رواية الحب الضائع الفصل الرابع عشر بقلم رحمة طارق
رواية الحب الضائع الفصل الرابع عشر
فهد بلهفه : ارين حبيبتي انتي كويسه
ارين باستغراب: انت مين
فهد بصدمه: ايه
نظرت له ارين: انت مين ثم نظرت الي باقي العائلة التي ينظرون لها بصدمه: وانتوا كمان مين
فهد: ارين انتي فعلا مش فكراني
ادهم وهو يقترب منها بحذر: ارين انتي مش عرفاني انا كمان
ارين وبدات تغضب: انتوا خطفني صح وبعدين انت مين انا هابلغ البوليس
فهد وهو يجز علي اسنانه: انا فهد جوزك
ارين بسخريه: جوزي ما لقتش الا انت واتجوزك
فهد بغضب وهو يضغط على يديه بقوه حتي ابيضت يداه: ليه مش عاجبك
ارين ببرود: بصراحه اه
فهد بغضب شديد: دكتوره سالي انتوا خدتوا عقل مراتي وانتوا بتعملوا العمليه ايه اللي حصلها
الطبيبه بعمليه: للاسف يا فهد باشا انا شكيت اما شوفت الاشعه ان في حاجه غلط وبان دلوقتي علي حالة المدام انها جالها فقدان ذاكره
فهد بغضب: وحياة اممممك
كريم: اهدي شويه يا فهد ما يصحش كده
فهد بغضب: انت مش شايفها بتقول ايه يا كريم
الطبيبه بخوف: يا فهد باشا ما تخافش هو فقدان ذاكره مؤقت وقريب قوي ذاكرتها هاترجع
فهد وهو يحاول السيطره على نفسه: ماشي ممكن ناخدها البيت دلوقتي
اومات الطبيبه بعمليه: ايوه يا فهد باشا بس يا ريت الراحه التامه ويا ريت ما تتعرضش لضغط نفسي
اوما لها فهد
واتجهت الطبيبه للخارج
نظر لها فهد: ليجدها تنظر في مكان اخر بهيام
نظر فهد الي المكان الذي تنظر اليه ليجده كريم
فهد بغضب وغيظ: عاجبك اوي
ارين بهيام: اوي اوي
فهد بغضب: لاء كده كتير اوي عليا انا مش هستحملها كده
سليم بضحك: اتحمل يابني وبعدين انت السبب
فهد بندم: انا غلط وكل حاجه وندمان بس انت مش شايفها دي هتجنني
لم تهتم ارين لكلامهم ونظرت لكريم
ارين بهيام: خد يا واد يا حليوه انت
كريم بضحك ولكنه اخفاها بسرعه عندما لمح نظرات فهد: احم احم نعم
ارين باعجاب: هيا عيونك العسلي دي بجد ولا لنسز هيا امك كانت نحله عشان تجيب العسل دا كله علي الدنيا
انفجر جميع من في الغرفه بالضحك علي تلك المجنونه فيما عدا هذا الذي كاد ان ينفجر من الغيظ والغضب
فهد بغضب وصوت عالي وهو يتجه لها: لا كده كتير كتير اوي
سليم بصرامة: فهد اهدي شويه مراتك مش في وعيها فبراحه عليها ثم نظر إلى افراد العائلة ياالله بينا علي البيت
اوما له الجميع وخرجوا من الغرفه
ارين بتذمر وهي تري كريم يرحل : استني بس يا عسل انت رايح فين طب اسمك طب هات رقمك طا
فهد بغضب وهو يؤشر عليها اصبعه: قسما بالله لولا انك فاقده الذاكره انا كنت قتلتك علي حركاتك دي
ارين بغضب هي الاخري: وانت مالك اصلا بتدخل ليه
فهد بسخريه: يمكن عشان مراتي
ارين ببرود: وانا مش فاكره الجوازه دي ومش معترفه بيها فالجوازه دي تعتبر باطل
فهد ببرود اكبر وسخريه : دا عند الست الوالده ان شاء الله
ثم اتجه اليها وقام بحملها
ارين وهي تتحرك بقوه بين يديه : سيبني علي فكره انا مخبوطه في راسي مش في رجلي
فهد ببرود: وانا مزاجي اني اشيلك
ارين وهي تنفخ خديها: لو سمحت نزلني
فهد وهو يقرب وجهه من وجهها حتي اصبحت انفاسه تلفح وجهها
فهد بخبث: هانسكت بقا عشان نروح او ممكن اعمل حاجه تخليكي تسكتي غصب عنك
ارين بخجل شديد وقد تجمعت الدماء في وجهها: هاا ثم اردفت بغضب انت قليل الادب علي فكره
فهد بخبث: شكل تهديدي مش همك انا بقول ننفذ علي طول وكان يهم بالاقتراب ولكنها قاطعته
ارين بخجل وهي تضع يدها علي فمها: خلاص خلاص مش هتكلم امشي بقا
ابتعد عنها فهد بانتصار : شطوره يا رينا يالله بقا نروح
نظرت له ارين بغيظ ولكنها لم تعقب
اتجهوا الي السياره ومن ثم اتجهوا الي القصر
قام فهد بحملها مرة أخرى واتجه بها الي غرفتهم
قام فهد بوضعها علي الفراش
فهد: انا هاسيبكم معاها شويه ما حدش يضغط عليها
ولو احتجتوا حاجه نادوا عليا
اوما له الفتيات بنعم
اما هو فاتجه الي الاسفل
ودخلوا اليها الفتيات بعد ان ايقظوا ياسمين واخبروها بما حدث فهي منذ العشاء لم تخرج من غرفتها
اتجهت ياسمين بسرعه الي ارين وهي تبكي واحتضنتها بقوه: ارين حبيبتي انتي كويسه والله انا نمت وانتوا عرفني كلبة نوم ومش بصحا بسهوله فمسمعتش حاجه
ارين بحب: اهدي شويه يا ياسمين انا كويسه
نظرت لها ياسمين بصدمه: انتي انتي ازاي فكراني ماما قالتلي انك فقدتي الذاكره
كريم: ما هيا فعلا فاقده الذاكره بس قدام العيله بس
نظروا البنات بخوف الي الباب ليروا كريم ومازن وعمر
ارين وهي تلتقط انفاسها: ربنا يخدك يا كريم قطعتلي الخلف
كريم بغيظ: كريم وليكي عين تقولي كريم دا كان لسه ليا ثانيه ثانيه بس وهتعلقوا فوق صورتي شريط اسود بقا دا اللي هتظهري انك معجبه بيا دا انتي كان شويه وهاتطلبي تتجوزيني
ارين بضحك: بس ايه رايك في منظر فهد كان يفطس من الضحك
مازن بضحك: الصراحه هو كان هيعلق كريم بس انا اول مره اشوف فهد متعصب كده وما يقدرش يعمل حاجه
رقيه بغيظ: خلاص بقا بطلوا تحفلوا علي اخويا دا حتي قمور وقلبه طيب
مازن بغضب طفيف: دا انا اللي هاشلك قلبك من مكانه دلوقتي
عمر بضحك : اني اري الاجواء بدات بالاشتعال
ياسمين بصراخ: بس حد يفهمني ايه اللي بيحصل هنا
ارين وقد بدا عليها الحزن: انا هقولك على كل حاجه
Flash Back
انا كنت في المستشفي بدات افوق وكنت ناويه اقوم بس سمعت صوت الباب وهو بيتفتح ففضلت نايمه
شويه وحسيت بايد بتمسك ايدي وبدات تقص عليها ما قاله لها فهد في المستشفي وبعد ما مشي
ارين وقد فتحت عينيها التي امتلئت بالدموع لا تعرف هل تبكي بسببه لانه جرحها ام تبكي علي الم معشوقها
وفجاة فتح الباب عليها ليدخل عليها مازن وادهم وعمر وكريم
جري عليها ادهم بسرعه ليقوم باحتضانها وهو يبكي علي حال اخته: حبيبتي انتي كويسه
ارين وهي تهز راسها بمعني نعم
ادهم بغضب: ارين لو عوزاني اطلقك من الحيوان دا انا هطلقك منه فورا
عمر: ايه يا عم ما تخليك محضر خير طيب
كريم: وبعدين انت عارف يا استاذ ادهم ان دا كان سوء تفاهم وهو عمل كده من غيرته عليها وبعدين فهد بالذات ما بيحبش حد يقرب جنب املاكه فالحمد لله انك طلعت من تحت ايده عايش
ادهم: انا عارف انه بيحبها بس القرار دلوقتي في ايد ارين يا اما توافق تكمل معاه وتسامحه او ترفض
نظر الجميع بترقب إليها ينتظروا جوابها
اما هي كانت في عالم اخر وهي تتذكره وهو يمسك يديها ويترجاها ان تسامحه سقطت دموعها بغير ارادتها علي وجع من أحبته طوال عمرها ولم تحب غيره
هرول الجميع اليها وهم قلقون من بكائها
ادهم بقلق: ارين انتي كويسه فيكي حاجه بتوجعك
ارين وهي تدفن رأسها في احضانه وتبكي بشده : بحبه يا ادهم بحبه اوي بس هو جرحني كتير ومش عارفه اسامحه بس كل اما افتكر شكله وهو بيعيط وبيطلب اني اسامحه بتكسر مليون مره لاني عمري ما اتعودت علي فهد انه يكون ضعيف كده
كريم: سامحيه يا ارين سامحيه ربنا بيسامح احنا مش هنسامح وبعدين انتي بتحبيه وهو بيعشقك عاوزه ايه اكتر من كده عشان تسامحيه ادي لنفسكم فرصه مع بعض يا ارين بلاش تضيعوا الفرصه دي زي ما حبكم ضاع زمان علي سوء تفاهم
قامت ارين من احضان ادهم وقامت بتجفيف دموعها
ارين: هما البنات هنا
مازن: رقيه ودارين اللي هنا بس بتسالي ليه
ارين: طب ناديهم
نظر لها الجميع بتساؤل ولكنهم لم يعقبوا واتجه مازن الي الخارج لكي يناديهم
اتجه مازن إليهم ليجد العائله جالسة في الاستراحه
بقلق شديد علي ارين
علا بقلق: مازن ارين عامله ايه دلوقتي
مازن بتوتر حاول ان يخفيه: الحمد لله الدكتور قال انها بقت كويسه بس هيا لسه ما فاقتش
اومات له علا بحزن
مازن: رقيه انتي ودارين تعالوا عاوزكم
اومات له رقيه ودارين باستغراب واتجهوا معه
رقيه بتساؤل هو فيه ايه يا مازن
مازن بحب: هتفهمي كل حاجه دلوقتي يا عيون مازن
رقيه بخجل: يا مازن بقا
دارين باستنكار: انا هنا علي فكره
مازن بغيظ: ممكن تمشي علي فكره فصيله زي الواد عمر
دارين بغضب: انت غبي يا بني ما انت اللي مناديني
مازن:خلاص خلاص تعالوا
دخلوا الغرفه ليجدوا ارين مستيقظه
جروا عليها واحتضنوها بشده
رقيه: يا حبيبتي يا رينا انتي كويسه
ارين: الحمد لله بقيت كويسه
دارين بسرعه: طب انا هاروح اقول للعيله
ارين بسرعه: لا يا دارين ما تقوليش لحد انا نادتكم عشان انا ناويه اعمل حاجه وعوزاكم انتوا بس اللي تكونوا عارفين
نظر اليها الجميع بترقب
ارين وهي تاخذ نفس عميق انا قررت افقد الذاكره
كريم باستنكار: اييه
اومات ارين بنعم: ايوه زي ما بقولكم كده هافقد الذاكره
رقيه باستغراب: ازاي يا ارين مش فاهمه
ارين: انا بحب فهد بس برده مش قادره اسامحه على اللي عمله معايا بس اللي خلاني افكر في الموضوع انه كان فاهم غلط لولا كده انا ما كنتش اديته فرصه بس بما اني هحاول اسامحه يبقا لازم اعذبه شويه وعلمه ازاي يتحكم في غضبه دا
( ارين في نفسها انا اه مش هسامحك يا فهد بسبب اللي حصل زمان ولا انك اتجوزتني غصب وخليت بابا يفهمني غلط بس انا مش قادره اشوفك ضعيف عشان كده قررت اديك فرصه بس لو ضيعتها المرادي يبقي تنسي واحده اسمها ارين)
ارين: ها انتوا معايا
عمر: انا معاكي وبالمره نلعب باعصاب فهد شويه
مازن: وانا كمان معاكي
رقيه ودارين: واحنا كمان
ادهم: وانا كمان وهبقا اتابعكم بالموبايل وهفهم عمو طارق ايه اللي حصل
ارين بدموع:بابا وحشني قوي
ربت ادهم علي يديها: اكيد اما هيفهم الموضوع هايسامحك
اومات له ارين بنعم
نظرت ارين لكريم: ايه يا كريم معانا ولا علينا
كريم: انا مش عارف بس عمري ما اتعودت اخبي عن فهد حاجه وانتي دلوقتي بتقولي اننا هنمثل عليه
ارين: بس انت عارف هو عمل معايا ايه يا كريم وانت عارف برده اني بدي فرصه لعلاقتنا انها تتصلح
اوما لها كريم: انا معاكي يا ارين بس براحه عليه شويه
ابتسمت له ارين واتفقت معهم علي ما سوف يفعلوه
Back
ارين: بس يا ستي دا كل اللي حصل
ياسمين بتركيز: طب انتي ناويه علي ايه دلوقتي
ارين بخبث: كل خير ان شاء الله
كريم بخوف: شكلك مش ناويه تجيبيها لبره انا برا الموضوع دا
ارين بشماته: دا انت كل الموضوع يا كريم
كريم بخوف اكبر: استرها يا رب لا المره الجايه انا مش هاطلع منها سليم
ارين وهي تضحك: ما تقلقش العبد لله هايحميك بس هات رقمك
كريم: ليه
ارين: هاتوه بس بعدين هاتفهم
مازن: احنا لازم بقا نمشي عشان لو فهد طلع ولقا شلة المعلم دي هايشك
اوما له الجميع وودعوا ارين واتجهوا للخارج
بعد قليل كان فهد يصعد علي السلم سمعت ارين صوت خطواته
قامت بسرعه بالاتصال علي رقم ما
ارين وهي تراه يقف عند الباب
ارين بهيام: الو ابن النحله معايا
كريم: ايوه انا عرفت دلوقتي انتي بتلعبي علي ايه منك لله منك لله يا شيخه فهد هيقتلني
ارين: بس بقا يا عسليه بقولك ايه عوزاك تجبلي شوية طلبات عاوزه شيكولاته وبيبسي وايس كريم وبيتزا وشاورما ماشي ماتتاخرش عليا يا عسليه
دخل عليها فهد بغضب كالجحيم
فهد بغضب: بتكلمي مين
ارين ببرائه : دا العسليه قصدي كريم
فهد بغضب اكبر: وبتكلميه ليييه
ارين بلامبالاه: عادي بطلب منه يجبلي حاجات
فهد باستنكار: طب وما طلبتيش مني انا ليه
ارين بخجل مصطنع: اصل انا اتكسفت منك
فهد وهو يشد شعره بقوه: اتكسفتي من جوزك ومن الغريب لاء انتي عاوزه تجننيني يا بنتي
ارين: الاه خلاص بقا وبعدين كريم مش غريب دا كراشي الجديد
فهد بغضب: لا كده كتير ما انا لازم اطلع غيظي في حد انا كده هافرقع ولو طلعته عليكي هاذيكي
ثم خرج من الغرفه بسرعه متجها لغرفه كريم
ضحكت ارين بشده علي شكله: معلش بقا يا كريم هاتيجي فيك المره دي
فتح فهد الباب بقوه
فهد بغضب وصوت عالي: كرييييييم
قام كريم من فراشه بفزع: ايه ايه في ايه
اتجه اليه فهد وقام بلكمه: بقا انت عسل وقام بلكمه مرة أخرى وامك نحله
كريم وقد ابتعد عنه وقفز فوق الفراش: وانا مالي يا عم ما مراتك هيا اللي شيفاني حلو وبصراحه معاها حق
فهد بغضب: رقمك وصلها ازاي يا حيوان
كريم ببرائه: يعني يرضيك مرات اخويا فاقده الذاكره وتطلب مني رقمي وما ادهوش لها دا حتي تكون عيبه
فهد: انا هاخليلك وشك شوارع دلوقتي يا حيوان
وظل يجري خلفه وضربه حتي تعب واتجه الي غرفته
كانت ياسمين تنتظر حبيبها في النافذه الذي لم ياتي للمنزل حتي الان وقد تاخر الوقت وهي تشعر بالقلق الشديد عليه ومن ثم غفت علي كرسي وهي تنتظره
دخل الغرفه ليجدها هادئه علم انها قد نامت
قام بتغيير ملابسه واتجه الي الفراش وقام بضمها الي صدره وقبل راسها تصبحي وانتي في حضني
ابتسمت ارين بين احضانه وقامت بدفن راسها في احضانه وذهبوا في نوم عميق
يتبع الفصل الخامس عشر اضغط هنا
- الفهرس يحتوي على جميع فصول الرواية كاملة :"رواية الحب الضائع" اضغط على اسم الرواية