رواية بوسه الفصل الرابع 4 بقلم نسمه مالك

   رواية بوسه الفصل الرابع بقلم نسمه مالك

رواية بوسه الفصل الرابع 

حمزه:ايه يابنتى دا..

قولت ميت مره مش صباعك اللى عايز يتقطع لسانك هو اللى عايز يتقص..

قالى الكلمتين دول بعد ما لحق السكينه قبل ما تعورنى.. بصيت فى ايدى وقولت..

فريده:الحمد لله ايدى سليمه متعورتش..

ايدى سليمه يا حمزه..

وبلحظه كنت نطيت من على الكرسى اللى قاعده عليه واتشعلقت فى رقبته وحضنته..

ايوه انا هتجنن على حضنه من ساعه ما جربته..

وهو يا قلبى زى مايكون اتصدم..

بس انا كنت بستغل صدمته وبحضنه اكتر كانى عايزه أدخل جوه قلبه وضلوعه..

واه لما رفع ايده وحسيت بيها على ضهرى..

وقفت على أطراف صوابعى و مسكت فى رقابته اكتر واكتر.. بس طبعا غبائى غلبنى اول ما حسيت انى هضعف ومش هينتهى الأمر بحضن بس..

وبكل غباء قولتله..

احححم اوعى ايدك دى عنى انت ما صدقت تلزق فيا..

دا حضن اخوى برئ بحق الصحوبيه يا شق..

احلى مسا عليك..

حمزه بياخد نفسه بسرعه..

كأنه كان بيجرى..

وفى لحظه..

كان شدنى من وسطى ورفعنى من على الارض بقيت فى حضنه تانى..

هييييييييه..

بس وشى مقابل وشه وبيتكلم وهو بينهج جامد..

حمزه:متلعبيش مع الوحش اللى جويا يا دايدا..

انا ملجمه عنك ولو سبته هفترسك وافترس كل حته فيكى ودا حقى على فكره واكيد انتى عارفه..

فريده:ااااا ب ع اححم ابعد نزلنى الاكل هيتحرق..

كان بيبصلى بلمعه فى عينه تجنن حلوه اوى..

بشوفها بس لما اكون قريبه منه كده..

نزلنى بهدوء وانا جوه حضنه..

اه على احساسى وقتها وانا لمساه بالشكل دا وحاسه بنبض قلبه..

لقيت نفسى بهرب من قدامه ودخلت على الحمام القريب من المطبخ..

وكلمته بعد ما قفلت الباب..

انا هصلى العصر اشمعنى انت صليت وانا لاء..

حط انت الأكل وظبط ملح السلطه واتغدى قبل ما تنزل.. وطيت صوتى..

هييييييح اه يا ابن الايه قمر اتجوزت قمر❤..

حمزه:بيكلم نفسه..ااااه يا مجننه حمزه..

طيب اعمل ايه انا دلوقتى..

يامصبر الوحش على الجحش ههههههههه..

المثل دا مناسب لينا اوى يا جدعان..

بحب حجشه صغيره ههههه..

مابقاش انا حمزه الصياد لو ماختش قلبك ليا لوحدى زى ما ختى قلبى من اول مره سمعت صوتك فى التليفون..

صوتك اه ياديدا صوتك اللى خلانى مش عارف انطق..

ولا لما شوفتك سرقتى قلبى..

واقسمت ان ما حد هيتجوزك غيرى..

رغم كل المشاكل اللى وجهتنا واللى لسه بنعشها الا انك فى الاخر مراتى يا قلب حمزه❤..

فريده:خلصت صلاه وخرجت اجرى اشوفه راح فين انا سمعت الباب وهو بيقفل..

دخلت المطبخ لقيته محضر اكل فى الاطباق على رخامه المطبخ..

يكفى فردين وباقى الاكل بالحلل مش موجود..

الله هو راح فين من غير ما ياكل؟؟!!

يكون زعل منى اووووف بقى..

يا فريده الزفت اكيد زعل بس اللى يزعل ياخد حلل الاكل معاه..

بس الأكل شكلو يجنن الله انا جعانه اوى..

ولسه هدوق الاكل سمعت الباب اتفتح تانى..

خرجت بسرعه لقيته قدامى بس مش معاه الحلل..

وطبعا غبائى كالعاده سبقنى وجريت الف حوليه وانا بتلفت يمين وشمال..

حللى حلللللللللللللى فين..

الحلل ياحمزه عاااااااا..

فين حللى الجرانيد..

انت عارف الحله بكااااااام؟؟ عاااااااا حللللللللى..

حمزه:باااااااااااااس..

ايه دا متجوز عرسه..

بطلى سرسعه الحلل هتفضى وتطلعلك..

فى 4 عمال شغالين من صبحيه ربنا فى العماره اللى قدمنا.. بعد ما جبنا الحاجه انا وانتى شوفتهم بياكلو كل واحد علبه كشرى..

قولت يبقى ربنا بعتلهم رزقهم..

سبت اكل لينا ونزلت منابهم ياكلوه سخن كده يرمو عضمهم من هده شغل الفاعل الله يقويهم..

ولا انتى فاكره هعمل الأكل دا كلو ليا انا وانتى بس يا نابغه عصرك وزمانك..

امشى انجرى هاتى الأكل اللى على الرخامه خلينا ناكل انا جعاااااااان..

فريده:انجريت من قدامه فعلا..

لانى كنت على تكه واحده واهجم عليه ابوسه من كل حته.. ااااه لاء بقى قلبى ياناس..

هو فى كده حنين..

وراجل وابن بلد وجدع ورجوله..

ايوه بقى جوزى لوحدى يارب احفظهولى..

انا بحبه ومش عايزه ازعله بكلامى السم اللى بقوله دا..

يارب ساعدنى ابقى زوجه كويسه..

رصيت الاكل على صنيه وخرجت بيه حطيته على السفره.. لقيت حمزه واقف بالبوكسر..

عااااااا انت ايه دا البس حاجه يا يا يا؟؟!!

خرست اول ما قرب منى وشال الأكل بايد واحده وايده التانيه لفها على وسطى وخدنى وقعدنا على الارض..

حمزه:يا يا ايه الحجاره خلصت ولا فصلتى شحن ههههه..

يله علشان الأكله الحلوه دى مينفعش تتاكل على كراسى..

ولا تلبسى هدوم وانتى بتاكليها..

دى تقعدى وترحرحى كده وتاكلى بقى بستمتاع..

فريده:اكل لا طبعا انا مش باكل الاكل دا..

انا هشوف حاجه تانيه أكلها..

ولسه هقوم كان شدنى قعدنى على رجله..

انا كأنى اتلبشت والصدمه شلتنى..

حمزه:هشششش مسمعش صوتك..

انتى هتاكلى من اللى باكل منه غصب عنك مش بمزاجك.. بدأ ياكلنى وياكل معايا..

وانا كأنى فقدت القدره على الحركه والكلام..

باكل بس..

لا والاكل كان طعمه وهم..

وبيشرحلى ان اللى كلته دا كان القلب ودى الكلاوى ودى الكبده وكباب الحله كان خطييير..

وانا زى ما اكون اتفجعت..

لدرجه انو دوقنى الكوارع اللى كان عاملها فى طاجن فى الفرن..

ايييه دا انا تقريبا خلصتلو طاجن الكوارع..

عمرى ما كلت اكل حلو بالشكل دا..

وهو كان مبتسم وبياكلنى بمنتهى الحنيه بايده..

ويباكل ورايا كمان..

لحد ما الاطباق مسحناها..

وشربنى ميه بايده برضو وقالى..

امممم بالهنا والشفا يا ديدا..

وانا سهمت من كتر الاكل..

رفعت عينى وبصتلو كانى مسحوره من قربه ليه..

وقولت اصلح غبائى..

وانتهز الفرصه واصلحه واعوضه عن البوسه اللى طلبها منى وانا رفضتها..

حطيت ايدى على خده بخوف وتردد..

وهو بيبصلى بنظره انا بعشقها..

وقربت من وشه شويه كمان..

ولسه هعتذرله واقوله انا اسفه..

انا عايزه ابوسك..

وهتجنن عليك..

فتحت بوقى علشان اقول..

واذا فجأءه يطلع منى صوت غريب لدرجه ان انا نفسى اتسرعت..

عاااااا عملت كوراعه فى وشه زى بتاعه ياسمين عبد العزيز فى فيلم تمن دسته اشرار عااااااا...

حاولت اقوم اجرى من كسفتى..

بس هو مسكنى جامد داخل حضنه ووقع على ضهره من كتر الضحك..

وانا فوقه بحاول افلت من ببن ايده..

بس هو مسكنى وحضنى اوى اوى وثبتنى فوقه وقالى وهو فطسان على نفسه من الضحك..

حمزه:ههههههههه صحه يا معلم ههههههه

فريده:عاااااااا ابعد عنى يا حمزه..

انت السبب اكلتنى كتير اوى..

مستنى منى ايه يعنى..

الحمد لله انى مرجعتش فى وشك..

اوعى ايدك خلينى اشوف حاجه تهضم الاكل اللى كلناه دا.. بس هو شدنى عليه اكتر وقوى حضنه اكتر واكتر وقالى بهمس وهو قريب اوى من شفيفى..

حمزه:تعالى وانا اقولك الأكله دى تتهضم ازاى..

وبلحظه عكس وضعنا وبقيت انا تحته

يتبع الفصل الخامس اضغط هنا

• الفهرس يحتوي على جميع فصول الرواية كاملة :"رواية بوسه" اضغط على اسم الرواية