رواية غرام وانتقام الفصل السابع بقلم أميرة جمال
رواية غرام وانتقام الفصل السابع
ادم ونغم رجعوا على الشركه ..ادم دخل مكتبه ونغم اندمجت فى شغلها وبعد فتره دخلت عليها رزان
هااى اسمك ايه انتى
اسمي نغم
اه صح سورى بنسى. ..دومى حبيبى جوه
اه جوه اديله خبر ان حضرتك جيتى
لالا عملاله مفاجأه علشان نخرج نتغدى ويبعد عن توتر الشغل شويه
اه ربنا يسعدكم
ميرسي ودخلت رزان على آدم
************أميرة جمال*************
رزان خير فيه حاجه
ابدا ياحبيبى كنت زهقانه قولت اجى اتسلى
تتسلى فى الشركه!!
اقصد نخرج نتغدى بره تغيير جو
وماما تتغدى لوحدها
طنط اللى قالتلى أخرجوا شويه اتبسطوا ماتقلقش هى تمام
اه بس أنا عندى شغل
مش مشكله لما تخلص براحتك
تمام هتستنى هنا يعنى
اه لو ماعندكش مانع
لاابدا تشرفى
ميرسي ياعيونى
بعد فتره آدم كان محتاج ورق ومواعيد المناقصات فطلب نغم تجيبهومله...اول ما نغم دخلت رزان فضلت تلف حوالين آدم وتلعب فى شعره علشان توجع نغم ولما لاحظت حزن فى عيونها عرفت انها نجحت وقررت تدخل على خطة نجوى هانم حماتها ..
اول ما نغم قربت من آدم رزان اتعمدت توقعها فجات فى حضن آدم فى الحظه دى مااستوعبوش اللى حصل رزان بتتكلم بصوت عالى يسمع الشركه كلها وبتصرخ فى نغم وتقولها ايه قلة الأدب اللى انتى فيها دى بترمى نفسك فى حضن جوزى وماسكه فيه كده ليه انتى شغلتك سكرتيره ولاايه بالظبط ياهانم وانا اللى كدبت الصور اللى جاتلى فى الوقت ده نغم كانت مصدومه ومش عارفه ترد كل اللى عملته اانها لما وقعت فى حضن آدم قامت بسرعه وهى بتتأسف ورزان استغلت صدمتها وطبعا كانت الشركه كلها اتجمعت فى مكتب آدم ومنهم ندى صاحبتها وبدأت رزان تكمل خطتها وطلعت الصور اللى فيها آدم بيمسح دموع نغم لما خرجت من الفندق بعد اللى قاله ألبير وفضلت تتكلم كتير وان نغم جايه ترمى نفسها على آدم علشان تسرق فلوسه وبتستغل أخلاق آدم فى التعامل مع الموظفين كل ده وآدم ساكت مستنى رزان تخلص كلام وعنيه على نغم اللى فجاة بدات دموعها تنزل فى صمت وده وجع آدم اووى وحاس انها بتتكسر لتانى مره بعد ماسابها يوم الفرح وقلبه اتوجع على حب طفولته وشبابه وكل دنيته فقرر ينهى المهزله دى
برافو خلصتى يامدام طيب أولا نغم دى اشرف بنت فى الدنيا كلها ومافيش حد فى أخلاقها انا اعرفها من طفولتها واحنا متربين مع بعض وأول وآخر حب فى حياتى ودنيتى كلها ومش هسمح لأى سبب ان دمعه من عنيها تنزل كنت غبى وضيعتها من ايدى ومش هبقا غبى لتانى مره فبص لنغم ارجوكى اقبلى طلبى للجواز
ياااه يآدم لسه ماتعرفش نغم ماتعرفش انى مستحيل اخد راجل من مراته وبيته ومتشكره لتصرفك بس انا مش محتاجه شفقه منك بسبب افتراء مراتك عليا
واو برااااافو انسه نغم لسه بتمثلى الشرف علشان تعلقيه بيكي اكتر
رزااااان اخرسي ماسمعش صوتك خالص ونغم ارجوكى فكرى علشانى انا ونكون مع بعض نرجع للى اتحرمنا منه
رزااان بتتحايل على دى علشان تتجوزك انا ماشغلهاش خدامه عندى
ندى:ولا هى تقلل من نفسها وترد عليكى يامدام اختى احسن من كده بكتير وهى مش عايزه جواز ولا غيره
اه تقصدى عايزه ترافقه وتعيش معاه كده فى الحرام فاجئها آدم بقلم نزل على وشها وهى من صدمتها مانطقتش وندى وجهت كلامها لآدم
بشمهندس آدم لو حضرتك عايز تتجوز نغم يبقا تيجى تتقدملها فى بيتى وتطلبها منى ومعاك والدتك وجوزى احمد اللى هيشهد على العقد ده طبعا بعد ماتقدر تقنع نغم بيك وتوافق عليك كده تمام
موافق على كل كلامك ياندى متشكر جدا ليكى هجيلك قريب ان شاء الله
بإذن الله يابشمهندس هستاذنك اروح انا ونغم علشان تريح أعصابها النهارده
اتفضلى وطبعا كل اللى فى الشغل عارف نغم وأخلاقها وماحدش يتكلم فى الموضوع ده نهائى اتفضلوا
كلهم خرجوا فضلت رزان اللى بصت لادم وقالتله هندمك على القلم ده ياادم ومش هسيب الجربوعه دى تاخدك منى انتى اللى بدأتى يارزان لولا كده ماكنش كل ده حصل خرجت رزان وهى هتولع من الغضب ان لعبتها قلبت عليها وعرفت ان حرب جديده هتبدأ وهى متأكده ان حماتهامش هتوافق تروح لنغم وهتفكر ازاى ترد القلم لادم فى حبيبته
يتبع الفصل الثامن اضغط هنا
- الفهرس يحتوي على جميع فصول الرواية كاملة :"رواية غرام وانتقام" اضغط على اسم الرواية