رواية بنات نعمة الفصل السابع 7 بقلم أحمد حسن
رواية بنات نعمة الفصل السابع 7 بقلم أحمد حسن
أترك مر أفعالهم للزمن ، فكل ساقي سيسقى بما سقى
،،ومهما كان الشعور مرا اخفيه حتى لا تدع أحدا يرى ضعفك
، وأجعل عزة نفسك( نقطة )ينتهي عندها ألف صديق وحبيب
__________
توحيد .. نعمة !!
نظيمة .. شايفة ال أنا شايفاه ياأمي !!
توحيد .. نعمة أشترت المحل كيف !!
نظيمة .. نعمة مش ناوية تجيبها البر ياأمي
توحيد .. غلطت وأنا كنت مستنياها تغلط
صابر .. في إيه عاد ياأمي مالكم ملمومين كده !
نظيمة .. تعال شوف الست نعمة ال صعبانة عليك عملت إيه ؛
صابر .. هي نعمة أشترت المحل ؟!!
توحيد .. اليافطة ماملياش عينك ياك !
------
الغريب إن صابر بص ناحية المحل وهو شايف اليافطة
متعلقة ومكتوب عليها بنات نعمة واترسمت على وشه
إبتسامة فرحة ، وكأنه مبسوط بعمايل نعمة
_________
رياض .. شد حيلك ياعم انت وهو عايز الست نعمة تيجي
تشوف اليافطة متعلقة والمحل جاهز
____
بعد شوية وصلت نعمة وبناتها
رياض .. أهلا اهلا ياست الكل نورتى محلك الجديد
نعمة .. بطل غلبة ياواد واسمع ، عايزاك تدبح عجلين وتوزع
على الناس كلهم وأولهم الجيران سامعني يارياض ؟
رياض .. كل الجيران !
نعمة .. أيوه كل الجيران إيه ودانك تقلت ياك !
رياض .. حتى الجيران ال في وشنا ؟!
نعمة .. تقصد الحاجة توحيد أم طليقي
رياض .. ايوه !
نعمة .. تعالى ياأبو مخ ضلم عايزة أسألك سؤال
رياض .. اسألى ياست الكل
نعمة .. هي الحاجة توحيد من الجيران ولا مش من الجيران؟؟
رياض .. من الجيران ياست نعمة بس ..
نعمة .. مفيش بس ، النبي ياواد وصى على سابع جار ، مابالك
دول أول جار
رياض .. حاضر ياست نعمة
هدى .. إيه ياأمي مش ملاحظة إنك مزوداها شوية الست
كده ممكن تروح فيها ههههههه
تغريد .. أمك دي دماغها ذرية وهتودي توحيد بحسرتها 😅
نعمة .. اتلمى يابت منك ليها واستعدي انتي وأختك عشان
تديرو المحل الجديد
هدى .. بجد ♥️♥️
تغريد .. ايوه كده ♥️♥️
ريهام .. طب وأنا ياأمي 😔
نعمة .. ان الاوان إن أمك تاكل من إيدك ياقلب امك
ريهام .. يعنى انا ال هعمل الأكل كله لوحدي😍
نعمة .. أيوة ياستي كلنا هناكل من تحت إيدك
ريهام .. اييييييوه بقا ياست♥️♥️
هدي .. يامصراني ياأما 😅
تغريد .. يامعدتي ال هتروح فطيس 😅
نعمة .. ربنا يستر 😅
ريهام .. بقا كده ياأمي جاية معاهم عليا 😔
نعمة .. لا ياقلبي انا معاكي انتي سيبك من جوز المساخيط دول😅
ريهام .. مساخيط 😅😅😅😅😅😅😅😅😅
نعمة وولادها بيهزرو ويضحكو وفجأة سمعت رياض صوت
عالي ، خرجت تجري على صوته
----
اوعى ياواد انت مش عارف بتكلم مين 😡
رياض .. هكون بكلم مين يعني! إرجع ياعم انت وهو هي
وكالة من غير بواب ولا إيه
نعمة .. سيبهم يارياض ، ادخل يامرسي أنت ووفيق ، هاتلهم
حاجة يشربوها يارياض
مرسي .. أحنا مش جايين نتضايف
وفيق .. أنتي أتجننتي ولا إيه عاد يانعمة
نعمة .. ياهدى خدى إخواتك وأدخلى المخزن
هدى .. حاضر
مرسي .. أنتي جاية تشتري محل أسيادك
وفيق .. أنتي جاية لحد هنا وبتعاندي فينا كمان ههههه
ياجبروتك
نعمة .. خلصتو كلام وزعيق ولا لسه فيه شوية كمان ،،
عالعموم أنتم مش بعتو المحل لناس متعرفوش أصلها
وفصلها ، إشمعنا لما أنا أشتريته ولعت فيكم النار ومعتطفاش
ولا هي المشكلة عندكم إن نعمة وبناتها هما ال أشترو المحل
إيه!!؟ الحقد والسواد خلاكم بقيتو مش طايقين تشوفو أسم
نعمة وبناتها في وشكم
مرسي .. كلمة واحدة هقولهالك تتنازلي عن المحل وتشوفيلك
مكان تاني غير هنا وإلا قسما عظما ..
نعمة .. أنا مبتهددش 😡 ونعمة الطيبة بتاعت زمان إنسوها
وإل يفكر يقرب من حاجة تخصني الله في سماه ما هرحمو
( واد يارياض )
رياض .. نعم ياست نعمة
نعمة .. هات يواد المقشة ، وأكنوس المحل عشان التراب ال
فيه ، وبالمرة عودين بخور عشان الريحة
مرسي .. ماشي يانعمة
نعمة .. متنسوش تسلمولي على الحاجة توحيد
________
هدى .. براڤو عليكي ياأمي غسلتيهم 😄
نعمة .. توحيد وولادها معيسبوناش في حالنا ياهدى
هدى .. انا بدأت أخاف ياأمي
نعمة .. تخافي من إيه يابتي وربنا موجود
هدى .. ونعمة بالله
_______
نظيمة .. عملتو إيه يامرسي أنت ووفيق مع نعمة ؟
توحيد .. هيعملو إيه عاد انتي مشايفاش شكلهم وهما
راجعين قفاهم يقمر عيش
صابر .. انتو عايزين منها إيه عاد أي كان هي احسن من
الغريب
توحيد .. لا الغريب احسن ياولدي
مرسي .. ما كفياك عاد شغل الحنحنة بتاعك دي
توحيد .. إيه يامرسي إحنا هنعيده تاني ياك
صابر .. خليه يقول براحته ما الراجل ال يروح لحد واحدة
ست عشان يتعارك معاها مايستهلش عتب الرجالة عليه
توحيد .. قلت كفياكم ومعكررهاش تاني واصل ، وقولي
ياصابر ولادك عيوصلو ميتة
صابر .. ساعتين ويوصلو
توحيد .. قومي يابت يانعمة جهزي الوكل للغالين ولاد الغالي
نظيمة .. أحلا واكل لأحلا ولاد اخ
_________
في اليوم التالي
نعمة .. قومي يابت ياهدى انتي واختك الساعة بقت 8 من
أولها عتأخرو الشغل
هدي .. لا ياماما في لاحظة هنكون جاهزين
ريهام .. وانا جهزت الفطور
نعمة .. ايوه كده بنوتي الصغيرة بقت ست بيت شاطرة ومن
هنا ورايح مسؤليتك تصحي الجوز دول من الساعة 6
تغريد .. يالهوى 6!!
ريهام .. من عيني ياامي ( عشان يبقو يتنسكحو براحتهم
قدام التليفزيون 😄
_______
في المحل
نعمة .. واد يارياض
رياض .. نعم ياست نعمة
نعمة .. خلص الشحنتين ال عندك وروح إدي بصة على المحل
الجديد ، وبالمرة أبعتلي هدى
رياض .. حاضر
________
بعد شوية الدكتور وصل
نعمة .. اهلا اهلا اهلا ياألف خطوة عزيزة اتفضل يادكتور
الدكتور .. سمعت ياستي إنك أشتريتي محل جديد قولت
أجي عشان أباركلك
نعمة .. الله يبارك فيك يادكتور فين الغيبة دي كلها
الدكتور .. والله موجود بس انتي عارفة ضغط الشغل
نعمة .. ربنا يعينك ويقويك
الدكتور .. بصراحة كنت عايزك في موضوع بس عارف أبدأ
منين
نعمة .. خير يادكتور محتاج فلوس قول متتكسفش
الدكتور .. هههه فلوس ايه بس يانعمة ، لا كنت عايز حاجة
تانية
نعمة .. قول يادكتور قلقتني
هدى .. السلام عليكم
نعمة .. وعليكم السلام أخرتي ليه
هدي .. المشوار كان طويل شوية
نعمة .. طب إقعدي خدي نفسك ، معلش يادكتور إني قطعت
كلامك ، كمل عاد كنت عايز إيه
الدكتور .. لا خلاص أبقا أعدي عليكي وقت تاني
نعمة .. اتكلم يادكتور متسبنيش قلقانة كده
الدكتور .. لا ياست نعمة ده خير ، بس معلش ابقا أعدي
عليكي بعدين عشان متأخرش على العيادة ،أستئذن انا
نعمة .. إذنك معاك يادكتور !!
________
نعمة .. بت ياهدى خلي بالك من المحل
هدى .. رايحة فين ياأمي
نعمة .. مشوار صغير وراجعة
_______
نعمة سابت المحل لهدى ورجعت على البيت في محاولة منها
إنها تشوف ريهام بتروح فين
بس وهي راجعة البيت عدت على المحل الجديد لأنه في
سكتها دخلت عشان تسأل تغريد ورياض عن أمور المحل
وتمشي بسرعة ، خلصت كلام معاهم ولسه خارجة و2 شباب
صغيرين بيلعبو كورة قدام المحل عيل منهم شاط الكورة
خبطت في نعمة ودخلت المحل ، رياض صرخ في العيال
وقالهم العبو بعيد ، ردت نعمة عليه وقالت سيبهم يلعبو
براحتهم يارياض ، نعمة مسكت الكورة وقالت تعال ياواد
ياشقي أنت وهو , هاتي يابت ياتغريد اتنين عصير من المحل
ال جمبنا ، قولولي بقا أساميكم إيه
الأول .. أنا إبراهيم
التاني .. أنا عثمان
نعمة .. الله اساميكم جميلة ولبسكم جميل
عثمان .. بجد ياطانط
نعمة .. طانط هههههه ربنا يخليكم ياأولاد اول مرة حد
يقولهالي بس عسل من بوقكم هههههه
إبراهيم .. شكرا ياطانط ، ممكن تدينا الكورة
نعمة .. حاضر الكورة وكمان عصير ، بس الأول تقولولي أنتو
ولاد مين عشان أبقا عارفاكم ؟
إبراهيم .. أنا إبراهيم صابر المغازي
عثمان .. وأنا عثمان صابر المغازي
نعمة .. ايه!!!!! أنتو اولاد صابر المغازي !
عثمان .. أيوه ، هاتي بقا العصير والكورة
نعمة .. هه، لا ياحبيبي خد الكورة وخد الفلوس دي أشتري ال
أنت عايزه عشان العصير ده بايظ
إبراهيم .. بس الفلوس دي كتير !
نعمة .. مش كتير عليكم ياحبيبي روحو كملو لعب
كل ال حصل ده كان تحت عين أم عثمان وابراهيم ال كانت
واقفة في البلكونة متابعة الأحداث
المهم نعمة كملت مشوارها ويادوب قربت من البيت لقيت
ريهام خارجة ، نعمة عرفت إنها وصلت في الوقت المناسب
كملت دورها بمراقبة ريهام ال وصلت عند شوية أشجار في
أرض زراعية وكان في شخص مستنيها ، قربت نعمة منهم
منهم وبصت للشخص وأتفجعت ......
صدمة مدوية ، وقصة حب غير متوقعة ، أما مرسي مش
هيجيبها البر ، عداوة تنشأ ببيت توحيد ، والنيران لن تبقي
على شيئ ، كمان زوجة صابر ستظهر الوجه الأخر ،،
،،حب ، ودم ،وفتنة ،،، كل هذا وأكثر في الحلقة القادمة👌
يتبع الفصل الثامن اضغط هنا
الفهرس يحتوي على جميع فصول الرواية "رواية بنات نعمة"اضغط على اسم الرواية