رواية بنات نعمة الفصل السادس 6 بقلم شروق أحمد
رواية بنات نعمة الفصل السادس 6 بقلم شروق أحمد
لحظة واحدة 🤚
يكسرون فيك ألف خاطر ويسألونك لماذا تغييرت!
تأكد بأنك ستسقى من الكأس الذي سقيت به غيرك سواء كان حلوا أو مرا ، وأنك ستأخذ على قدر ما تعطي الدنيا عادلة👌
_______
خرج صابر من المحل وهو واخد كلام يهد جبال
وفي لحظة خروجه من الباب كانت نعمة وصلت امام المحل
وفي أثناء دخولها المحل كادت أن تتصادف بصابر طليقها
لولا أن أقطتع رياض سيرها نحو الباب بإخبارها أن هناك
مشكلة في طلبية الشغل ولابد إنها تعاين الطلبية
بنفسها
بالفعل راحت نعمة مع رياض وخرج صابر من الباب دون
مصادفة نعمة التي كانت قريبة منه بخطوات بسيطة
أنتهت نعمة من عملها ودخلت المحل
نعمة .. يانهار إسود مالك يابت بتعيطي ليه !!؟
هدى .. شفته ياأمي😥
نعمة .. انطقي يابت شفتى إيه !!؟
هدي .. شفت أبويا يأمي 😥
نعمة .. شوفتيه فين !!!!
هدى .. جه هنا ولسه خارج
نعمة .. صابر كان هنا !! معقول!؟
هدى .. ايوه ياأمي ، كان جاي عايزنا نسامحه
نعمة .. وعملتي معاه إيه !!
هدى .. مقدرتش ياامي. 😥😥 مقدرتش أسامحه😭😭
نعمة .. طب اهدى ياحبيبتي اهدى 😥
هدى .. كنت قاسية معاه ياأمي😭 كان نفسي اترمي في
حضنه بس مقدرتش ياأمي 😭
نعمة .. خلاص يالا بينا على البيت وهناك نتكلم
( ولا يارياض خلي بالك من المحل )
__________
في نفس اللحظة كان صابر متجه لبيت العيلة بتاعته
ولما وصل خبط على الباب سمع نظيمة أخته بتقول
ايوه جاية ياللى بتخبط اهدا على روحك عاد
فتحت نظيمة الباب إتفاجئة بصابر ال بيخبط
صابر .. إزيك يانظيمة
نظيمة .. مين ! صابر ، بالحضن يااخوي
دخل صابر والبيت كله إتجمع حواليه
بيت عيلة صابر عبارة عن نظيمة أخته والحاجة توحيد
ومرسي ووفيق وأولادهم
الحاجة توحيد .. أخيرا أفتكرت إن ليك أم وعيلة ياصابر
صابر .. كفياكي عاد ياأمي أنا فيا ال مكفيني
توحيد .. فيك إيه ياولدي أنطق ؟؟
صابر .. كنت في المحل بتاع نعمة وشوفت بنتي هدى والبنت
كلامها كان جمر قايد في جسمي ياأمي
مرسي .. وإيه ال وداك عند نعمة ياصابر تكونشي حنيت ياك
ههههههه
وفيق .. شكله زهق من الحلو وقال يحدق شوية هههههه
توحيد .. إخرس يانطع منك ليه ، وقولى ياواد صابر كنت عند
نعمة ليه !؟
صابر .. بناتي وحشوني ياأمي وكان نفسي أخدهم في حضني
توحيد .. ونعمة عملت معاك إيه ؟!!
صابر .. ملقيتهاش لقيت هدى هي ال هناك وياريتني ما قبلتها
ياأمي ، سمعتني كلام زي السم وكأنها كانت عتدبحني
بسكينة تلمة
نظيمة .. ومستغرب ليه ! اكفي القدرة على فومها تطلع البنت
لأمها
صابر .. كفياكم كره لنعمة
وفيق .. كره إيه ياواد عاد ، ومين هيا عشان نحبها ولا نكرهها
صابر .. نعمة عملالكم صداع في دماغكم لأنكم عارفين
كويس إن الناس كلها عتحبها ومكانتها وسط الناس أكبر من
أي شنب فيكم عشان كده كلكم رجالة قبل نسوان
بتغيرو منها والحقد بيجري في دمكم من ناحيتها
مرسي .. واضح إنك نسيت نفسك ولازم تتربى من جديد
توحيدة .. إقعد مكانك أنت وهو ، إيه عتمسكو في رقاب
بعض قدامي ! عايزين تفرجو الناس علينا ياولاد المغازي
الله في سماه لو ماعقلت منك ليه ماهعمل حساب لسنكم
ولأعلقكم زي الدبايح
مرسي .. حقك عليا ياحاجة بس
توحيد .. أخرس , إيه ياأولاد المغازي عايزين تشمتو نعمة
وبناتها فيا على اخر ألزمن !
صابر .. بناتها يبقو بناتنا ياحجة دول منينا
توحيد .. ال شرب من لبن نعمة ميبقاش من دمنا ( ودلوقيت
كله يغور على أوضته وسيبونا انا وصابر لوحدينا )
----------
توحيد .. مالك ياواد بقيت خرع كده وعقلك بقا مش فيك !؟
صابر .. بناتي ياأمي
توحيد .. بناتك إيه وزفت إيه فوق ياواد لنفسك
صابر .. ألا قوليلي ياأمي محدش فيكم كان بيسأل على بناتي
في غيابي ؟!
توحيد .. يوم ما تموت نعمة وقتها يبقا نقول إن ليك بنات
ونسأل عليهم
صابر .. عالأقل ياأمي كان لازم يطلع ليهم فلوس من ورث
جدهم لأبوهم ال مسألش عليه طول السنين دي كلها
توحيد .. البنات ملهمش ورث وانت عارف كده زين وبعدين
لما أموت يبقا قسم أنت وإخواتك براحتك بس طول ما أنا
عايشة مفيش مليم هيطلع من بيت المغازي
صابر .. بس ده يبقا ظلم ياأمي
توحيد .. وبعدين في حديتك الماسخ دا عاد ، ظلم إيه ال
عتتكلم عليه ، أنا بحاول ألم شملكم يااولاد المغازي لاجل
ما تكونو عصبة واحدة ودلوقيت قوم أتشطف وأدخل
أستريح شوية لعند ما الغدا يجهز
____________
في بيت نعمة
تغريد .. غريبة ! مالكم جايين بدري كده
الأم .. روحي يابت حضريلنا لقمة
تغريد .. حاضر , بس إيه ده ! مالك يابت ياهدى وش
مخطوف كده ليه ياجميل
الأم .. سيبيها في حالها وبطلي رغي وروحي اعملى لقمة
تغريد .. حاضر
الأم .. الا قوليلي يابت ياتغريد فين أختك ريهام !!؟
تغريد .. راحت تجيب حاجة من الدكان
الأم .. الدكان جمبينا وانا مشوفتهاش وانا جاية !!
هدى .. رايحة فين ياأمي !!
الأم .. رايحة أشوف مقصوفة الرقبة راحت فين
خرجت الأم ولسه بتقفل الباب وراها لقيت ريهام في وشها
الأم .. كنتي فين يابت ؟!!
ريهام .. كنت بيجيب طلبات من الدكان
الأم .. وفين الطلبات !!
ريهام .. هه ما انا ملقيتش ال أنا عايزاه
الأم .. طيب أدخلى ياريهام
ريهام داخلة ونظرة ذكاء من الأم في عين ريهام ال دخلت
على المطبخ ورا تغريد على طول
هدي .. غريبة !! البت داخلة ولا سلام ولا كلام وهي شايفاني
قاعدة في وشها ليه !!
الأم .. متشغليش بالك المهم قوليلي عملتي إيه مع ابوكي
(حكت هدى الحكاية كلها لأمها)
الأم .. ليه كنتي ناشفة عليه قوي كده ياهدى
هدى .. مدريتش بنفسي ياأمي وأنا بكلمه😥
الأم .. طب خلاص اهدى وقومي اتوضي عشان نصلي
العصر جماعة مع بعض
هدى .. حاضر ياأمي
______
في اليوم التالي
نعمة خدت تغريد معاها المحل
نعمة .. صباح الخير يارياض
رياض .. صباح الفل ياست نعمة ، صباح الخير ياست تغريد
تغريد .. صباح الخير يارياض
نعمة .. محدش سأل عليا النهاردة يارياض ؟!
رياض .. المعلم عوض والحاج محمد إتصلو وزعلو لما عرفو
إن كل الطلبية محجوزة ومش هنقدر نوفرلهم طلابياتهم
نعمة .. أقعد يارياض عايزاك
رياض .. خير ياست الكل
نعمة .. طبعا انت واخد بالك إن الطلب على بضاعتنا بيزيد
والمكان مبقاش يشيل الطلبيات ال بتنطلب مننا
رياض .. واخد بالي ياحاجة وناس كتير بتزعل مننا لأننا مش
بنقدر نوفرلهم طلبياتهم والناس بعد ماكنت بتيجي تاخد
بضاعتها وقت ما تحب بقا بيحجزو قبلها بإسبوع
نعمة .. انا قعدت فكرت في الموضوع كويس ووصلت لحل
رياض .. الحقينا بيه ياست نعمة
نعمة .. انا هفتح فرع تاني للمحل
رياض .. بجد 😍
نعمة .. في محل قدامي لقطة مساحته كبيرة وفيه مخزن
كبير وده اكبر محل في المنطقة كلها معروض للبيع
رياض .. طب وده هنأجره إزاي !
نعمة .. ماتفتح دماغك معايا يارياض امال ، أنا بفكر أشتريه
رياض .. ياماانت كريم يارب أيوه كده ، طب يلا بينا نروح
نخلص فيه ، خير البر عاجله
نعمة .. لا انا ولا أنت هينفع نروح
رياض .. كيف ده عاد !!!!
نعمة .. المحل ده بتاع الحاجة توحيد أم طليقي دي حكاية
كبيرة أبقا أحكيهالك بعدين
رياض .. طب وهنعمل إيه عاد !!؟
نعمة .. هقولك يارياض وفتح دماغك معايا كويس أنت
مهمتك تشوف حد موثوق فيه يشتري المحل بإسمه وبعد
كده ننقل ملكية المحل براحتنا
رياض .. امي
نعمة .. نعم !!؟
رياض .. انا مش بثق في حد في الدنيا غيرك انتي وأمي
نعمة .. ربنا يخليك يارياض ، خلاص ابعت حد مع أمك
يخلص في موضوع المحل النهاردة
________
بالفعل راحت ام رياض وخلصت في المحل
شوية ووصلت ام رياض عند المحل ، قامت نعمة إستقبلتها
إستقبال مشررف وقعدتها
أم رياض .. خلاص ياست نعمة الف مبروك موضوع المحل
خلص
رياض .. لولولولولوييي
نعمة .. ايه ال بتعملو ده يارياض ههههههههههه
ام رياض .. ههههههههه ياابن الهبلة يارياض
__________
في اليوم التالي
نظيمة بتفتح الشباك شافت الناس ال أشترو المحل بيعلقو
اليافطة بتاعتهم
اليافطة أتعلقت ونظيمة إتصدمت !
نظيمة .. ياأمي تعالى شوفي !
جت الحاجة توحيد بصت هي كمان من الشباك وعنيها كانت
هتطلع من نظرة الزهول لما شافت يافطت المحل مكتوب
عليها ( بنات نعمة )
ياترى نعمةهتعمل إيه لما تكشف سر بنتها ريهام 👌
وياترى مواجهة عثمان ابن صابر مع نعمة هتسفر عن إيه 🤔
وهل مرسي ووفيق هيعدو موضوع المحل بالساهل لنعمة
أما الحاجة توحيد فهتعمل مفاجئة كبيرة 👉
ظهور الدكتور _ ومحاولات صابر- وقصة حب جديدة
يتبع الفصل السابع اضغط هنا
الفهرس يحتوي على جميع فصول الرواية "رواية بنات نعمة"اضغط على اسم الرواية