رواية تبنيتها ولكن أحببتها الفصل الثامن 8 بقلم منة الله وائل

     رواية تبنيتها ولكن أحببتها الفصل الثامن بقلم منة الله وائل

رواية تبنيتها ولكن أحببتها الفصل الثامن  

نظر لها كامل بغضب ثم امسكها من خصلات شعرها وقال :

اه سب ماتقوليش بحبك دي على لسانك انتي أحقر انسانه شوفتها في حياتي انتي ارخس من بنات الليل

نظرت له مرام بصدمه ثم نظرت الي المسدس الذي بيد الظابط ثم ذهبت سريعا وأخذت المسدس من يده

كامل بصدمه :

مرام انتي اي اللي بتعملي دا بطلي جنان

طخ طخ

عاااااااااااااا

مرام وهي تتحدث كالمجنونه بصراخ:

اسكت اسكت خالص

كامل وهو يحاول تهدئتها :

اهدي يا مرام وبلاش تعملي حاجه تندمي عليها بعد كدا

مرام ببكاء هستري وصراخ :

مش ههدي انا مش ههدي، انا بحبك يا كامل بحبك وعملت كل دا عشان انا كنت بنهار مكنتش عارفه اعيش، كان هيموتني لو مكنتش ساعدته، كامل انت اللي حسستني اني بني ادمه فعلا انا بحبك اوي والله

كامل وهو في محاوله لأخذ المسدس من يدها :

طب اهدي يا مرام محدش هيئذيكي بس سيبي المسدس

مرام وهي تترجاه بعيونها :

طب اوعدني انك هتتجوزني انت بحبك والله

كامل بغضب :

قولتلك سيبي المسدس بقا يا مجنونه

مرام وهي تنظر في عيونه وتضع المسدس على رأسها قائله :

انا بحبك اوي يا كامل

طخ

وقعت على الأرض غارقه في دمائها خسرت دنياها واخرتها، لا تعلم ما الذي ينتظرها يوم حسابها

نظر كامل لها بصدمه ولم يستطيع الوقوف وقع على ركبتيه وظل ينظر لها بحزن ثم قال :

يا خساره يا مرام ياخساره انا حبيتك اوي، مكنتش متخيل ان دي نهايتك

              بقلمي منه وائل

*************************

    في المدرسه في غرفة الفتيات

كانت تصفف شعرها وتنظر في المرأه وتحدث نفسها قائله :

هو يعني جاي والا مش جاي، يووو بقا يا فريده انتي شاغله بالك لي مايجي والا مايجيش هو حر، وبعدين يعني هو هيسيب كل الحاجات اللي وراه ويجيلك انتي يا فريده، فكك اما اروح المكتبه اقري الكتاب بتاعي

......................              

كانت تجلس موزموزيل نانسي في الحديقه وكانت تجلس أمامها تلك المرأه التي كانت تراها من فتره

نانسي بتساؤل :

انتي عاوزه اي بظبط انا كان ممكن أبلغ إدارة المدرسه بأنك بتدوري حولين المدرسه بقالك كام يوم، بس قولت افهم منك في أي، انتي عاوزه اي بظبط وبلاش كدب

السيده التي يبدو شكلها مخيف وكانت ترتدي شال اسود اللون يخبئ جزء كبير من وجهها وبيدها عصا شكلها غريب لونها بني داكن، وكانت أسنانها ذهبية اللون، نظرت لها تلك السيده ثم قالت بصوت مخيف للغايه :

انا عارفه انك انتي اللي هتساعدني، انا محتاجه بنت من البنات اللي هنا في المدرسه، بنت واحده بس وتكون جميله جدا، وميكونش ليها اهل يسألوا عليها، عندك طلبي دا؟

نانسي باستغراب :

وانتي عاوزه البنت دي لي؟

نظرت تلك السيده حولها يمين ويسار ثم اقتربت منها وقالت :

انا عاوزه ارجع شابه تاني وعشان يحصل كدا محتاجه بنت أقدمها قربان عشان اقدر ارجع شاله تاني

اتسعت عين نانسي بصدمه وذهول ثم هبت واقفه وقالت :

انتي اتجننتي يا ست انتي، اي كلامك الغريب دا انتي بتخرفي قربان اي وترجعي شابه اي هو في كدا

امسكت تلك السيده يدها وجلستها مره اخرى قائله:

اللي انتي عاوزاه او هتطلبي هعملهولك، انا مش بكدب عليكي انا ليا جن مسخراه وعشان اقدر ارجع شابه تاني لازم اقدم بنت صغيره وجميله قربان له، هتساعدني والا اشوف غيرك

نظرت لها نانسي بتوتر وقلق ثم قالت وهي تقف :

سبيني يومين افكر وارد عليكي

وقفت تلك السيده ثم قالت لها وهي ترحل :

يومين بس، يومين اكتر من كدا هيتقلب عليا انا وانتي مفهوم

ثم تركتها ورحلت، تركتها تفكر في تلك المصيبه التي وقعت على رأسها، كيف لها ان تتخلى عن فتاه من الفتيات؟

              بقلمي منه وائل

*************************

             في المستشفى

كانت تجلس بجانب ابنها تحاول اطعامه 

عاصم باعتراض :

يا ماما خلاص بقا شبعت والله مش قادر

فاطمه وهي تضع الملعقة في فمه قائله :

يابني ماتغلبنيش معاك بقا الدكتور قال اهم حاجه التغذيه عشان الادويه شديده يلا كول

دب دب

فاطمه وهي تضع للطعام في فمه :

ادخل

كامل وهو ينظر لعاصم بابتسامه يفهمها جيدا :

حمدالله على السلامه يا قبطان

ضحك عاصم الي طريقته ثم قال :

 هههههههههههه الله يسلمك ياقلب القبطان

فاطمه وهي تبتسم:

كويس انك جيت يا كامل يابني شوف صاحبك اللي مغلبني دا وانا هروح اصلي الضهر

كامل وهو يجلس بجانب عاصم قائلا :

ماشي ياأمي روحي انتي وسبهولي بقا

ضحك عاصم قائلا :

ياترى لسه استقالتي مقبوله؟

كامل بضحك شديد قائلا :

يااااا انت لسه فاكر دي مرفوضه اصلا ههههههههه

عاصم بمرح :

عشان تعرف بس انك من غير القبطان تغرق

كامل :

طلعا اومال انا سمتك قبطان لي

نظر الاثنان لبعضهما ثم تذكر ما حدث من اسبوع

فلاش باك

عاصم بتساؤل :

انت شغلت مرام في الشركه؟ 

كامل :

اه لي اشمعنا؟ 

عاصم :

من غير ماتقولي؟ 

كامل :

عادي يعني يا عاصم هي طلبت وانا وافقت مجاش فرصه اقولك يعني، اي المشكله؟ 

عاصم بانفعال :

لا من ناحية المشكله فهي مشكله انت كدا بتقربها من هدفها بسرعه اوي 

كامل بعدم فهم :

هدفها؟ هدف اي انا مش فاهم حاجه؟ 

نظر له عاصم ثم جثه على الصمت وطلب منه أن يفتح الكاميرا الموضوعه على باب المكتب فوجدوا مرام تنصت لهم علم كامل وقتها ان عاصم يريد ان يفهمه شئ 

أخذه وذهب الي الغرفه الداخليه و قلت ل له كل شئ وراي كامل الادله بعد ذلك خرجوا وافتعلوا المشكله لكي تصدق مرام ان عاصم وكامل اختلفوا وبالفعل صدقت 

وعلك عاصم ام عادل سيذهب يومها الي منزل مرام

عاصم وهو يتحدث في الهاتف :

ايوا يا كامل اهو وصل عندها انت حطيت الكاميرات كويس طيب تمم اوي، يلا بقا قبل ما ينزل من عندها 

وفي نفس الوقت عثر عاصم على رجال الأعمال التي كانوا على معرفه سابقه بمرام وقص كل منهم لعاصم مافعلته مرام به، ثم ارسل موظف الي شركة عادل لكي يأتي له ببعض المعلومات 

الموظف وهو يتحدث في الهاتف :

ايوا يا عاصم بيه، دا انا لاقيت هنا كمية ملفات لعادل محروس تودي في ستين داهيه، حاضر يا باشا سلام 

.......... في منزل مرام 

كامل بصوت عالي :

مرام يا حبيبتي انتي فين، تعالي فهمني ازاي ام صبحي مامتك، انتي بقا عامله امها دا انا هنفخك 

وبالفعل نجحت مرام في تمثيل دورها كالعاده وعندما ذهبوا الي الغرفه 

نظر كامل الي المندره بابتسامه فهو يعلم من بالداخل ثم أغلق الباب وطلب منها ان يذهبوا الي غرفه أخرى 

وذلك بسبب وجود الكاميرات

وعلم كامل ان مرام تبحث عن معلومات صفقة زيوت المستحضرات الفرنسيه، فذهب الي الشركه هو وعاصم وقاموا بتصوير ذلك التصوير الذي رأوا، وعندما اني عادل الي الشركه كان يجب عليهم افتعال مشكله لكي يصدق عادل ام كامل مازال يثق في مرام

ولكنهم لم يعلموا باتفاقهم على قتل عاصم وكانت تلك الغلط الوحيده التي وقعوا بها ولكنه نجا بفضل الله

باك

ضحك الصديقان فور تذكرهم كل ذلك

كامل وهو ينظر الي عاصم بحب:

مش عارف من غيرك كنت هعمل اي يا صاحبي، ربنا مايحرمني منك

عاصم بمرح :

ماخلاص يا ست امينه رزق انتي هتعيطي والا اي

نظر له كامل ثم ذهب له وقال تصدق انك حيوان تعالي بقا

عاصم بألم وضحك في نفس الوقت :

ااااااه لا خلاص والله خلاص وحيات امك خلاص هههههههههه ااااااه

كامل بتمثيل :

اي يابت ماتهدي كدا دا انا حبيبك 

عاصم وهو يفعل صوت امرأه بمرح : دراعي هههههه يا مفتري يا متوحش ااااااه بيتحرش بيا يا ناس

كامل بمرح :

ماتصبري يابت بقا الله، ههههههههههههههه

ضحك الصديقان من كل قلبهم

نظر كامل الي ساعته سريعا ثم هل واقفا وقال :

يانهار اسود دا احنا داخلين على العصر دا انا اتاخرت اوي

عاصم باستفسار :. اتاخرت على أي  يابني النهارده الجمعه

كامل وهو يرحل سريعا :

لما اجي هبقا افهمك سلام سلام

عاصم باستغراب :

سلام سلام، ماهو الواد دا يا ناوي يشلني، ياناوي يوديني العباسيه

              بقلمي منه وائل

*************************

                في الجامعه

كانت تجلس بسمه في المدرج وتقرء في كتاب ولم تنتبه لدخوله

:احم انتي قاعده هنا لي يا انسه؟، مش انتي عارفه انه ممنوع جلوس اي طالب في المدرج بعد انتهاء المحاضره؟ 

نظرت لذلك الصوت انه الدكتور او ما يدعي المعيد

أمسكت بأشياء وكانت ترحل قائله باعتذار :

اا انا اسفه يا دكتور بس كنت محتاجه مكتم هادي اذاكر فيه فجيت هنا و  الوقت اخدني وانا قاعده عن اءذن حضرتك

اوقفها قائلا :

خلاص انتي رايحه فين كملي مذكرتك

بسمه بابتسامه :

لا مرسي يا دكتور عن اءذن حضرتك

نظر لها بتأمل ثم قال :

اه اتفضلي

ثم تركته ورحلت

ظل ينظر لها وهي ترحل ثم ابتسم وجلس

              بقلمي منه وائل

*************************

   في الصعيد في منزل عبد القوي

كان يجلس عند الاسطبل وينظر الي تلك المهره ويتحدث لها قائلا :

تعرفي يا كريمه اني اتوحشتك جوي رايد اشوفك لو حته هبابه

وعندما كان يتحدث سمع ذلك الصوت الذي كان يتمنى ان يسمعه

كريمه بصوت منخفض :

محمد يا محمد

نظر محمد وانتبه الي ذلك الصوت نعم انها هي، حبيبة قلبه ومعشوقته التي غابت عن اعينه ١٨ عاما نعم انه زمن طويل

نظر لها بلهفه وشوق وقال :

كريمه اتوحشتك جوي يا جلبي، كيفك ياجلبي؟

نظرت له كريمه والدموع في عيونهاوقالت  :

مش زينه من غيرك يا حبة عيني، اني مامرتحاش وبتي بعيده عني وابوها

محمد بتساؤل :

هي بت، يابوي جلبي كان حاسس، طب هي فين يا كريمن انطجي وديتي بنتنا فين جولي واني هفوت اچيبها ومحدش هيجدر يئذيها طول مااني عايش حتى لو كان ابوكي

كريمه باعتراض :

مينفعش يا محمد، ابوي عينه في كل حته لو شم خبر انها عايشه هيجتلها ويحصرني عليها سيبها تعيش يا محمد اني عارفه انها عايشه عيشه زينه، اني مهجدوش اشوف بتي بتموت جصاد عيني ومجدرش اعمل حاچه

محمد بغضب :

انطجي يا كريمه اني ماهستحملش اكتر من أجده جولي يا حبيبتي جولي

كريمه وهي ترحل سريعا :

هتعرف في الوجت المناسب، سلام يا حبة عيني سلام

محمد وهو ينادي عليها :

يا كريمه، كريمه

عبد القوي باستغراب :

وه كانك اتچنت يا ولدي، انت بتنادم على مين يا محمد؟

محمد وهو ينظر للخيل :

كنت اتحدت ويا كريمه هبابه، امي رايح على الغيط سلام

نظر عبد القوي لولده بشفقه ثم قال :

ربنا يريح جلبك ياولدي

               بقلمي منه وائل

*************************

                في المدرسه

كانت تجلس في المكتبه تقري الكتاب الخاص بها ولكنها شعرت بملل فاغلقت الكتاب

ثم قالت :

اي الملل دا، اممم هي فيفيان فين؟

وعندما كانت تسأل اين فيفيان، جاءت فيفيان سريعا وقالت بسعاده :

فريده فريده، جه يا فريده جه

نظرت لها فريده بعدم فهم ثم قالت:

هو مين دا اللي جه ياهبله انتي؟

فيفيان بنفاذ صبر :

ياا عليكي يا فريده لما مخك بيقفل فجاءه كدا، كامل يا فريده كامل هو اللي جه وقاعد في مكتب ميس ماري

وقفت فريده بلهفه ولكن تراجعت وقالت بكبرياء :

طب ما يجي وانا اعمله اي يعني

اتسعت عين فيفيان بذهول قائله:

وتعمليلوا اي!! انتي اتجننتي يا فريده انتي مش كنتي مستنياه عشان عشان هيفسحك واهو جه

فريده وهي تقف بغرور :

لما يبقا يلتزم بمواعيده ابقا اروح معاه وكانت سترحل

امسكتها فيفيان من يدها سريعا وقالت :

انتي اتجننتي يا فريده مااحنا لسه في أول اليوم اهو وبعدين يعني اكيد كان وراه حاجه يلا بقا تعالي ميس ماري عاوزاكي يلا بقااا يا شيخه

....................              

السيده ماري بابتسامه :

والله يا مسيو كامل مش عارفه اقولك اي بشكرك جدا اصل يعني البنتين دول..  

وقطع حديثها دق الباب والتي اذنت للطار بالدخول

فريده بأدب :

حضرتك كنتي عاوزاني ميس ماري؟

السيده ماري بسعاده :

مسيو كامل عاوز ياخدكم في رحله النهارده انتي وفيفيان

نظرت له فريده بتحدي ثم قالت :

بس انا لسه تعبانه يا ميس ماري

تحدثت فيفيان سريعا قائله :

لا ماهي خلاص اخدت الادويه وبقت احسن مش كدا والا اي يا فريده ؟

ثم قامت بلكزها في يديها تحثها على الحديث

فريده وهي تنظر لها بتوعد :

اه اكيد

كامل بابتسامه :

شكرا ميس ماري ماتقلقيش مش هيتاخروا، يلا يا بنات. 

ذهبوا معاه الي السياره وبعد انا ركبت فريده السياره نظرت له بغضب ثم قالت :

اي اللي جابك ها مش انت وراك حاجات مهمه جيت ليه مكنتش مضطر انك تيجي

ضحك كامل على طريقتها وهي غاضبه ثم قال لكي يغضبها اكثر :

والله لاقيت نفسي فاضي قولت اجي االعب مع النعجه دولي بتاعتي

نظرت له فريده بذهول ثم قالت بغضب اكثر :

لاقيت نفسك فاضي وجاي تلعب، لي أن شاء الله حد قالك اني قاعده مستنياك لا اتفضل مع السلامه مش فاضين لسيادتك

ضحك كامل بشده ثم قال :

هههههههههههههه، يعني كل دا همك والنعجه دولي بتاعتي دي اللي عادي ههههههههه

فريده وكانت ستهبط من من السياره :

انا اصلا غلطانه اني ركبت وجبت معاك يلا يا فيفي

امسك كامل يدها وقال :

اهدي بس اهدي، انا بهزر معاكي والله انا ياستي كنت جايلك من بدري بس حصل معايا شوية ظروف بس انا والله عارف المعاد وعامل حسابي بس صدقيني دي حاجه مش بأيدي

نظرت له فريده ثم قالت وهي تنظر أمامها :

طب يلا هتودينا فينا

ضحك كامل على تلك الطفله التي يشتعل غضبها سريعا ثم تهدأ مثل الأطفال

نعم فقد صدق من قال ان النساء مثل الأطفال يغضبون سريعا ثم يهدئون

انطلق كامل بسيارته وذهب الي أماكن المرح لكي يجعل ذلك اليوم محفور في ذاكرة تلك الفريده

              بقلمي منه وائل

*************************

       في منزل يبدو أنه مهجو

كانت تجلس تلك السيده ذان الوجه القبيح المرعب وكانت تجلس تتحدث الي أحدا ما ولكنه ليس ظاهرا قائله :

انا عملت كل اللي بأيدي محدش راضي يساعدني

........................ :

لا لا خلاص انا عارفه اني انا اللي طلبت كدا بس اعمل اي هي قالت يومين وهتفكر يعني في خلال اليومين دول اكيد هتكلمني انا ادتها الرقم

...................:

طيب خلاص انا هستنا ردها وبرضو هحاول اوصل لأي بنت من هناك بس بلاش اللي بتقول عليه دا انا ماصدقت وصلت للنقطه دي

ثم جلست مكانها وظلت تفكر ماذا ستفعل ان لم توافق نانسي

              بقلمي منه وائل

*************************

               في منزل كامل

ميرفت بضحك :

هههههههههه، ياااا يا اماني انتي لسه زي ماانتي دمك خفيف

اماني بابتسامه :

وانتي برضو ياميرفت زي ماانتي جميله ووقار، الا صحيح هو فين عز الدين يا ميرفت

نظرت لها ميرفت بحزن وقالت :

عز الدين ربنا يرحمه بقاله ١٠ سنين يا اماني

اماني لاسف :

اسفه جدا يا ميرفت مكنتش اعرف

ابتسمت لها وقالت بمرح وهي تنظر إلى تلك الفتاه التي تجلس بجانبها وقالت :

اللع مش تعرفينا يا اماني بنوتك دي؟

ابتسمت اماني وقالت :

ايوا دي ريهام بنتي ليسانس اداب جغرافيا، ماشاءالله عليها بشمهندسه قد الدنيا

رحبت بها ميرفت بسعاده ثم قالت :

ماشاء الله زي القمر يااماني، إن شاء الله لما كامل يجي هعرفك بي هتحبي خالص

ابتسمت لها تلك الفتاه وقالت :

اكيد يا طنط مش ابن حضرتك

ميرفت بود :

ياروحي، بنوتك كلامها زي العسل يا اماني، عن اءذنكم ثانيه واحده

ياام فتحي جهزي الغدي، شكلي كدا لاقيت عروسة كامل

ام فتحي وهي تدعو :

ان شاء الله خير يا ست هانم، ربنا يجعل الخير من نصيبه

ميرفت وهي تدعو :

امين يارب العالمين

                بقلمي منه وائل

*************************

       في المساء أمام المدرسه

فريده بضحك :

ههههههههههه والا الراجل القصير وهو بيجري كان شكله مسخره هههههه

فيفيان بابتسامه :

بجد اليوم فعلا كان جميل اوي، شكرا كدا يا مسيو كامل

ضحك كامل ثم قال :

ههههههههههه، مسيو كامل، اي يا فيفيان مش احنا بقينا صحاب والا اي من النهارده كامل بس و الا اي يافريده

فريده بمرح :

طبعا  اوريڨوار يا رأس الدجاجه

كامل بضحك :

اوريڨوار يا نعجه دولي ههههههه

.....................              

        في غرفة موزموزيل نانسي

نانسي وهي تتحدث في الهاتف بصوت منخفض :

ايوا، انا نانسي بصي انا موافقه بس اديني يوم كدا ادبرلك الميعاد، اسمها اي..... اا اسمها فريده ملهاش اهل اصلا تمم سلام

يا واقعه مطينه بطين فريده!

يتبع الفصل التاسع  اضغط هنا

• الفهرس يحتوي على جميع فصول الرواية كاملة :"رواية تبنيتها ولكن أحببتها" اضغط على اسم الرو