا البيت 

سيف ، خلاص بقي حقك عليه اخويا يوسف قفل معلش متزعليش منه

ايلا ، ده مش قفل ده حيواااااان وراحت نازله

سيف ضحك ، ههههه والله علي رايك سلام 

ايلا ، سلام

،،،،،،ؤؤؤؤ،،،،،،،،،،

عند ساره ورائد

ساره ، اي ده يا مصبتي انتي متجبسه ليه

ايلا ، مفيش يا مامي اصل وقعت وأيدي انكسرت

ساره ،. وقعتي ازاي ومقولتليش ليه عشان كده روحتي لخالتك

ايلا ، مفيش يا مامي بقي وراحت معيطه 

ساره ، مالك يا حبيبتي 

ايلا ، أيدي بتوجعني وجعانه اوي

ساره ، طب تعالي يا قلبي وانا هأكلك بايدي

ايلا افتكرت أما فرح قالتلها كده وافتكرت رد يوسف راحت معيطه جامد

ساره ، خلاص بقي ياقلبي تعالي هعطيكي مسكن عشان الوجع

ايلا لنفسها ، ياترى ده هيسكن الالم اللي جوه اللي يوسف عمله

،،،،،،ؤؤؤؤؤؤؤ،،،،،،،،،

تاني يوم في الجامعه

نور ، اي ده مالك في ايه

ايلا ، مفيش وقعت هو الدكتور اجا

نور ، اهو داخل اهو

الدكتور ، صباح الخير

الطلبه ، صباح النور يا دكتور 

ايلا بتبص لقت يوسف قاعد ومش غطيها اي اهتمام

المحاضره انتهت الدكتور نده لايلا

الدكتور ، خير مالك 

ايلا ، مفيش يا دكتور وقعت امبارح وأيدي اتكسرت 

يوسف شافهم وهما بيتكلموا راحلهم

يوسف ، خير يا دكتور

الدكتور ،. خير ايه 

يوسف ، شايف حضرتك موقف ايلا في ايه

الدكتور ، مفيش أصل لقيتها متجبسه فكنت عايز اطمن عليها

يوسف ، واطمنت

الدكتور ، هو في ايه

يوسف ، مفيش اصل انت موقف اختي لوحدكم والقاعه فضت فده مش لطيف

ايلا ، أنا مش اختك ولا اخت حد ولو سمحت ملكش دعوه بيا فاهم ابعد عني وانا هبقي كويسه

يوسف شدها من أيدها واخدها وخرج بره القاعه

ايلا ، سيب أيدي لو سمحت هو انت ساحب جاموسه في ايدك

يوسف ، ايوه جاموسه عارفه ليه عشان انتي عارفه ومتاكده أن الدكتور ده سمعته وحشه

ايلا ، ملكش فيه

يوسف ، عارفه لو شفتك واقفه معاه تاني هعمل فيكي ايه 

ايلا ، هتعمل ايه

يوسف ، والله لهقول لابوكي وانت عارفه رائد باشا 

ايلا ، روح قوله أنا مبخفش اصلا وراحت سيباه وماشيه راحت لنور الكافتيريا

،،،،،،،ررؤؤؤؤ،،

رائد ، سليم انت هتوافق علي العرض بتاع الشركه الفرنسيه

سليم ، هو بصراحه مقلق اوي منه 

رائد ، بصراحه هو يقلق اوي تيجي نلغي الصفقه

سليم ، والله كنت بفكر في كده

رائد ،. خلاص ياعم بلاش مناهده 

السكرتيره دخلت 

السكرتيره بمياصه ، سليم بيه محامي الشركه الفرنسيه واقف بره عايز حضرتك 

سليم ، تمام خليه يدخل

رائد ، اي يا عم البت الجامده دي ده لو فرح شافتها هتزلزل الزلازيل

سليم ، هههههه 

المحامي دخل

المحامي ، السلام عليكم

سليم ورائد ، وعليكم السلام ورحمه الله وبركاته

المحامي ، قرأت العقد 

سليم ، اه بس بصراحه مقلق شويه لأن الشرط الجزائي عالي اوي

المحامي ، حضرتك باصص ليه للشرط الجزائي 

رائد ، هو مش المفروض ده اهم حاجه في العقد واللا ايه

المحامي ، مش القصد اللي أقصده

سليم قاطعه ،. للاسف مش همضي العقد مش عجبني بنوده 

المحامي ، بس

رائد ، مبسش خلاص مش بناقص المناقصه دي نورت

المحامي ، طب عن اذنكم وخرج

سليم ، حاسس اني ارتحت 

رائد ، ياعم في داهيه بس بردك مرضتش عليه ايه السكرتيره اللي بره دي دي تجر رجلك علي الرزيله عدل

سليم ، بتتكلم كذه لغه هتنفعني في شغلي

رائد ، في شغلك بردك

سليم ، حد الله مابيني وبين الحرام دي قد بنتي تقريبا

رائد و، الله يفتحها عليك يا شيخ سليم

سليم ، ياللا ياعم غور بقي عشان عايز اخلص اللي ورايا

رائد ، ماشي يا برنس أنا ماشي سلام

،،،،،،،ؤؤؤؤؤؤ،،،،،،،،،،،

في الكافتيريا بتاعه الجامعه 

يوسف قاعد لوحده علي التربيزه اللي قدام نور وايلا 

نور ، هو انتو لسه متخاصمين

ايلا ، اممم

نور ، طب ماصلحيتهوش ليه يابنتي

ايلا ، مش هصالحه قولت 

نور ، الحقي ميرا ريحاله

ميرا ، حبيبي مجتش تقعد معانا ليه قاعد لوحدك

يوسف ، مليش نفس اقعد مع حد

ميرا ، ولا حتي أنا 

ايلا قامت وراحت لهم جرى وشديته زى ماشدها

يوسف ، في ايه

ايلا ، هو انت مش عارف انها سمعتها وحشه واللا بتستعبط

يوسف ، بترديهالي يعني ها وبعدين

ايلا ، ليه كده يا يوسف ليه ماشي ورا الشله الصايعه دي انت مش نفسك تتخرج وتاخد شهادتك 

يوسف ، وانتي مالك بيا اصلا

ايلا ، اممم احنا هنقعد نعيد كلام بعض بص تعالي معايا كده 

يوسف ، لا أنا رايح اقعد مع ميرا

ايلا مسكت أيده وشدته لحد ما وصل التربيزه بتاعتهم 

ايلا ، اقعد معانا

يوسف ، غصب عني 

ايلا ، اه غصب عني وانت هتتظبط يعني هتظبط حتي عشان بباك معدش يهينك

يوسف نفخ بضيق ، ايوه يعني عايزه ايه

ايلا ، عايزاك معايا

يوسف ، معاكي اللي هو ازاي واسيب حبيبتي

ايلا ، حبيبتك الصيعه دي شوف قاعده مش علي بعضها ازاي

يوسف ، أنا قايم رايح لها

ايلا بزعيق ، وانا قولت لا 

يوسف ، انتي اتجننتي بتزعقيلي

نور ، لاحظوا أن كده كتير اوڤر 

يوسف ، أنا قايم ماشي ولسه جاي يقوم

ايلا ، عشان خاطري بلاش

يوسف قعد تاني عالكرسي ، طب عايزه ايه

ايلا، بص اللي انا عايزاه انت هتكتب المحاضرات وانا هقعد اذاكر معاك وافهمك ونفضل كده لحد ما افك الجبس

يوسف ، لا أنا مبكتبش

ايلا ، عشان خاطري يا يوسف وراحت معيطه

يوسف بصلها ، اتفقنا

ايلا مدت أيدها تسلم

يوسف ، بالشمال

ايلا ، اعمل ايه ماهي هي اللي شغاله ربنا ينتقم من اللي كان السبب

يوسف مد أيده وراح ماسك أيدها ، اتفقنا وراح ضاغط علي أيدها جامد

ايلا ، ااااه اي عايز تكسر دي كمان يارخم

يوسف ، لا عايز اقطع لسانك ده 

ايلا ، خلاص انا اسفه اني بغلط فيك بس والله غصب عني

يوسف ، ههههه ماشي يا ستي هو احنا لسه في محاضرات تانيه انهارده

ايلا ، اه ولسه عليها خمس دقايق تعالو نروح اهو قبل ما الدكتور يجي وقاموا ومشوا

كل ده وميرا عماله تبص عليهم وقلبها قايد نار

في المحاضره يوسف قعد جنب ايلا وجنبهم نور ودي اول مره يقعدوا فيها جنب بعض

يوسف عمال يكتب كل اللي بيقوله الدكتور وايلا منتبهاله وفي نفس الوقت عماله تبص ليوسف وتسرح فيه

ايلا لنفسها ، لازم اغيرك يا يوسف عشان معدش حد يهينك أو يجي عليك لازم كل الحاجات الغلط اللي كنت بتعملها ابطلهالك 

يوسف اخد باله من اللي قاعده سرحانه فيه 

يوسف ، ايلا فوقي اه مانا عارف اني قمر بس مش لدرجه انك تنسي المحاضره وتسرحي فيه

ايلا خبطته في رجله ، اكتب ملكش دعوه بيا يا 

يوسف ، يا ايه والله ماهكتب 

ايلا ، يا حبيبي 

يوسف ساب القلم وبصلها ، بجد 

ايلا ، هو ايه اللي بجد

يوسف ، حبيبك

ايلا ، طبعا حبيبي مش ابن خالتي واخويا 

يوسف نفخ وكمل كتابه

ايلا لنفسها ، ده مصدق ده واللا ايه فاكرني زى ست ميرا بتاعته

الدكتور خلص المحاضره 

يوسف ، ياللا بينا 

ايلا ، ياللا بينا

نور ، استنوني 

يوسف ، ماشي ياللا 

وخرجوا بره الجامعه يروحوا

يوسف ، تيجي نذاكر مع بعض

ايلا ، اوك ماشي بس نذاكر عالنت نفتح الشات سوا ونذاكر

يوسف ، ماشي 

ايلا ، بابي اجي اهو سلام بقي عشان هروحله

يوسف ونور ، سلام 

نور ، أنا هركب تاكسي سلام 

يوسف ، سلام وفضل واقف لوحده لقا ايلا راجعاله

ايلا ، بابي بيقولك تعالي نوصلك في طريقنا 

يوسف ، لا هروح مع اخواتي فات سيف جاي 

ايلا ، ياعم تعالي دي مامي طبخه انهارده محشي 

يوسف ، طب إذا كان ماشي ياللا بينا وهكلم سيف ميجيش بقي 

ايلا ، طب ياللا بينا الحاج واقف ياللا نروح له 

• تابع الفصل التالي عبر الرابط: "رواية انتقام وعشق" اضغط على أسم الرواية