رواية الملتزمة الصغيرة الفصل الخامس بقلم سمر ابراهيم
رواية الملتزمة الصغيرة الفصل الخامس
الكل وقفين على القبر نفس بتدعي لوالدتها ودموعها نازلة شلالات
مريم بتفكر:- ربنا يرحمك جبتي على الدنيا بت زي نفس مع أني عرفتها انهاردة وفي الظروف دي بس حبيتها اوي من النهاردة نفس ذي فرح واكتر
الجد:- يلا ي نفس الليل ليل
نفس:- عايزة أفضل معها ي جدو
الجد:- هي معاها الملائكة ي نفس أن شاء الله تكون شافت مكانها في الجنة و في انتظارك هناك
نفس:- يا رب ي جدو أسفه تعبتكم معايا اوي
مريم:- ي سلام ليه هو فيه كام نفس عندنا
تفاؤل:- لا أنا كدا بدأت اغير بقى محدش يقرب من صحبتي تاني فاهمين
الكل ركب العربيات ورجع على البيت ونامو
ملحوظة فرح ومنال مش معاهم طول الوقت دا
تاني يوم على الفطار
منال أول مرة تشوف نفس:- هي دي نفس اللي عاملين عليها دوشه وفي الآخر طلعت بت الخدامة هههههه
نفس:- ايوه هي دي نفس مش عجباكي ومالها الخدامة ما الدكتورة في خدمت المرضى والشرطة في خدمة الشعب وكلو يخدم كلو
منال:- لا مش عجباني وأنتي بتقارني بيني وبين مامتك الخدامة
نفس:- مش مهم عجباكي ولا لا ورأيك غير مرغوب فيه+ معاكي حق اذاي أقارن بينك وبين مامتي لا وجه للمقارنة بينكم من الأساس
منال:- بت أنتي بتكلمني أنا كدا ي بت أنتي
نفس ببراءة:- لا ي طنط بكلم الحيطة اللي هناك دي اللي دخلك كلية طب ظلمك
منال:- أنت.....
الجد:- خلاص ي منال كلي وأنتي ساكته ولينا كلام تاني بعد الأكل وعيب كدا ي نفس
نفس بتبرطم في سرها بس بصوت همس:- العقل زينه شكلة مش بس ابنك الحمار أنتي كمان
أويس بنفس الهمس:- سمعتك على فكرة
نفس:- عارفة على فكرة وبلاش تلمع اكر كدا التجسس حرام
أويس:- والغيبة على الناس والشتيمة عليهم
نفس:- معاك حق شكراً يا حمار قصدي ي أويس أنك فكرتني
أويس:- وربنا ي نفس لخليكي تعتذري عشر مرات على الشتيمة دي
الجد:- هو ايه اللي بيحصل ي نفس أنتي وأويس الأكل برد وأنتم بتقولوا أسرار وأنت اخر مرة تقعد جنبها على الأكل معندناش الكلام دا هنا
نفس:- لا ي جدو أويس كان بيقولي أنه عايز يخدني انهاردة يخرجني عشان أنسى بس أنا بقوله لازم أخد رأي جدو الأول واللي يقوله الكبير يمشي
الجد:- طيب مفيش مشاكلة كلامك ثبتني الصراحة
أويس:- الكدابة الصغيرة اخرجك فين يختي
نفس:- سورى بس مطرة عايزة أخرج ي أويس لمكان مهم احكيلك بعدين
أويس:- أنا تحت أمرك بس عندي امتحانات كمان اسبوع أنتي اخدتي الإجازة ي بختك
نفس:- شكراً
نفس مش عارفه تأكل بالشوكة وأويس مسك
«اللي بتقول أن أويس مسك الشوكة وأكلها إلهي تنشكي في صباعك الصغير ي شيخة بطلي تفكيرك دا ي بت فهماكي »
أويس مسك معلقة ومدها ليها وهي أكلت بيها عادي يعني
،،،،،،،،،،،،،،،،
في اوضة مريم وأحمد
مريم:- نفس صعبانه عليا أوي
أحمد:- بتمثل أنها قوية ومن أول ما رجعت من المقابر رافضة تبكي ودا أسواء الدموع بتريح
مريم:- شفت تعامل منال معها بس هي غلبتها في الكلام دا أنا معرفتش أعمل في منال كدا
أحمد أبتسم لفرحتها وساكت
مريم:- ساكت ليه 🙂
أحمد:- مريم أنا عايزك تسامحني أنا معترف بغلطي وعايز اصلحها بأي طريقة أنا حرمتك من التعليم لأني أناني بس والله بحبك وبغير عليكي وكنت عايزك تفضلي طول الوقت معايا ولا مرة فكرت أن الموضوع ممكن يأثر علينا في المستقبل ولو أعرف كدا كنت سبتك تكملي تعليمك
مريم:- أول مرة تعترف أنك غلطت تعرف أنا دلوقتي مش زعلانة منك واوعدك الموضع دا أحاول أنساه كفاية أنت وولادي في حياتي مش عايزة أكون ذي حد
أحمد:- يا رب ي مريم تنفذي الكلام دا لأني بجد تعبت من حزنك اللي بشوفه كل مرة منال تجيب سيرة التعليم والطب وعيونك الحزن مغطي على فرحتك والله أنا شايفك أفضل وحده في الدنيا ولو أطول أرجع الزمن عشان تكملي تعليمك ارجعه.
«الست مش محتاجة حلول مش محتاجة غير كام كلمة ترجع ليها ثقتها تدعمها وتسيبها تفضفض وأعصر على نفسك لمونة وسمعها للآخر تقلب بيتك جنة مش تكبتها وهي تعبي تعبي زي حلة الضغط ولما تنفجر في وشك تقول نسوان »
،،،،،،،،،،،،،،،،،،
في الحديقة تجلس كل من فرح و ميرا
ميرا:- فرح الامتحانات بقى عليها أسبوع قولت لإسلام هيجي يتقدم بعد الامتحانات
فرح:- حلو يكون أرتاح بلاش تضغطي عليه خليه براحته بلاش تحسسيه أنه مجبور عليكي
ميرا:- أنتي عملتي حاجة مع أويس
فرح:- لا وهو طول اليوم مع الغبية دي ومش معبرني أنا لازم أخلص منها بأي طريقة
ميرا:- هههههههه دا أنتي حالتك صعبه اوي توصل للقتل ي بت
فرح:- واكتر أويس دا بتاعي أنا وبس
شخص مجهول جه عليهم:- واللي يوصلك لأويس مقابل أنك تخلصي من نفس للأبد
فرح:- أخلص منها ومن أهلها وابتسمت بخبث
ويا ترى مين المجهول دا وهو حد من العيلة ولا لا ؟
أسد شاف ميرا وهي خارجة من الفيلا قرر يبرر ليها موقفة ويسلم عليها:- أهلا وسهلا يا ميرا أنا عارف إني خلفت وعدي بس الظروف غصب عني العيلة كلها متوترة الفترة دي
ميرا:- لا عارفه ومقدرة خد راحتك ي أسد أنا قولت لإسلام أنك جاي بعد الامتحانات بتاعتي
أسد:- بجد شكراً أنا كنت لسه هقولك على الحل دا
ميرا:- تفكيرنا ذي بعض بس ي ريت تكون عند وعدك ليا ي أسد
أسد:- أن شاء الله وبالتوفيق في الامتحانات
ميرا مشت وأسد فضل يفكر اذاي يقول للعيلة أنه عايز يتجوز كدا وفهد أخوه الكبير لسه مش خطب دا غير أنه في تالته كلية
،،،،،،،،،،،،،،،،، سمر إبراهيم
نفس:- أويس أنا كنت عايزة أشوف الراجل دا بس تكون معيا لأني خايفة وعايزة أوجه خوفي وكون قوية زي ما وعدت ماما
أويس:- أنتي متأكدة من قرارك ي نفس
نفس:- ايوه متأكدة البس يلا على بال ما أعتذر من مامتك على أسلوبي في الكلام تكون جهزت
أويس:- وأنا مليش اعتذار على كلمة حمار يعني
نفس:- لا ويلا بسرعة بلاش دلع وتفضل ترش برفان يكفي محافظة وتتشيك قدام المرايا ولا عارض الأزياء رايحين السجن مش حفل تكريم
أويس:- لسنك دا قصة على أيدي ي نفس
نفس مشيت بخوف بس عاملة نفسها قوية:- هههههه ولا تقدر بعضلاتك المنفوخة وخلاص دي
أويس:- أجري أجري ي جبانة
منال:- أدخل
نفس:- احم أنا آسفه ي طنط على أسلوبي في الكلام على الفطار
منال:- تعالي ي نفس قربي كدا
نفس:- نعم
منال:- أنتي اللي خليتي تفاؤل تلبس الحجاب وأويس وكل الشباب يصلوا في المسجد كل فرض والبيت كله بيصحى يصلي الفجر صح
نفس:- هما اللي حبين كدا و أنا كنت بس سبب ليهم أنهم يصلحوا من نفسهم حبتين
منال:- أنا حبيتك اوي ي نفس تعالي في حضني كدا و تعبريني زي مامتك من دلوقتي
نفس:- طبعاً وأنا جايه أعتذر ليكي على أسلوبي بس أنا كنت متوترة والأيام دي صعبة عليا
منال:- لا عادي بس أنت وأويس عيب اللي عملتيه دا صح وحرام مش دا اختلاط براجل غريب
نفس:- ايوه صح أنا الأيام دي بغلط كتير ممكن لأن ماما مش معايا توجهني الصح والغلط بس خلاص ربنا يغفر ليا بقى
منال:- شطوره أنتي خارجة
نفس:- ايوه خارجين أنا وأويس وتفاؤل عايزة أشوف الراجل اللي قتل ماما
منال:- باباكي
نفس:- هو مش بابا مفيش أب بيقتل مراتة ويشرد ولاده يلا بقى سلام اتاخرت
منال:- سلام ي قمر
في السجن يجلس وضع يديه على خده يبكي بندم على فعلته الشنيعة وكلما تذكر يضرب راسه ويندب حظه
نفس:- ليه
محمود:- نفس بنتي أنتي بخير
نفس والدموع في عيونها :- هههه مهتم اوي طيب ليه عملت فيا كدا
محمود:- مكنتش في عقلي ي بنتي
نفس:- أنا مش بنتك، وعقلك كان مغيب طيب كان فين عقلك أول مرة شربت فيها كان فين لما أخترت الطريق دا كان فين لما فقت الصبح وشفت آثار ضربك ليا ولماما ليه متغيرتش عشان خاطرنا كان قدامك بدل الفرصة ألف أنك تتعالج
محمود:- أنا لما كانت مامتك حامل فيكي فرحت بيكي جداً وكنت منتظر جيتك على الدنيا بس اطردت من الشغل ظلم فضلت ادور على شغل كتير وكانت بموت من الجوع بس مامتك اشتغلت خدامة ودا وجعني اوي زل وفقر كنت متحملهم وفي الآخر شغلت مراتي وأنا عاطل في البيت هربت من الواقع بالشرب بس والله ندمان اوي ممكن ربنا يسامحني ي نفس ممكن يغفر ليا في يوم
نفس:- ربنا غفور يغفر اي ذنب بس صدقني طول ما أنا عايشة ع الدنيا هفضل أكره فيك كل ما افتقد ماما وأشتاق ليها أكرهك اكتر حسبي الله ونعم الوكيل فيك زي ما حرمتني منها وهي كانت السند الوحيد ليا حسبي الله على كل يوم ضربتني فيه أنا وماما وكل لحظة عشنا فيها في رعب وخوف منك وبسببك
نفس خرجت من عنده وهي قوية أو بتدعي القوة
أويس:- تحبوا اخدكم للملاهي وجيب ليكم غزل البنات
تفاؤل:- بجد يا ريت
نفس:- لا مش قادرة عايزة أروح البيت بليز
الكل مشيوا بصمت
الجد:- نفس رجعتي يلا ي حبيبتي نتكلم شوية أنتي شكلك نسيتني ي حب
نفس:- آسفه ي جدو أنا عايزة ارتاح شوية لوحدي
الجد:- ماشي ارتاحي ي حبيبتي
نفس مشيت على اوضتها والجد سأل أويس كنتم فين
أويس:- شافت بابها وتكلمت معاه ومن وقتها وهي ساكته
الجد:- وأنت غبي تاخدها ليه ممكن تتعب
صوت صراخ نفس وبكاها
الكل أتوجه لأوضتها بخوف
ويا ترى بتصرخ ليه
يتبع الفصل السادس اضغط هنا
- الفهرس يحتوي على جميع فصول الرواية كاملة :"رواية الملتزمة الصغيرة" اضغط على اسم الرواية