رواية علاقة حب البارت السابع 7 بقلم ندى عاطف
رواية علاقة حب الفصل السابع 7
فتحي:_ الست سارة مريضه قلب ومش بتاخد العلاج واظن دا هيفيدك.
البنت بخبث:_ جت من عند ربنا، يبقى احنا في اقرب وقت ننفذ، واهو يبقى قضاء وقدر.
فتحي والبنت ضحكوا ضحكه شر وخبث وبعدها فتحي مشي.
____في بيت عبد الله___
سمعت صوت صراخ برا قومت من السرير وجريت فتحت باب الاوضه لاقيت ماما وسلمى قاعدين بيصوتوا ويعيطوا وبابا واقف في حاله صدمه من غير ما يتحرك.
روحت شوفت بيعيطوا ليه بس انصدمت من اللي شوفته.
سلمى بدموع :_ سما قومي عشان خاطري متسبنيش ارجوكي.
رحاب بصراخ:_ سما قومي متقطعيش قلبي عليكي يا بنتي قومي با بنتي.
بصيت على سما اللي نايمه غرقانه في دمها ومفيش نفس.
شويه والجيران جم على صوت الصويت.
الموضوع كان اصعب ما نتخيل ان سما تموت! ومحدش عارف ازاي.
كل اللي وصلنا ليه انها جالها نزيف داخلي وماتت.!
فارس وعيلته جم العزا ووقتها الزمن مكنش بيمشي.
حزن!
البيت مليان حزن!
فرد من البيت اختفى ومش هنشوفه تاني.
دخلت اوضه سما ونمت على السرير بتاعها وانا بعيط على فراقها.
سارة بدموع:_ ليه يا سما!
ليه مشيتي وسبتيني!
مش احنا اتففنا هتختاري معايا فستان الفرح.!
خلفتي بوعدك ليه!
قطع دموعي تليفوني لما سمعته بيرن.
مسكت ااتليفون لاقيت فارس بيرن.
رديت.
سارة بدموع:_ الو.
فارس بسرعه:_ سارة اهربي من البيت.
سارة بعدم فهم:_ انت بتقول ايه.
فارس بغضب وسرعه:_ اجري يا ساره اجري من البيت يا سارة.
قفلت الخط وانا مش فاهمه حاجه بس سمعت الكلام.
قومت فتحت باب الاوضه وجريت على باب الشقه على طول جيا افتحه انصدمت.
بيتفتح من برا!
بصيت على اللي بيفتخ الباب.
شبه الناس بتوع العصابات لابسين اسود ومعاهم اسلحه.
كنت هجري على جوا بس واحد فيهم مسكني من شعري وكتم بوقي.
بعدها اتخبط على دماغي واغمى عليا.
فوقت لاقيت نفسي نايمه في بيتنا وسما وسلمى جنبي.
سارة بصوت خافت:_ ايه اللي حصل.
سلمى:_ دا انتي خربتي البيت.
سارة:_ مش فاهمه انتي مش موتي يا بنتي.
سما:_ بعد الشر عليا ايه الفال دا.
سارة:_ هو ايه اللي حصل.
سما:_ اللي حصل ان سيادتك نمتي زي جردل اللفت ولسا صاحيه حالا.
سارة براحه بعد ما ادركت ان دا حلم:_ الحمدلله.
سلمى:_ المهم قومي يا اللي بتمشى وانتي نايمه.
سارة:_ عايزين ايه.
سلمى:_ فارس برا.
سارة وهيا بتنط:_ ايه؟!.
سلمى:_ اه والله وعايز يشوفك ويلا بسرعه.
قومت لبست بسرعه وخرجت قابلته.
سارة:_ ازيك يا فارس.
فارس:_ الحمدلله بقولك كنت عايز اقولك حاجه.
سارة:_ اتفضل.
فارس:_ ايه رايك لو نخرج نتعشى سوا.
لسا هقول موافقه لاقيت سما دخلت مره واحده.
سما:_ اييييييييه انت مفكرها معندهاش اخوات جرا ايه مفيش خروج من البيت الا لو انا معاكي.
ضيقت عيني وقولتلها:_ قصدك انتي عايزا تخرجي معانا بس مش لاقيا داخله.
سما:_ مين انا، الله يسامحك انا غلطانه اني خايفه عليكي.
سارة:_ اممم خايفه عليا طب بقولك متعرفيش مين بوظ المكياج بتاع ماما اصله متكسر.
سما:_ احم احم تاكس تاكس الاوضه بتاعتي لو سمحت.
فارس بضحك:_ طب والله مجانين.
سارة:_ شكرا جدا.
فارس:_ طب يلا قومي البسي انا مستنيكي.
سارة:_ اشطااااا.
شويه وكنت لبست ونزلت مع فارس بعد ما استاذن بابا طبعا.
ركبنا العربيه ومشينا على الطريق.
فارس:_ تحبي تسمعي ايه.
سارة:_ معاك واصله..
فارس:_ طبعا.
شغلت اغاني من اللي بحبها وعجبت فارس خالص خصوصا اغنيه ( لينا رقصه)
واحنا ماشيين بالعربيه لاقيت فارس عمال يبص في المرايات.
سارة:_ في حاجه يا فارس!؟
فارس:_ في تلت عربيات ماشيين ورانا من ساعه ما طلعنا.
سارة بقلق:_ قصدك ايه.
فارس:_ انا هلف وارجع الطريق تاني لو جم ورانا يبقوا قصدنا.
فارس لف بالعربيه الناحيه التانيه بعدها لف تاني وفعلا جم ورانا.
فارس:_ امسكي كويس يا سارة.
معرفش ايه حصل بس فارس ساق بسرعه اوي وسمعت صوت ضرب نار جامد.
وللاسف جات طلقه في كوتش العربيه من ورا.
فارس فقد السيطره واتقلبنا بالعربيه.
اخر حاجه شوفتها فارس خدني في حضنه بعدها شوفت ظلام.
- تابع الفصل التالي عبر الرابط: "رواية علاقة حب" اضغط على أسم الرواية