رواية ماذا يسمى هذا العشق الفصل الثالث بقلم رحمة كريم
رواية ماذا يسمى هذا العشق الفصل الثالث
نيروز دخلت لقت امها مغمى عليها اتصلت بالأسعاف ووصلت بيها إلى المستشفى
نيروز :دكتور هي ماما مالها
الدكتور :هي كويسه بس احنا عايزين شويه اشعه وتحاليل
نيروز :ليه يادكتور هو حضرتك شاكك في حاجه
الدكتور :هنتاكد الأول من التحاليل انشاء الله خير
نيروز :طب ينفع ادخل اشوفها
الدكتور :طبعا اتفضلي
دخلت نيروز على امها الغرفه وهي بتعيط كتير خايفه تخسر امها زي ما خسرت ابوها من قبل
ام نيروز :مالك يا بنتي بتعيطي ليه
نيروز وهي بتعيط :كنت خايفه اخسر زي ما خسرت بابا زمان
ام نيروز وهي بمتسح دموع بنتها :مش عايزه اشوف دموعك تاني انا بأخذ طاقتي منك اوعك تعيطي تاني
نيروز :توعديني انك مش هتسبيني
ام نيروز :مقدرش اوعدك بكره هموت وساعتها هسيبك
نيروز :اوعي تقولي كده تاني، بعد الشر عليكي
أم نيروز :عمر الموت يابنتي مكان شر كل واحد ليه عمر وليه معاد
نيروز أخذت امها في حضنها :مش هقدر اعيش من غير ابدا
ام نيروز :ولا انا اقدر يابنتي، هو الدكتور قالك ايه
نيروز :قال انك كويسه، بس محتاج شويه اشعه وتحاليل
ام نيروز :مش هعمل ايه حاجه
نيروز :ليه بس
ام نيروز :هنجيب منين حق الاشعه والتحاليل
نيروز :انا هتصرف
ام نيروز :منين بقى
نيروز :هبيع الحلق بتاعي
ام نيروز :لا طبعا اوعي تبعيه
نيروز :انا هعمل ايه حاجه عشان
ام نيروز :ربنا يخليكي ليا يا بنتي
نيروز :ويخليكي ليا وتفضلي معايا لابد
*********************************
يونس كان قاعد مع عمه عزيز
يونس :لايا عمي مش هعمل كده
عزيز :يابني اسمع مني أحنا عندنا شركات كتير وانا مش هعرف ادريها لوحدي محتاجك معايا
يونس :بس يا عمي انا مش حابب اعيش في مصر تاني انا كنت عايش في أمريكا مرتاح وشركتي في أمريكا
عزيز :انا مش هعيش طول العمر لازم اطمن عليك قبل ما اموت
يونس :بعد الشر عليك يا عمي، حاضر هعملك إلى انت عايزه من بكره هروح الشركه
رضوى :وانا كمان بابا عايزه اشتغل في الشركه
عزيز :ازاي بقى وانتي لسه بتدرسي
رضوى :انا في آخر سنه انا محتاجه اشتغل
عزيز بعصبيه :ليه عايزه تشتغلي انا مش حارمك من أي حاجه
رضوى :يابابا اسمعني انا محتاجه اشتغل مش عشان الفلوس انا مش محتاجه حاجه انا محتاجه اني اشتغل بس
عزيز :طب ودراستك هتعرفي توفقي بين دراستك وشغلك
رضوى :اوعدك يابابا انا لولقيت نفسي مش عارفه اوفقك بين شغلي ودراستي هسيب اشغل، بس عشان خاطري وافقك
عزيز :طب هتشتغلي ايه طيب هناك
يونس :انا أخدها معايا تبقى المساعده بتاعتي
عزيز :ماشي يا بني بس تخلي بالك منها
يونس :دي اختي يا عمي انتي هتوصيني عليها
********************************"
في صباح جديد على أبطالنا الحلوين
" "" "" "" "" "" "" "" "" "" "
عشق كانت نايمه على الكنبه
صحيت من النوم لما حست بحد بيرفع الغطاء من عليها
عشق :انت بتعمل ايه هنا
هاني وهو بيقرب منها :هكون بعمل ايه يعني قاعد فيها حاجه
عشق :ابعد احسلك
هاني :مش هبعد وريني هتعملي ايه
عشق مسكت ايده وعضت جامد :عرفت ممكن اعمل ايه
هاني :انتي بتعضيني يابت المجنونه
هند :في ايه صوتكم عالي ليه
هاني :الهانم كانت نايمه وانا كنت بغطيها في حاجه قامت عضتني
عشق :انت كدا
عبدالله بمقاطعه :احترمي نفسك يا عشق واعتزري ليه
عشق :مستحيل اعترزه
عبد الله ضرب عشق قلم :عشان تكسري كلمتي كمان اعتزري بقولك
عشق بدموع وكسره :اسفه
هاني :ماسمعتش
عشق :اسفه اسفه
هاني :قبلت اعتزارك
عشق لابوها :كويس كل مره بتعرف تكسرني وبتظلمني كويس ااوي
عبد الله :يبقى ظلم بظلم بقى من انهارده ما فيش جنيه هتخديه مني
عشق بصدمه :طب وجامعتي
عبد الله :عايزه تكملي يبقى تشتغلي وتصرفي على نفسك انا مش هصرف عليكي جنيه واحد فاهمه
عبد الله ترك عشق في حاله صعبه
عشق في نفسها :هو ليه بيعمل معايا كده هو انا مش بنته اعمل ايه طيب اصرف على نفسي ازاي انا لازم اكمل تعليمي انا هروح اقول لحلمي ويارب يوافق على الطلب ده
***********************
يونس قاعد على مكتبه وماسك في ايده صوره بتجمعه هو والدته
يونس :ليه تعملي فيا كده في وقت محتاجك فيه انا مكنتش عايز فلوس كنت عايزك انتي بس انت كسرتيني خسرتك وخسرت ابويا مع بعض انتي كرهتيني من الستات كلهم بسببك انا عمري ما هسامحك
دخلت عليه هاله شافته بيعيط
هاله :حاول تنسي يابني
يونس :انسى ايه مش انسى انها تركتني لوحدي في وقت كنت محتاجها في خسرت ابويا وامي في وقت واحد ابويا سبني بس مكانش بأيده هي سبتني بأيدها
هاله :انا كنت هقدر اعوضك عن حنانها بس انت الي قررت تسافر وتبعد
يونس :كنت هقعد لمين ما كل الحبايب خلاص روحوا متفاضلش منهم غير ذكره هفضل عايش عليها بقيت حياتي
هاله :يابني احنا هنا اهلك ربنا يعلم أن انت زي رضوى والله انت ابني
يونس :ربنا يخليكي ليا يا مرات عمي.
هاله وهي بمتسح دموعه :برده مش هتقولي ماما
يونس :مش هقدر اقولها
هاله :على راحتك يابني انزل بقى عشان تفطر تحت
يونس :حاضر يا مرات عمي
************************
عند زياد
زياد :صباح الخير يا خال
بسيوني :صباح النور يابني يلا عشان تفطر معايا
زياد :حاضر يا خال
لمياء :صباح الخير يا بابا
بسيوني :صباح النور يا بنتي تعالى افطري
لمياء :ازيك يا ابيه زياد
زياد :ازيك انتي يا لمياء معلش بقى مقدرش اسلم عليكي امبارح كنت جاي تعبان ونمت محستش بنفسي
لمياء :ولا يهمك
زياد :انا قولت لخالي امبارح اني هخدك معايا الشركه تشتغلي فيها
لمياء :هشتغل ايه بس انا لسه بدرس
زياد :هتشتغلي في قسم الحسابات، ايه رايك
لمياء :موافقه، هبدا امتى
زياد :بعد ما تخلصي المحاضرات انهارده تعالى على الشركه
لمياء :وانا هروح ازاي انا معرفش هي فين
زياد :متقلقيش هبعتلك لوكيشن
لمياء :متشكره جدا يا ابيه
زياد :على ايه بس انتي اختي
*************************
رحمه صحيت تاني يوم ولبست عشان تروح الجامعه
رحمه :صباح الخير
شريف :صباح النور يا قمر
رحمه :صباح الخير يا ماما
ام رحمه :صباح النور، رايحه فين كده
رحمه :رايحه الجامعه يا ماما
شريف قام مسك دراع رحمه :انا هوصلك الجامعه
رحمه :لاشكرا انا هروح لوحدي
ام رحمه :ليه بس يابنتي خليه يوديكي الجامعه أمان ليكي عشان محدش يضايقك ده زي ابوكي
شريف اضياقك من كلمتها دي :مش يلا
رحمه :يلا
رحمه ركبت مع شريف العربيه وفضل طول الطريق ينظر ليها نظرات مخيفه
شريف وهو سايق حت ايده على رجل رحمه :هتخلصي محضراتك الساعه كام انهارده
رحمه شالت أيده من عليها وتكلمت بغضب :ملكش فيه
شريف :ازاي يعني بعدين اتكلمي عدل معايا َبحترام
رحمه :مش لما تكون حضرتك محترم الأول
شريف وقف العربيه وبعدين لقيته بيقرب منها
رحمه ضربته قلم :ده عشان تحترم نفسك معايا
راحت فتحت باب العربيه ونزلت
شريف :قربتي تقعي خلاص وساعتها هاخد حق القلم ده كويس ااوي
************************
عشق قررت انا تتكلم مع حلمي اخويا يمكن يلاقي حل
دق دق دق
حلمي :ادخل
عشق :كنت محتاجه اتكلم معاك شويه
حلمي بنرفزه :عايزه ايه
عشق بدأت تحكي لاخوها ان ابوها عايزها تشتغل
حلمي :وانا ايه المطلوب مني
عشق :مافيهاش حاجه لو ساعتني في مصاريفي
حلمي بغضب :انتي شكلك اتجنننتي انتي عارفه اني مش بطيقك وجايه تطلبي مني طلب زي ده
عشق :قولك ١٠٠مره انا ماليش ذنب في ايه حاجه
حلمي :وانا مش مصدقك
عشق:حرام عليك متبقاش انت والزمن عليا ابويا بيعاملني وحش واتحرمت من امي بدري ومرات ابويا بتعاملني كأني خدامه حس بأختك شويه
في لحظه حلمي قلبه رق نحيه عشق وأنه ممكن يكون ظلمها بس الغضب كان مالي قلبه
حلمي بصوت عالي :اطلعي بره مش عايز اشوف وشك خالص بره
في اللحظه دي كل الأبواب أتقفلت في وش عشق مكنش عندها حل غير انها لازم تشتغل بس هشتغل ايه
*****************************
في شركه البحرواي
يونس دخل الشركه وكل البنات عيونهم عليه ويونس دخل مكتبه بكل غرور وكبرياء وطلب السكرتيره
هبه :نعم يافندم
يونس :حضري الملفات للاجتماع انهارده
هبه :حاضر يا فندم
يونس لقاها لسه واقفه
يونس بصوت عالي :في حاجه
هبه :ولا حاجه يا فندم عن ازنك
يونس :كل الستات زي بعض مافيش حد فيهم غير التانيه
زياد :ايه استاذ انت صوتك كان عالي ليه
يونس :الاستاذه كان واقفه بتدلع
زياد :وانت زعقت ليها عشان كده
يونس:اومال انا كنت هرفضها
زياد :عمرك ما هتتغير
يونس :جهز نفسك عشان الاجتماع انهارده
زياد :حاضر يا Boss
يونس :قولت لك ١٠٠متقولش الكلمه دي تاني
زياد بضحكه :هي بضايقك وهفضل اقولها برده
***********************
عشق راحت الجامعه
نيروز :مالك يا عشق
عشق بعياط :مش عارفه اعمل ايه
نيروز :مالك بس
عشق بدأت تحكي ليها كل حاجه
نيروز :متزعليش نفسك عشان خاطري، طب هتشتغلي ايه
عشق :هشتغل....
يتبع الفصل الرابع اضغط هنا
- الفهرس يحتوي على جميع فصول الرواية كاملة :"رواية ماذا يسمى هذا العشق" اضغط على اسم الرواية