رواية الهاربة والشرطي الفصل السابع 7 بقلم اميرة جمال
رواية الهاربة والشرطي الحلقة السابعة 7
نغم دخلت على غيث فى مكتبه شافت واحده قاعده فى حضنه دموعها نزلت غصب عنها مش قادرة تتحرك فضلت واقفه مكانها لحد ماغيث انتبه ليها وهى مشت على مكتبها لما شافت عيونه مركزة عليها
غيث اتحرك من مكانه وقال للى كانت معاه ماتنسيش اللى اتفقنا عليه وراح على مكتب نغم
نغم انا آسف انتى فهمتى غلط
نغم ودموعها مغرقه وشها ايه اللى غلط انك بتاع بنات
ارجوكى ماتقوليش لعمو رشاد
هو ده بس اللى فارق معاك
اه امال ايه اللى يفرق معايا
نغم وحاسه ان قلبها مكسور ردت عليه انه عنده حق و استأذنت واخدت شنطتها ومشيت
غيث بعد ما مشيت قالها سمحينى غصب عنى
**********أميرة جمال***********
نغم مالك يابنتى ايه اللى حصل
قلبى واجعنى اووى ياماما مش قادرة
استهدى بالله ياحبيبتى انا هرن على رشاد بيه
لا ارجوكى بلاش
طيب احكيلى ياحبيبتى فيكى ايه هتخبى على ماما كريمة برضو
نغم بدأت تحكيلها اللى شافته وكل حاجه حصلت بينهم
مستحيل غيث ده ابنى انا اللى مربياه
شوفته بنفسي وفى الآخر اللى هامه مااقولش لبابا رشاد
حبتيه يانغم
اووى مش عارفه ازاى وامتى وانا ماشوفتهوش غير مرتين ولا تلاته بس حاسه قلبى واجعنى من اللى شوفته
بصى يانغم اكيد فيه حاجه غلط مش غيث اللى يعمل كده يابنتى ابدا
انا مش كدابه والله شوفته
اهدى يابنتى مش قصدى انك كدابه والله بس فيه حاجه ناقصه احنا مش عارفينها
قطع كلام كريمة دخول رشاد عليهم بعد ماستاذن بالدخول
مالك يانغم فيكى ايه ياحبيبتى قالولى انك مشيتى فجأة كده وكمان ايه ده انتى بتعيطى ليه
ابدا يارشاد بيه تعبت شويه كده ومااقدرتش تقعد وانت كنت فى اجتماع فجات هى على هنا
اجتماع ايه بس ياكريمه اى حاجه فداها كانت تقولى بدل مااجى على ملى وشى وانا مش فاهم حاجه
اسفه يابابا حقك عليا
المهم ياحبيبتى صحتك هطلبلك الدكتور
لا مش مستاهله هنام واصحى كويسه
رشاد بيه
ايوه ياليلى
غيث بيه تحت مستنى حضرتك ومعاه رائف بيه
طيب جايلهم حالا
تمام ياافندم
انا هنزل اشوفهم واجيلك تلقاهم هيطمنوا عليكى ولا حاجه
خلى بالك منها ياكريمة
فى عنيا
ليه عين ييجى هنا
قولتيلوا انك بتحبيه
لا طبعا
طيب هو هيعرف ازاى
المفروض يحس بيا ويفهم نظراتى وخلاص مابقاش ليه لزوم الكلام ده
ربنا ييسر ياحبيبتى ماتفكريش كتير
ايه ده لابا رشاد بيزعق كده ليه
مش عارفه انا هروح اشوف فى ايه
استنى ياماما جايه معاكى
فيه ايه يابابا
خير يارشاد بيه ايه اللى حصل
غيث بيه الظابط المحترم واللى ماسك اداره أكبر شركة فى الشرق الأوسط عايز يتجوز ريم هانم اللى كانت خطيبته وخانته وطلعت بتستغله جاتله النهاردة الشركة وصالحته على اساس البيه عيل صغير بيتضحك عليه بكلمتين ومالحقش يكمل كلامه سمع صوت حاجه بتخبط على الارض وكريمة بتصوت شاف نغم اغمى عليه ووقت على الأرض طلب من كريمة تتصل بالدكتور ورائف جه يشيل نغم علشان يطلعها اوضتها بس نظرة واحده من غيث وقفته مكانه وقرب منها غيث شالها وطلعها على اوضتها وكلهم قاعدين فى انتظار الدكتور
خير يادكتور
ماتقلقش يارشاد بيه هى الحمد لله دلوقتى كويسه نامت بس
طيب هى مالها
كان عندها هبوط عايزه اهتمام فى الأكل والواضح ان فيه حاجه زعلتها فياريت تبعتوها عن اى ضغط نفسي بعد اذنكم
حاضر يادكتور متشكر جدا ااتفضل.. ليلى وصلى الدكتور
حاضر
انت لسه هنا يلا اتفضل ومش عايز اشوفك غير لما ترجع لعقلك فاهم
ياعمى انا
اسكت خالص والشركة كمان تنساها لما نشوف آخرتها ايه معاك
انا مش عيل صغير انا راجل
صوتك بيعلى عليا ياغيث ناقص كمان تضربنى
انا اسف مااقصدش
ولا تقصد ماخلاص مابقاش ليك كبير يلا اتفضل
تمام ومشى غيث ووراه رائف
**************أميرة جمال*************
نغم صحيت وفضلت تعيط لوحدها فهمت ان ريم اللى بيتكلموا عنها هى نفسها اللى كانت مع غيث فضلت تعيططول الليل على كل اللى مرت بيه فى حياتها طول عمرها متعذبه ومش عارفه تفرح كل حاجه ضدها و الحاجة الوحيدة اللى اتمنتها فى حياتها كلها كانت غيث وحتى ده كمان راح منها خلاص مابقاش مابقتش حقها تفكر فيه ولا ترسم فى خيالها أحلام ليهم مع بعض قررت تنعزل ورفضت تنزل الشركة فضلت على الحال ده أسبوع وهى كل يوم تسمع كلام رشاد لكريمه وأنه غضبان على غيث ومش هيسامحه غير لما يرجع عن اللى فى دماغه وأنه عرف ان غيث اخد الموضوع جد وبيخرج مع ريم كتير وقال انه هيعملها حفل خطوبة كل مانغم تسمع الكلام ده قلبها يوجعها اكتر ومابقتش تأكل وخست بعدها قررت تفوق لنفسها وتنزل لشغلها يمكن تنسي غيث وكريمة كمان نصحتها بده فقررت تاخد بنصيحتها
اليوم اللى قررت فيه نغم انها تخرج أول ماخرجت من البوابة لسه هتركب العربيه عربيه تانيه لونها أسود ظهرت قدامها واخدوها فيها...
يتبع الفصل الثامن 8 والأخير اضغط هنا
فهرس الرواية يحتوي على جميع الفصول (رواية الهاربة والشرطي) اضغط على اسم الرواية