رواية ناضجة بقلب طفلة الفصل التاسع بقلم أميرة جمال
رواية ناضجة بقلب طفلة الفصل التاسع
فلاش باااااااك
نوران:كنت راجعه من الجامعه وبابا فى المكتب زى عادته سمعته فجأه متعصب وبيتكلم بصوت عالى كده
هشام:يعنى ايه مافيش سيوله فى الشركه اكيد فيه حاجه غلط احنا نسبه المبيعات عندنا عاليه جدا كده انا بتسرق
مجهول:حضرتك بتشك فى حد معين ياباشا
هشام:لا وانا هعرف منين بس ميتعد اغير كل الناس اللى فى الشركه ومحتاج اراجع الحسابات كللها بنفسي علشان اعرف الغلط فيين
مجهول:اللى تؤمر بيه طبعا ياهشام بيه هيحصل وممكن اروح الشركه دلوقتى اجيب لحضرتك دفتر الحسابات كله حالا
هشام:لا مش دلوقتى خليها بكره الصبح واروح اشوف بنفسي المهزله اللى بتحصل دى حتى لو هفتش كل المكاتب لحد ماالاقى حاجه توصلنى للى بيحصل ده
مجهول:تمام ياباشا ومكتبى اول مكتب يتفتش
هشام:اكيد مش هشك فيك انت يعنى ده زى مالك برضو وكمان انت اللى فتحت عنيا وعرفتنى موضوع الوصيه ولاناسي
مجهول:لحم اكتافى من غيرك ياباشا واكيد مش هسيب اى حد يبقا عايز ياكل حق حضرتك وياخد فلوسك واسكت لازم انبهك
هشام:انت فعلا ونعم الصديق مذ عارف ازاى كنت فاهمك غلط زمان بس اعمل ايه بقا زين اللى كان دايما يبعدنى عنك
مجهول:اللى فات مات بقا خلاص ياهشام باشا وانا معاك فى ضهرك وماحدش يقدر ياكل عليك حقق ابدا
هشام:تسلم ياصاحبى هقابلك بكره الصبح بقا ان شاء الله ونشوف هنعمل ايه
مجهول:تمام ياباشا استأذن انا بقا
هشام:اتفضل
وخرج المجهول ونوران بسرعه اختبأت ورا عمود كبير فى الصالون علشان ماشوفهاش..
نرجع تاااانى للمطعم
حسام:حلو اوووى ده لا خاطب راجل يعتمد عليكى فعلا
نوران:راجل فى عينك
حسام:هههههه مش قصدى قطع لسان اللى يقول عليكى راجل ده انتى قمرر يابنتى
نوران:هو انت مابتصدق خلينا فى المهم بقا
حسام:ههههه مش بقول راجل،طيب ماتعرفيش مين الراجل ده
نوران:لاابدا ماشوفتهوش ولامره ممكن كان بييجى قبل كده وانا فى الجامعه ولاحاجه وصادفت بس انى رجعت بدرى النهارده
حسام:وانتى رجعتى بدرى ليه كنتى تعبانه
نوران:لاابدا
حسام:يبقا حد عاكسك انا عارف
نوران:ياحسام ماحصلش حاجه من ده كله
حسام:لا انتى بتخبى عليا
نوران:يالهوووى هو انت يابنى مابتصدق تخرج عن الموضوع الاساسى رجعت بدرى علشان فيه محاضره اتلغت ارتحت وخلينا فى المهم بقا لامشى واسيبك
حسام:لالا خلاص وعلى ايه نرجع المهم
نوران:تمام هنعرفه ازاى ده بقا
حسام:بصى من الكلام اللى حصل والراجل كلمه زمان وكده يبقا لازم بابا برضو يكون عارفه
نوران:اه فعلا
حسام:انتى فاكره شكله كويس ولامالحقتيش تشوفيه
نوران:لا شوفته كان وشه ظاهر كويس قدامى
حسام:حلو اووى كده ،كده بقا عايزك تيجى عندنا بكره ضرورى هقول لعمى انى عازمينك عندنا علل الغداء وانتى بقا تيجى ونقعد مع بابا انا هحكيله على اللى حصل الاول وانتى لما تيجى ممكن تساعديه ونقدر نعرف الشخص ده بسرعه
نوران:تمام اقنع انت بابا وربنا ييسر ونقدر نوصله
حسام:ان شاء الله،ممكن نقعد نحب فى بعض شويه بمإنك خطيبتى يعنى وبنت عمى وكده
نوران:لا طبعا هناكل ونمشى
حسام:ناكل ونمشى انا غلطان انى جبتك فى مطعم زى ده اساسا
نوران:ضحكت عليه
حسام:اضحكى اضحكى
نسيب بقا الحبيبه دول لوحدهم مانزعجهمش
................ .................. ................... ...............
عند نيهال كانت تجلس فى غرفتها تستمع الى الاغانى الرومانسيه سرحانه كل شويه تفتكر الموقف وقد ايه الشاب كان محترم معاها
نيهال(بتكلم نفسها): الواد ايه مز كده يتاكل والله ياربى ماينفعش تخلينى اشوفه تانى حتى لو العربيه هتخبطنى انا راضيه مش كنت اتنيلت عملت نفسي تعبانه بقا وخدنى المستشفى وكنت اتعرفت عليه هييييييح بقا طيب اسمه بس علشان اعرف اوصله اهئ اهئ اهئ طيب كان عطانى رقم تليفونه المعفن واخد رقمى علشان يتطمن عليا كته القرف فى حلاوته يلا ربنا يجعله من نصيبى ولو مش من نصيبى يارب يعنس ومايتجوزش ايدا وكل البنات تشوفه ضفدع وماتقربش منه لا ضفدع ايه بس ده انا اللى ضفدعه جنبه كده بدأت اهيس بقا انام يمكن اتنيل احلم بيه ولاحاجه
الحلقه الجايه بإذن الله
نعرف نوران هتقدر توصلهم لمين المجهول ده ولالا؟؟
نيهال هتشوف الشاب تانى ولالا
يتبع الفصل العاشر اضغط هنا
- الفهرس يحتوي على جميع فصول الرواية كاملة :"رواية ناضجة بقلب طفلة" اضغط على اسم الرواية