رواية عالم النت الفصل الثالث بقلم أميرة جمال
رواية عالم النت الفصل الثالث
فى الجامعه..فيروز واسيل مع بعض دخلوا المدرج مستنين زمايلهم اللى هيرحبوا بيهم والعدد كبير وهم زهقانين من الحر اللى هما فيه.
فيروز:اسيل حاسه انى امهم بالنسبه لزمايلنا بسبب تاخير الدراسه😂😂
اسيل:ده على اساس انى اصغر منك مثلا يابنتى ههههههه منا زيك واحنا اصلا شكلنا اصغر منه واحلى منهم(وخدت وضع التكبر😂😂)
دخل عليهم طلاب اكبر منهم فضلوا يكلموهم عن الكليه وازاى يزاكروا كويس واخدوهم فى جوله فى الكليه يعرفوهم على المعامل والمدرجات واماكنهم وفيروز واسيل ماشيين وراهم وخلاص وبيحاولوا يحفظوا الاماكن وماشيين يضحكوا على نفسهم وانهم ماحفظوش ولاماده ولسه هيروحوا على البيت اتفاجأوا بجدول المحاضرات اللى نزل وان عندهم محاضرهم نسيبهم بقا مع نفسهم يحضروا محاضرتهم ونروح نشوف فارس واحمد.....
فارس واحمد خلصوا الدرس وماشيين مع بعض ولسه احمد بيتكلم معاه واعتذرله وانه مش قصده انه صغير ولاانه مش بيخاف على مستقبله وانه بينصحه علشان بيحبه وانهم اصحاب من زمان ولسه هيتكلم عن الحاجات اللى بيعرفها عن رامى وشلته لقى رامى جه قصادهم وسلم عليهم وبيستعجل فارس انه يروح كتبه ويروح يلعب معاهم وقبل مااحمد يتدخل بينهم ويرفض كان رامى استاذنه واخد منه فارس ومشى واحمد مالحقهمش ومشى على بيته زعلان على صاحبه فارس وهو ماشى سمع اذان العصر فدخل المسجد يصلى وكالعاده هيدعى لفارس بالهدايه وان ربنا يبعده عن اصدقاء السوء....
فى المدرسه عند فاطمه والده فيروز كانت قاعده فى المكتب فى الفسحه ودخلت عليه زميلتها الاستاذه سماح وبعد ان القت عليها السلام قالتلها انها عايزاها فى موضوع مهم فقفلت فاطمه الكتاب علشان تسمعها بتركيز
سماح:بصى يافاطمه انتى عارفه انك اختى وسماح زى بنتى
فاطمه:اكيد ياسماح ده احنا عشره ييجى عشرين سنه خير
سماح:خير ياحبيبتى ابن اختى حازم كنت كلمتك عنه قبل كده كان بيحضر ماجستير بره ولسه راجع من السفر وعايزنى اشوفله عروسه وبصراحه مافيش فى ادب ولااخلاق روز بنتك ماشاء الله عليها
فاطمه:نتشرف بيكم طبعا وحازم زى ابنى بس روز انتى عارفه لسه سنه اولى ومشوارها طويل اوووى ومااعتقدش ابوها هيوافق على حاجه زى دى دلوقتى
سماح:كلمى انتى بس الاستاذ فهمى واللى فيه الخير يقدمه ربنا وحتى لو ماحصلش نصيب هنفضل اخوات واصحاب وفى الاخر ده جواز يعنى قسمه ونصيب
فاطمه:اكيد طبعا هكلمه باذن الله واللى فيه الخير يقدمه ربنا
سماح:باذن الله يابطوط
فيروز واسيل عملوا ايه فى اول محاضره ليهم؟؟
فهمى والد فيروز هيكون رايه ايه فى موضوع حازم؟؟
مين حازم وايه حكايته؟؟
راى فيروز ايه فى حازم؟؟
موضوع فارس هيوصل لفين؟؟
يتبع الفصل الرابع اضغط هنا
- الفهرس يحتوي على جميع فصول الرواية كاملة :"رواية عالم النت" اضغط على اسم الرواية