رواية الهاربة والشرطي الفصل الخامس 5 بقلم اميرة جمال
رواية الهاربة والشرطي الحلقة الخامس 5
الله أكبر عليكى يابنتى
حلوه يابابا
زى القمر يانغم(كانت ترتدى دريس باللون الأحمر فيه شريط باللون الأسود وحجابها مزينها طالعة زى الأميرات )عارفه ايه أحلى حاجه فيكى يانغم
ايه يا سي بابا
حجابك يابنتى واخلاقك
بابا الله يرحمه كان مهتم اووى انى ابقى محجبة واخلاقى تبقا كويسه قالى هربيكى زى مااخويا رشاد ربانى ده اخو بابا الكبير وهو اللى مربيه وكان بيحبه جدا لولا بس جوازه من ماما كانوا فضلوا مع بعض دايما
هو باباكى اسمه ايه يانغم انا نسيت اسألك
اسمه .....ولم تكمل كلامها ليقاطع حديثهم دخول كريمة
غيث ورائف وصلوا ماشاء الله عليكى يانغومه ايه القمر ده ياحبيبتى
والله انتى اللى قمر ياكركر انتى وبابا العسل ده
البت دى بكاشة اووى ياكريمة ولو أنها ماغلطتش لما قالت عليكى قمر
احمر وجه كريمة خجلا ونظرت للارض وغيرت مجرى الحديث......اتفضل انت انزلهم يارشاد بيه علشان مايقلقوش وانا هجيب نغم وننزل وراك
رشاد فهم انها بتغير الكلام وقرر ينزل علشان مايحرجهاش اكتر من كده وقبل ماينزل بصلها وعنيها مااتحركش عنها وبعدين طلع وسابهم
كريمة قعدت على السرير وهى حاطه ايدها على قلبها
اممم قلبك بيدق جامد
اوووى
هو رشاد كويس يعنى
ده كويس خالص جدا
بس فيه شوية عيوب
عيوبه عندى مميزات
بتحبيه
كريمة لسه هترد انتبهت ان نغم بتجرجرها فى الكلام وقامت مسكتها من ودنها
اه ياكركر سيبينى
لا لما تتلمى الأول وتبطلى كلامك ده
خلاص حاضر والله
كريمة سابتها ورجعت قعدت مكانها
كركر
اممم خير عايزه ايه تانى
ايه بينك وبين رشاد
شكلك عايزه تتضربى تانى
بتكلم جد والله حاسه انكم عشرة اوووى وفيه قصه كده ليكم
ماتتكلميش فى اللى فات يانغم
عايزة اعرف بس
حاضر يابنتى بس مش دلوقتى لازم تنزليلهم علشان مايقلقوش من ناحيتك
طيب لو قالولى ايه اللى حصلى ده اقول ايه
اى حاجه بخاف من الجرائم او اتخضيت من موضوع القتل ده كده يعنى يانغم
اتخضيت وانا نفسي اللى قاتله والدموع اتجمعت فى عنيها
والله يابنتى قلبى مش حاسس انك قاتلة ابدا
انا اللى ضربته على دماغه يادادة وغيث قال أنه مات و بيدور عليا
اطمنى كله خير يلا ننزل مع بعض
يلا
واه لو اتكلموا عن القضية خليكى عادية كده واجمدى واتكلمى معاهم
حاضر هحاول يلا بقا
******************أميرة جمال****************
نغم اول مانزلت تحت وهو غيث مندهش من جمالها وعنيه ماغابتش عنها لحظه
نغم نازلة وهى حاضنة كريمة وبيضحكوا مع بعض وراحت قعدت على الكرسى جنب رشاد
حمد الله على السلامة يانغم
الله يسلمك يارائف
سلامتك ايه اللى حصلك ده
الله يسلمك ابدا ياغيث بخاف اووى بصراحة من جرائم القتل والكلام ده
اه مالكيش فى الأكشن
لابصراحة ماليش
ايه ياولاد هتتكلموا ومش هتأكلوا ولاايه ولا اكلى مش عاجبكم
مافيش احلى منك ولا من اكلك ياكركر
علفكرة انا بس اللى بقولها ياكركر
ليه هى بتاعتك لوحدك
اه هى اللى مربيانى
وبقت مامتى خلاص يابابا
لا شوفيلك ام غيرها
بس انتوا هتتخانقوا اصلا كلكم ولادى حبايبى
ممكن ناكل بقا ده كان كلام رشاد
الكل سكت وبدأوا يأكلوا تحت نظرات تحدى بين نغم وغيث
غيث كان بيبص لنغم نظرات نارية وكريمة لاحظت ده وكانت فاكره فى الأول ان ده بسبب خناقهم عليها لكن بعد اكتشفت لما بعدت عنهم ان غيظ غيث بسبب نغم ورائف اللى مابطلوش هزار مع بعض وكل ده تحت نظرات رشاد وكريمة اللى حسوا ان خلاص غيث هيفقد أعصابه وفعلا حصل اللى كانوا خايفين منه
مش يلا ولاايه يارائف
يابنى خلينا قاعدين شويه
ليه انت ونغم لسه ماشبعتوش من بعض
قصدك ايه
عارفه رائف الصبح وبالليل تهزرى كل ده
وانت مالك ده يخصك فى ايه
طبعا ما دى أخلاقك وتربيتك ياهانم
نغم ماستحملتش الاهانه وطلعت تجرى على فوق ورشاد اتعصب على غيث ومشى هو و رائف
ايه اللى هيحصل بين غيث ونغم؟
يتبع الفصل السادس 6 اضغط هنا
فهرس الرواية يحتوي على جميع الفصول (رواية الهاربة والشرطي) اضغط على اسم الرواية