رواية علاقة حب البارت الخامس 5 بقلم ندى عاطف
رواية علاقة حب الفصل الخامس 5
قفلت النور وروحت اتغطيت ونمت.
شويه وتليفوني رن فصحيت.
لاقيته رقم غريب!
فتحت الخط.
سارة:_ الو...........................فارس!!!!!!!!!.
فارس:_ آسف لو كلمتك ف وقت متأخر بس بصراحه مقدرش مكلمكيش وانا معايا رقمك.
سارة:_ لا ولا يهمك بس انت جبته منين؟
فارس:_ من المستشفى.
لما خرجت بعدها بيومين كنت فوقت ورجعت لحياتي الطبيعيه، رجعت المستشفى عشان اشوفك لاقيتك مشيتي!
وقتها روحت للمدير وطلبت منه ال Si Ve بتاعك وطلبت رقمك وعرفت عنوانك .
لما روحت البواب قالي انك رجعتي بيت اهلك، ولما سالته دلني.
سارة بكسوف:_ وبعدها جيت تتقدملي.
فارس:_ اكيد عشان عمري ما هلاقي زيك يا سارة.
سارة:_ بس ايه عرفك اني هوافق.
فارس:_ انا متاكد انك هتوافقي ولسبب انا وانتي عرفينه كويس.
سارة:_.....
فارس بمشاكسه:_ امممم اتكسفتي لا انا اروح اشوف واحده تانيه تاخد وتدي معايا في الكلام.
سارة بسرعه:_ لا والله انا اهو.
فارس بحُب:_ سارة.
سارة :_ نعم.
فارس:_عارفه انا رنيت عليكي ليه؟
سارة:_ ليه؟
فارس:_ عشان وحشتيني، على فكرة كان شكلك حلو بالبيجامه .
سارة بخجل:_ ربنا يخليك.
فارس:_ ربنا يخليك! سارة هو انا عمو محسن جوز عمته.
سارة بضحك:_ لا.
فارس بإبتسامة:_ طب نامي يا قمري عشان معندناش بنات تسهر.
سارة بإبتسامه:_ حاضر تصبح على خير.
فارس:_ وانتي من أهلي.
اتكسفت وقفلت الفون على طول.
معرفش ايه حصل بس قومت اتنطط على السرير والضحكه من الودن للودن.
بعدها حضنت المخده وهبدت نفسي على السرير ونمت وانا مبتسمه.
تاني يوم__
الساعه ٧ بليل____
سارة:_ سما هاتيلي طبق رز بلبن من عندك.
سما بلماضه:_ اتكسحتي امتى.
سارة:_ ايتها الاخت العاق.
سلمى:_ والله يا بابا انا مفيش مني اتنين، شوفت كيوت ازاي مش بصوت ولا بعلي صوتي وبحبك وبحب ماما ومهتميه بمذاكرتي.
عبد الله وهو بياكل فشار:_ عايزا ايه يا سلمى.
سلمى وهيا بتنط جنبه على الكنبه:_ عايزا ٤٠٠ ج أخرج مع صحابي.
سما:_ نعم نعم نعم نعم ٤٠٠ ج تخرجي مع صحابي ، وانا اخد ٣٠ ج!!!!!!
سيبتهم ودخلت اوضتي، اصل عيلتنا عيله متفاهمه جدا زي ما انتوا شايفين كدا.
قعدت على السرير وشغلت اللاب، وجبت فيلم وقعدت اتفرج.
بعدها بشويه لاقيت ماما بتخبط على الباب.
سارة:_ اتفضل.
ماما دخلت لمت الهدوم اللي مرميه في الاوضه وهيا بتقولي.
رحاب:_ ابوكي عايزك.
سارة:_حاضر.
شيلت اللاب وروحت الصاله لاقيته قاعد على الكنبه، قعدت جنبه وقولتله.
سارة:_ نعم يا بابا.
عبد الله:_ انا كلمت فارس واتفقنا بعد بكرا هيجي هو واخواته ويجوا يتقدم رسمي.
سارة:_ تمام يا بابا.
سيبت بابا ودخلت اوضتي لاقيت ماما قاعده على السرير مستنياني.
سارة بتساؤل:_ خير يا ماما في حاجه.
رحاب:_ تعالي يا سارة عايزا اقولك حاجه.
روحت قعدت قدامها قولت:_ نعم.
رحاب:_ لو ربنا يا بنتي كتبلك فارس من نصيبك وروحتي عيشتي في قصر الشناوي مع عيلته، اوعي تستقلي بينا، احنا مش فُقره يا حبيبتي، ابوكي مهندس بترول اد الدنيا، وعايشين في بيت واسع، وعندنا ڤله في الشيخ زايد واختك دكتورة صيدله وانتي دكتورة صيدله وسلمى في كليه هندسه كمبيوتر، وامك مدرسه فلسفه، واحنا مش قليلين، عايزاكي في نفس مستواهم، عشان احنا منعرفش ايه شكلهم ولا ايه طبعهم! الله اعلم تنكين ولا متواضعين، عايزاكي تعتزي بي أهلك واوعي تستقلي بنفسك ابدا.
سارة وهيا بتبوس راس رحاب:_ عارفه يا ماما عارفه.
رحاب:_ واه حاجه كمان.
سارة:_ ايه.
رحاب:_ بس هتجوبيني بصراحه!
سارة:_ اتفضلي.
رحاب:_ انتي ليه مكملتيش في علاجك؟!
- تابع الفصل التالي عبر الرابط: "رواية علاقة حب" اضغط على أسم الرواية