رواية رسومات الموت الفصل السادس بقلم ولاء خالد
رواية رسومات الموت الفصل السادس
لاتحكموا علي كتابي من عنوانه الحزين لان نهايتي في أخر صفحه للكتاب ستكون سعيده...
رجعوا للبيت وفي اوضه نور
نور كانت بتحاول تنام لكن متقدرش في شئ غريب مانعها تنام سمعت همس في اذنها بيقول:لن تستيقظي من ذلك الحلم ابداً سوف اجعلكي تموتي....
نور بصت بصدمه للصقف ومقدرتش تتحرك من الكلام وحاولت تنام ونامت
°في حلم الخادع لنور°
كانت واقفه في قاعه للحفلات والكل مشغول مع التاني وكانت لابسه فستان احمر وفجأه في هواء شديد خلاها تقفل عيونها وبدأ الهواء يقل اكتر واكتر فتحت عيونها ببطئ لقت القاعه بالون الاسود الاسود كالفحم والكراسي وكأنها اتحرقت!!! والناس علي الارض ونور مشت وبتبص عليهم شافتهم محروقين!! محروقين ووشهم متشوه!! نور وهي ماشيه لقت نادر بيبص علي حد فيهم علي الارض نور جرت عليه بصلها نادر وقال:انتي دمرتي حياتي لمجرد انك انانيه نور متقدرش ترد عليه وكأن صوتها اختفي لقت نادر بيقع علي الارض بس اشبه بغبار!!
نور قامت بتصرخ كوثر فتحت الباب وجرت علي نور بسرعه
كوثر:مالك يانور!! انتي شفتي حلم اي يقومك بتصرخي!!
نور وهي بتحاول تتحكم في دموعها عشان متنزلش:ن..نادر
كوثر:نادر؟ مالوا نادر !
نور مقدرتش تتحكم في نفسها وعيطت:ياا ماما كوثر تعبت كوابيس بتيجي ومعرفش اي السبب ا..انا شفت ناس م..متشوه وشهم ومحروقين ومتفحمين ونادر كان زيهم
كوثر وهي بتحضنها:اهدي وقومي افطري معايا عشان نادر قالي بعد ما يجي من الشغل هياخدك لمشوار
نور:مشوار؟!!
كوثر وهي بتقوم وتروح عند الباب:ايوه ومعرفش اي المشوار دا الصراحه يابنتي بس قومي بسرعه واجهزي
جهزت نور وفاضل بس تسرح شعرها وراحت قدام المرايه تسرح شعرها واتفجأت لما بصت للمرايه كان في علي المكتب علبه طويله شويه ولونها ازرق غامق راحت للمكتب ومسكت العلبه وفتحتها كان جواها سلسله عليها اسمها متزخرف بطريقه جميله وكان علي غطاء العلبه ورقه واخدتها وقرأتها كان مكتوب فيه:عشان امبارح اتأخرت في تجهيزها ف النهرده جبتهالك واه اتغطي كويس وانتي نايمه لاني وانا بحط الهديه بسمعك وانتي بتنادي عليها...
نور مكانتش عارفه تضحك او تتعصب من الكلام يلي قالوا عنها ....نور خرجت من الاوضه عشان تفطر مع كوثر وهما بيفطروا فتح الباب نادر ودخل نور ابتسمت وقامت من علي السفره وراحت عندوا
نادر:اي دا لبستي السلسله بعد الكلام يلي قلتوا في الورقه
نور ضحكت وبصت علي كوثر عشان تستأذن منها تخرج
نادر:وهي مالها امي ماهي موافقه اننا نخرج !!
°عند مبني كبير°
نور وهي باصه لفوق بأنبهار لطول المبني:ودا كام دور!!!
نادر وهو بيشد ايدها عشان يدخلو لجوا:دا10ادوار ويلا عشان اتأخرنا اوي
دخلوا جوا وركبوا المصعد عشان يصلوا لاخر دور وبعدها يطلعوا علي سلم طويل عشان يطلعوا لسطح المبني
نور:انت جايبني هنا ليه
نادر :مفجأه
.نور:والمفجأه في السطح؟
نادر:ايوه استأني وهتعرفي
وصلوا للدور لاخير وخرجوا من المصعد وطلعوا علي السلالم للصطح
كان في تلسكوب كبير واضواء خفيفع بتحيط المكان وكراسي وطاوله وكتاب مكتوب عليه الفضاء
نادر:النهرده هتظهر ظاهره للشهب المتساقطه في السما وطلبت من صاحب المبني اني النهرده هحتاج السطح للظاهره دي
صوت بيظهر من وراهم كان صوت أماني
أماني:وانا كمان معاكوا
نور بصت لاماني بغضب:اي يلي جابك هنا
نادر مقدرش يبعدهم عن بعض فسابهم يهدوا من نفسهم وفعلا هدوا بعد شويه...
عند صور السطح كانت نور وأماني وقفين
أماني:مش عارفه ليه خلاكي النهرده معانا
نور:ولاانا اقول احسن شايفه المبني كام دور ارميكي دلوقتي وارتاح
أماني :دا مستحيل لاني هرميكي انا لو جربتي
نور وهي بصلها بتعجب:والله وطلعلك لسان تتكلمي بيه !!
نادر راح ووقف جمبيهم وقال:انا غلطت اني جبتكوا بس اعمل اي استأنوا الليل قرب وهنشوفهم
حل الليل وظهرت شويه من النجوم في السما كلهم بصوا للسما عشان يشوفوا الشهب لما تيجي .....استأنوا 10دقائق والشهب ظهرت اول يلي شفها نور .....بس مكملتش فرحتها لانها وهي بدور لاحظت الظل وقفت وبصتلوا ومقدرتش تتكلم او تنادي عليهم يسعدوها الظل ظهرلوا عينين وابتسامه كبيره العيون البؤبؤ بالون الاسود وبيظهر الابيض اكتر حاجه من كبر العيون واما عن الابتسامه كانت مش ابتسامه عاديه كانت الاسنان كتير مش بتتعد !!! نور بترجع ورا والظل بيقرب وسمعه صوت صفير قوي ومزعج نادر استغرب ليه نور مبتتكلمش او تقول حاجه بص وراه لقا نور فاتحه عيونها قوي وبترجع لورا نادر بينادي عليها بس مبتردش او بالاصح مش مركزه معاه بصت أماني لنور استغربت هي كمان نور بتقرب اكتر واكتر لصور السطح وخيفه من حاجه قرر نادر يروح عندها ويشوف هي بترجع ليه
نور خلاص انخبطت بصور السطح ولسه عيونها متوجها للظل نادر وقف عندها وفضل يهزها وهي مبتردش مش سمعاه في عالم تاني في صوت صفير والظل وبس لكن الصفير راح وسمعت صوت نادر بصتلوا وبصت للظل قلتوا بيجري عليهم نور زقت نادر ووقعتوا علي الارض لقت الظل دخل جواها وصرخت
نور:ااابعدوه دخل جوايا يانادر ااابعدوار
نادر قام من علي الارض وبصلها بأستغراب لي حاله الخوف يلي ظهرت من العدم بالنسبالوا:ابعد مين!!! وانتي شفتي اي اصلا
أماني راحت عندها تهديها
أماني:أهدي يانور انتي كنتي بتتخيلي
نور وهي بتزقها بعيد :اتخيل!! كل دا بسببك ظهرلي عشان مرحتش وقتلتك عشان خاطر نادر
نادر:ااهدي انتي شفتي مين قولي
نور بعياط:فارق معاك اوي يعني انا بحلم بالظل دا بقالي كتير وموتك هيكون قريب الظل مش هيسيبني غير ما ادمر حياتي كلها وتتشقلب
أماني:نور انتي بتت...
نور:انااامبتخيلش انتي يلي متعرفيش انا فيا اي
نادر بص علي أماني وقال:تعالي اوصلك البيت
أماني:لاء خليك مع نور انا زي ما رحت لوحدي هرجع لوحدي
نزلت أماني وبص نادر لنور بغضب:عجبك كده زعلتيها ويلا قدامي حسابك في البيت
نزلوا تحت ولقوا أماني بتركب التاكسي ومشت ركبوا هما برضوا العربيه ومشوا كان طول الطريق نور حسه انها بتختنق ومتقدرش تتنفس ....وصلوا وجرت نور ووقفت قدام الباب لغايت ما نادر اطمن علي العربيه ودخلوا البيت
نور شمت ريحه خنقتها ونادت لكوثر
نور:ماما كوثر اي الريحه دي
كوثر وهي جايه عليهم:اي دا انتوا جيتوا امتي انا مسمعتش المفتاح بتاعك يابني
نادر وهو بيقعد علي الكنبه:مش قادر يا امي اتكلم سيبيني للصبح
نور وهي بتكتم انفسها:ماما كوثر اي الريحه دي
كوثر:متعرفيش اي الريحه دي! دي ريحه المسك يانور
نور وهي بتجر للاوضه:ريحتها وحشه اوي
كوثر بتعجب:ريحتها وحشه!! دي اجمل ريحه المسك مين مبيحبهاش!!
نادر وهو بيرمي المفاتيح علي الطاوله:سيبيها دي نكدت علينا النهرده انا وأماني
كوثر بحزن :البنت تعبت اوي راعي شعورها المهم اخترت مين ياريت تختار الصح
نادر بأبتسامه:هقولك مين الصبح
°في الصباح°
صحت نور وهي تعبانه بسبب ريحه المسك امبارح فتحت باب اوضتها وملقتهمش في الصاله سمعت صوت نادر وكوثر في المطبخ وقررت تتخبي ورا الحيطه وتسمعهم بيقولوا اي
كوثر:انت اخترتها وهتزعلها يانادر ليه كده يابني!!!
نادر وهو بيشرب القهوه :اصل قلت اني امشي وراقلبي مش ورا عقلي عقلي اختار دي وقلبي اختار دي فقلت القلب اولي
كوثر بحزن:ولما تعرف نور انك هتتجوز أماني هيحصل اي..ّ
نور سمعت الكلمه وحست انها هتعيط وتفضح نفسها انها سمعتهم جرت علي الاوضه وفضلت تعيط.....
اهكذا قدري من أحبه لن يختارني أين نهايه التي ترضي الجميع اين حقي
يتبع الفصل السابع والأخير اضغط هنا
- الفهرس يحتوي على جميع فصول الرواية كاملة :"رواية رسومات الموت" اضغط على اسم الرواية