رواية عندما يعشق العلماء الفصل التاسع بقلم دينا عويس
رواية عندما يعشق العلماء الفصل التاسع
في منزل مروان
مروان :_خلاص بقي يا ماما انا والله بخير مفيش حاجه حصلت دي مشكله بسيطة وبعدين هي دي اول مره هههه
الام بعياط :_أبني حبيبي لا خلاص مش هتروح مستشفيات تاني انا مش ناقصه انا مليش غيرك والله بحبك اووي يا حبيبي
مروان بحب :_انا بحبك اكتر يا قلبي
الاب محمود بغيظ :_لو الفيلم الهندي دا خلص يبقي قولولي عشان نتغدا بس انا هموت من الجوع ولا اقولك يالا يا ست انتي خلي الخدم يحطوا الاكل عشان هقع من كتر الجوع
الام سحر بغيظ :_دايما كده قاطع لحظاتي السعيدة مع أبني انا عارفه انك بتغير منه وهي تخرج له لسانها هههههههه
الاب محمود بصدمة :_الحق يا مروان أمك جنت علي الاخر بتطلع لسانها وبتقولي بغير منك وهبل ايه ده يارب صبرني يارب
مروان وهو يكاد أن يموت من شدة الضحك :_والله انتوا الاتنين عاملين زيي القط والفار حتي وانتوا كبار بطلوا بقي واعقلوا هو انا اللي هقول الكلام دا برضو هههههه
الاب محمود :_بس يا اهبل قال قط وفار قال أمك دي ستتتت اااه خلاص مش هتكلم لحسن تسمع
مروان وهو يضحك بشدة :_ هههههههه هموت حلو اللي يخوف
الاب محمود :_بس يا ولد كده عيب المهم دلوقتي عندي ليك خبر جنان
مروان :_سمعني هههه
الاب محمود بغيظ :_ شوف الواد يا بني اتكلم كويس ايه ده اسمعك ايه هو انا بغني
ندخل في المهم في جامعة القاهرة في دكتور كان بيشتغل هناك لمادة علم التشريح بس للاسف حصله ظروف سيئة واصيب بمرض كرونا وكده مش هيكمل مع الطلاب أدارة الكلية بعتتلك عشان تكون مكانه
مروان :_مش عارف يا بابا مش بحب مهنة التدريس انا كل حبي للعمليات وأداوي المرضي
الاب محمود :_ تدريس ايه انت اهبل انت هتشرح عملي وبعدين زيه زيي شغل المستشفيات انت هنا بتفهم طلاب وبتعمل خير وهنا بتشفي المرضي برضو خير
مروان بتفكير :_تمام يا بابا سبني أفكر بس
الام سحر :_بتتكلموا في ايه من غيري يا خاينين
مروان ببسمة :_ولا ايه حاجه يا أحلي سحر في الدنيا بابا بس بيقولي علي شغل جديد
الام سحر :_احكيلي شغل ايه
الاب محمود :_ أنت لسه هترغي يالا انا جعان ناكل وبعدين نتكلم ماشي
الام سحر وهي تلوي شفتيها.:_ماشي
مروان بضحك شديد :_ والله قط وفار هههههههه
____________________
وهاا قد أتي اليوم المنتظر للجميع وهو من أحلي الايام للطلاب في الجامعة اول يوم
(هتكلم شويه عن أول يوم جامعة سواء كنت حابه الكلية او لا فلازم نستمتع باليوم دا لانه عمره ما هيتكرر ابدا لان في اليوم دا هنصاحب ناس جدد من مناطق مختلفة هنتعرف على أماكن جديده هنشوف حاجات جديده هنتعرف على دكاترة الجامعة هنشوف ازاي الدكتور بيبقى أدامه كتير وبيحاول يفهم الكل بيكون في اليوم دا أعتمادنا على نفسنا أكبر بنسافر لجامعاتنا لوحدنا بدون رقابة الاهل أو السكان اللي جنبنا بتكون كليتنا في مناطق جميله اوي فلازم نستغل كل دقيقه لازم نستغل الايام الجميلة دي سوأ بنحب الكلية أو لا وعلفكره ربنا بيختار لينا الصح مش لازم كلنا ندخل طب عشان نبقى كويسين ممكن في اي مجال تاني احقق شهرة ونجاح أكبر لازم نرضي بقضاء الله )
في الصباح الباكر
سمر بنداء بصوت عالي :_ يااااااااا ديناااااااااااا قومي بقى حرام عليكي بقالي كتير بصحي فيكي ايه نومك دا كان عندها حق مامتك لما قالت أنك زيي الب*رة في النوم هههه مكنتش مصدقه والله هههه
دينا بعياط :_ حرام عليكي يا سمر انا ما صدقت مشيت من البيت عشان انام براحتي كمان انتي تعملي زي ماما هو ربنا زعلان مني ولا ايه
سمر بغضب. :_عشان انتي لو تنامي بدري بدل ما بتعملي فينا مقالب وتكمل بعياط قطعتيلنا الخلف والله الكام يوم دول بسبب مقالبك دي مش هنكمل مع بعض ازاي المهم دلوقتي أصحي
دينا. :_ حرام عليكي سبيني شويه بس
سمر بصوت عالي :_ لا يالا أصحي انتي وصفصف يالا
صفاء بنعاس :_صفصف صحت أهي هي صفصف عارفه تنام هنا اصلا الله يرحم ايام سريري الجميل
سمر بأمر :_ كل واحدة تقوم دلوقتي تغيري لبسها وتجهز حالها كويس عشان هننزل بعد ربع ساعه
دينا وصفاء :_ حاضر
♕♕♕♕♕♕♕♕♕♕♕♕♕
عند كلية الطب البشري جامعة القاهرة
مي لنفسها :_ ايه ده انا توهت تاني كل شويه كده حرام عليهم كانوا عملوا في كل منطقة كلية بدل ما هما جنب بعض يتوهوا كده
شخص ما خلف مي :_ عاوزة حاجة يا أنسة محتاجه حاجه
مي ببعض الغضب والتوتر :_لا لا انت مالك مش عاوزة حاجة وبعدين انت بتسال ليه كده عيب علفكره عيب تعاكس بنت مش هترضاها على أهل بيتك أكيد
الشخص ببعض الغضب :_ في ايه براحة انا سالت سوال بس عشان سمعتك وانتي بتقولي انك توهتي حبيت اساعدك بس شكلك مش عاوزة حاجة يالا مع السلامه براحتك
مي لنفسها :_ ياربي انا مش متعوده اكلم شباب عشان كده اتكلمت بطريقة مش كويسة يارب ساعدني يارب كان لازم اتعامل بالطريقة دي كان زماني سألت على مكان الكلية
ثم تسير في الطريق الى حيث لا تعلم
____________________
دينا عويس
حبيت اتكلم الايام دي عن الجامعة وايامها والطموح عشان بس خاطر حبيبنا اللي في الثانوية العامة ربنا معاهم ويفرح قلبهم يارب
يتبع الفصل العاشر اضغط هنا
- الفهرس يحتوي على جميع فصول الرواية كاملة :"رواية عندما يعشق العلماء" اضغط على اسم الرواية