رواية أحببت مريض نفسي الفصل الرابع 4 بقلم ندى ياسر

     رواية أحببت مريض نفسي  الفصل الرابع بقلم ندى ياسر

رواية أحببت مريض نفسي  الفصل الرابع 

ندي : احكي ي جدو مالو تميم ولي الكل بيقول عليه مريض نفسي ..

الجد حسين : تميم ي بنتي مامته تم اتهامها بأنها مش شريفه و جوزها لما عرف قتلها اللي هوا والد تميم وبعدين قتل نفسه ومن ساعتها وهوا تميم بقي مريض نفسي ..

ندي : اي اللي يخليك تقول عليه كدا ؟ م يمكن كل اللي فيه زعل علي أهله ..

الجد : تميم ي بقي حزين و كئيب وتفكيره دايما مشوش ومش بيركز علي اي حاجه بيعملها ودايما جواه قلق والشعور بالذنب من اللي حصل ل والدته وأنه مش قدر ينقذها مش بيفارقه لان هوا كان كشف حقيقه ولدته وعرف أنها كانت شريفه وأنها اتقتلت ظلم عنده دايما تغيرات مزاجيه وبعيد عن كل الناس حتي احنا وكان خاطب قبل كدا وسابها ودايما تعبان بس بيضحك علي نفسه أنه كويس بيحصله اضطرابات كتيره بسبب الكحول اللي بيشربه بيزعق الي اي حد وبيتعصب عليه اي حد وممكن يضربه تميم ي بنتي محتاج حد يطلعه من اللي هوا فيه محتاج حد يحكيلو حد يحبه ويتحب تميم قلبه بقي حجر ميعرفش عن الحب حاجه خليكي جمبه متسيبهوش وتأكدي تميم لو حبك يبقي اتفتحتلك طاقه القدر وهيحبك وهيشيلك جوا عينيه ومش هتلاقي في حنيته عليكي كل راجل بيبقي حتي لو قلبه جامد بتلاقيه جواهر طفل محتاج( ام) حتي لو كبر بيفضل محتاج حب وحنان واهتمام ولو خد كل دا بتلاقيه مستعد يديلك عيونه ..

ندي : كلامك فعلا صح والاعراض اللي انت قولت عليها بتبين فعلا أنه مريض نفسي ، بس هوا انا ممكن اسأل حضرتك سؤال ..

الجد : ايوا طبعا . 

ندي : لي قولتلو انو لازم يتجوز وإلا هتاخد منه الأملاك ..

الجد : تميم لو خد أملاكه وهوا في الحاله اللي فيها دي هيضيعها ف كنت عايز واحده تدخل حياته تغيره للاحسن تخليه يبطل يشرب كحول وسجاير ويبعد عن الطريق الوحش دا ..

ندي :  أن شاء الله اكون عند حسن ظنك وان اقدر اساعده أنه يبقي انسان كويس وسوي ومش مريض نفسي ..

الجد : وانا واثق فيكي ..

ندي : طب هستأذن انا بقي عشان عايزه اكلم والدي ..

الجد : ماشي ي بنتي ..

ندي كانت لسه طالعه لقيت اللي داخل من بيت الفيلا واللي هوا باباه و سليم اخوها أول م شافتهم جريت عليهم تسلم عليهم ..

ندي : بابا ازايك وحشتني اوي ..

خالد : كدا ي ندي تزعليني منك وتهربي ..

ندي : غصب عني أنا مكنتش موافقه علي ابن خالتي وانت عارف دا كويس اوي ..

خالد : تقومي تتجوزي واحد ي ندي متعرفهوش ..

ندي : لا انا عايزاه وأعرفه جداا..

خالد : يعني مبتكدبيش عليا ..

ندي : انت عارف ان انا مبعملش حاجه غصب عني ف اكيد يعني عارف ان مش هتجوز غصب عني ..

خالد : اتمني ي بنتي والله ، المهم انك بخير ي حبيبتي ..

ندي : طب تعالي ادخل اعرفك عليهم ..

ندي ل سليم : وانت ي عم الجنتل مالك كدا واقف مسلمتش عليا لي مش وحشتك ي نجم وإلا اي...

سليم : لا موحشتنيش ، بقي تسيبيني ادور عليكي زاي المجنون كل دا وفي لآخر اسمع انك اتجوزتي ..

ندي : خلاص بقي عديها يبرو مكنتش جوازه دي اللي تزعلنا من بعض ..

سليم : هعديهالك بس عشان بحبك ..

ندي : اخويااا وعم عيالي ، تعالي في حضن اخوك ي فواز ..

ندي بعد م سلمت عليهم دخلتهم عشان يتعرفو علي باقي العيله وفعلا اتعرفو عليهم و رحبو بيهم جدااا ...

خالد : طب نستأذن احنا بقي ..

حسين : لسه بدري مش هتمشو غير لما تتغدو معانا ..

خالد : لا والله مش هينفع مره تانيه ..

حسين : وإلا تانيه وإلا تالته هتتغدو معانا النهارده.  

خالد : ماشي تمام عشان خاطرك ..

حسين : يلا ي سميره انتي ومريم خدي البنات وجهزي الغداء .

سميره : ندي ي بنتي اطلعي بس نادي البنات من فوق لو مش هتعبك ..

ندي : وإلا تعب وإلا حاجه ي طنط هطلع اناديهم بس قوليلي هما قاعدين فين بالضبط ...

سميره : هتلاقيهم في اوضه رهف في الدور التاني تاني اوضه علي ايدك اليمين ..

ندي : تمام 

طلعت ندي عشان تنادي علي البنات رهف و غزل و روفان 

ندي وهيا بتستأذن عشان تدخل : ممكن ادخل ي حلوين ..

غزل : ايوا طبعا اتفضلي البيت بيتك ..

ندي : طيب كنت جايه اقولكم أن طنط عايزاكم تحت عشان تجهزو الغداء معاهم .

غزل : طيب حاضر جاين وراكي ..

ندي : طب هوا انا ممكن اقعد معاكو و اتعرف عليكم اكتر ..

غزل : ايوا طبعا انتي بقيتي واحده مننا ..

ندي : طب م تعرفوني علي نفسكو ..

غزل اسمعي ي ستي : انا اسمي غزل عندي 24 سنه خريجه كليه حقوق ومحاميه وعندي مكتب خاص بيا واشتغلت في قضايا قبل كدا ..

ندي : اتشرفت بيكي ي غزالتي ..

غزل : الشرف ليا ي نودي ..

ندي : طب روفان و رهف مش هيعرفوني علي نفسهم ..

روفان : انا بقي عندي 18 سنه تالته ثانوي لسه ..

ندي : شدي حيلك ي صغنن ..

روفان بتمثيل الزعل : بس انا مش صغنن انا كبيره وكمان عاقله وهيا مش بالسن ابدااا ...

ندي : حصل ي قمر وبعدين من قال انك صغنن دا انتي ست البنات كلهم .

روفان : اوعا التثبيت ..

ندي : طب اي ي رهف مش هتعرفيني علي نفسك وإلا اي. 

رهف وكان باين علي وشها حزن  : انا خريجه هندسه وبشتغل في شركه العيله ..

ندي : اتشرفت بيكي يقمر ..

رهف : تسلميلي ..

ندي : طب يلا عشان ننزل وإلا اي ..

نزلو هما لاربعه من علي السلم قصاد جدهم و خالد و الد ندي و سليم اللي مشالش عينه من علي واحده فيهم اول م شافها ي تري هتبقي مين ؟ 

دخلو البنات المطبخ وندي دخلت معاهم ..

مريم : انتي اي اللي مدخلك ي ندي معاهم ..

ندي : جايه اجهز معاكم ي طنط ..

مريم : لا انتي اطلعي اوضه تميم ارتاحي شويه انتي لسه عروسه وخدي من رهف اي حاجه من عندها لحد م تجيبي هدومك ورهف زاي اختك وإلا اي ي رهف ..

رهف : ايوا كلام ماما صح ، تعالي معايا ..

ندي : تمام.  

خرجو هما لاتنين من المطبخ و طلعو فوق ..

رهف : تعالي نجيب دريس من عندي الاول وبعدين تروحي اوضه تميم ..

ندي : تمام ..

راحو اوضه رهف و رهف اختارت دريس لونه اوف وايت و طرحه اوف وايت عليه ..

رهف : اي رايك ..

ندي : حلو جدا تسلم ايدك ..

رهف : تسلميلي ..

ندي : رهف هوا انا ممكن أسألك سؤال ..

رهف : اه طبعا اتفضلي ..

ندي : انا اول م جيت حسيتك مش طايقاني زاي م يكون واخده منك حاجه  و لما طلعت اتعرف عليكي حسيتك حزينه برضو ف كنت عايزه اسالك حزينه لي اي مزعلك تقدري تحكيلي انا دكتوره نفسيه برضو ..

رهف : لا مفيش حاجه متشغليش بالك ..

ندي : هوا انا مش زاي اختك وإلا اي تقدري تحكيلي مالك ..

رهف : هوا انا وحشه ؟

ندي : لي بتقولي علي نفسك كدا ..

رهف : عشان دايما الناس بيقولو كدا عشان عندي بهاق ممكن يكون الميكب بيخفيها بس انا عندي فعلا كل يوم بشوف نفسي قليله عن بنات كتيررر حلوين وكل حد م يشوفني يقول اني وحشه لو شافني من غير ميكب كلهم بيهمهم المظاهر وبس محدش بيبص للقلب ابداا عشت طفولتي كلها في تنمر من دا و من دا لدرجه ان بقيت أكرهه نفسي مبقتش قادره اشوف نفسي جميله لو درجه واحد في المئه تعبت من كل اللي حوليا وهوا بيبصولي لسه شفقه اللي هوا محدش هيحبني في يوم وإلا انا اتحب كل اللي كان يتقدملي اول م بيشوفني من غير ميكب ليهرب وكأني انا شاذه أو فيا مرض معدي هيعدي كل اللي حوليا انا تعبت تعبانه نفسياً أو متدمره مش تعبانه بس ..

ندي : العالم دا موذئ متتأثريش بيه كدا كدا كلامهم وإلا بيغير وإلا بيقدم يبقي منعملش بيه وإلا نسمعو رهف انتي مميزه مش مريضه محدش فيا اتخلق وفيه حاجه وحشه كلنا خلقه ربنا كلنا حلوين وكلنا فينا حاجه تميزنا عن غيرنا بس انتي مميزه عننا شويه ،البشر بقت قلوبها قاسيه اوي ازاي ميراعوش مشاعرك احنا كلنا حلوين وكلنا فينا حاجه تميزنا عن غيرنا وعايزاكي تعرفي أن التنمر مالوش علاقة  بيكي  مطلقًا ، الشخص المتنمر هو اللي مش حاسس بالأمان احنا ربنا خلقنا واحد وجعلنا شعوباً عشان نتعرف علي بعض ونحب بعض مش عشان نهين بعض وقال في قوله تعالي .

 يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِنْدَ اللَّهِ أَتْقَاكُمْ [الحجرات:13].

 ‏ ‏صدق الله العظيم ..

 ‏ ‏عايزه اقولك ي رهف تاني انك جميله اوي اوعي عمرك تشوفي نفسك أقل من اي حد طب انتي عارفه انا بحب نفسي جداً بحب اي شئ فيا حتي لو مش كامل  عارفه أن ملامحي وشكلي مميز برغم الهالات السودا اللي تحت عيني  صوتي وطريقه كلامي مميزه  اه انا مش كامله من كل حاجه بس بحب نفسي وحبي لنفسي بيكبر كل يوم عن اليوم يلي قبله  دا مش غرور  بس عمري ماهسمح لأحد يحسسني أني في نظر نفسي قليله  مستحيل أسمح اسمي يتحط في مقارنه مع شخص تاني لاني شخص عزيز وعايزاكي انتي كمان تكوني زاييي شوفي نفسك عاليه عاليه اووي لانك مميزه عننا كمان .

 ‏

 ‏ ‏رهف : كلامك حلو جدا ي ندي وعلي كدا انا عايزه اخد معاكي جلسات انا اول مره احب نفسي كدا اول مره اشوف نفسي بالطريقه دي انا حبيتك اووي ..

 ‏

 ‏ندي : انا حبيتك اكتررررر وبعدين جلسات اي بقي احنا اخوات وفي اي وقت عايزه تتكلمي معايا فيه انا موجوده مش تكلميني گ دكتوره گ اخت ليكي ...

 ‏

 ‏رهف : واحسن اخت والله في الدنيا ...

 ‏

 ‏ندي : تسلميلي ي قمرري ..

 ‏

 ‏رهف : طب يلا بقي قومي البسي الدريس وانزلي تعالي عشان نتغداء ..

 ‏

 ‏ندي : حاضر هقوم اخد دش والبس و انزل ..

 ‏رهف : تمام انا نازله ..

نزلت رهف تحت عشان تجهز معاهم الاكل وهيا ماشيه سمعت صوت وراها بيكلمها ...

سليم : لو سمحت ..

رهف : نعم ..

سليم : ممكن اعرف فين الحمام ..

رهف : امم من اليمين كدا في اخر الطرقه ..

سليم : تمام شكرا ي ..

رهف : ي رهف اسمي رهف ..

سليم : عاشت الاسامي ، انا البشمهندس سليم اخو ندي ..

رهف : اهلا ي بشمهندس تشرفت بمعرفتك ..

سليم : الشرف ليا ..

رهف : تسلملي ، هستأذن بقي من حضرتك .

سليم : اذنك معاكي ..

رهف : شكرا ..

رهف مشيت من قصاد سليم لأنها مكنتش عارفه تتكلم كانت مرتبكه وهيا قصاده ومكنتش عارفه تتكلم زاي م يكون طفله هيا اللي كانت بتتكلم عشان كدا مشيت من قصاده ودخلت المطبخ بس لسه دماغه مشغوله ب أنه اول مره يحصل معاها كدا رغم أنها بتتعامل مع شباب تانيه بحكم الشغل بس حاولت تبطل تفكير ..

أما سليم ف من اول م شافها و هوا كان عايز يكلمها وعايز يتعرف و م صدق شافها نازله لوحدها استغل الفرصه وراح يكلمها بحجه انو عايز يعرف الحمام منين وهوا مكنش محتاجه اصلا ..

_____________________

♡وقت الغداء ♡

الكل كان موجود بس ندي كانت لسه منزلتش وتميم كان لسه مرجعش..

روفان: هستاذن ثواني ارد علي الفون ي بابا...

سعد: تمام ي بنتي..

روفان: الو ي ابيه ريان ...

ـ ريان : الو ي روفان ازيك عامله اي، وبعدين لسه برضو ابيه..

روفان: ايوا م انت اكبر مني بكتيررر، المهم كنت بترن لي..

ـ ريان : كنت برن عشان اقولك ان انا نازل كمان يومين من السفر ..

روفان : اي دا بجد ، غريبه يعني اشمعنا نازل ..

ريان : عشان نازل اتجوز ..

روفان : .

يتبع الفصل الخامس اضغط هنا

• الفهرس يحتوي على جميع فصول الرواية كاملة :"رواية أحببت مريض نفسي" اضغط على اسم الرواية