رواية تبنيتها ولكن أحببتها الفصل الخامس بقلم منة الله وائل
رواية تبنيتها ولكن أحببتها الفصل الخامس
فريده :
هو راح فين بقيت الورد بقا
كامل وهو يمسك ورده بيديه :
بتدوري على الورد دا؟
التفتت فريده سريعا الي ذلك الصوت فوجدته هو، من يتبعها في كل مكان تتواجد فيه، فزعت فريده فور رؤيته واوقعت جميع الورود على الأرض وكانت تقف على حافة صخره وهي ترجع إلى الوراء
كامل بعلو صوته :
حسبي يا فريده
فريده بصراخ :
عاااااااااااااا،
خرجت تلك الصرخه من فريده عندما وقعت ولم يستطيع كامل انقذها
كامل بصدمه وهو يحاول ايفاقتها:
فريده فوقي، ردي عليا يا فريده، يابنتي انتي
جاءت فيفيان سريعا عندما سمعت صوت صراخ فريده :
فريده حصل اي
اتسعت عينيها بصدمه عندما رأت كامل
كامل في محاوله لتفهيمها الموقف:
اهدي، انا ماعملتش حاجه انا يادوبك كنت بكلمها فهي كانت واقفه هنا وهي بترجع لورا قولتلها تخلي بالها مالحقتش امسكها وقعت و ملحقتش امسكها
فيفيان ببكاء وهي تحاول ايقاظ فريده :
فريده حبيبتي ردي عليا، فريده انا معرفش اي حاجه هنا لوسمحت فوقي
كامل وهو في محاوله لتهدئتها :
اهدي طيب انا هتصرف قومي يلا
فيفيان بخوف :
هتعمل اي؟
كامل وهو يحمل فريده :
لازم نروح اقرب مستشفى بسرعه بدءت تنزف من دماغها يلا تعالي ورايا
ذهب كامل الي سيارته وهو يحمل فريده وبجانبه فيفيان تبكي
ركبوا السياره وانطلق كامل الي اقرب مستشفى لإنقاذ فريده
بقلمي منه وائل
*************************
في المدرسه
كانت تجلس موزموزيل نانسي في الحديقه تجهز لدروس بداية الأسبوع وجدت امرأه تقف بعيد وتنظر الي المدرسه وتتفحصها بدقه
نانسي وقد لاحظت تلك المرأه :
انتي بسبس، انتي مين وواقفه كدا لي؟
نظرت لها تلك المرأه ثم ذهبت سريعا من أمامها
نانسي وهي تلاحقها :
يا انتي ردي عليا انتي مين وعاوزه اي، ياست انتي
السيده ماري وهي تنادي على موزموزيل نانسي قائله :
موزموزيل نانسي انتي بتعملي اي عندك؟
نانسي وهي تنتبه للسيده ماري قائله :
ميس ماري في ست هنا كانت بتراقب المدرسه انا شوفتها بعيني وروحت وراها ولكن مش لحقتها
السيده ماري:
نانسي يبدو أنك تعبانه ياريت تقضي اجازتك في غرفتك عشان دا ميأثرش على نظرك وصحتك اوكي
ثم تركتها ورحلت
نظرت نانسي الي مكانها الفارغ ثم عادت مره اخرى تنظر إلى مكان تلك المرأه ولم تجد احد فعلمت انها لم ترى شئ من الأساس فذهبت اللي الداخل وفعلت مثلما قالت لها السيده ماري
وعلى مقربه من المدرسه كانت تقف تلك المرأه ووجها يبدو عليه الإرهاق، وكان شكلها يبدو مخيف ثم قالت بصوت مرعب :
لازم ادخل المدرسه دي، لازم اوصل لأي بنت من المدرسه دي
ثم ألقت نظره اخيره على البنيه ثم رحلت
بقلمي منه وائل
*************************
في منزل عاصم
كان يفتح باب منزله ويدخل، تفاجأ باحد ما بجلس على الاريكه في الصالون
عاصم بصوت قلق :
مين؟
ولكن لم يجد اي استجابه
اقترب عاصم من ذلك الذي بجلس على الاريكه ولم ينتبه لوجوده ثم أعاد السؤال مره اخرى وقد دب الخوف الي اوصاله :
احم.. مين؟
واخيرا التفت ذلك الشخص براسه وكانت امرأه
ابتسم عاصم بشده قم ذهب سريعا الي تلك المرأه وارتمي بين احضانها وقال بسعاده :
ماما وحشتني اوي اوي يا ماما انتي جيتي امتا؟
ابتسمت تلك المرأه التي كان يبلغ الشيب خصلات شعرها ولكن كانت تبدو جميله كأنها تحتفظ بجمالها حتى وان كبرت بالاعوام قائلا :
جيت الصبح وانت في الشغل، اي يا حبيبي عامل اي واي اخبار حياتك
عاصم وهو يشتد من احتضانها:
انا كريس ياأمي بس انتي وحشتني اوي ياااااا حاسس ان روحي رجعتلي تاني
وضعت يدها على راسه وملست على شعره وقالت بحنو :
انا جيت عشان كنت متأكده انك محتاجني مش انا قولتلك لما تكوني محتاجني هتلاقني عندك من غير انت ما تطلب، وشك مش عاجبني يا عاصم وخاسس كدا، فيك اي يا حبيبي؟
نظر لها عاصم ثم تغيرت ملامحه للحزن وقال :
انا فعلا محتاجك اوي يا أمي، حاسس اني تعبان اوي وحاسس اني مش مرتاح
أمسكت وجهه بين يديها ونظرت في عينيه وقالت بحنان أموي :
احكي يا حبيبي انت محتاج تخرج اللي جواك احكي انا سمعاك
امسك عاصم يديها ثم قبلها وقام من مكانه وقال بصوته يملئه الحزن والوجع :
بحبها اوي يا ماما، بحبها لدرجة انها بقت مسيطره على عقلي مبقتش عارف اشتغل ولا عارف انام ولا عارف اعيش، حاسس ان الدنيا بتموتني بالبطئ
ذهبت له امه والدموع على خديها ثم اخذته بين احضنها وبدءت في التمسيد على ظهره قائلا ببكاء :
يا حبيبي يا بني بقا كل دا شايله في قلبك لوحدك اتكلم يا حبيبي اتكلم وريح قلبك
اكمل عاصم كلامه وهو بين أحضان امه كالطفل الذي يهرب من مشاكل العالم في حضن امه :
اول يوم روحت فيه على بيتهم كانت هي ١٦ سنه، ايوا كانت صغيره كنت بحب اتامل ملامحها اوي، مكنتش متخيل انها بالجمال دا،وكمان لما كبرت بقت احلى، انا مش عارف بس هي مش واخده بالها لي انا تصرفاتي معاها تبين اكتر من كدا تفتكري هي بتحب حد؟
أخرجته من بين احضنها وقالت :
والله السؤال دا بقا تسألهولها لما تصارحها بمشاعرك دي، يعني لو فضلت ساكت كدا كتير مش هتطول ولا سما ولا ارض وهتفضل تندم طول حياتك
عاصم بنفي :
اصارحها! لا طبعا مش هقدر، افرضي احرجتني او أضيقت مني، وبعدين دي بنت عم كامل يعني مش هقدر اخون صاحبي دي من اهل بيته واكيد هو هيضايق من حاجه زي دي
أمسكت يده وهي في محاوله لفهمه:
يا حبيبي افهمني بس انت لو فضلت ساكت بالشكل دا انت كدا هتخسرها دا اولا ثانيا تخونه ازاي بس هو بيحبها، وبعدين هو نفسه هيفرح هو هيلاقي احسن منك يأمن بنت عمه عليه، اسمع الكلام با حبيبي بلاش دماغك دي توديك في داهيه اعمل اللي قولتلك عليه انت لازم تعرف هي في حد في حياتها والا لا وتصارحها بمشاعرك دي وساعتها كل حاجه هتبقا تمم وعلى الاقل ترتاح من العذاب دا
نظر لها عاصم بحيره ثم قام من مجلسه وقال :
حاضر ياأمي حاضر المهم يلا قومي عشان ناكول وتريحب جسمك من السفر دا لان انا شويه ونازل عندي شغل، الا صحيح اومال فين الاخ عز مش ظاهر يعني
ضحكت على طريقة ابنها ثم قالت :
يا واد انت هتفضل حاطط نقرك من نقر ابوك كدا
عاصم بضحك :
هههههههههههه مش القصد يا بطوط والله بس يعني ولا جه مره سأل عليا ولا اي حاجه، طب هو مجاش معاكي لي؟
فاطمه وهي تبرر له :
والله يا عاصم ابوك مبقاش زي زمان صحته بقت على قده يعني حتى لما بينزل الدكان بتاعه مش بيشتغل الصبي بتاعه هو اللي بيشتغل
نظر لها عاصم بمكر ثم قال بمزاح :
صحته بقت على قده!، هو الرجل دا عمل اي قصر رقبتنا والا اي ؟ تحبي اجوزك غيره
شهقت فاطمه من كلام ابنها ثم انهالت عليه بالضربات قائله :
اه ياقليل الأدب يا حيوان احترم نفسك
ضحك عاصم بشده على طريقة والدته ثم قال وهو يسد ضرباتها:
ههههههه خلاص خلاص مش قصدي، انا غلطان يعني عاوز اساعد، وبعدين منا قولتله يسيبوا من الدكان دا بقا ويرتاح منا بقيت راجل أعمال قد الدنيا يعني المفروض هو يرتاح بقا
فاطمه وهي تجلس وتخلع الحجاب :
يااا عليك ياعاصم، يعني انت عارف ابوك كويس وبرضو بتقول نفس الكلام، ابوك لما علمك يا عاصم علمك عشان تنفع نفسك وتوصل للانت فيه دا بمجهودك مش عشان ياخد منك ويعيش، ابوك مهما كبر هو برضو قادر يصرف عليا انا وهو وبعدين انت يا زفت مش بتسأل على اختك ليه، دا جوزها قارفها في عيشتها
عاصم بنفاذ صبر :
يووووه مش هنخلص من مواويل ياسمين وخالد دي، ياأمي انا مل لما بدخل بنتك هرمون المحن عندها بيشتغل وقال اي بتخاف عليه مني، هو انا هعمله اي يعني دا انا هتفاهم معاه لكن ازاي هي بقا عاوزه كدا تستاهل
فاطمه :
يا حبيبي ماانت عارف ان هما بيحبوا بعض اوي بس هما مجانين
عاصم وهو يذهب إلى المطبخ :
مجانين على نفسهم بقا مش علينا احنا مش ناقصين، على العموم حاضر ياماما هروحلها يلا قومي خدي دش على ما الاكل يجهز
فاطمه بموافقه:
حاضر يا حبيبي
بقلمي منه وائل
*************************
في المستشفى
كان يحملها على ذراعيه ويجري في المستشفى قائلا بصوت عالي:
دكتور بسرعه، هاتولي دكتور
الدكتور وهو يحثه على إدخالها الغرفه :
تعالي بسرعه حطها هنا
كانت فيفيان تبكي بشده خوفا من ان تذهب صديقاتها، خوفا من رحيلها فهي لم يعد لديها احد
كامل وهو في محاوله لطمئنينتها :
ماتخافيش هي هتبقا كويسه وهترجع معاكي
نظرت له فيفيان بحزن والدموع تملئ وجهها
مره ساعه على دخولها غرفة العمليات وكأنه مر دهر من زمان بحاله
والان خرج الدكتور
فيفيان بخوف وهي تسأل الدكتور :
ها يا دكتور طمني
الدكتور بطمئنينه:
الحمدلله بقت بخير مانزفتش كتير بس يعني هتبقا حاسه بشوية إرهاق بسيط بس هي بقت تمم، هننقلها أوضه عاديه وتقدروا تشوفوها
كامل وهو يشكر الدكتور :
متشكرين جدا يا دكتور
الدكتور بامتنان :
على أي بس دا واجبي عن اءذنكم
....................
كانت نائمه على الفراش وملامحها تبدو مثل الأطفال، كم انها جميله من يراها وينظر الي ملامحها يشعر بالراحه والطمأنينه
فيفيان وهي تقبل يدها :
كنتي عاوزه تسبيني لوحدي، احنا اتفقنا على كدا؟
نظرت لها فريده بتعب ثم قالت :
اسيبك اي بس منا موجوده اهو، بس هو حصل اي؟
كامل باعتذار :
بصي انا عارف اني غلطت لما خوفتك وجيت فجأه كدا، بس أنا مكنش قصدي انا اسف.
نظرت له فريده بصدمه ثم قالت :
انت اي اللي جابك ورانا اصلا، يعني من ساعة ماشوفك وانت عمال تيجي في أي مكان انا باجي فيه هو في أي بظبط
كامل وهو يحاول تهدئتها :
اهدي بس وماتتعصبيش
انا بس كنت عند المدرسه وشوفتكم خارجين استغربت لما لاقتكم في المدرسه رغم ان النهارده اجازه يعني وكل البنات مش في المدرسه
فيفيان وهي توضح له :
لا ما انا وفريده.....
قطعت حديثها فريده قائله :
والله حضرتك احنا في المدرسه مش في المدرسه احنا حرين بتدخل لي
تظر لها كامل بدهشه على طريقتها، انها سليطة اللسان للغايه، كيف لمثل هذه الطفله الصغيره ان تتفوه بتلك الكلمات بدون خجل
نظر لها كامل بغضب ثم قال :
انتي مابتعرفيش تتكلمي بأدب شويه، وبعدين انا من حقي اعرف، المدرسه دي انا اللي مسؤل عنها واي حاجه هتحصل هتكون في وشي انا فهمتي ويلا قوموا خليني اوصلكم انتي بقيتي زي القرد اهو
نظرت له فريده بصدمه وقالت:
قرد ! انا قرد؟، وبعدين انت مالك امشي انت احنا هنمشي لوحدنا
كامل بنفاذ صبر :
قولت يلا ومش عاوز عند
فريده بعند اكثر :
وانا قولت مش هنروح معاك في حته
كامل بتحدي :
بقا كدا طيب
ذهب كامل الي الفراش تحت أنظار فيفيان المذهوله، ثم قام بحمل فريده وقال لفيفيان :
يلا تعالي ورايا.
فريده وهي تقوم بضربه على ظهره :
اوعي نزلني ياعبيط انت، انت ملكش حق تعمل كدا اوعي بقا
كامل بتحذير :
شششش مش عاوز اسمع نفس والا هخلي الدكتور يديكي حقنه
فريده برعب :
حقنه!، لا خلاص والله انا سكت اهو
ضحك كامل في سره ثم قال :
ايوا كدا جدعه، يلا اركبي
نظرت فريده الي السياره ثم قالت باعتراض :
مابركبش جنب حد غريب انا
كامل وقد نفذ صبره مع تلك الطفله العنيده :
ياااا صبر أيوب انا تعبت، والله لو ماركبتي لهدخل تجيب الدكتور بالحقنه وماليش دعوه باي حاجه بعد كدا
ركبت فريده السياره سريعا وتعلقت الباب
فيفيان بضحك :
ههههههههه، اول مره حد يمشي كلامه على فريده، بجد حضرتك شاطر جدا.
ابتسم لها كامل ثم قال :
هي مايجيش معاها غير كدا
أخرجت فريده راسها من الشباك وقالت :
طيب هنبات هنا والا اي؟
ضحك كامل على شكلها هذا ثم فتح الباب لفيفيان وقال :
اركبي يا بنتي اركبي خلينا نخلص
فيفيان باحترام :
ميرسي
ركب كامل السياره ثم انطلق سريعا الي المدرسه
بقلمي منه وائل
*************************
في منزل مرام وبالتحديد في الحديقه
كانت تجلس وتتصفح الانترنت وتشرب قهوتها الخاصه
ام صبحي:
ست هانم في حد برا مستني حضرتك
مرام ياستغراب :
حد!، حد مين؟
ام صبحي وهي تهز كتفاها دليل على عدم معرفتها :
معرفش هو واحد كدا وبيقول اسمه عادل وقال إن في معاد بينه وبينك
تركت مرام الكوب من يدها وقالت وهي تذهب سريعا له :
روحي اعمليلوا حاجه يشربها بسرعه يلا
كان يتجول في أنحاء الغرفه وينظر الي صورها ويتأمل بابتسامه
مرام :
اهلا اذيك يا عادل عامل اي؟
التفت لها ثم ابتسم قائلا :
انا تمم جدا، وحشتني
مرام :
وانت كمان، بس مش المفروض معادنا بكرا بليل
جلس عادل علي الاريكه براحه ثم قال :
للأسف بكرا انا مش هكون هنا هكون مسافر عندي شغل فاضطريت اني اجي دلوقتي، المهم جبتي الحاجه؟
مرام وهي تعطيه فلاشه قائله :
اتفضل، بس هو الحاجات دي ممكن تئذي؟
نطر لها عادل ثم ضحك بشده ثم اقتزب منها وقال بمكر وهو يمسك حصله من شعرها :
انتي حبتي والا اي يا قطه؟
ازاحت مرام يده ثم قالت :
ملكش دعوه، خد اللي انت عاوزه بس بلاش تئذي
هب عادل واقفا ثم امسك يدها بعنف وقال :
انتي هتستعبطي عليا يا بت والا اي مانا وانتي عارفين ان اي حاجه هناخدها منه هتئذي من امتا بقا بنسأل، وبعدين دا ولا اول ولا اخر زبون يا حلوه يعدي عليكي وبعدين احنا قولنا اي مفيش حب في شغلنا والا انتي نسيتي، وبعدين انا سمعت يعني ان مبقاش معاكي فلوس تصرفي منها وامك مبقتش تبعتلك يعني انتي محتاجه الفلوس دي
ثم اخرج من جيبه ظرف به بعض النقود
ثم ترك يدها وقال بصوت يشبه فحيح الافاعي :
خالي بالك يامرام اي غلطه كلنا هنروح فيها، سلام يا قمر ولما ابقا ارجع لينا كلام تاني
نظرت مرام له وهو يرحل ثم جلست على الاريكه بضعف وضربت الطاوله بيدها وهي تلعن ذلك الحقير الذي منذ ان دخل حياتها وهي أصبحت شخصا اخر يفعل الفواحش فقط
بقلمي منه وائل
*************************
في المدرسه
كامل وهو يفتح لها الباب :
اتفضلي انزلي، بس ياترى هتقولي اي لموزموزيل ميرت لما تشوف راسك دي
نظرت فريده له ثم نظرت الي فيفيان وقالت :
مش عارفه بس اكيد انت عندك حل
نظر لها كامل بتفكير ثم قال :
جاتلي فكره
.................
في الداخل في مكتب السيده ماري
ميرت بقلق:
مش عارفه بس هما قالوا مش هيتاخروا ميس ماري مش عارفه اتاخروا لي
السيده ماري بعتاب :
دي غلطتك موزموزيل، ازاي تخليهم يروحوا لوحدهم كدا غلط
ميرت بندم :
فعلا غلطتي مكنش ينفع أوافق
دب دب
السيده ماري وهي تسمح للطارق بالدخول :
اتفضل
كامل بترحيب :
بنسوار ميس ماري، بنسوار موزموزيل ميرت
السيده ماري بابتسامه :
بنسوار مسيو كامل، المدرسه نورت كتير
كامل بابتسامه :
مرسي ميس ماري، انا اسف اني جيت بدون معاد بس كنت جاي اطمن على التجديدات بس وانا جاي لاقيت بنتين من المدرسه هنا كانوا جاين على هنا بس بنت منهم اتكعبلت ووقعت واخدناها المستشفى
ميرت برعب :
اي طب هما فين في المستشفى، وديني ليهم بسرعه
كامل وهو يهدئها :
اهدي موزموزيل متخافيش البنت كويسه وهي برا اهي تعالي يا فريده
فريده وهي تنظر إلى الاسفل
ميرت بحزن :
فريده ياروحي اي اللي حصل الف سلامه عليكي مش تخالي بالك فريده وهي تنظر لكامل :
ها معلش اصل مااخدتش بالي من حيطه كبيره اوي خبطت فيها فوقعت على دماغي كانت حيطه غبيه
السيده ماري :
الف سلامه فريده، يلا فيفيان خدي فريده على الغرفه عشان ترتاح، شكرا مسيو كامل
كامل وهو بنظر لفريده بتوعد :
لا طبعا مفيش شكر ولا حاجه انا تحت أمركم، عاوزين مني حاجه
موزموزيل ميرت :
لا مسيو كامل شكرا
كامل :
تمم عن اذنكم
وهو يذهب إلى خارج المدرسه نظر لفريده ثم قال لها بهمس :
انا حيطه غبيه ماشي يا فريده استنى عليا
أخرجت فريده له لسانها ثم ذهبت وهي تضحك
كامل بابتسامه :
طفله
بقلمي منه وائل
*************************
في المساء في منزل كامل
كانت تجلس بسمه وتنظر الي الهاتف تنتظر كامل حتى يعود
ترن ترن
هبت واقفه لترى من أتى ولكنه ليس كامل انها خالتها التي كانت تعيش في أوروبا
بسمه بترحيب :
اهلا خالتي مرجانه عامله اي؟
مرجانه وهي تحتضنها :
انا بخير حبيبتي، اي مش بقيتي تيجي عندي زي الاول لي والا كامل وميرفت منعوكي تيجي عندي
نظرت لها بسمه بلوم قائله :
يا خالتو لي بس الكلام دا مالوش لازمه، محدش مانعني عن حاجه. مرجانه :
اومال لي مابقتيش تيجي عندي؟
بسمه وهي تحاول تغيير مجري الحديث :
اومال مدحت مجاش معاكي لي؟
نظرت لها مرجانه ثم ابتسمت بخبث وقالت :
ااااه هو وحشك اوي كدا، طيب انا هوفر عليكي الكلام، مدحت ياستي طلب ايدك وطلب مني اجي اقولك عشان هو اتحرج يجي
نظرت لها بسمه بصدمه ثم قالت :. اي يا خالتو اللي انتي بتقولي دا مدحت زي اخويا
نظرت لها مرجانه بغضب ثم قالت :
وانتي هتفضلي طول عمرك كدا من غير جواز والا اي، هو انتي في حاجه منعاكي عن الجواز؟
نظت لها بسمه بتوتر ثم قالت :
اي يا خالتو يعني اللي هيمنعني عن الجواز، انا بس مش بفكر في الجواز
مرجانه :
لا يا حبيبتي فكري والا هتخليني اتصرف معاكي تصرف مش كويس اه، انتي امك موصياني عليكي قبل ماتموت، فقدامك حلين يااما توافقي على مدحت يااما لو عريس تاني جه توافقي والا انتي في حد في حياتك يابت؟، غلطي مع حد يعني؟
بسمه بغضب :
اي اللي انتي بتقولي دا يا خالتوا؟
مرجانه وهي تحاول تصحيح كلامها :
مش القصد يعني بس رفضك للجواز دا يخلي الواحد يشك، بس والله انتي بايدك تمحي الشك دا يا تتجوزي يااما بقا نروح لدكتوره ونشوف
نظرت لها بسمه بحزن وقلة حيله، ماذ تقول لتلك المرأه التي تدعي خالتها، كيف تفكر بها هكذا؟ ياله من زمن يجعل الجميع يكسر بينا.
بقلمي منه وائل
*************************
في منزل مرام
كانت تجلس على الطاوله تنتظر قدومه
ام صبحي :
شكله مش جاي بقالك ساعه مستنياه ومجاش
نظرت لها مرام ثم قالت :
وانتي مالك انتي روحي هاتي اي حاجه اشربها دا اي القرف دا
تن تن
هبت مرام واقفه وقالت:
اهو جه روحي افتحيلوا الباب يلا
ان صبحي سريعا :
حاضر ياهانم حاضر.
ابتسمت مرام ثم قامت بتعديل هيئاتها
كامل بابتسامه :
وحشتني
نظرت له مرام ثم ذهبت له سريعا وارتمت في أحضانه، ثم نظرت الي شفتاه والتي قامت بالتهمهما وكانها تروى عطشها، وتطفئ نيران شوقها له
كامل وهو يبتعد عنها لكي يلتقط أنفاسه قائلا وهو يستند براسه على رأسها :
وحشتني اوي ووحشني كل حاجه فيكي
مرام وهي تقبل كل انش في وجهه قائله :
وانت وحشتني اكتر بكتير بلاش تغيب عني كدا تاني
كامل وهو يحملها :
حقك عليا يا حبيبتي انا اسف
مرام :
استنى بس هنروح فين مش هتاكول؟
كامل وهو يقبلها :
لا مش عاوز اكول دا انا عاوز اكلك انتي
ثم حملها وذهب الي الغرفه
اي يا شباب معانا مراهقين هنا وسناجل مجهزين بنزين ونار وهيولعوا في روحهم اهدي يا عم كامل علينا سيكا 😂 احنا خلاص مش مستحملين 😂🤦🏼♀️
بقلمي منه وائل
*************************
في حديقة المدرسه
كانت تجلس فيفيان وفريده يتحدثون
فيفيان بلوم :
والله يا فريده انتي فاهمه غلط دا طيب خالص وبيحب يهزر انتي بس اللي حطه نقرك من نقره
فريده وهي تقلدها بسخريه:
دا طيب خالص وبيحب يهزر وحاطه نقرك من نقره، اي يابنتي هو سحرلك، دا دمه تقيل وبارد كتلة برود كدا معرفش اتحدف عليا منين دا، بصي بسببه حصلي اي
كان يوم اسود يوم ما رميت عليه التراب كان لازم تاخدني الجلاله اوي وارميها بعزم مافيا
ضحكت فيفيان على طريقتها ثم قالت :
بصي هو الغريب انه جه ورانا يعني واحد زي دا غني وعندها مشاغل اي اللي يخليه يشغل باله ويجي ورانا ويضيع وقته بالشكل دا.
فريده وهي تحمل ورده في يديها وتستنشقها :
فضي، بعيد عنك واحد فاضي مش لاقي حاجه يعملها
فيفيان بضحك :
ههههههههههه يابنتي بقا حرام عليكي موتني من الضحك، بقولك اي يلا عشان ننام انا تعبت.
فريده وهي تذهب إلى الارجوحه :
لا روحي انتي انا هقعد شويه
فيفيان :
طيب ماتتاخرش في النوم ها
هزت لها راسها بنعم
فيفيان بتحذيز :
فريده ها
فريده بنفاذ صبر :
خلاص قولت حاضر دا انتي زنانه يلا روحي
ذهبت فيفيان الي النوم بينما ظلت فريده تجلس على الارجوحه وبيدها ورقه وقلم كانت تحاول رسم شئ يخطر ببالها
فريده بتعجب :
دا اي دا؟، وانا اي اللي خلاني ارسمه دا ان شاء الله
طيب اهو
أمسكت القلم وقامت بالشطب عليها
مشكله انتي يا فريده والله 😂
ثم تركت الورقه وظلت تتارجح وتغني الي ان سمعت صوت ارتطام شئ في الخارج
فريده برعب:
مين؟
ولكن لم ياتيها رد
ذهبت إلى صور المدرسه لكي ترى ماذا يحدث وكانت المفاجاءه
انا عارفه اني غلسه وبقطع في حتت مهمه بس اعمل اي دا واجبي تجاه اي روايه سورررري
يتبع الفصل السادس اضغط هنا
- الفهرس يحتوي على جميع فصول الرواية كاملة :"رواية تبنيتها ولكن أحببتها" اضغط على اسم الرو