رواية الكابوس الفصل السابع بقلم اسراء الكادي
رواية الكابوس الفصل السابع
ابتدأ الكُل يتحرك بحصانه وهما فرحانين وإسراء وادهم كانو ساكتين طول الوقت لحد ما قطع السكوت ده ادهم _امسكي فيا جامد علشان هَسرع دلوقتي..بتوتر قال _هو انتي مش خايفه مني احم يعني قصدي مش خايفه من الحصان ؟؟!
إسراء مسكت فعلا في ضهر ادهم وقالت_لا مش خايفه..
ادهم_ليه؟؟
إسراء_اما انت بتسأل اسئله غير منطقيه ياجدع كمل في السواقه وخلاص هههههه
ادهم بسخريه _سواقه؟!احنا في عربيه..
بصتله إسراء وبعدين ضحكت بصوتها كله وركزت في الفرحه اللي علي وش ادهم وبعدين قالت وهيا مركزه معاه..
=ادهم
_نعم
ركزت إسراء معاه وقالت=علفكره انا كنت عارفه الإتفاق اللي بينكم..
ادهم بخضه ووقف بالحصان بصدمه =ااااتفاق اتفاق ايه.؟
إسراء_الاتفاق اللي كان بينك انت ودانيييال..
ادهم_ازاااي انا انا مقولتش لحد وكمان دانيال مقالش انتي عرفتي منين ..ماتنطقييي؟؟
إسراء بضحك_طب كمل في السباق كده هما هيسبقونا وهنخسر..
ادهم بغضب_عادي مش مهم اتكلمي عرفتي ازااي؟؟؟؟
إسراء بثقه_عادي بالنسبالك انت لكن انا متعودتش علي الخساره يا ي ادهم باشا.
أدهم بسخريه_ده ايه الغرور ده كله..
إسراء _وليه متقولش ثقة بالنفس..
ادهم بغضب_علي العموم ده مش موضوعنا ردي عليا انتي عرفتي ازااااي؟؟؟؟
بصت ليه بعصبيه وبعدين بَصت للطريق قدامهم واتكلمت بصوت عالي..
إسراء بغضب_ينفع كده اهو بسببك هما سبقوناا واحنا بقينا آخر ناس ينفع تتحرك بقي؟؟
بص ليها بغضب وعيون غاضبه جداا وبعدين بص للطريق قدامهم وشَد لحام الحصان جامد وطلع يجري بيه بأقصي سرعه مهتمش لصوتها العالي ولا لصوت الحصان اللي بسبب سرعته العاليه كان هيقع بيهم فضل يجري بيه بغضب وإسراء كل شويه تمسك في لبسه اكتر اكتر من شدة الخوف..
إسراء _ادهم انت اتجننت ايه اللي بتعمله ده براحه شويه هنقع..
=.....
إسراء بصوت عالي_ انت كده قموصه علفكره رد عليا وقولي هنروح فين ده مش الطريق اللي هما مشيوا منه..
ادهم بغموض _هخطفك ايه رآيك بقي..!
ضحكت بصوت عالي وبعدين إتكلمت =وهو انا كده مش مخطوفه يعني؟
ادهم_ومين اللي خاطفك بقي انتي اللي جيتي عندنا برجليكي اممم يعني محدش غصبك وجابك.
إسراء _وهو لما اكون عايشه في عالم معرفش عنه حاجه ولا اعرف حد فيه اكون مش مخطوفه!!؟ لما الاقي اني بقيت من غير اهلي واصحابي ابقي كده مش مخطوفه!! ولا لما اصحي من نومي والاقيني بقيت في عالم كل اللي اعرفه عنه ان هو سنة ال 2036 كده انا مش مخطوفه صح؟؟؟
ادهم بعد ما سمع كلامها وقف بالحصان مره واحده وهيا خبطت في ضهره وبعدين نزل منه وبصلها وقال =انزلي..
إسراء بصدمه_انزل لوحدي.!
ادهم بسخريه_اومال عايزاني اشيلك وانزلك من عليه مثلا
إسراء_المفروض زي ما طلعتني عليه انت اللي تنزلني برضو.
ادهم بضحك_علفكره انا ضهري واجعني بسببك وبعد ما شلتك ندمت اصلا انا ايدي اتفرمت بسببك..
إسراء بصدمه_قصدك ان انا تخينه وماليا....
انت انت بتعمل ايه نزلنااااااااي ياحيوان نزلناااااي يا ادهم انت شايلني كأني كيس جوافه ليه كده نزلناااااااي عاااااا....
كان ادهم شايلها علي كتفه وهو بيضحك علي كلامها وبعدين رماها علي الارض وكأنها فعلا كيس جوافه إسراء فضلت تتدحرج في الارض وهيا ماسكه ضهرها وادهم واقف يضحك بصوته كله علي شكلها..
إسراء بوجع_ااااه ياضهري ااااه منك لله يا ادهم منك لله
ادهم بضحك_انتي اللي بدأتي الحرب يبقي تستحملي بقي..
إسراء بغضب_وانا مش هحكي واضرب راسك في الحيط بقي..
نزل لمستواها علي الأرض وشَد ايديها جامد =مش ادهم اللي واحده تتحداه هتتكلمي وهتقولي عرفتي ازاي اني كنت متفق مع دانيال انتي فاهمه..؟
اتكلمت إسراء بألم_انت فاهم اني ركبت معاك كده وخلاص مثلا لا يابابا فوق انا لولا إني عارفه لو انت خسرت الاتفاق كنت انا همشي ومكنتش هفضل هنا ولولا كده انا كان لايمكن اركب معاك او مع دانيال..
ادهم بغضب=لا بقي ده انتي طلعتي مش سهله ولازم تحكي يعني تحكي وتقولي عرفتي ازاي فااااااااااهمه..
________________________
اما عند الباقي كانو بيسابقو بعض بحماس بيجرو قصاد بعض وكل شوية رهف واوليفيا يكونو الفائزين لحد ما قطع سباقهم صوت جاك.
جاك _استنوو ادهم وإسراء مش ورانا..
رهف بصدمه_ازاي احنا طلعنا مع بعض.
اوليفيا بغضب_هما لسه ورا ده كله بيعملو ايه..
رهف _مش عارفه بس الأكيد ان ادهم مش هيتوه او يخسر السباق بالشكل ده..
مهند بصدمه_مع معقول يكون قال لإسراء حاجه واستغل الفرصه بس لا لا مستحيل يعمل كده
رزان من وراه_قالها ايه انا مش فاهمه؟
مهند _لا لا مش حاجه مهمه بس احنا لازم نرجع دلوقتي حالا ليهم
رزان بعدم تصديق_مهنددد في ايه بالظبط ايه اللي بيحصل؟؟؟
مهند_بصي انا هحكيلك بس اوعي حد يعرف بالكلام ده ماشي؟
رزان_ماشي قول
مهند _بصي ادهم ودانيال لما اتخانقو مع بعض قرروا ان إسراء إسراء....
رزان بغضب_ماتنطق مالهاا إسراء؟؟
مهند_قرروا انها تختار بينهم ولو اختارت دانيال يبقي هتمشي ومش هترجع تاني..بس بس هيا اختارت ادهم مش عارف بقي هما مأخرين ورا ليه كده...
رزان بصدمه_ده انتو نهاررررررررركم اسووود...
______________________
ادهم بغضب=لا بقي ده انتي طلعتي مش سهله ولازم تحكي يعني تحكي وتقولي عرفتي ازاي فااااااااااهمه..
إسراء بخوف _حاضر هتكلم بس ممكن لو سمحت تهدي وانا هتكلم والله بس كده انا خايفه
ادهم_ماشي اتكلمي بقي..
بدأت إسراء تحكي وتتكلم وهيا بتقول=احم فاكر لما جيت واحنا بنتكلم انا والبنات وبعدين طلعت انت ورهف تتكلمو بره..
ادهم بمقاطعه_اايوه بس ده ايه علاقته انا مقولتش ليها حاجه..
إسراء _لا قولت يا ادهم قولتلها بالنص كده "في حاجه هتحصل في مكان الخيل النهارده لو انا مفوزتش فيها دانيال هيرجع يقعد معانا تاني وهننسي إسراء دي ونشيلها من حياتنا خااالص" " ساعتها كنت انا طالعه اقف معاكم وسمعتك وانت بتكلمها اتصدمت من كلامك ف قررت اني افضل مركزه معاكم هناك في مكان الخيل واراقب كل تفصيله بتحصل وايه اللي ممكن يكون السبب في انك تبعدني عنكم بالشكل ده..
ادهم بمقاطعه_بس ده برضو مش سبب كافي؟
كَملت إسراء_وبعدها لما روحنا هناك ولقيت دانيال موجود سألت رهف بس مردتش عليا ولما مردتش تخليني اركب مع رهف وقعدت تقولي انت ومهند ركّزي ومتختاريش وخلاص فهمت انها لعبه منكم واكيد مهند مش هيقف في صّف دانيال يعني خصوصا من اللي حصل آخر مره ف قررت اركب معاك وزي ما تيجي تيجي بقي وقولتلك اني عارفه الإتفاق اللي بينكم علشان اتأكد ان فعلا كان في حاجه واتأكدت.. وبس علي كده..
ادهم بصدمه_ازاي ازاي قدرتي انك تربطي الأحداث دي كلها ببعض وانك تقرري كده مع ان كنت فاهم انك غبيه ومبتفكريش.. انتي مين؟؟
إسراء بغضب_غبيه في عينك ماتلاحظ علي كلامك..اتكلمت بثقه_ وبعدين انت ناسي اني خطيبة ظابط مخابرات ولا ايه..
ادهم _ياسلام والاستاذ بتاعك ده ايه علاقته بالموضوع..
سَرحت إسراء لبعيد لما افتكرت ادهم خطيبها وبعدين
ابتسمت إبتسامه خفيفه و...
_*Flash back in 2021*
_يااااااااااادهم انت ياخطشيبي.
ادهم بقرف_منك لله كَرهت اسمي بسببك بقي انا ظابط مخابرات ليا اسمي ومركزي في الاخر تقولي خطشيبي يااااااع..
إسراء بسخريه_وهو في ظابط يقول ياااع..
ادهم بغضب_إسررااااء اتعدلي
اسراء _حاضر..طب بقولك ايه قول شاكوش كده
ادهم بمطاوعه_شاكوش.
إسراء بضحك_شعرك منكوووش نيهاهاهاهاها
بَصلها ادهم وطلع يجري وراها في البيت _طب ورحمة ابويا مانا سايبك قال شعرك منكوش قال اااه ياخفة الدم بتاعتك..
إسراء بضحك وهيا مستخبيه ورا كرسي السفره_طب والله حلوه وانت ضحكت كماان.
ادهم_لا مضحكتش
اسراء_لا ضحكت وبعدين انت جاي ليه عندنا انا عايزة افهم؟
كاد ان يرد ادهم ولكن قاطعه صوت سعاد (الام)وهيا داخله بصينية عصير..
سعاد_اما انتي عايزه تتربي تاني يابت انتي مش خطيبك ده وجاي يزورك ترحبي بيه ولا تقعدي تتخانقي معاه كده..
ادهم_طب والله انا اللي مصبرني عليها انتي ياست الكل ماليش غيرك في البيت ده..
سُعاد بضحك_يابكاااش..
وقفت إسراء بينهم في النص_اجيب اتنين ليمون للعروسين ولا ابعت للحج واقوله مراااااتك ب....
مسكها ادهم من قفاها وقال=جيتي برجلك ياحلوه جيتي برجلك يا ام شاكوش
امها بضحك_احسن احسن تستاهلي..
اسراء_حسبي الله حسبي الله
سابها ادهم وقال بجديه_ طب علي العموم انا كنت جاي اسلم عليكم وماشي لأن عندي مأموريه الصبح.
سعاد_حبيبي يابني ربنا ينصرك ويرجعك بالسلامه
إسراء _بلاش يا ادهم
ادهم بجديه _ايه الي بلاش اسراء انا ظابط يعني مفيش حاجه في مجالي اسمها بلاش لازم تتعودي علي كده مش في كل مره تكرري نفس الكلام
اسراء بدموع_لأني ببقي خايفه انا بسمع كل يوم حوادث لظُباط كتير وبترعب عليك
ادهم_متخفيش خطيبك مش بيلعب ده انا ادهم يابنتي في ايه بسمع دَبة النمله وبعرف العدو بيفكر وبيخطط ازاي اومااال ايه..
إسراء _لا ياشيخ
ادهم بجديه_ااه والله بصي هقولك معلومه كده اهو للّه وللوطن بس.. لما تلاقي الشخص اللي قدامك كل شويه يفكرك بحاجه يعني مثلا افضل اقولك اسراء متنسيش كذا واعملي كذا اعرفي ان في حاجه ولما تلاقيه متوتر وبؤبؤ عنيه بيتحرك كتيير اعرفي انو كداب وعايزك تعملي حاجه تدققي في كل تفصيله واي حاجه بتحصل حتي لو بسيطه .. ده كله بقي يعتمد علي ايه اذا كنتي انتي شاكه في مثلا او سمعتي حاجه وعايزه تتأكدي منها فهمتي حاجه بقي..؟
إسراء بذهول_بس بس ايه ده كله ياعم في ايه انت بتقعد تركز في ده كله؟
ادهم _شغلي بقي نعمل ايه مش زيك ياأم سرنجة.
إسراء بضحك_نينيني اضحك يعني؟
ادهم بجدية_طب اسكتي بقي عايزه اقول حاجه ليكي قبل ما امشي بس انتي عارفه ان بعد الخطوبه في واحده سألتني عنك ..
اسراء _نعمم وقالتلك ايه بقي؟
ادهم _اممم سألتني وقالت "لماذا تُحبها و لرُبما الكثير أجمل مِنها حَولك..؟
قولتله أحببتُها لتِلك العَفويه التي تملأ روحِها و قلبُها الممزوج بالحُب و الرقة والشغف، لطفولة قلبُها و اسلوبها المَجنون أحياناً،هي لم تكُن جميله فقط بل الجَمال خُلق لأجلِها هيا سرنجة فعلاً وبتاعت مشاكل بس قلبي .❤
و....back to 2036_
فاقت اسراء من ذكرياتها ومسحت علي وشها وبعدين قالت لأدهم
إسراء_ طيب ي ادهم اديني قولتلك انا عرفت ازاي الاتفاق بتاعكم ممكن تحكيلي بقي انت اللي مردتش تخلي رهف تقوله ليااا عن التجربة...؟
كاد ان يرد ادهم ولكن قاطعه صوت عالي من وراهم ...
=انتو انتو بتعملو اييييه هنااا؟
يتبع الفصل الثامن اضغط هنا
- الفهرس يحتوي على جميع فصول الرواية كاملة :"رواية الكابوس" اضغط على اسم الرواية