رواية الاعمى الفصل الثالث عشر بقلم ليلة عادل
رواية الاعمى الفصل الثالث عشر
فيلا مروان 2 م
ببطى وغموض تظهر فتاه من ظهرها ترتدى كاب لا يبين وجهها تقوم بصعود من البوابة الخلفيه ثم تنط تسير حتى الاسطبل ثم تجلس فى الاسطبل وتراقب احد من تراقب؟ ثم يرسل لها رسالة من رقم مجهول تقراء الرساله وتجرى على الباب الامامى للفيلا وهى مسرعه ومخضوضه ماذا حدث ماذا فى الرساله؟؟ من هى هذه الفتاه ؟؟؟
تدخل من باب الفيلا الامامى ثم تذهب الى غرفة مروان فى الدور الارضى وتفتح الباب تجد ماجى ملقى على الارض ثم يظهر وجه الفتاه انها اميره نظرات خوف وخضه تقوم بصراخه
اميرة ... (تصرخ) ... ماجى . ماجى فى ايه كيلا يا كيلا محدش بيرد ليه ثم تجرى الى التسريحه وتجيب ازازه برفان وترش على وجه ماجى لكنها لا تفق
اميرة ... فى ايه مالك ياربى اعمل ايه
(تمسك ايدها تسمع النبض نظرات زهول ثم تقترب من القلب لتسمع فجأه تقوم مخضوضه مصدومه ايه اللى حصل تمسك تليفونها وتتصل بالسعاف ماذا حدث اين الجميع ولماذا اميره كانت تنط من البوابه الخلفيه ؟
- فيلا مروان 4 م
- هول الفيلا – غرفه مروان .
فجأة يظهر حركه غير عاديه بوليس ورجال اسعاف يملؤن المكان ماجى على راض ثم يحملها رجال الاسعاف الى الخارج !!! واميرة تجلس لا تفهم شى ماذا حدث
الظابط الشرطه ... ايه اللى حصل
اميرة ... (تبكى ) ... معرفش انا دخلت لقتها كدا
الظابط ... دخلتى هنا ازاى
اميرة ... من الباب
ظابط ... الباب كان مفتوح
اميرة ... اه دخلت فضلت انده على حد مالقتش حد جه
ظابط ... ينظر للعسكرى مال فين جوزها
العسكرى ... اتصلنا بيه جاى يا افندم
(يدخل مروان وهو مش فاهم اى حاجه ومعه منير)
منير ... (بخضة) ... فى ايه
الظابط ... انت جوزها
مروان ... لا انا هو فى ايه
الظابط ... مراتك ماتت. وفى تاشبهه جنائى
مروان ... ايه اللى حضرتك بتقوله ده
منير ... اميرة انتى هنا فى ايه
اميرة ... بتوتر ... انا والله ما فاهمه حاجة
الظابط ... بسخريه ... لا احنا نروح كلنا القسم وهنفهم مع بعض
- القسم 7م
مظهر عام للقسم من الخارج قسم اول المعادى – ثم الى الداخل منير ومروان فى الخارج يقفون فى الممر امام باب مكتب الظابط على وجههم ملامح الاستغراب ثم يدخل عليهم والد ووالدت اميره وعلى ملامحهم الخوف
الاب ... فى ايه بنتى فين
منير ... اهدى بس هى جو محدش فاهم حاجه
الاب ... ( بعصبيه) ... بنتى لوحصلها حاجه هيبقى بسببك ووقتها مش هسيبك
الام ... اهدى يا خالد الدكتور بردو ميعرفش حاجه
الاب ... اهدى ايه كل القرف ده بسببه
(مروان ساكت لا يتحدث مع احد مصدوم ومش فاهم حاجه)
داخل مكتب الظابط –
اميره تقف امام مكتب الظابط وهويجلس على كرسى المكتب ثم يطلب منها ان تجلس
الظابط ...( اقعدى ) ها احكيلى تعرفى ايه
اميرة ... (تجلس بتوتر) كل اللى اعرف ان اول ماجتلى رساله على الموبيل ان دكتور مروان تعبان روحت على طول
الظابط ... وبعدين
اميرة ... دخلت لقتها على لارض حولت افوقها مجاش فى دماغى لحظه انها ميته بس
الظابظ ... هى اى واحده تجلها رساله ان دكتورها عيان تروح بسرعه كدا
اميرة ... لاء بس دكتور مروان انا ابقى مديرة اعمالة وكمان هو اللى بيشرف على رسالتى
(يطرق العسكرى الباب ثم يدخل )
الظابط ... عايز ايه
العسكرى ... محامى الانسة
الظابط ... خليه يدخل
(يدخل المحامى رافت عليهم )
المحامى ... انتى كويسه
اميرة ... اه
المحامى ... عايز المحضر
الظابط ... لا لسه مافيش محضر احنا لسه بنتكلم مع بعض شويه لسه في نيابه وطب شرعى لان فى شبهه جنائية
اميرة ...(تنظر بقلق للمحامى ) انا عايزه افهم انا ايه هيحصل معايا ايه
المحامى ... هنقعد شويه هنا لحد تقرير الطب الشرعى مايجى
الظابط ... بالظبط هتستنى برا لحد مستجوب الكل ...تقدرى تتفضلى
تخرج اميرة خارج غرفه الظابط و هى تبكى بابا الحقنى يقترب الاب منها ويحضنها هو والام يقولها متخفيش
ينده العسكرى على مروان ثم يدخل الى الغرفه
- صباح اليوم التانى
جميع يقفون فى الممر منتظرين النيابه على ملامحهم الإرهاق والخوف والقلق وعدم فهم شى
(يخرج العسكرى وينده على اميرة ثم تدخل اميرة لوحدها )
مكتب وكيل النيابه ادهم عمران
ادهم من شخصيات المؤثر فى الاحداث القادمه والهامه ايضا.. ادهم شاب يبلغ من العمر 30 عام جسم رياضى جدا جدا وسكس بكس طويل القامه خمرى اللون شعر الاسود والعيون العسليه الجميله يتمتع بجاذبيه الوسامه يجلس ادهم على كرسى مكتب الانيق ويبتعد عند مكتب الحاجب قليلا
تدخل اميره داخل مكتب وعلى ملامحه الارتبكاك والخوف
ادهم ... (وكيل النيابه نظرة اعجاب للحظه ) ... اتفضلى اقعدى ها اسمك وسنك
اميرة ... اميرة خالد الشريف السن 25 سنه
ادهم ... ماذا تقولى عن ما هو منسوب اليكى
اميرة ... مش فاهمه
ادهم ...(بجديه ) ردك ايه على اتهامك بقتل المجنى عليها ماجى
اميرة ... (باستغراب ) ... قتل .. ايه هى ماجى اتقتلت
ادهم ... (بسخريه) ... انتى متعرفيش تقرير المعمل الجنائى المبدئى يا استاذه بيثبت ان المجنى عليها ماجى راؤف تم قتلها بالخنق وانتى من اكتر الناس اللى مشبوه فيها
اميرة ...( تقف حالة انهيار وصدمه ) ... انا ماجى اتقتلت ... (ثم يغم عليها)
ادهم ... ( يقوم مخضوض) ... يا عسكرى هات مياه بسرعه
( يدخل الاب والام)
ادهم ... محدش يدخل برا
المحامى ... يا خالد سبها محدش هيقدر يعمل حاجه اصبر بس يلا تعال
الاب ... بنتى يا رافت بنتى بضيع
(يغلق العسكرى الباب )
(ادهم ماسك اميرة على لارض ثم تبداء تفتح عينها ببطى وتفوق)
ادهم ... انتى كويس
اميرة ... اه ممكن تساعدنى اقوم
ادهم ... اه طبعا
- ساعدها للجلوس على الكرسى ثم يطلب من العسكرى ليمون
- القسم 9 ص
فى الممر – يقف مروان ومنير مروان ساند ظهر وراسه على الحائط وايده خلف ظهره ومنير بجانبه
منير ... (بمزح)الحق ده العسكرى جايب ليمون , اميره لحقت تظبط الظابط
مروان ... مش وقت هزار على فكرا
منير ... اسف
مكتب وكيل النيابه ادهم عمران
داخل مكتب وكيل النيابه ادهم - اميره تجلس امام ادهم وعلى ترابيزه امامها كوبايه ليمون
ادهم ... ها بقيتى احسن
اميره ... الحمد الله
ادهم ... اهو خدمه سبع نجوم عشان متقولش ان ظباط الشرطه اشرار يعنى انا مقدر حالتك شكلك بنت ناس و اول مره تدخلى قسم
اميرة ... متشكره جدا
ادهم ... يلا انا سمعك حكيالى الحكايه من الاول ازاى عرفتى مروان
اميرة ... كل الحكايه انى بحب دكتور مروان وكان نفسى اساعده بعد الحادثه وارجعه تانى للنور , وده كان سبب يخلينى ابقى موجوده كل يوم فى الفيلا لحد مقدرت ارجعه زى الاول , وكمان هو اللى بيشرف على الرساله بتعت الماجستير
ادهم ... الرساله بتعت مروان جتلك الساعه كام
اميرة ... لا معرفش مركزتش
ادهم ... ما ركزتيش ! ماشى كملى بعد الرساله مجتلك ايه اللى حصل
اميرة ... لما دخلت الباب كان مفتوح بس هو مش بيكون مفتوح كدا يعنى فى العادى نادرا اوى لو الباب يبقى مفتوح كدا
ادهم ... انهى باب اللى كان مفتوح يا اميرة
اميرة ... الباب الداخلى مش البوابه
ادهم ... طب والبوابة
اميرة .( تسكت قليلا تفكر ) اه اه كانت مفتوحه
ادهم ... كملى ايه اللى حصل بعد ما دخلتى من الباب
اميرة ... وقتها مكنتش مركزه ان الباب مفتوح وكدا , و اول مادخلت فضلت انده محدش رد عليا روحت على اوضة دكتور مروان لقيت ماجى مغم عليها , فضلت افوقها لما معرفتش اتصلت بالاسعاف وقتها قالو انها ماتت
ادهم ... كنتى فين قبل متروحى الفيلا
اميره ... فى النادى
ادهم ... خرجتى الساعه كام
اميره ... حاولى ساعه 3ونص
ادهم ... ووصلتى الفيلا الساعه كام
اميره... اربعه الا ربع تقريبا
ادهم ... ولحقتى تيجى من النادى لحد الفيلا بسرعه دى ؟؟
اميرة ... اه ده 10دقايق من النادى للفيلا
ادهم ... امممم انتى قولتى خرجتى من النادى الساعه كام
اميرة ... بعد العصر
ادهم ... العصر ؟ تمام اتفضلى امضى على اقولك واستنى برا
اميرة ... حاضر
(تخرج اميرة من المكتب يطلب ادهم بحضور منير ... منير يجلس على كرسى ويتحدث مع داهم )
ادهم ... اسمك وسنك
منير ... منيرعبدالله محروس السن41 سنه
ادهم ... كنت فين وقت وقوع الجريمه
منير ...انا ومروان كنا فى الشهر العقارى وكل حاجه تثبت ذلك
ادهم ... امتى خرجتوا من الشهر العقارى
منيره ... حوالى الساعه 11 بعدين طلعنا على المركز بعدين للمحامى
ادهم ... تفتكر مين يكون عمل كدا
منير ... الله وعلم
ادهم ... يعنى مكنتش ليها اعداء
منير...لا بالعكس ماجى محبوبه جدا وليها علاقتها بناس كتير
ادهم ... واميرة
منير ... مش فاهم
ادهم ... يعنى علاقتها باميرة كانت ايه
منير ... لا مكنتش في علاقه خالص ماجى مكنتش بطقها لدرجه من شهر ونص تقريبا اميرة وماجى اتخنقو سوى
ادهم ... والسبب
منير ... غيرة
ادهم ... ومروان
منير ... لاء علاقتهم كانت شبه منتهية
ادهم ... تتفكر مروان ممكن يقتلها
منير ... انا وصحبى كنا فى امكان سهل حضرتك تسال وتراجع الكاميرات اللى فيها
ادهم ... هو دة سبب
منير .. تقصد ايه
ادهم ... مروان ممكن ياجر حد يقوم بالعمليه لحد ما ترجعو عشان مايثبتش الجريمه عليه ؟ امضى على اقولك ودخلى صحبك
(يدخل مروان)
ادهم ... اسمك وسنك
مروان ... مروان عزت عبد الرحمن سنه40 سنه
ادهم ... كنت فين من ساعه 2 لى 4
مروان ... كنت عند المحامى
ادهم ... ليه
مروان... كنت بخلص اورق
ادهم ... اورق ايه ؟
مروان ... يهمك
ادهم ... كل حاجه هنا تهمنى
مروان ... طلاق
ادهم ... يضع سجاره فى طفايه... كنت هطلق ماجى؟
مروان ... ايوا
ادهم ... والسبب
مروان ... مشاكل عائليه
ادهم ... والمشاكل دى بسبب اميرة اكيد
مروان ...(باستغراب) ... اميرة اميرة اشمعنا
ادهم ... يعنى غيره
مروان ... مافيش كلام ده انا وماجى كان فى بنا مشاكل من زمان من قبل الحادثه
ادهم ... وليه قررت تطلقها دلوقتى
مروان ... لان الحياه اصبحت بنا مستحيلة
ادهم ... تمام حقك اكيد طب هسالك على حاجه
مروان ... اتفضل
ادهم ... حضرتك دكتور علم نفس وشاطر جدا فى التحليل الشخصيات , اكيد هيبقى عندك خلفيه , تفتكر اميرة ممكن تقتل ماجى؟؟
مروان ... مستحيل اميرة اه مجنونه وعصبيه بس مستحيل تقتل بس حضرتك ليه بتقول كدا
ادهم ... هادى فين
مروان ... معرفش
ادهم ... مش غريبه اخوها ميجيش
مروان ... ممكن يكون لسه موصلوش الخبر
ادهم ... يعنى معندكش علم بمكانه
مروان ... لاء للاسف هو بقاله اسبوع مختفى
ادهم ... طب اتفضل امضى على اقولك
مروان ... حضرتك ماجوبتش على سؤالى
ادهم ... اللى هو
مروان ... ليه شاكك باميره
ادهم ... بعدين امضى على اقولك
مروان ... حاضر
ادهم ... اكتبى يابنى امرنا نحن وكيل نيابة قسم اول المعادى بتفتش منزل اميرة , ومعرض اللوحات الخاص بالمجنى عليها , وتفتيش ايضا فيلا المجنى عليها , وضبط واحضار المدعو هادى راؤف , تم غلق المحضر فى ساعة وتاريخة
(تقوم النيابة بتفتيش الامكان التى تم ذكرها )
مكتب وكيل النيابة ادهم عمران 9ص
– ادهم جالس على كرسى مكتبه وحمزه يجلس على كرسى امامه
ادهم ... ها قولى اميره سبتك الساعه كام
حمزه ...3 ونص
ادهم ... متاكد
حمزه ... ايوا حضرتك
ادهم ... طب بص كدا على الفيديو ده والتوقيت اللى مكتوب فوق
حمزه ... ( نظرات صدمه وبتوتر) ... اكيد الساعه مش مظبوطه
ادهم ... كدبك ده مش بس هيوديك فى داهيه بتهمت الكدب وتضليل العداله , لاء هيلف حبل المشنقه حولين رقبت صحبتك (بشده) قول الحقيقه
حمزه ... ما دى الحقيقه
ادهم ... انت كدا مش بتساعد صحبتك انت كدا بتورطها اكتر قول الحقيقه
حمزه ... (يصمت حمزه قليل ويفكر ويلتقت انفاسه )هقول لحضرتك كل اللى اعرفه
مكتب ادهم- 12م
ادهم يجلس على المكتب واميره امامه ومعها المحامى
ادهم ... اميرة انتى قولتى خرجتى من النادى على الساعه كام
اميرة ... مش متزكرة بس اللى متاكده منه ان العصر اذن وانا هناك
ادهم ... كنتى مع مين
اميرة ... حمزه
ادهم ... حمزه ده خطيبك
اميرة ... لا ده جارى واكتر من اخويا
ادهم ... (بسخريه ) لا لو كان اكتر من اخوكى يبقى ربنا يخليكم لبعض , لما سالت منير قالى انك انتى وماجى مافيش بينكم علاقه ومرة شفكم بتتخنقو؟
اميرة ... لاء حضرتك دى مش خناقه يعنى شدينا سوى
ادهم ... والسبب
اميرة ... مكنتش عايزنى اكمل مع دكتور غيرانه على جوزها
ادهم ... وده سبب يخلى صوتكم يبقى عالى وتقوللها انا هاجى لو مبعدتيش انا هزعلك ونجيب ناس تزعل معانا
اميرة ... لاء انا مقولتش كدا
ادهم ... متاكده
اميرة ... اه يعنى مش بالظبط انا قولتها انا هاجى ومروان هو اللى يقولى مش انتى , شتمتنى روحت قولتها كدا بس مش بطريقه اللى وصلتلك هومين قالك اصلا
ادهم ... لاء انا هنا اللى بسال؟
(يطلع مذكرتها من الدرج)
اميرة ... (بصدمه) ... ايه اللى جاب الحاجه دى هنا
ادهم ... انتى بتكتبى مذكراتك من امتى
اميرة ... ده ايه دخله فى التحقيق دى حاجات شخصيه انا اصلا هنا ليه
ادهم ... ايه يا متر انت مقولتش للانسه انها متهمه بقتل ماجى
اميرة ... ايه اللى بتقوله ده قتل ايه
المحامى ... اميرة رودى على الاسئله و اهدى
ادهم ... اسمعى كلامه
اميرة ... من وانا عندى 8 سنين
ادهم ... (يمسك المذكرات ويقوم بتقليب بصفحتها وهو ينظر لها )بس منظمه جدا التاوريخ فى معادها وتنظيم الكلام وكمان ايه ولا شخبطه واحده 22كشكول تنظيم 100% بس غريبه
اميره ... ايه اللى غريبه
ادهم ... الكشكول 23 ده وانا بقراء فيه لقيت ورقتين مقطوعين مش غريبه دى
اميرة ... لا عادى يعنى هى الشرطه دلوقتى بتمسك الناس اللى بيقطعو اورق من مذكراتهم الخاصة
ادهم ...(بسخريه ) اكيد كل مواطن من حقه يقطع اورقه برحته , (بشده ) ردى على السؤال ليه قطعتى الورق ده
اميرة ... وانا بكتب وقع عليهم شاى
ادهم ... لا اذا كان كدا لازم يتقطعو , بس غريبه واحده منظمه جدا وكتبه اكتر 22 مذاكرة يحصل كدا فى دى بس
اميره ... ربنا بقا وحكمته
ادهم ... ونعمه بالله كان مكتوب فيهم ايه
اميرة ... كلام زى اى كلام
ادهم ... زى ايه
اميرة ... مش فاكره
ادهم ... امم طب نرجع ليوم الحادثه انتى ازاى مشفتيش اثار الخنق
اميره ... عادى يعنى انا كنت عايزه افوقها
ادهم ... الاثار ايد الجانى كانت واضحه
اميرة ... يا فندم انا عمرى ما شفت حد ميت قبل كدا هعرف ازاى مقتوله بالخنق
ادهم ... كان واضح انها ميته
اميره ... مشفتش بجد انا لما دخلت افتكرتها مغم عليها حاولت افوقها , والله العظيم لما حسيت ان مافيش نبض اتصلت بالاسعاف قالو انها ماتت
ادهم ... قتلتيها ليه
اميره ... انا مقتلتهاش ليه حضرتك متهمنى انا بس
ادهم ... كل الادله ضدك
اميره ... ياسلام الادله اللى هى ايه بقى
ادهم ... انا هنا اللى بسال ردى قتلتيها ليه
اميره ... والله ما قتلتها بعدين بالعقل , انا لو قتلتها هتصل بالاسعاف ليه هبعت لنفسى رساله ازاى , انت حضرتك متهمنى عشان مجرد ورقتين قطعتهم
ادهم ... وتهديدك ليها فى المركز وانك كتبه فى مزاكراتك انك بتحبى مروان , وانك انتى اللى تستاهلى تكونى معه مش هى , وانها متستحقهوش وانها وحده رخيصه
اميرة ... يا فندم هو اى بنت كتبت انها بتحب واحد تروح تقتل مراتو ولاه حبيبته , يافندم لو احنا ماشين بالمنطق ده نص مصر هتتحبس ونص تانى هيتقتل
ادهم ... انتى قولتى انك خرجتى من النادى الساعه حوالى 3 ونص كنتى مع حمزه
اميرة ... اه
ادهم ... (بغضب ) يا عسكرى دخل حمزه
(بعد دخول حمزه )
ادهم ... حمزه اميرة سابتك الساعه كام
حمزه... (يصمت قليل ) ... ساعه 2 اميرة انا اسف شافه الكاميرات النادى
اميرة ...(بكسره ) لا عادى
(يخرج حمزه)
ادهم ... عرفتى ليه بتهمك وليه محميكى مش عارف ينطق لانك يا استاذه بتكدبى , روحتى فين بعد النادى وكدبتى ليه
اميره ... (تسكت)
ادهم ... طب الورق اللى قطعتيه مكتوب فى ايه
اميرة ... حاجه خاصه
ادهم ...(بنرفزه ) مافيش هنا حاجه اسمها خاصه ساعتين فى التحقيق وكل كلامك كدب
اميره ... انا مش بكدب انا بس بنسى المواعيد
ادهم ...( يلتقط انفاسه ويمسح وجه ) طب اكتب يابنى عندك امرنا نحن ادهم عمران , بحبس المتهمه اميرة خالد اربعه ايام على ذمه التحقيق انتى هتنورينا هنا لحد ما تنوى تقولى الحقيقه وتفتكرى براحتك
اميرة ... اونكل رافت
المحامى ... ممكن اعرف الموكله متهمه بايه وعلى اى اساس تتحبس
ادهم ... على اساس حاجات كتير اولهم انها كدابه , اعتقد ده كفايه بس كرم منى هقعدها فى المكتب اللى جنبى امضى على اقولك
(بعد ان تمضى اميره على المحضر)
ادهم ... عايزك تفكرى كويس الاربع ايام دول
تخرج اميره من الباب وكان يقف فى الخارج الاب والام منتظرين خروج اميره تجرى عليهم اميره وهى تبكى وخائفه
اميره ... ماما الحقينى والله ما عملت حاجه
الام ... ايه اللى حصل يا رافت واخدين اميره فين
رافت ... اخدت 4 ايام
الاب ... ليه انا بنتى مالها
رافت ... اميرة بتكدب كلمها يا خالد عشان اقدر اساعدها
الاب ... بنتى مش هتنزل السجن بنتى متقدرش تقعد معاهم
رافت ... متقلقش وكيل النيابه محترم قعدها فى للمكتب اللى جنبه بس ده مش حل لازم اميرة تتكلم
-القسم 4 م
-داخل مكتب ادهم ومعه احد الظباط
ادهم ... ايه لقيتو هادى
ظابط ...لاء
ادهم ...(بشده ) كامل الواد ده لازم تجيبه من تحت الارض
ظابط ... فى حاجه تانى
ادهم ... خير
ظابط ... تقرير الطب الشرعى الاخير اثبت ان ماجى كانت حامل وان الرساله اتبعتت اثناء مقتلها وفى اثر ضرب كمان
ادهم ... لا دى كدا احلوت اوى ابعت لجوزها
- مكتب ادهم 11ص
ادهم جالس على كرسى مكتبه ويجلس امامه مروان
ادهم ... احب ابشرك ان خلاص احنا قربنا نحل القضيه فاضل حاجات بسيطه
مروان ... ازاى
ادهم ... انت متعرفش اننا قبضنا على اميرة وانها بنسبه 99%المجرمه
مروان ... مستحيل
ادهم ... ليه
مروان ... اميرة ماتعملهاش
ادهم ... هى الى اى مدا علاقتك انت واميرة وصلت
مروان ... انا دكتور وهى طالبه فقط .هو ليه حضرتك شاكك انها هى اللى قتلت
ادهم ... بعدين هقولك
مروان ... من حقى اعرف دى مراتى
ادهم ... انت مش طلقتها
مروان ... بس من حقى
ادهم ... قولى يا دكتور انت وماجى علاقتكم من امتى منتهية
مروان .. بعد الحادثه واخر كام شهر اصبحت صفر
ادهم ... انتم ليه مخلفتوش
مروان ... اظن ده مش من حقك دى مسائل شخصيه
ادهم ... انا لما سالت كيلا قالت انك انت وماجى كل واحد فيكم كان بينام فى اوضه لوحده
مروان ... بردو ده شئ خاص انت جيبنى ليه
ادهم ... احنا بندور على اخوها بس مش عرفين نوصل ليه معندكش اى معلومات عن الامكان اللى بيروحها
مروان ... لاء
ادهم ... مش غريبه دى , دى الاخبار ماليه السواشيال ميديا
مروان ... يمكن رجع انجلترا
ادهم ... لاء مارجعش . احنا لما فتشنا البيت مالقناش اى صوره ليه ولا حتى على تليفون المجنى عليها
مروان ... انا هعرف ازاى ان فى صور او لاء حضرتك شايف
ادهم ... اسف مقصدش بس انا مستغرب لان كل الشهود بياكدو انهم كانو مرطبتين جدا ببعض
مروان... مش عارف
ادهم .... كنت عارف انها بتحبك
مروان ... هى مين
ادهم ... اميرة
مروان ... الكل عارف
ادهم ... وماجى
مروان ... كانت شكه من تصرافات اميرة معايا وكانت بتغير
ادهم ... وانت بتحبها
مروان ... طبعا بحبها زى اى طالبه عندى , يمكن حبها زايد شويه بحكم انها وقفت جنبى لكن علاقتنا لاتتعدى حدود الدكتور والطالبه فقط
ادهم ... اخر مره قومت بعلاقه مع السيده ماجى كانت امتى
مروان ... حضرتك بتسال ليه الاسئله دى
ادهم ... رد على السؤال
مروان ... انا مش هرد على اى سؤال غير فى وجود المحامى بتاعى
ادهم ... انت مش محتاج محامى امضى على اقولك
مروان ... قبل مامضى عايز اعرف ايه هى الدلائل اللى على اميرة
ادهم ... ميخصكش
مروان ... لاء يخصنى دى مراتى من حقى افهم اللى حصل معها
ادهم ... لما تجاوب على الاسئله قصاد المحامى ممكن وقتها افهمك امضى على اقولك
(بعد خروج مروان خارج المكتب كان فى انتظاره منير امام باب الغرفه)
منير ... خير عايزك فى ايه
مروان ... بيقولى اميرة هى اللى قتلتها
منير ... لالالا اميرة دى هبله بعدين متقدرش على ماجى
مروان ... عايزاقبلها
منير ... حاضر سهله
- القسم 3 م
داخل احد الغرفه الظابط التى تجلس بها اميره – اميرة تجلس وهى تبكى ثم يدخل مروان
اميرة ... (تجرى عليه ) ... شفت اللى حصلى
مروان ... اخر حاجه كنت اتصورها انك تعملى كدا
اميرة ... اعمل ايه
مروان ... تقتلى مراتى تقتلى الست اللى دخلتك بتها ووثقت فيكى وتفرقينى عنها
اميره ... (بزهول) ... مراتك حبيبتك وافرقك عنها انت بتقول ايه
مروان ... عملتى ليه كدا
اميرة ... (باستغراب ) ... انت شاكك انى قتلتها
مروان ... كل الادلة ضدك
اميره ... وانت مصدق
مروان ... مش دى الحقيقه
اميره ... لاء
مروان ... طب قولى الحقيقه
اميره ... قولت ومحدش مصدق , انا اه بكرها و مش طيقها وبغير منها بس مقتلتهاش
مروان ... انا مش مصدق انك تعملى كدا مكنتش متوقع ان جنانك واندفاعك يوصلوكى انك تعملى كدا
اميره ... (بستغراب ) ... انا اللى مش مصدقه انك مش مصدقنى ومصدق التخاريف اللى بيقولها
مروان ... امال المفروض انى اصدق كلامك ده
اميره ... اكيد انت الوحيد اللى مفروض تكون واثق انى مظلومه
مروان ... قولى سبب واحد يخلينى اصدقك
اميره ... قولتك مقتلتهاش لازم تصدق كلامى
مروان ... اصدقك ليه
اميره ... هو .هو انت زعلان عليها ومش زعلان عليا !!
مروان ... ازعل عليكى وانتى اللى قتلتيها انا زعلان على مراتى حبيبتى اللى فارقتينى عنها اللى مكنتش تستاهل يتعمل فيها كدا
اميره ... (بسخريه )... لاءلاء متزعلش اوى كدا , على فكره ده مصرها اللى تستاهلو
مروان ... تقصدى ايه
اميرة ...(بنرفزه ) واحده رخيصه زيها لازم يبقى ده جزائها واحده زباله
مروان ... ايه اللى بتقوليه ده انتى اتجنتتى اسكتى
اميرة ... لاء متجننتش انت جاى وزعلان و بتعيط على مراتك ها , ده انت مفروض تفرق حاجه سقعه عشان الرجل ده خلصك من قذرتها
مروان ... (بحسم )... بس
اميره ... عارف انا فعلا مقتلتهاش بس لو رجع بيا الزمن هعملها واقتلها لانها انسانه قذره وسافله و ارخص حد قبلته بحياتى
مروان ... (بعصبيه ) قولتك بس (يضربها بقلم)
اميره ... (حاله صدمه ثم انفعال) ... انت بتضربنى انا.... الايد اللى يامه مسكتها وسعداتها تضربنى انا , انت مش اعمى العين انت اعمى القلب ولاحساس والعقل انت غبى
مروان ... (يمسك ايدها بنفعال يقربه اليه ) ... الايد اللى قولتى مسكتيها وسعدتيها هى اللى هتعلق حبل المشنقه حولين رقبتك
اميرة ... كل ده عشان ماجى
مروان ... مراتى حبيبتى ولا نسيتى
اميره ... حبيبتك بقولك غبى اطلع برا برا يا عسكرى خدى الاستاذ بره
يخرج مروان خارج الغرفه تجلس اميره تبكى بحرقه مصدومه من رد فعل مروان ومن اين جاب هذه القسوة ؟ لماذا فعل هذه ؟
يظهرن مروان بعد خروجه على ملاح وجهه الندم والحزن على ما فعله يمسك ايده ويضربها و ثم يقول بنفعال غبيه غبيه هضيع نفسها )
منير ... مالك
مروان ... هضيع نفسها انا دلوقتى بس اتاكد انها مش اللى قتلتها وانها تعرف حاجه
منير ... ازاى
مروان ... مافيش عملت حاجه كدا عشان اشوف رد فعلها وقتها اتاكدت
منير ... مكنتش محتاج انا معشرتهاش زيك بس انا واثق فيها
مروان ... (فى سره) ... كنت متاكد ان تغيرها فجاه ده سببه حاجه كبيرة
منير ... بتقول ايه
مروان ... ولا حاجه عايز اقابل وكيل النيابه الصبح
منير ...هكلم حسن
- القسم 8 م
داخل غرفه التى تجلس بها اميره ..... يدخل عليها ادهم ومعه شنطه بها طعام
اميره... تقف فى حاجه
ادهم ... .بقالك يومين هنا مش بتاكلى (ينظر لها بغضب ) ايه ده مين ضربك يا عسكرى يا عسكرى
اميرة ... لاء محدش ضربنى والله
العسكرى ... ايو يا فندم مين عمل كدا
اميرة ... والله ما حد ده من ايدى اطلع انت
ادهم ... حد من الامناء قولى متخفيش
اميرة ... والله لاء صدقنى من ايدى
ادهم ... طب اخرج انت يلا كلى
اميرة ... لاء ماليش نفس
ادهم ... بتعملى كدا ليه فى نفسك لصالح مين
اميرة ... مش فهمه
ادهم ... انا 99%متاكد انك قاتلها ... وبردو بنسبه 99% متاكد انك برئيه
اميرة ...(بسخريه ) ايه لعبة عروستى دى
ادهم ... 99 الاولين لان كل الدلائل ضدك و 99 تانين احساسى بيقولى لاء
اميرة ... اقسم بالله ما قتلتها
ادهم ... طب قولى روحتى فين بعد النادى
اميرة ... اتمشيت شويه
ادهم ... مصره تكدبى
اميره ... انا مش بكدب
ادهم ... انتى عنيده اوى
اميرة ... متعرفش ان البنت العنيده رزق
ادهم ... لا يا اميره فى حالتك انتى مش رزق ابدا فى حالتك انتى عندك ده دمار ليه مصره تكدبى
اميره ... حضرتك ليه مصر انى بكدب
ادهم ... لانى متاكد انا مش بياع طماطم انا ظابط وبفهم , اللى انتى بتعمليه ده غلط انا جيلك هنا بصفه وديه وبتمنى تفكرى كويس بكره هتتعرضى عليا تانى لو فضلتى كدا هجددلك الحبس , بس وقتها هتنزلى تحت وهتتهانى انتى بنت ناس مش هتتحملى , اللى بتشوفيه فى الافلام صفر على الشمال من الحقيقه فكرى كويس.., .وكلى لانك داخله على ايام صعبه جدا عن اذنك
( يتركها ويسير الى الباب الغرفه ثم ينظر اليها ثم يغلق الباب تجلس اميره تفكر فى كلام ادهم)
ياترا اميره هتعملى ايه هتقول الحقيقة
مين اللى قتل ماجى
يتبع الفصل الرابع عشر اضغط هنا
- الفهرس يحتوي على جميع فصول الرواية كاملة :"رواية الاعمى" اضغط على اسم الرواية