رواية الكابوس الفصل الثالث بقلم اسراء الكادي
رواية الكابوس الفصل الثالث
بعد ما خلصت كلامها قعدت اسراء علي الارض وهيا بتعيط بصوت عالي وبتردد جواها "
إني عُبد آلله ولن يُضيّعني، إني عُبد آلله ولن يُضيّعني.." وفجأه لقت حد بيمسكها من ايديها جامد وبيقول= هتفهمي هتفهمي كل حاجه بس هاتي ايديكي وقومي يا اسراء انتي مكانك بيناا وهتفضلي معانا دايما يا إسراء بلاش تضعفي من اول الحكايه كده طالما وصلتي لهنا وقدرتي تكملي يبقي انتي ال....
قاطع كلامه صوت اوليفيا العالي_ادددددهم ابعد عنها
مسح ادهم علي وشه بنفاذ صبر_مش هسيبها فكري بعقلك بقي وكفايا التخاريف اللي في دماغك دي..
اوليفيا بغضب_ابعددددد عنهااا
قاطعتهم رزان بدموع _كفايا بقي انا عايزه امشي من هناا يلا نرجع.
ليساء_وانا كمان عايزه امشي..
دانيال بهدوء _تمام يلا كده كده انا مش طايق المكان ده..
ابتدا الكل يمشي معادا اسراء اللي فضلت مكانها في الارض حتي ادهم والكل سابوها ومشيوا.
اسراء بهدوء وقلة حيله _كنت مستنيه ايه يعني هيعزمو عليا وياخدوني معاهم بعد اللي حصل مثلا بس برضو حقهم دي صاحبتهم اللي ماتت برضو و..
قبل ما اسراء تكمل كلامها لقت رهّف قصادها وهيا مدالها ايديها
رهف_احم هاتي ايديكي وقومي..
إسراء_ليه؟؟
قعدت رهف جمبها علي الارض_بصي ي اسراء احنا مش ضدك ولا اعداء ليكي مثلا.. بس انتي دخلتي حياتنا فجأه والظروف كانت ضدك مقدرناش نفهمك ولا انتي كمان تفهمينا واحنا تفكيرنا وحياتنا غيرك انتي لسه مرتبطه وتفكيرك في العالم التاني2021بدليل انك اول ما شوفتي مكان حلو طلعتي موبايلك تتصوري من غير ماتفكري حتي هتعملي ايه بالصور دي اصلا ومفيش حد هيشوفها غيرك حتي لما فوقتي من الغيبوبه اول حاجه سألتي عليها هيا اهلك..
قاطعتها اسراء _بس انا مكنش...
رهف بمقاطعه_خليني اكمل كلامي لو سمحتي انتي مش قادره تستغني عن اهلك وكل شويه تفكري فيهم طب تخيلي بقي انك توصلي في اللحظه الاخيره وتلاقي صاحبتك بتموت قصادك والدنيا بقت سوااد اكتر من الاول ومش قادره انك تصدقي وفجأه تلاقي حد بيضحك وبيسقف هتعملي ايه...؟
اسراء_كنت فاكره اللي بيحصل ده كله مقلب اكيد لو كنت اعرف الحقيقه استحاله كنت اعمل كده علي العموم انا اسفه بجد يا رهف حقيقي مكنش قصدي..
قامت رهف من مكانها وشدت اسراء معاها _ولا يهمك ي اسرار تعالي بقي علشان نمشي قبل الليل
إسراء بغضب_أسرار؟؟
ضحكت رهف بصوت عالي_هههههه بهزر معاكي اصل احنا منعرفش عنك حاجه لسه ف انتي عباره عن اسرار بيني وبينك انا عايزه اسمع حكايتك..
ضحكت اسراء هيا كمان_ولا يهمك عادي.. احم بما اننا اتصافينا نبقي صُحاب بقي؟
مدت رهف ايديها لإسراء _صُحاب يا إسراء..
(عند ادهم والباقي)
كانو كلهم متجمعين ليساء سانده علي كتف رزان بتعيط واوليفيا ماسكه ايد ادهم وسانده علي كتفه وجاك ودانيال ومهند قاعدين جمب بعض..
قاطع السكوت اللي مابينهم دانيال وهو بيقول_ مش فاهم بجد ليه رهف صممت تفضل معاها وترجع ليها تاني...
ادهم_رهّف عملت الصح واللي المفروض يحصل.
دانيال_احنا منعرفهاش؟
ادهم_بس هتيجي مع رهف وهنسمع حكايتها كلها وبعدين انا عايز افهم ايه حكايتكم معاها وهيا اللي موتت نورسين مثلا علشان تكرهوها كده؟؟؟
في اللحظه دي بعدت اوليفيا عنو وكانت لسه هتتكلم بس لاحظت دخول إسراء ورهّف عليهم..
اوليفيا بغضب لرهف_جبتيها بردو؟
بصت إسراء ليهم كلهم وبعدين اتكلمت بهدوء _احم اانا آسفه بجد عارفه ان تصرفي مكنش ظريف بس غصب عني اعذروني..
جاك _ميهمكيش عادي.. بس Be careful بعد كده وحاول تتعودي علينا بقي..
ابتسمت إسراء لجاك_كنت فين انت بس ياعم جاك ايام الثانويه بتاعتي كنت ساعدتني في الترجمه بتاع الانجليزي عارف كان زماني مقفله الانجليزي كله اصلا..
الكل ضحك عليها حتي اوليفيا نسيت غضبها وضحكت علي كلام إسراء لحد ما ادهم ورهّف اتكلمو..
رهف _إسراء اتكلمي....
إسراء_اتكلم اقول ايه؟؟
ادهم _احكيلنا حكايتك.. انتي مين وصلتي لهنا ازاي احم وادهم خطيبك اتخطبتو ازاي بردو؟؟
بصت إسراء لأدهم بتساؤل واستغراب _وانت انت عرفت ادهم خطيبي منين!
ادهم بتوتر_لما اغمي عليكي كنتي كنتي بتتكلمي عنو كتير ف عرفت.
اسراء _تمام ماشي.
ليساء بفضول_يلا بقي احكي
ضحكت إسراء علي طريقتها وبعدين اتكلمت_علفكره انا حياتي عاديه بلاش الحماس ده..
رزان بمقاطعه_ياست مالكيش دعوه احنا موارناش حاجه وقاعدين فاضيين وعايزين نسمع انطقي بقي..
بصت إسراء لبعيد وبعدين اتنهدت تنهيده طويله وابتدت تحكي..
إسراء_بنت عاديه جداا زي اي بنت في سنها ياروح جامعتي وارجع منها تعبانه او بمعني اصح محبطه ومخنوقه من العالم كله يمكن ساعتها كنت متخيله العالم من غير بشر هيكون حلو اوي والحياه هتبقي وردي عكس دلوقتي والوضع اللي بقيت فيه..
قاطعتها رهّف _ليه كنتي بتتمني ان العالم ينتهي؟؟
إسراء بهدوء_ مكنتش حابه الناس وبالذات سنة 2021 دي كانت ماليانه احداث غريبه كان عندنا مرض اسمه الكورونا وحوارات كده.. وكمان اصل انا بنت وحيدة ماليش اخوات ف فاهمه اللي هو دايما ببقي وحيده في اوضتي مفيش حد يتخانق معايا علطول بسبب اللبس والأكل يوم خطوبتي تكون معايا وتفضل طول اليوم تعبانه معايا ون....
قاطعتها اوليفيا_مكنش عندك صحاب..؟
إسراء _كان عندي بس كنا مع بعض لحد الثانويه بعد كده اتفرقنا بس قابلت اللي بيهم كلهم في الجامعه وعوضتني عن الأخت بجد وبقت هيا اختي وكل حاجه اسمها اميره بس انا بقولها اميرتي..
رهّف_طيب وادهم اتعرفتي علي ازاي؟
سرحت إسراء واتكلمت _ادهم ظابط مخابرات شاطر في شغله جداا الناس كلها كانت بتحبه وهو يتحب اصلا عمره ما كلمني قبل ما نتخطب لحد ما طلبني من هشام قصاد الناس كلها و..
ليساء _هشام مين؟ مش ابوكي اسمه عبد الله؟؟
ضحكت إسراء _لا بصي هو حوار طويل اصلا هشام ده عامل جروب كبير علي الفيس اللي بيبقي عايز يتقدم لواحده بيدخل يتواصل مع هشام علشان يَعرف البنت والناس كلها علي الجروب بقي بتفرح وتزغرط وانا كنت من الناس دي لحد ما في مره لقيت نفسي انا العروسه وبيزغرطولي ههههههه...
اوليفيا بتلقائيه_وياعيني فرحتك مكملتش
بعد الجمله دي صرخه طويله طلعت من اوليفيا وصرخت بصوت عالي
اوليفيا بغضب_ليساء في ايه حد يضرب بالبوكس كده؟؟
ليساء _ما اصل كلامك مستفز ووقفتيها في حته حلوه قطعتي مزاجنا...
ادهم بغضب_باااس بقي خلوها تكمل.. ها وبعدين يا إسراء ايه اللي حصل تاني؟؟
إسراء_محصلش حاجه عملت خطوبه بس كانت جميله اوي لان في ناس كتير من جروب هشام حضرتها وبالذات البنات كان يوم حلو اوووي وحتي ادهم كان معايا طول الوقت وعوضني عن حجات كتيير كنت فاكره اني البطله في روايه والظابط حبيبها اللي هيفضل يتخانق مع بابا علشان ياخدني وفي الآخر يتصالحو بس علي رأي اوليفيا الفرحه مكملتش لأني بقيت هنا معاكم دلوقتي في زمن تاني المهم وبعدين حياتي مشيت عادي باروح الكليه وبعدها اجي اعمل ريسيرش ع الموبايل عن التريند الجديد وبسكدا مفيش حاجه تاني واااه صح لحد ما في مره رجعت من الكليه تعبانه ف نمت كالعاده وصحيت لقيت نفسي هناا معاكم وخلاص علي كده الباقي انتو عارفينه..؟
قربت رهف من إسراء وحضنتها_انا عايزه اقولك ان تعتبريني من النهارده صحبتك و اي حاجه تعوزيها قوليلي ماشي.
قربت رزان وليساء كمان منها_واحنا كمان بردو من النهارده صحابك
اوليفيا_إسراء احم انا اسفه جدا حقيقي مقصدتش اني ادايقك كده بس يعني افتكرت ادهم خطيبك يبقي....
قاطعتها إسراء _افتكرتيه ادهم بتاعك صح؟ ع العموم انا فهماكي عادي ولا يهمك يا ليفه...
اوليفيا بغضب_اهو كنت هقولك نكون صحاب بس بعد ليفه دي مش عاوزه اعرفك تاني
ضحك الكل عليهم واوليفا حضنت إسراء مع البنات وفضل الكل في لحظات صمت قاطعتها إسراء..
إسراء _طب انا هقوم اتمشي شويه ممكن؟
رهّف_براحتك بس متبعديش عن هنا انتي لسه مش متعوده علي المكان
إسراء _تمام..
محستش إسراء بالعيون اللي بتراقبها بغضب وكُرهه من ساعه ما رجعت مع رهّف اول ما طلعت إسراء من البوابه قام دانيال بسرعه وهو بيقول_اناا اناا هاروح اشرب مايه وراجع..
طلع دانيال بسرعه ورا إسراء اللي كانت بتتمشي في الشوارع وهيا بتفتكر ذكرياتها مع مامتها وباباها وادهم وافتكرت الروتين بتاعها والكليه لحد ما حست بإيدين بتشدها لورا..
دانيال بغضب _حلوه الحكايه اللي قولتيها جوه دي تصدقي أثرت فيا..
إسراء خبطته في رجله علشان يبعد عنها_انت انت بتعمل ايه؟؟
دانيال بيقرب منها تاني_شششش انا جاي علشان نتكلم ..
إسراء بخوف_ انت بتقرب ليه كده ابعد عني..
دانيال بغضب وبيقرب اكتر_مختفيش محدش هيعرف و..
يتبع الفصل الرابع اضغط هنا
- الفهرس يحتوي على جميع فصول الرواية كاملة :"رواية الكابوس" اضغط على اسم الرواية