رواية غرام الرعد الفصل الثاني والثلاثون بقلم رحمة أشرف

 رواية غرام الرعد الفصل الثاني والثلاثون بقلم رحمة أشرف

رواية غرام الرعد الفصل الثاني والثلاثون بقلم رحمة أشرف

البارت 32 🌼✨💛

مروان حاضن رعد بحنان أخوي.. هتمشي هتوحشني يا صاحبي 

رعد بابتسامه وهو يبادله الحضن... خلاص يا مروان... هكلمك كل يوم والله يا صاحبي... ابعد بقا يخربيتك هموت 

مراد سحب مروان من حضن رعد... خلاص يا خويا .. مش فرح خالتك هو.. سلام يا صاحبي.. توصل بالسلامه 

اسامه بابتسامه... والله هتوحشني يا سطا 

رعد بابتسامه .. و ربنا عيال صغيره... سلام. خلو بالكم من نفسكم .... وانت يا استاذ مروان. مش هنبه عليك تاني. تلفونك لو انقفل ههد الدنيا علي دماغك 

مروان بابتسامه... خلاص يا باشا .... ابقا طمني عليك ..

اتجه رعد للطياره ولم ينظر خلفه ابدا... كان يشعر برغبه شديده في رأيتها . قبل ان يصعد الي متن الطائرة .. لاكن لم يحالفه الحظ .. 

في الطائره 

المضيفه بالانجليزيه.. ماذا تريد سيدي 

رعد بصلها بابتسامه. اجلبي لي الماء 

المضيفه بابتسامه. حسنا 

فضل رعد يتصفح الاخبار عبر الانتر نت

، 💛✨💛✨💛✨💛✨💛✨💛✨💛 ،

في بيت رحمه كانت بتعيط علي التلفون مع ريتاج 

رحمه بدموع. يابنتي ما هو مشا من غير وما يودعني... 

ريتاج بابتسامه خفيفه.. يا نور عيني... متنسيش أنه راجل اعمال يعني اكيد مشغول ولا حاجه يا عمري. اهدي بقا 

رحمه كانت هتتكلم قطع كلامه رنين تلفونها برقم رعد .. طيب طيب هرد علي المكالمه دي وهرن عليكي..... ولا اقولك هبعتلك رساله واتس علشان معيش رصيد 

ريتاج بضحك.طول عمرك معفنه اوي .. سلام. ..وفصلت 

رحمه بصوت حزين . الو 

رعد بابتسامه .. مالك صوتك ماله 

رحمه بعصبية وصوت عالي. ما انت ...بعدين لاحظت انها في البيت ومامتها صاحيه قلت بصوت واطي .ما انت لو مهتم كنت سألت عليا قبل ما تسافر .. وبعدين . هو فيه شبكه في الجو ولا ايه ...

رعد ضحك . لا يا حبيبتي. انا في الطياره بس لسه فاضل عشر دقايق و تقلع... وبعدين كنتي مشغوله مع مين . 

رحمه .. مع البيست كنا بنتكلم في موضوع مهم 

رعد بابتسامه .طيب ما تتكلمي معايا انا في الموضوع ده 

رحمه بابتسامه..ما هو مينعش 

رعد باستغراب. ليه 

رحمه بضحك .علشان انت الموضوع اصلا 

رعد ضحك ..ههههه والله مجنونه . طيب يلا بقا سلام علشان. عندي شغل مهم 

رحمه بزهق .حتي وانت في الطياره مشغول... يا بني ارحم نفسك مش كده .. يارب... يوم ما توعدني براجل يبقا بتاع شغل في شغل. هييييح.. مش مهم 

رعد ضحك علي تلك المجنونه ... و ربنا طفله. وبعدين . انا مسافر علشان شغل . هو انا رايح اصيف 

رحمه بضحك ..يارب اكتبهالنا يا رب .... 

رعد بضحك .طيب سلام يا لمضه ..

جت المضيفه بابتسامه.. سيدي .سوف نقلع خلال 5 دقائق 

رعد بابتسامه..حسنا 

رحمه سمحت صوت بنت اجنبيه بتتكلم .بغيره . مين دي بقا ... هو ده الي رايح في شغل. امال لو رايح تتفسح بقا هتاخد مين. جرجينا 

رعد بابتسامه علي غيرتها .. اولا دي المضيفه . واكيد يعني مش هجيب مضيف راجل .. وبعدين ما احنا بنغير أهو .. امال في ايه بقا 

رحمه بتوتر . مش غيرانه علي فكره.

رعد بابتسامه. طيب يا حبيبي. لازم تفصل بقا. ..خلي بالك من نفسك 

رحمه بابتسامه خفيفه.. حاضر. وانت كمان خلي بالك من نفسك.. وتكلمني كل يوم .... توصل بالسلامه .. يا بطلي 

رعد بابتسامه.. مره رعدي و دلوقتي بطلي .لا دانا ارجع تاني بقا 

رحمه بضحك..انا ادلعك براحتي علي فكره. .. وبعدين لو قربت لاي بت هنا . والله يا رعد .تاني يوم هتلاقي. جريمه شنيعه قتل رجل الأعمال البش مهندس . رعد ادهم الجارحي.. علي يد فتاه في أوائل العشرينات من عمرها .. 

رعد ضحك .. والله مجنونه ..... 

رحمه بابتسامه وكسوف .. رعد 

رعد بحب ..عيون رعد .

رحمه بابتسامه.. خلي بالك من نفسك..

رعد بابتسامه . حاضر يا قلبي. 

رحمه بابتسامه..رعدي 

رعد بابتسامه..نعم 

رحمه بابتسامه ....استودعتك الله الذي لا تضيع ودائعه 

رعد بابتسامه عاشق. في امان الله يا روحي .... .. بقولك يا حبيبتي 

رحمه بابتسامه خفيفه.. نعم 

رعد بابتسامه عشق . بكره في المدرسه تنزلي لمروان هيديكي حاجه . ليكي .

رحمه باستغارب. حاجة ايه دي 

رعد بابتسامه .. بكره تعرفي.  

رحمه بإصرار. طيب اي تلميح 

قطع كلامهم صوت ساره من الخارج. رحممممه رحممممه 

رحمه بخضه .رعد ماما عايزاني . سلام 

رعد بابتسامه . سلام يا حبيبتي خلي بالك من نفسك ... هتوحشيني اوي يا غرام الرعد 

رحمه بابتسامه . هكلمك كل يوم .. وكل ثانيه 

رعد بابتسامه .. أن شاءالله يا روحي يلا بقا علشان مامتك 

رحمه باستغراب. رعد هو في حاجه 

قطع كلامها نداء الام تاني. رحممممه تعالي هنا 

رحمه بخضه .طيب طيب سلام سلام .. وفصلت وجرت لبره . نعم يا ماما 

ساره وهي تنظر الاتجاه التاني . زهراء. قوللها تنام بدري علشان المدرسه الصبح. ولو اتاخرت بعد المدرسه خمس دقائق بس ها تنسؤال كانت فين وبتعمل ايه  

رحمه بعدم تصديق وصدمه. .ماما انتي .. هتراقبيني 

الام بعصبية وصوت عالي .. بعد الي عملته .. ايوه هراقبك .... زمان كنت واثقه فيكي وقلت بنتي تربيتي.

بس .. بس طلعت غلطانه .. كسرتيني يا رحمه 

رحمه دموعها نزلت وقعدت تحت رجل ولدتها .. والله يا حبيبتي ما كان قصدي .. والله يا ماما ما كان قصدي ... 

ساره بصتلها بخيبت امل فهي لاتزال غير مستوعبه الي حصل .. روحي نامي يا رحمه... ربنا يسامحك 

رحمه دفنت وجهها في كفوف اديها ودموعها نزلت بصمت ..

زهراء بحزن .ماما سامحيها بقا علشان خاطري 

ساره بعصبية ..زهراء. ادخلي نامي يلا وملكيش انتي دعوه..... خديها معاكي 

رحمه مكنتش عارفه تاخد نفسها و حست بضيق تنفس قامت بهدوء ودخلت الغرفه بصعوبه طلعت حبوب مهدئه من الدولاب واخدتها علشان تعرف تهدأ 

زهراء جت من بره قعدت جنبها علي السرير .. معلش يا حبيبتي. بكره تسامحك..انتي عارفه ماما بتحبك اصلا .. بس هي زعلانه 

رحمه بدموع وحزن شديد.. مش هتسامحني .... ومش راضيه تسامحني 

زهراء بحزن. مخلتنيش اقولها ليه اني انا كمان غلط زيك 

رحمه بهدوء ودموع. علشان انا كنت السبب في الغلط .انا الي ابتديت بيه .. لولا انا مكنتيش شوفتي مروان... ولا ريوان شافت مراد .. انا سبب في كل حاجه حصلت. وسبب في ان امي مش راضيه تكلمني ... ولا تسامحني .. 

زهراء بحزن... بس الموضوع اتبنا من الاول غلط .. وانتي بتدفعي تمنه دلوقتي... 

ريوان كانت في سابع نومه تقريبا .. لاكن قالت وهي بتتقلب... انا جعانه يا بت منك ليها .. 

رحمه وزهراء بصو لبعض و ضحكو.هههههههههه 

دق دق 

زهراء بصت للباب . ادخل 

ساره دخلت وهي بصه لاتجاه التاني . عيزاني اسامحك. في سجاد بره عايز ينغسل ... وبعدين تعالي كلي انتي ماكلتيش من البارح بليل 

رحمه ضحكت بين دموعها وزادت شهقاتها ولاكن فجأة تجري لحضن ساره الي استقبلتها بابتسامه حنون .

رحمه بدموع وهي في حضن مامتها . انا اسفه والله. اسفه 

ساره حضنتها بحنان فهي ضعيفه جدا قصاد دموع بناتها الثلاثه .. خلاص اهدي . وبعدين يا هبله... لو انتي غلطتي فأنا كمان غلط علشان لو كنت ام مثاليه كان زمانك جيتي قولتي من الاول انك بتحبي ... وكنت أنا ساعتها فهمتك الصح من الغلط .. ومكنش كل ده حصل ... انا الي اسفه علي اني مكنتش ام مثاليه ليكو 

رحمه طلعت من حضنها وباست أيدها . دانتي احلا أم في الدنيا كلها ... أم مش مثاليه ده مين ده الي يقول كده. وحضنتها جامد . بحبك يا سوسو 

ساره فتحت ايديها لبناتها الاتنين وزهراء وريوان ورحمه حضنوها بحب كبير .. بنحبك يا سوسو 

ساره بابتسامه حنان . بحبكم اوي يا فقر منك ليها 

البنات ضحكوا علي كلام مامتهم ام ساره فا مسحت دموع رحمه بابتسامه 

ساره بابتسامه.خلاص بقا .. هنفتح صفحه جديده ..

 

(ومهما فعلو الاطفال في ولديهم من أخطأ .. وكم غضبوا الوالدان منهم ... لاكن القلب هو من يتمرد وينتصر علي هذا الغضب .. فبكل بساطه لأنكم جزء منهم 

ل رحمه أشرف (ري ري )

🖤🖤🖤🖤🖤🖤🖤🖤🖤🖤🖤🖤🖤

في الصباح الباكر 

في بيت ريتاج كانت خارجه بلبس المدرس لاكن الجيب كانت ديقه عليها او ما يقال عليها موضه  

لاكن تجد من يضع جاكت قماش حول خصرها ويربطه بأحكام من الأمام 

ريتال بخضه مخلوط بصدمه ... استاذ اسامه 

اسامه بغضب وصوت واطي. ممكن اعرف ايه ده .. 

ريتاج باستغراب . ايه مش فاهمه. وبعدين ليه الجاكت ده 

اسامه بعصبية. اطلعي. غيري هدومك .. و الجيب دي متتلبسش تاني فاهمه 

ريتاج باستغراب . مش فاهمه برضو فيها ايه .وبعدين ده لبس مدرسه .. ابعد بقا خليني امشي. ... وكانت بتفك الجاكت لاكن اسامه مسك ايديها بعصبية .. مفيش واحده محترمه بتمشي بجيب ديق في الشارع ... اه وحضرتك محجبه بقا ولا وخدا الحجاب ده موضه برضو... 

ريتاج بعصبية. علي فكره انا محجبه .. ومحترمه غصب عنك 

اسامه بسخرية. .. والله طيب و الشعر الي باين ده ايه . لسه مدخلش الاسلام .. وبعدين والله لو فعلا محترمه .... مكنتيش نزلتي من البيت بلبس زي ده 

ريتاج بدموع في عينيها .. قصدك اني مش محترمه 

اسامه بعصبية ... اي حد يشوفك بالطريقه دي... مش هيقول غير كده .... سلام. خلي معاكي الجاكت .. علي ما ترجعي البيت .. .. ومشي من قدامها .. ركب سيارته وانطلق لوجهته 

ريتاج دموعها نزلت وكانت في حاله من الصدمه .. بعدين رجعت البيت تاني وهي حزينه علي الكلام الي قاله... ليها 

🖤🖤🖤🖤🖤🖤🖤🖤🖤🖤🖤🖤🖤

في شركة الالفي 

ريوان بتشتغل بجد و رسميه من الكل باثتثناء البنات 

سامي بابتسامه. ريوان .. ملف الحسابات ده ممكن تنقليه كمبيوتر معلش 

ريوان بابتسامه مجامله .. حاضر يا استاذ سامي .. بس ممكن شويه كده علشان في ايدي ملف مستر مراد طلبه ضروري 

سامي بابتسامه. تمام ولا يهمك المهم الملف علي المكتب أهو. .. وخرج 

ريوان رجعت تشتغل في الملف الي في أيدها بجد 

دق دق 

ريوان بانتباه. ادخل 

دخلت بنت في أواخر العشرينات جميله .. ممكن اقعد معاكي يا قمر 

ريوان بابتسامه. اتفضلي ..

البنت . انا شمس وليد ... زميلتك في قسم الحسابات .. 

ريوان بابتسامه. اهلا بيكي يا شمس. وانا ريوان...متدربه جديده هنا .... معلش مقلتلكيش تشربي ايه 

شمس بابتسامه. لا لا دانا الي اطلبلك. مادما جديده بقا 

ريوان بابتسامه.. ربنا يخليكي .. معلش خليها عليا انا .. ورفعت سماعه التلفون... شلبي .. واحد نسكافيه ..ووجه كلامها لشمس .. نسكافيه برضو ولا 

شمس بابتسامه..لا نسكافيه حلو اوي

ريوان بابتسامه . شلبي اتنين نسكافيه .. ايوه علي طول .. ربنا يخليك ..سلام.وفصلت 

شمس .. معلش لو كنت عطلتك ... انا بس ملاحظه انك مبتكلميش حد فا قلت اتكلم انا يعني.. 

ريوان بابتسامه جميله.. ولا يهمك. اصل انا يعني معرفش حد فا ببقا متجنبه شويه .. 

ترن ترن 

ريوان... طيب ثواني .. . ايوه مستر مراد....

مراد بعصبيه .. تبقي قدامي خلال دقيقه. ومعاكي الملف الي طلبته منك 

ريوان بهدوء.. حاضر .. يا فندم. وفصلت .. 

ريوان بابتسامه لشمس.. معلش ي شمس. هروح بس لمستر مراد. علشان طلب الملف ده ضروري 

شمس بابتسامه. خدي راحتك يا حبيبتي انا مستنياكي 

ريوان اخدت الملف وخرجت .. متجهه لمكتب مراد .. 

دق دق 

مراد. ادخل 

ريوان دخل بهدوء وقفلت الباب... الملف يا بش مهندس 

مراد لحظه منها ورماه بعصبية. مش ده مش ده التاني .... تبع مشروع الفندق الجديد.. 

ريوان بصت للملف الي تعبت فيه المرمي علي الارض وبعدين بصت لمراد .. حضرتك مطلبتش مني الملف ده. وبعدين مش انا المسؤوله عنه. دي مس رشا .... وبعدين انحنت بجسدها تلتقط الملف من علي الارض .. حاجه تانيه يا بش مهندس.   

مراد اخد نفس عميق. لا روحي انتي 

ريوان خرجت من عند مراد وهي غير مستوعبه الي بيعمله. لاكن حللت الموقف بأنها كانت زيها زي اي بنت تانيه ..وهو متعصب علشان معرفش يوصلها .. نفضت كل الكلام ده من بالها ورجعت الشغل تاني 

 🖤🖤🖤🖤🖤🖤🖤🖤🖤🖤🖤🖤🖤

في المدرسه 

ريتاج اول ما شافت رحمه ارتمت في حضنها وعيطت 

رحمه باستغارب. في ايه مالك. ..... يعني انا الي كنت المفروض اعمل كده. بس مش مهم. مالك يا بنتي ردي عليا ..بكلم نفسي .

ريتاج بدموع. هو انا وحشه اوي كده 

رحمه باستغراب .. ليه بتقولي كده.... دانتي احلا البنات يا بنتي. ده ده مين الحمار الي قال كده 

ريتاج بدموع بدأت تحكي الي حصل بينها وبين اسامه والكلام الي قاله . 

رحمه بحزن شديد.. الصراحه يا حبيبتى معاه حق .. 

ريتاج باستغراب.. ايه 

رحمه بابتسامه حزن... احنا قصرنا جامد تجاه ربنا .. يعني لا حجاب ملتزمين بيه ولا حاجه .. قصرنا جامد ..طيب اقولك علي حاجه انا التزمت بالحجاب الشرعي والبس الواسع وصليت انبارح رقعتين وفضلت اعتزر كتير من ربنا واقوله قد ايه انا ندمانه علي الي عملته .... ولبست حجاب كبير شويه وجبت جيب واسع ... وانتي برضو عملتي كده أهو وده زادك جمال علي فكره... بس اوعي يا ريتاج تكوني لبستيه علشان اسامه .. لم تلبسي. الحجاب البسيه علشان ربنا وبس وهو الوحيد وبعده جوزك الي ليهم الحق تلبسيه علشانهم. بس الاول ربنا .

البسه علشان خايفه منه 

ريتاج بابتسامه بين دموعها. اقولك علي حاجه. انا فعلا اخدت كلام اسامه .. وحسيت فعلا اني مقصره جدا مع ربنا .. اوي علشان كده لبسته . لولا كده مكنتش عبرت كلامه خالص 

رحمه بابتسامه . ربنا يسبتنا انا وانتي وكل البنات علي طريق الصح.. 

ريتاج .الهم آمين 

أم في الاسفل عند زهراء ..

زهراء بحزن. مروان... أننا نتقابل كده غلط وحرام. .. وانا خلاص قررت اني مش هعمل حاجه اغضب ربنا مني تاني. وتزعل ماما .. انا اسفه. 

مروان كان مبتسم وبس 

زهراء بحزن. لو عيزني ادخل من الباب ... ويبقا رسمي قدام الكل .. وقدام ربنا .. فاهمني 

مروان بابتسامه .. فاهم عنيكي . وفاهم دقات قلبك. يا زهرتي ... كنت جايبك هنا علشان اقولك. اني قررت اجي انا ومراد وامي الاسبوع الجي أتقدم ليكي .... وكمان كلمة ابوكي وهو أكد ليا أنه نازل كمان اربع ايام مش كده برضو 

زهراء بصتله بدموع . بجد ..هتيجي 

مروان هز رأسه ايوه .. منكرش أني كنت هستني لم رعد ينزل علشان اتقدم بس هو أصر اني اطلب ايدك .. وتبدأ من جديد. ونبدأ برضا ربنا 

زهراء بدموع الفرح . بحبك يا مروان 

مروان بضحك .شوفي انتي الي مش عيزانا نبدأ من جديد أهو 

زهراء بابتسامه. لا وعلي ايه. سلام بقا... وخرجت جريت لبره 

 🖤🖤🖤🖤🖤🖤🖤🖤🖤🖤🖤🖤🖤

في روسيا رعد قاعد علي السرير وماسك الاب توب بيشتغل عليه .. عامل ميتنج مع رجل اعمال اخر 

رعد بابتسامه .. اهلا بيك معتصم باشا 

معتصم ..رعد باشا. نورت البلد .لازم اكيد نتقابل ...

رعد بابتسامه وجديه ..اكيد .. في وقت المناسب أن شاءالله.   

معتصم .. قاعد فين دلوقتي . 

رعد بابتسامه. في فندق .. 

معتصم .. ليه مقعدتش في بيت الي هنا 

رعد بابتسامه... التغيير مطلوب بقا.  

معتصم .. تمام يا باشا براحتك. نتقابل كمان نص ساعه بقا . 

رعد . تمام. سلام 

وفصل معاه وقام بدل هدومه ونزل 

 🖤🖤🖤🖤🖤🖤🖤🖤🖤🖤🖤🖤🖤

في المدرسه. 

مروان بابتسامه.. خدي يا ستي الظرف ده بتاعك رعد ادهولي ليكي 

رحمه باستغارب. متعرفش فيه ايه 

مروان بابتسامه..لا ..بس انتي هتعرفي أهو  

رحمه بابتسامه غباء.. ايوه صح هات.

مروان.. قبل ما تفتحيه..مش هتبركيلي .. ولا ايه 

رحمه باستغراب. مبروك بس علي ايه 

مروان بابتسامه . هتجوز 

رحمه بصدمه. ايه وزهراء 

مروان ضحك . ما ده الي عايزك فيه بقا 

رحمه . مش فاهمه 

مروان بابتسامه. يعني يا ستي انا قلت لزهراء اني هتقدم ليها بعد اسبوع.. بس انا هغير الخطه بقا 

رحمه . مش فاهمه برضو

مروان بابتسامه. وسعي مخك بقا. يعني بعد خمس ايام عايز اعملها مفاجأة ...بعد ما الاستاذ طارق يرجع من السفر ..

رحمه باستغراب. استاذ طارق مين .. 

مروان ضحك ..هههههههههه . مجنونه اقسم بالله. ابوكي يا هبله. راجع بعد اربع ايام

رحمه بفرح. بجد. احلف .... محدش قلي حاجه. وانت عرفت منين

مروان بابتسامه... كلمته . قولتله اني عريس متقدم لزهراء . وهو قال أنه نازل علشان يشوفكم.. واني اروح بعد اسبوع اطلب ايديها رسمي. فهمتي 

رحمه بفرح. بقيت عتريس وزهراء. زهراء بقت عتروسه.. هاااااااااا .. عندنا فرح 

مروان ..هههههههه خلاص يا هبله. يلا افتحي الظرف 

رحمه. ايوه صح .نسيت . .. فتحت الظرف لقت فيه ورقه كبيره وورقه صغيره. فتحت الورقه الكبيره . وانصدمت وبصت لمروان بصدمه ..

مروان باستغراب . في ايه 

رحمه بصدمه. دي دي ورقة جوازي انا ورعد الي خلاني امضي عليها .. 

يتبع الفصل الثالث والثلاثون اضغط هنا