رواية حب ورد البارت السابع 7 بقلم اية هلال
رواية حب ورد الفصل السابع 7
ورد : انت ايه الي جابك هنا ، امشي مش طايقة اشوفك مش طايقة ابصلك بقرف منك ، امشي بدل ماتعرف اد ايه انا بكرهك
اكرم : بتكرهيني للدرجة دي ، انا عارف غلطت وجرحتك وظلمتك انتي وامك بس انا راجع ندمان واتمني تسامحيني
ورد: بس اسكت مش طايقة اسمع صوتك ، ماااما طلبتي البوليس ولا لسة
- اكرم : عايزة تحبسيني يا ورد ، انا ابوكي ، طب افتكريلي الحلو
ورد : كان نفسي ! لكن مفيش حلو عيشته معاك ، امشي عشان متتهانش اكتر من كده
دخلت مامتها وهي خايفة وبتترعش
ورد اخدتها في حضنها : متخافيش ياماما ، هيمشي اهو
ماما : اتفضل امشي عشان اقسم بالله لو ممشتش هصوت والم الجيران عليك
اكرم : انا جاي وعارف رد الفعل ده لكن ارجوكم تفكروا تسمحوني مجرد تفكير بس
ورد بصتله بحزن : انت اتلغيت من تفكيري اصلا ، الي بيسامح ربنا ، وقفلت الباب في وشه
ماما : انا مش عارفة ليه رجع تاني ، ربنا ينتقم منه
ورد دخلت قوضتها وقفلت الباب ونزلت دموعها وعملت شاي بلبن وكيك شكولاتة ، ورد غير انها بتحب الروايات وبتكتب بتحب الطبخ جدا جدا
- اكلت ونامت وهي بتفكر في ادهم " اريد البوح بحبي اليك وان اعش معك كل لحظة كل ثانية لكن هناك شئ يمنعني لا اعرف حقا "
تاني يوم♥️
ماما : باردو مصممة علي تحويل من المدرسة
ورد : ايوا والسبب مش ادهم علي فكرة ، سبيني علي راحتي
ماما : ماشي ، انا هروح اهو اسحبلك الملف واقدملك عند اي مدرسة تختاريها
ورد : اوكي يا قلبي
خرجت مامتها وورد دخلت عملت فطار ونسكافية وقعدت علي السرير بتقلب في الفيس بوك
بتفتح اكونت ادهم وبتعمل زوم علي صورته للمرة العشرتلاف
وهي سرحانه في صورته ادهم رن عليها
ادهم : فاضية نفطر برا انهاردة ؟
ورد: انت مش وراك مدرسة ولا ايه
ادهم : لا مروحتش انهاردة مليش نفس ، في حد كده مطلع عيني وشاغل تفكيري
ورد : ياريتك رنيت من بدري انا خلاص فطرت وحليت كمان
ادهم : مش ضروري فطار هنخرج بليل زي ما قولتي
ورد : مااشي ،
ادهم سكت شوية وقال : صوتك حلو اوي وانتي صاحية من النوم
ورد : اه عارفة
ادهم : ال confidence فوق ↗️↗️↗️
ورد : انا اصلا كلي علي بعضي كده حلوة
ادهم : مامتك عندك ؟؟
ورد: لا في المدرسة بتسحب الملف بتاعي
ادهم كان ممد علي السرير وقام فجاه : باردو يا ورد باردو ليه كده انا مش هسمح بكده
ورد : هو ده الحل ، مش هتسمح ازاي ده خلاص زمان ماما عملت كده
ادهم : اقفلي قفلتيني علي الصبح
ورد : انت الي متصل اقفل انت
ادهم : يابرودك يا شيخة ، هقوم الحق مامتك والله
ورد ضحكت وقفلت معاه وقامت تتمشي في الشقة وهي بتغني
في المدرسة
مامتها سحبت الملف وهي خارجة لقت ادهم بيجري وبينده عليها
ادهم : يااااا طنط ليه بس كده ، ليه سحبتيه
ماما : غصب عني والله يا ابني ورد الي صممت
ادهم : انا جاي مخصوص عشان الحقك ، ارجوكي ترجعي الملف ، انا عايزها هنا
ماما : مش هينفع ورد هتزعل وهتتدايق ، معلش يا ابني لو ليك نصيب فيها هتجيلك اقول بس يارب
ادهم باحباط : عن اذن حضرتك وروح بيته
نادين : مالك يا حبيبي انا كويس
ادهم : ورد مش مدياني اي اهتمام وبتتهرب مني وقال ايه عايزة تحول من المدرسة
نادين : هه مادا طبيعي واحدة في سنها اكيد مخصوضة او مش مستوعبة انك بتحبها
ادهم : لا ورد شكلها غير كده خالص هي ناضجة وعقلها اكبر مني ومنك ، بس حقيقي مش عارف هي بتعمل معايا كده ليه
نادين : اديها وقتها يمكن تحبك
ادهم : ولو حصل عكس كده ، هبعد ، ماهو قلبي مش هيفضل زي ماهو وهو شايف حيطة سد مش حاسة بيه
نادين : معلش يا حبيبي كله هيبقي كويس
بليل ومعاد ورد وادهم علي البحر
ورد وصلت بدري شوية وقعدت لابسة جاكيت اسود اوفر سايز وبنطلون واسع شوية ورابطة شعرها لورا
ورد وهي باصة للبحر : طب اقوله ولا مقولش ؟ اقول اني بحبه ولا هبقي غلط ؟ انا خايفة من العلاقة دي ، خايفة تكون مشاعري كدابة ، طب اتاكد ازاي ؟
ادهم دخل : ها بتفكري في ايه ؟
ورد : اتاخرت ليه يا ادهم
ادهم : معلش كنت بجيب اكل وايس كريم
ورد : جبت ايه بقا؟
ادهم: شاورما دي القاعدة الاساسية قدام البحر ، وحاجة حلوة بقا
ورد : ايس كريم فانليا ولا شكولاته
ادهم عارف انها بتحب الشكولاته : انا مش بجيب الا بالشكولاتة
ورد : هو انت ليه بتحبني
ادهم : هي دي فيها ليه ، الحب بيجي مرة واحدة
ورد : مفيش حاجة ملهاش سبب
ادهم : انا مكنتش متاكد من حبي ليكي لكن لما بعدتي فترة الاجازة المرضي بتاعتك عرفت اد ايه انا بحبك وان حياتي ملهاش لازمة منغيرك
ساعات الحب بتدفي .. بتصبرنا ع اللي جاي ..
ولمسة حنينه تكفي .. تنسينا احنا كنا ازاي ..
غريب الحب دا فعلا ..حنين صوته زي الناي ..
ورد بصت للبحر وهي بتبتسم : طيب ممكن ناكل عشان جوعت بصراحة
ادهم كان بيبصلها بحب : ماشي
وهما بياكلو
ادهم : عاملة اي في دراستك بتذاكري كويس
ورد :الحمدلله ، اهي ماشية
ادهم وطي وشه وبصلها عن قرب : تحبي اذاكرلك فزيا ؟
ورد انفجرت من الضحك هي وادهم
خلصوا اكل واتمشوا شوية
ادهم : اي اكتر حاجة بتحبيها غير القراءة
ورد : الطبخ ، بعشقه بحب تفاصيله ، بحب الدقيق
ادهم : واو بتحبي الدقيق ، ماشاء الله وايه كمان
ورد : بحب المخبوزااات اوي بحب ريحتهم لما تدخل الفرن
ادهم : انا اختارت صح
ورد : اه وحبيت كتباتك اوي حسيت فيها عمق وكلام كده تحسه مهم
ادهم : دي اول مرة اكتب فيها حاجة عميقة من قلبي خصوصا رواية عشق الورد اهي دي كلها علي بعضها من قلبي
ورد ابتسمت وهي بتبصله
ادهم : لالا متبصليش كده هيغمي عليا والله
ورد : طب امشي ؟
ادهم: لا تمشي ايه ده ماصدقت ، متمشيش يانور العين
ورد : الله ؟ لا انا بجد همشي مش بهزر
ادهم : تمام يلا بينا الجو ابتدا يبرد
ورد : اوكي يامست...
ادهم : اوكي يا ادهم مش مستر
ورد : حاضر
روحت ورد وهي في قمة السعادة ، مش عايزة تسيبه اصلا وتمشي ، عايزة تفضل معاه اكتر وقت
دخلت البيت
ورد : ماما عاملة ايه يا قلبي
ماما : كنتي مع ادهم ؟؟
ورد: ايوة ، انا اسفة
ماما : متتاسفيش ادهم شكله كده طيب وبيحبك جدا وانا مطمنة اوي
الباب رن
ورد : هقوم اشوف مين يا قلبي وهرجع ونعمل فشاار
ماما : ماشي يا دودو
ورد : ايوا مين
- انتي بقا ورد الي ادهم لحسنا بيها
ورد : افندم ؟؟ انتي مين
- تابع الفصل التالي عبر الرابط: "رواية حب ورد" اضغط على أسم الرواية