رواية شبيهتي البارت الثالث 3 بقلم مريم سمير
رواية شبيهتي الفصل الثالث 3
_أحيهههه!!
=متتوترش انا بس ..
_متتوترش اي انتي جايه تلبسيني تهمه خطف بنت وزير!! ، دا فيها إعدام قبل النطق بالحكم دي
=اهدي طيب في اي
_في اي!! حياتي هتنتهي حالا مفيش حاجه، حد شافك وانتي جايه، متراقبه طيب؟ م..
حطيت ايدي على بوقه تاني بعد مزهقت
=انت مينفعش معاك إلا كده يعني، لازم اكتمك انا عشان تسكت!! دا انت انسان غريب
_..
=انا ريم وكنت مخطوفه وهربت وضربت واحد وجاب دم باين
شيلت ايدي من على بوقه وانا بتنطط =انا اول مره اعمل كده انا ضربت حد!
حط ايده على بوقي _اسكتي هتفضحيني اسكتي
شال ايده وانا ضحكت وسكتت
_بيتك فين عشان اروحك طيب؟
=انا مش عاوزه اروح، انا موجوده هنا وهناك
_نعم يختي!!
=ايوه زي مبقولك كده
حط صابعين من ايده على جبهتي _غريبه انتي مش سخنه! امال في اي بقي، ازاي هناك وانتي قدامي دلوقت
=مش هتفهمني، بس انا مش عاوزه ارجع، عاوزه افضل ارجوك انا لو طلعت من هنا ممكن الي خاطفني يمسكوني وساعتها هيقتلوني لا محاله
_بس..
=وهيقتلوك على فكره
_بس وربنا منتي خارجه
ضحكت =ريم
_محمود ، طب باباكي فين دلوقت
=اكيد في سفريه من بتوعه او في الوزاره
_ممكن نتصرف بكره الصبح، الوقت اتأخر
=انا شايفه كده بردو
_جعانه؟
=لا الي خاطفني كانو بيأكلوني بوفتيك، ايوه جعانه
ضحك_ طب هدخل اعمل عشا
=لا استنى عندك
_ايييي في اييي!
=هعمل انا
ابتسم وشاورلي على المطبخ وهو دخل اوضه باين عشان يغير لبسه، انا عمري مدخل المطبخ، انا لي انسحب من لساني، انا لي مش بعرف اطبخ! انا لي داخله المطبخ دلوقت معلش؟
شويه وكان فيه تكسير في المطبخ، جري عليا وانا كنت واقفه متنحه
_في اي حصلك حاجه؟
اتكلمت بفرحه =انا اتعورت
__!!
=انا اول مره اتعور في حياتي يمحمود، ايدا دا دم
_انتي مش طبيعيه!
=مش مهم المهم اني ريم
مسك ايدي وطلعني على الكنبه وجاب قطن رشاش وربطلي ايدي، كان بيبصلي ب استغراب شديد ماله دا انا عملت حاجه!!
_هدخل انا اعمل العشا
=محمود!!
_اي تان؟
=انت مش لابس قميص البيجامه
بص على نفسه وطلع يجري على الاوضه، متأكد ان انا لوحدي الي مش طبيعيه!
_شوفتي من حسرتي جريت ملحقتش استر نفسي
=حسرتك!
_انتي لو جرالك حاجه انا رقبتي هتطير زي العصافير وكده
=اه، انا جعانه طيب
_ثواني
دخل المطبخ وانا ابتسمت، خرج وهو ماسك في ايده صنيه
_اي دا؟
=بانيه
_هنتعشي بانيه!!
=بشوف في التليفزيون انكم بتتعشوا كده والله
_عاوزه اكل فول
=فول!!!
_ايوه بالله نفسي ادوق طعمه
=بالاوطه؟
ضحكت _بالاوطه
دخلت المطبخ معاه وعملنا الفول وجبنا شويه حاجات من التلاجه وفضلنا نتكلم، طلع لطيف بشكل، كان طيب ومسالم انسان محترم مش التاني الي يشوفني يحضني، ثواني حسام!!!
كنت متنحه وهو حط ايده قدامي
_سرحتي في اي
=ها، لا ولا حاجه
_كملي اكل
ابتسمت =حاضر
خلصنا اكل ودخلنا الأطباق في المطبخ وطلعنا قعدنا على الركنه
_دي اوضتك، ادخلي نامي والصباح رباح، تصبحي على خير
=وانت من اهله، بس انت هتنام فين!
_على الكنبه دي
=مش هتتعب!
_لا عادي، ادخلي يلا
=..
_عاوزه تقولي حاجه؟
=عاوزه بيجامه
بصلي من فوق لتحت
_ اول مره الاحظ، ثواني هدخل اجبلك
جابلي بيجامه ودخلت الاوضه، كانت بيجامه تشبه بيجامته، مكنتش متخيله ان فيه حد بسيط كده، وأن اوضته باللطافه والحلاوه دي، لبست البيجامه ونمت في هدوء
*عند مريم
_كلنا؟ يبقى لازم تدوق القهوه بتاعتي بقى
=بتعرفي تعملي؟
_أنت كده بتشتمني على فكره
=طب زياده بقي
_حاضر
دخلت المطبخ وبدأت اعمل القهوه، كنت فكراه هيبقى رخم وعقبه ليا بس طلع وجوده خفيف، الداده دخلت ورفعت حواجبها اول مشفتني
_انتي عمرك معرفتي تعمليها!!
=ها، منا اتعلمت
_طب كويس
خرجت وانا خدت نفس بهدوء، خلصت القهوه وطلعت واعطيتله فنجان، فونه رن ورد بسرعه
_ايوه، اييي! مكانها فين؟ انا جاي حالا
وقعت من ايده القهوه وانا بصاله ومستغربه في اي!
=في اي يا احمد
_نقلو ماما على المستشفى
=هاجي معاك
_مينفعش لازم تفضلي، مينفعش اسيبك اصلا بس غصب عني والله، مش هتاخر ممكن اروح؟
=ممكن بس وانا معاك
_خطر يريم برا خطر وانتي مسؤوليتي
=مش هيحصل حاجه، يلا بينا
مشيت بسرعه قدامه وهو حصلني ركبنا العربيه وهو ساق بسرعه، وصلنا وسألنا على مامته وقالولنا رقم الغرفه
طلع بسرعه وانا وراه ووقفنا مع الدكتور
_في اي يدكتور هي مالها
=لازم عمليه استئصال للثدي فورا
_اعملها
=هي مكلفه شويه
_التكلفه قد اي؟
=150000ج
_اييي!!
*اعملها
بصلولي هما الاتنين بدهشه وكررت كلامي
_اعملها
*تمم هبدأ تجهيز اوضه العمليات حالا
الدكتور مشي وانا وقفت قدامه
_هنروح دلوقت نجيب الفلوس وتيجي ندفعها في الحسابات
=مستحيل اقبل تعملي كده
_احمد لازم مامتك تعملها
=مش هاخد منك فلوس يريم
_اعتبرهم سلف يلا يا احمد مفيش وقت
مسكت ايده وشديته ، مش عارفه كنت بعمل كده لي، بس الي اعرفه اني مش عوزاه يكون حزين، زيي انا طول حياتي حزينه، وجع فقدان الاهل دا صعب وألمه بشع، مش عوزاه يجربه عشان ميستهلش كده
ساق ب أقصى ما عنده وروحنا الفله
_داده يداده
=ايوه يبنتي
_فيه فلوس هنا؟
=ايوه في خزنه البيه
_معاكي المفتاح؟
=كنتي عطيهولي امبارح!!
_هاتيه بسرعه ووريني الخزنه دي فين
كانت ميستغرباني كان عندها حق تستغرب بس انا مفيش عندي وقت عشان أنظم كلامي، اعطتني المفتاح وشاورتلي على الاوضه الي فيها الخزنه، دخلتها بسرعه واول مفتحتها كانت مليانه فلوس، افتكرت انا جايه هنا عشان اي، عقلي سرح في الي ممكن يحصلي لو منفذتش المطلوب، هزيت راسي وخدت المبلغ وقفلت بالمفتاح وخليته معايا وخرجت برا لاحمد، ركبت العربيه وساق وصلنا ودفعنا الفلوس في الحسابات وطلعنا قدام اوضه العمليات، كان رايح جاي وهو بيعيط، تسلم الي ربتك وعرفت تحببك فيها بالشكل دا
وقفت قدامه وابتسمت _كله هيبقى عال
ابتسم= شكرا يريم، بجد شكرا
الدكتور خرج وجرى عليه
_ها يدكتور
=الحمد لله العمليه نجحت ولحقنا نشيل الورم في الوقت المناسب قبل ميطور لا قدر الله
بصلي وابتسم ورجع بص للدكتور
_شكرا يدكتور
الدكتور مشي ومامته خرجت وقالوا انها هتفوق بعد ساعه
_تعالي نقعد اعزمك على قهوه تهدي أعصابك الي معتتش موجوده دي
ضحك =والله معادت موجوده فعلا
نزلنا في الكافتيريا وشربنا اتنين قهوه
_قهوتي احلى، قولي اه معلش
=فيه الاحلي من قهوتك
_القهوه دي؟
=لا انتي
بصيت في الأرض وطلعت بتكسف وبنت وكده ما شاء الله عليا ما اروعني
طلعنا ودخل لمامته وانا فضلت برا عشان يتكلموا سوا شويه، طلع وهو بيضحك ف انا ابتسمت
_كويسه؟
=كويسه، نمشي؟
_نمشي
كان فرحان جدا وحمدت ربنا انه بقى كويس وانه محزنش، شكله وهو بيعيط يقطع القلب منه لله
كنا هنركب العربيه وبعدين سمعنا ضرب نار و..
- تابع الفصل التالي عبر الرابط: "رواية شبيهتي" اضغط على أسم الرواية