رواية فيروز الفصل التاسع 9 بقلم نسمة مالك

   رواية فيروز الفصل التاسع بقلم نسمة مالك

رواية فيروز الفصل التاسع 

مؤمره اخرى..

ستفعلها قمر الزمان بكنز الفيروز الخاص بالسلطان سليم..

ولكنها لا تعلم انها ستكون أخر مؤمره..

وانه قد حان وقت العقاب على جميع الاخطاء..

^^^^^^^^^^^^^^^^^^^^^^^^^^

..بجناح السلطان سليم..

فيروز..

اخيرا..استعدات وعيها بعدما قام الاطباء بفحصها بعنايه وطمئنو سلطانها انها اصبحت بخير حال..

بدأت تسترجع ذاكرتها رويدا رويدا..

بهتمام شديد يجلس امامها سليم ويتحدث بهدوء محاولا بث الطمئنينه بقلبها..

سليم:فيروز..اهدى واحكيلى ايه اللى حصلك..

التمعت عيونها بالدموع ليكمل هو بتاكيد..

انا واثق انك بريئه..

تنظر هى له وللمكان من حولها بفزع ورعب وملامح شاحبه للغايه..وببكاء حاد صرخت..

فيروز:خديجه..بكت بعنف..صديقتى يا مولاى سموها هى كمان..

سليم:بلهفه..صديقتك بخير حال..اطمنى..

بوهن..اعتدلت فيروز جالسه..ليسرع سليم ويرفعها من خصرها لداخل حضنه وهمس بأذنها بتسائل..

سليم:رايحه فين بس؟!..

فيروز:ببكاء..لازم اطمن الاول على خديجه وعلى ماما وبابا كمان..

ضمها لحضنه اكثر وهمس بتاكيد..

سليم:قولتلك اطمنى مامتك وباباكى وصديقتك بأفضل حال..

قبل شعرها بعمق وهمس بأذنها بوعيد..

قوليلى مين اللى عمل فيكى كده يا فيروز وشوفى انا هعملك فيه ايه..

جز على اسنانه بغيظ..وازاى قدرو يعرفو بوجودك فى الجناح السرى؟!..

انكمشت على نفسها اكثر وتكورت داخل حضنه بخوف شديد..

ليمسد هو على شعرها وظهرها بحنان بالغ..

يهدء من روعها وفزعها قليلا..

دفنت هى وجهها داخل صدره وبصعوبه همست بصوتا مبحوح..

فيروز:مش عارفه جلالتك مين اللى عمل فيا كده..

انا كنت فى الجناح السرى وسمعت صوت خديجه بتنادى عليا وهى بتعيط..طلعت اجرى وفتحت باب الصندوق..

لقيت خديجه واقفه وبنتين واقفين جنبها وواحده منهم حاطه خنجر على رقبتها وقالتلى لو صرخت هتموتها..

انا خوفت على خديجه وسكت خصوصا ان شكلها كان تعبان اوى وبتتالم جامد..وبعدين قربت منى واحده فيهم وماسكه حاجه فى ايديها ..

بكت بقوه..وخديجه بقت تتألم اكتر وبصعوبه قالتلى انا مسمومه يا فيروز ومخنتكيش لو مت سامحينى..

وفجأه البنت اللى قربت منى كتمت نفسى ومحستش بحاجه بعد كده..

نهت جملتها..واحتضنته بكل قوتها تبكى بنحيب..

ضمها سليم لداخل حضنه اكثر وهمس بتاكيد..

سليم:يبقى خديجه ممكن تكون عرفاهم..او على الاقل عندها اى معلومه تقدر تفيدنا..

تعالت صوت شهقات فيروز..وتحدثت بصراخ..

فيروز:انا مش عارفه عملنلهم ايه علشان يعملو فينا كده..

رفعها هو بين يديه اجلسها على قدميه وأمسك وجهها بكفيه وتحدث بعشق شديد يظهر بعيناه ونبره صوته..

سليم:عملتيلى انا احسن حاجه فى حياتى لما دخلتى جناحى يا فيروز..قبل وجناتيها بعمق..وخليتى السلطان يعلن خبر جوازه اخيرا اللى اتاخر لسنوات..

فيروز:بزهول..جوازك..اشارت على نفسها..منى انا..

قبل سليم عيونها ودموعها..وتنقل بشفاتيه على كافه وجهها وهمس بانفاس لاهثه..

سليم:ايوه انتى يا كنز الفيروز..

بعدت فيروز عن حضنه ونظرت له بعيون مجهده..

وبأسف همست من بين شهقاتها..

بعتذر لجلالتك انا برفض الزواج منك..وجودى معاك خطر على عايلتى..صمتت قليلا واخذت نفس عميق واكملت..وانا مستحيل اعرضهم للخطر تانى..

مسحت دموعها بعنف..انا لازم اخرج حالا من هنا..نظرت لعيناه بعمق..

مش هينفع افضل هنا اكتر من كده..بكت بعنف اكبر..

ارجوك حررنى يا مولاى..انا معنديش استعداد اخسر امى او ابويا او صديقتى الوحيده..تأملت ملامحه بعيون تصرخ عشقا وتفيض دمعا واكملت..بطلب منك العفو يا مولاى على خطأ دخولى جناح جلالتك..ابتلعت غصه مريره واكملت بألم حاد يعتصر قلبها..وأوعد جلالتك انها مش هتتكرر تانى أبدا..

بجمود مصتنع..وبملامح نجح بأخفاء تألمه ببراعه وتحدث بهدوء..

سليم:فيروز انا اعلنت فى اجتماع الديوان اننا هنتجوز فى اقرب وقت..وبدأنا بتحضير كافه شئ يخص العرس..

ابتسم بألم..وانتى بسهوله بترفضى تتجوزينى؟!!..

فيروز:بغصه مريره..جلالتك السلطان..يعنى تقدر تجيب الف عروسه غيرى..هبطت دموعها بغزاره..لكن انا لو اهلى جرالهم حاجه مش هقدر اجيب غيرهم ولا اعوضهم..

نظرت لعيناه بتوسل..ومتنساش ان جلالتك قولتلى مستحيل تغصب اى امرأه..

نظر هو لها طويلا..نظره تحمل الكثير والكثير من العشق المألم للغايه لقلبه..

وبتعقل شديد تحدث..

سليم:خلينا نطمن على صحتك الاول..

ونستنى صديقتك تفوق علشان تساعدنا نعرف مين عمل فيكم كده..

ابتلعت فيروز ريقها بصعوبه وببكاء حاد همست..

فيروز:وبعد كده هتحررنى؟!..

عيونها تترجاه الأ يتركها..وقلبها يصرخ عشقا باسمه..

ولكن عقلها يعنفها بقسوه..

ينظر هو لعيونها ببتسامته الهادئه المطمئنه..واقترب منها مره اخرى جذبها داخل حضنه واضعا راسها على صدره وهمس بحنان..

سليم:اهم حاجه عندى دلوقتى اطمن عليكى..

قبل جبهتها.. واجبلك حقك..

فيروز:بضعف..ودينى عند خديجه يا سليم ارجوك..

رفعت وجهها ونظرت له بعيون يغرقها الدمع..

عايزه اشوفها واطمن عليها..

قبل هو باطن يدها بعمق وتحدث بتعقل..

سليم:فيروز..اول ما تستعيدى توازنك هوديكى بنفسى عندها..

ابتسمت هى له ابتسامه حزينه..والتصقت به اكثر..

متمسكه بحضنه بكل قوتها..وقد حسمت امرها..

ان خرجت من جناحه..لن تعود له مرى اخرى..

غافله عن سلطانها الذى يستمع لأفكارها وما يدور بقلبها ويفهمها اكثر من روحها..

^^^^^^^^^^^^^^^^^^^^^^^^^^^^

..بغرفه السلطانه الام..

جوهره:بترحاب..قمر الزمان..نورتى القصر ابنتى..

قمر:بعتاب..فعلا انا ابنتك حضرت الولاده باشا..

جوهره:بحنان..انا لم أرزق بأولاد سوى ابنى السلطان سليم.. لهذا انا احبك انتى والمرحومه زمن رحمها الله كبناتى..

قمر:بندفاع..طيب ليه لما جلاله السلطان قرر يتجوز مخترتنيش اكون زوجه لابنك..

نظرت لها جوهره بتفاجئ وتحدثت باندهاش..

جوهره: انتى اللى عايزه تتجوزى جوز اختك؟؟!!..

عبست بملامحها..امان ربى امان..وانا اللى ظنيت ان لو السلطان طلبك فى يوم انك ترفضى اخلاصا لاختك الوحيده..

قمر:بتوتر..مولاتى انا بدور على مصلحه السلطان..هو ابن عمى ومن دمى ومستحيل اذيه..لكن لو اتجوز واحده غريبه ممكن تكون مكلفه بقتله لسمح الله..

همت جوهره بالحديث الا ان اندفاع وصيفتها ركضا من الباب جعلها تهب واقفه وتتحدث بفزع..

جوهره:ايه اللى بيحصل..

الوصيفه:بفرحه عارمه..مولاتى جلاله الوالده باشا..عندى خبر سعيد يا مولاتى..

جوهره:بلهفه..قولى بسرعه يا انعام خانو..

التزمت انعام الصمت ونظرت لقمر..

لتحدثها جوهره بطيبه شديده..

دى قمر الزمان زى ابنتى..اتكلمى يا خانو..

انعام:سالت الطبيب المختص بحاله السلطانه فيروز زى ما امرتينى مولاتى واخبرنى ان السلطانه استعاده وعيها واصبحت بخير حال..

شهقت جوهره بفرحه شديده لفرحه ابنها..

ووضعت يدها على قلبها وهمست..

جوهره:الحمد لله..والشكر لله..

نظرت لوصيفتها بتسائل..

وصديقتها فاقت..

انعام:باسف..لا يا مولاتى..حالتها كانت خطيره عن السلطانه فيروز..

جوهره:بتمنى..ربنا ميوجعش قلبك تانى على غالى يا سليم يا حبيبى..

فى حين ان هناك قلبا اخر ملئ بالحقد والكره يهمس بوعيد..

قمر:هوصلك وهقتلك يا خدامه فيروز..

نظرت لجوهره ببتسامه مصتنعه..مولاتى اسمحى لى ان اعود لجناحى..

حركت جوهره راسها بالايجاب..

بخطوات شبه راكضه خرجت قمر متوجهه نحو جناحها..

وبغضب عارم تدور حول نفسها وتتحدث بغيظ شديد من اسفل اسنانها موجه حديثها لوصيفتها..

الخدامه بيقولو عليها سلطانه..التمعت عيونها بالشر..

فاقت لموتتها الجديده..

نظرت لوصيفتها وتحدثت بأمر..

عيزاكم بأسرع وقت توصلو ليها رساله مكتوبه باسم الطباخه والدتها اللى بتعمل تركيبات علاجيه..

مكتوب فيها لو عايزه تنقذ صديقتها تروح أسطبل الخيل بمفردها من غير ما تقول لمخلوق وتكون..ضحكت بعلو صوتها..بلبس الخدم..

الوصيفه:الرساله جاهزه يا مولاتى ومستنين فرصه تواجدها بمفردها..

قمر:بأمر..لازم الرساله توصلها قبل ما صديقتها تفوق..

الوصيفه:بطاعه..هعمل كل جهدى يا مولاتى قمر الزمان..

واطمئنى انا قدرت اجند اكتر من حرس لحسبنا..

جلست قمر برتياح واضعه قدما فوق الاخرى وتحدثت بنفاذ صبر..

قمر:وانا فى انتظار خروج الخدامه من مخبأها بفارغ الصبر..

وساعتها هخلص عليها بنفسى..

^^^^^^^^^^^^^^^^^^^^^^^^^^^^^^^^

بجناح اسماعيل باشا..

الكثير من الاطباء حول خديجه..

فحالتها لم تتحسن كثيرا..

يجاهدون بصعوبه لانقاذها..

فقد ظلت وقت ليس بقليل قبل ان تتلقى العلاج المناسب..

حتى اصبحت حالتها حرجه وعلى وشك فقدان حياتها بسبب قوه السم التى تعرضت له..

بجوارها اسماعيل الذى يعتصر قلبه ألما لاول مره على امرأه..

وبصرامه تحدث لاحدى الاطباء..

اسماعيل:طمنى يا طبيب..مافيش اى تحسن فى حالتها..

الطبيب:باسف..زى ما هى يا حضرت الباشا..السم كان قوى جدا عليها وهى ضعيفه زى ما حضرتك شايف..

هم اسماعيل بالحديث لكن صوت الحرس الذى اعلن قدوم السلطان جعلهم جميعا يصفو بجوار بعدهم ويقفون باحترام..

الحرس:بعلو صوته..دستوووووور مولاى السلطان سليم المعظم..

خطى سليم لداخل الجناح حامل فيروز بين يديه..

وبأمر تحدث موجه حديثه للأطباء..

سليم:لو انتهيتو من عملكم تقدرو تتفضلو..

احدى الاطباء:بحترام..انتهينا يا جلاله السلطان..

خرج الاطباء واحد تلو الأخر غالقين الباب خلفهم..

تنحنح اسماعيل بحرج وتحدث بتفهم..

اسماعيل:اسمحلى انتظر جلالتك بالتراث يا مولاى..

نهى جملته واتجه هو ايضا لتراث جناحه تاركا بعض الحريه لفيروز حتى تستطيع الاطمئنان على صديقتها..

بحذر..انزلها سليم وسحب عن وجهها وشاحها..

بلهفه..وبكاء حاد اقتربت فيروز من خديجه وقبلتها بعمق من احدى وجناتيها وهمست باذنها بثقه..

فيروز:عارفه انك مستحيل تخونينى يا خديجه..

ربط سليم على ظهرها بحنان وتحدث ببتسامته التى تذيب قلبها..

سليم:انا هستناكى اطمنى عليها براحتك ونادى عل؟!!..

قطعت فيروز حديثه عندما التفتت فجاه وقبلته من شفاتيه بعشق شديد ودموعها تهبط بغزاره على وجناتيها..

تصنم هو من فعلتها للحظات..ومن ثم بادلها قبلتها بعشق وشوقا اشد..

طالت قبلتهم كثيرا..حتى اوشكت انفاسهم على الانقطاع..

فبتعدت هى عنه على مضض..

تنقل هو بشفاتيه على كافه وجهها وعنقها وعاد مره اخرى لشفاتيها واوشك على تقبيلها الا انها وضعت اصابعها على فمه وتحدثت برجاء وتوسل وعيون باكيه..

فيروز:مولاى ارجوك متقربش منى تانى..توردت وجناتيها بخجل وعضت شفاتيها بعنف وهمست..لو قربت مش هسيبك تبعد ومش هينتهى الامر ببوسه المرادى..

ضمها سليم لحضنه اكثر لاصقها به وهمس امام شفاتيها بأنفاس لاهثه..

سليم:يبقى سبينى أقرب اكتر..

بكت هى بنحيب وتحدثت بأسف..

فيروز:مش هينفع..صمتت قليلا..اسمحلى انا هفضل مع خديجه هنا..خفضت رأسها تخفى دموعها عن عيناه واكملت..مش هرجع جناح جلالتك تانى..نظرت له وابتعدت عن حضنه وتراجعت خطوه للخلف..

لحد هنا وانتهت حكايتنا..نظر هو لها قليلا..

وبلحظه..كان جذبها لداخل حضنه ومال على شفاتيها مره اخرى يقبلها بنهم وتملك شديد..

وابتعد عنها بصعوبه وتحدث بعيون اشتعلت بغضب عارم..

سليم:هتفضلى برفقه صديقتك لحد ما تطمنى عليها..نظر لها بوعيد..وبعدين تتحاسبى يا فيروز..

ابتعد عنها وجذب وشاحها اخفى به وجهها ومن ثم نادى بعلو صوته فجأه..أسماعيل..

اسرع اسماعيل بتلبيه النداء..واقترب منه وقف امامه..

فتحدث سليم بأمر..

انقل اغراضك للجناح المجاور..ابتسم بثقه..الجناح دا هيبقى بين جناحى وجناحك..

نهى جملته واتجه للخارج خلفه أسماعيل..

لتجلس فيروز بجوار خديجه تمسد على شعرها بحنان وتتحدث ببكاء..

فيروز:فوقى بقى يا حبيبتى..

..مر يومان..

لم تتحرك فيروز من جوار صديقتها..

ولم ترى سلطانها ايضا بهم..

حتى اوشكت على الاحتراق شوقا لرؤيته..

لتقرر الخروج والذهاب اليه بنفسها..

جذبت وشاحها واخفت وجهها واتجهت للباب..

خبطت خبطه صغيره عليه..ليفتح لها احدى الحراس ويتحدث بحترام..

الحارس:أؤمرى مولاتى..

فيروز:بخجل..السلطان سليم موجود بجناحه..لو موجود قوله انى طالبه اشوفه..

تحرك الحرس على الفور نحو جناح السلطان..

ليسرع الحارس الاخر بأظهار ورقه وتحدث بهمس واستعجال لفيروز..

الحارس:مولاتى السلطانه..بعتذر لجلالتك..والدتك قالتلى اعطيكى المكتوب دا من غير ما حد يعرف..ارجوكى اخفيه..

اخذته فيروز منه بلهفه وفرحه شديده..

ليعود الحارس الاخر وتحدث..

الحارس:مولاتى..مولاى السلطان باجتماع الديوان..

عادت فيروز للداخل..وجلست على اقرب مقعد تقرأ المدون بالورقه..(فيروز يا بنتى انا هستناكى فى اسطبل الخيل بمعاد الغدا بدلى ملابسك مع واحده من الخادمات اللى بتجبلك الاكل وتعالى خدى التركيبه اللى عملتها يمكن تشفى خديجه وكمان انتى واحشتينى اوى ونفسى اشوفك يا حبيبتى).. لتلتمع عيونها بفرحه طفوليه وتركض نحو خديجه وتقبل وجناتيها بحب شديد وتتحدث بفرحه عارمه..

فيروز:ماما عملتلك تركيبه يا حبيبتى ان شاء الله تكون بالشفا انتى عارفه يا خديجه تركبات ماما عمرها ما فشلت..

ابتسمت بشقاوه..

اول ما الخادمات يجبولنا الاكل هبدل لبسى مع واحده فيهم وهروح اجبلك العلاج وهتخفى يا خديجه..

عبست بملامحها فجأه..بس دا مش خط ماما ولا طريقه كلامها..فكرت قليلا واكملت بثقه.. مش معقول الحارس يكدب عليا وهو عارف ان ممكن راسه تطير فيها..

اقنعت نفسها بحديثها متناسيه تحذير سلطانها بأن لا تثق بمخلوق حتى لو كانت والدتها..

مر بعض الوقت واخيرا جاء موعد الغداء..

خطو خادمتان حاملين كل ما لذ وطاب لها..

لتسرع فيروز باغلاق الباب خلفهم وتحدثت بامر لاحدهم التى وجدتها مقاربه لها بالطول والجسم..

اقلعى ثيابك حالا..

الخادمه:بفزع..ليه يا مولاتى..

فيروز:بطفوله..هنبدل مع بعض وانا هخرج على انى انتى اروح الاسطبل بسرعه وهرجع على انى هاخد باقى الاكل ونبدل تانى ولا كان حاجه حصلت..

الخادمه:بخوف..بس يا مولاتى ممكن السلطان او اسماعيل باشا ي؟!!..

قطعتها فيروز سريعا..

اطمنى السلطان واسماعيل باشا فى اجتماع الديوان ودا بيفضل ساعات..يله اقلعى بسرعه..

كالمغيبه..نفذت خطه قمر على اكمل وجه..

وخرجت من حصن سلطانها..حتى وصلت الى الاسطبل..

لتجد بنتظارها احدى الحرس الذين قامو بكتم فمها وقيدوها باحكام ووضعوها داخل صندوق وسارو به نحو موكب قمر الزمان وضعه معها داخل عربتها الخاصه..

وسارو لخارج القصر..

ليعلى صهيل المهره روز على غير العاده..

انتظرت قمر حتى تاكدت انها ابتعدت عن القصر وفتحت الصندوق ونظرت لفيروز بوجهه يشتعل حقدا وغل دفين وتحدثت بنتصار وضحكه شيطانيه..

قمر:اخيرا..وقعتى فى ايدى يا خدامه..نهت جملتها وبكل ما تحمل من قوه بدات تلكمها بعنف شديد على وجهها وكافه انحاء جسدها..

^^^^^^^^^^^^^^^^^^^^

سليم..

انقبض قلبه فجأه حين وصل لسمعه صهيل مهرته..

هب واقفا وسار بخطوات شبه راكضه لخارج القصر متجها نحو الاسطبل الخاص به..

ليجد المهره روز تركض حول نفسها بغضب شديد دون مبرر..

عاد لداخل القصر راكضا نحو جناح فيروز..

ودون سابق انظار كان خطى للداخل..

لتشهق الخادمه بفزع..وتبكى بعنف من شده رعبها..

ليقترب منها سليم ويقبض على عنقها بعنف ويتحدث بغضب عارم..

سليم:فيروز فييييين..

الخادمه:بهلع..مولاى اقسم لك انها طلبت منى ابدل ثيابى معاها علشان تروح الاسطبل وقالتلى هترجع تانى..

سليم:بانفاس مقطوعه..انا لسه راجع من الاسطبل وهى مش هناك..

قذفها لاسماعيل وركض للخارج بكل سرعته وخلفه حرسه الخاص..

حتى وصل عند بوابه القصر وتحدث بتسائل بعلو صوته..

مين خرج من البوابات حالا..

اقترب منه احدى الحرس وتحدث باحترام..

الحارس:مافيش حد خرج غير موكب الاميره قمر الزمان يا مولاى..

سليم:بصدمه..قمر..لهنا..وبدا يستوعب ويتذكر مرض زوجته بعدما اتت شقيقتها بزياره لها..

واختفاء فيروز الأن بعد زيارتها ايضا..

صرخ بعلو صوته فجأه بأمر..

يا حراااس هاتو روز حالا..

بسرعه البرق..كان صعد على ظهر مهرته وانطلق للخارج..

يبحث عن نبض قلبه الذى اوشك على فقدانه مره اخرى بسبب المدعو قمر..

^^^^^^^^^^^^^^^^^^^^^^^^^^^^^^^^^

..فيروز..

..خصرها..

معقود به سوط عريض وطويل يصل للارض..

بأخره حجر كبير جدا..

يدها..

معقوده ايضا خلف ظهرها بعنف جعلت معصمها اوشك على الانكسار..

فمها..

موضوع عليه شريط لاصق يهبط عليه دماء انفها بغزاره من شده الضرب المبرح التى تعرضت له..

عيونها..

اصبحت غير قادره على البكاء من شده اجهادها..

تنظر حولها بزهول..

عقلها لم يستوعب ما تمر به..

استقرت بنظرها لمياه البحر وموجه الغاضب..

علمت انها الأن ستلقى حتفها لا محاله..

رفعت عيونها للسماء وبقلبها همست برجاء ..

فيروز:يارب لو كاتبلى ان اموت دلوقتى..

هبطت دموعها ببطئ فأغمضت عيونها تجاهد دوارها الذى يهاجمها بعنف واكملت بتوسل شديد..

امنيه حياتى اشوف سليم مره واحده بس واموت بعدها..

فتحت عيونها بفزع وزعر حين حملها احدى الحراس وحمل حرس اخر الحجر وقربوها لقمر التى تخفى وجهها بوشاح وتحدثت لها بتشفى وشماته..

دا عقاب الخدامه اللى فكرت انها هتبقى سلطانه..

أشارت للحرس بيدها على المياه..

نفذو الأمر فورا..

سارو بها وبدأو يصعدو لاعلى الجبل ليلقوها منه..

على صعيد اخر..

بسرعه مجنونه..

يركض سليم بخيله وخلفه موكبه الذى لم يستطيع الوصول له من شده سرعته..

عيناه لأول مره منذ زمن تفيض بدمعا غزيرا ويصرخ بعلو صوته بأمر..

سليم:هياااااااا روز أسرعى..هياااااااااا..

قلبه يعتصر ألما..بل أنشطر لنصفين حين علم بما حدث مع صغيرته الشقيه..

ضحكته الصافيه هى..

عشقها هو من صميم قلبه وروحه..رغم انه لم يخبرها بعد..

بقوه خبط بقدميه على جانب الحصان يحثه على الركض بسرعه اكبر..

لتتسع عيناه بزهول وكادت ان تنقطع انفاسه ويتوقف قلبه

حين وقعت عيناه على الحارسين الذان يحملونها وأستعدو ليلقوها من اعلى الجبل..

صرخ هو بعلو صوته..

سليم:فيرووووووووز..أستمع الحارسان لصوته..

ومن شده فزعهم ألقوها سريعا..بل وقفزو معها ايضا..

شد اللجام واوقف حصانه وهبط من عليه يركض بكل سرعته ويده تبعد عنه ثيابه حتى لا تعوقه عن السباحه..

ودون تردد لحظه واحده..

وبمهاره غطاس..قفز من اعلى الجبل خلفها لينقذ حياته من الموت..

فبنظره..حياته وروحه تتلخص بكلمه واحده وهى..

..فيروز.

يتبع الفصل العاشر اضغط هنا

• الفهرس يحتوي على جميع فصول الرواية كاملة :"رواية فيروز" اضغط على اسم الرواية