رواية عندما يعشق العلماء الفصل الخامس بقلم دينا عويس
رواية عندما يعشق العلماء الفصل الخامس
في مكتب ما في أحدي شركات المروان (شركة المهندسين)
الاب محمود بتعب :_ يا ابني خليك معايا هنا انت شغلك كله هنا مالك شغلك كله هنا
مروان:_ والله يا بابا انت عارف انا بحب شغلي أد ايه بحب مهنة الطب اووي وبحب ابقى المنقذ للمرضي انا كده مرتاح وبعدين انت موجود في الشركة وانا في المستشفى خلينا كده كويس
الاب محمود :_ لا يا حبيبي انا مش هعيش العمر كله معاك لازم تتعلم شغلك في شركاتك عشان تقدر بعد كده تحافظ على المستوي العالمي للشركات
مروان :_ حاضر يا بابا انا هوزع وقتي عشان اقدر أجي هنا يعني ممكن يومين كده في الاسبوع كويس كده؟
الاب محمود :_ خلاص ماشي يا حبيبي انا والله بعمل على مصلحتك
مروان :_ عارف يا بابا والله
المهم عاوز حاجه لازم أمشي دلوقتي عشان عندي عملية بعد ساعة لمريض بالقلب
الاب محمود :_ لا يا حبيبي ربنا يوفقك ويسعدك ويفرح قلبك يارب
مروان :_ آللهم امين وياك يارب
لو رجعت متاخر النهارده متقلقوش تمام
الاب محمود :_ تمام يا حبيبي في حفظ الله مع السلامه
مروان :_ سلام
««««««««««««««««««««««««
عند منزل دينا
الام :_ في ايه يا ابراهيم مالك أختك عملت ايه
ابراهيم بصدمة وبحزن. :_ للاسف يا دينا مجموعك مش كويس
دينا بخوف شديد :_ يعني ايه انا سقطت؟
الام بتسأل:_ ايوه يعني جابت كام ايه القلق ما تريح قلبي يا ابني
ابراهيم بتوتر. :_ للاسف جابت 58 /100 وبس معاها مادة الفيزياء يعني دلوقتي معاها مادة ومجموعها 58 %
الام بحزن شديد :_ يعني ايه دلوقتي مش هتعرف تدخل كلية كويسه زي صحابها اكيد هما التلاتة درجاتهم كويسه انا عارفه من يومهم وهما كويسين في كل حاجه مش زي أختك اللي مش شاطرة غير في الضحك
دينا بحزن شديد وبدون ايه رد فعل ولكن الدموع تملئ عينيها
ابراهيم بحنان :_ بس يا ماما بلاش كلامك داا وانتي يا دينا اهدي ان شاء الله في حل انا هدفعلك فلوس تدخلي كلية كويسة من الكليات الخاصة
و ان شاء الله تبقي فيها حاجه كويسه
دينا بحزن شديد :_ لا يا ابراهيم انا مش نافعة في حاجه حرام تدفع فلوس تاني كفايه انك بتصرف عليا من بعد بابا
ابراهيم :_ بس يا هبلة انتي ايه الكلام دا انتي أختي الصغننه الحلوة الجملة حبيبتي وبعدين ما انا زي بابا الله يرحمه
الام بشفقة على اولادها :_ بس يا دينا ان شاء الله ابراهيم يلاقي حل كويس وانت يا حبيبي ربنا يحفظك ويسعدك ويوفقك يارب
ابراهيم :_ آللهم امين واياكي يا ماما يا حبيبتي ان شاء الله دينا تحقق كل احلامها
دينا وهي تحتضن أخاها :_ ربنا يديمك في حياتي يا حبيبي بحبك اووي وانتي كمان يا ماما
الام بحنان :_ ويديمك لينا يا حبيبتي احنا كمان بنحبك
المهم دلوقتي عندك مادة فيزياء يالا عشان تبدأي مذاكرة عشان تعدي بقي من السنة دي وتبدائ صح في الجامعة باذن الله
دينا :_ ان شاء الله يا ماما يالا انا هدخل أوضتي اشوف الامتحان يوم اي ومي شاطرة في الفيزياء تذاكرلي عشان أنجح واعدي وكمان عشان ابارك للبنات مهما كان دول صحابي
الام :_ تمام يا حبيبتي سلميلي عليهم
دينا بحزن يملئ قلبها ولكن تخفيه ببراعة حتى تظل البسمة على وجوه أهلها :_ حاضر يا ماما يوصل
ثم تغلق عليها باب حجرتها لتنزل دموعها في صمت
----------------------------------------
عند منزل مي
مي للحج سعيد :_ الله يبارك فيك يا عمي
الحج سعيد:_ حبيبتي يا مي الف مليون مبروك يا حبيبتي والله تستاهلي كده واكتر من كده ربنا يحفظك يا حبيبتي
مي :_ ربنا يديمك ليا يا عمي والله بحبك اووي زي بابا الله يرحمه
الحج سعيد:_ ربنا يرحمه ويسكنه فسيح جناته
الام سميحة :_ الحمدلله ربنا عوضني من بعد غياب محمد بمي ربنا يحفظها يارب
الحج سعيد :_ الحمدلله مي انتي زي بنتي والله اي حاجه تحتاجيها انا تحت امرك يا أختي سميحة اي حاجه تحتاجها مي اوعي تخبي عليا والله انتي متعرفيش غالية عندي ازاي
الام سميحة :_ عارفه والله
ربنا يبارك فيك يارب والله مش محتاجين اي حاجه فضل ربنا كتير و الحمدلله
مي بشكر :_ شكرا يا عمي
الحج سعيد :_ لا انا زي باباكي الله يرحمه انا اللي هقدملك في الكليه باذن الله ماشي
مي:_ ان شاء الله يا عمو
الحج سعيد :_ طب السلام عليكم استأذن انا
الام سميحة :_ اقعد شويه يا حج معانا
الحج سعيد:_ والله لو فاضي كنت قعدت بس والله هشوف التنسيق والدنيا وبعدين ان شاء الله اجي عشان اقدم لمي
الام سميحة :_ ان شاء الله مع السلامه
الحج سعيد :_ سلام في حفظ الله
بعد مغادرة الحج سعيد
دخلت الام الي المطبخ لاحضار الطعام والفرحة تغمر قلبها
*دخلت مي الى غرفتها لمهاتفة صديقاتها
نسمة وهي تتحدث الى سما :_ يا بنتي انتي محسساني ان ثانوية عامة اخر الدنيا ليه والله لسه قدامك كتير مواقف هتكون أصعب من كده
سما بحزن :_ انا كنت عاوزه صيدلة كده مش هينفع ادخلها
مي بحكمة:_ بصي يا سمسم لو كل مشكله هنقف عندها كده يبقى مش هنعرف نعيش كده غلط لسه يا بنتي ادامك حياة كاملة لسه هتعيشي ظروف زي دي لازم تبقي أقوي من كده عيشي حياتك يا حبيبتي افرحي مش نتيجه اللي تزعلك وتدايقك لسه معاكي فرصة في الكليه كمان و ان شاء الله ربنا يكرمك ويوفقك يارب
سما ببعض الراحة:_ حاضر يا مي
نسمة بضحك :_ والله انتوا محسسني ان اللي هيتخرج من التعليم بيشتغل بتعليمه دا معظم اللي متخرجين فاتحين مشاريع بعيد خالص عن تعليمهم
مي بضحك :_ أتفق معاها يالا اضحكي بقى يا سمسم
سما بحب :_ بصراحه احسن حاجه عملتها في حياتي اني صاحبت صحاب زيكوا كده اخواتي مش اصحابي والله ربنا ما يحرمنا من بعض ابدا يارب
مي :_ يارب المهم البت الفرفوشة فين دينا عملت اي تعرفي
سما :_ لا والله مش عارفه
نسمة :_ خلاص نشوف معاد نروح فيه مع بعض باذن الله
مي وسما :_ ان شاء الله
يتبع الفصل السادس اضغط هنا
- الفهرس يحتوي على جميع فصول الرواية كاملة :"رواية عندما يعشق العلماء" اضغط على اسم الرواية