رواية بنت أصول البارت الرابع عشر 14 بقلم ملك محمد
رواية بنت أصول الفصل الرابع عشر 14
"ف المساء"
والدة معاذ كانت نايمه ورنا ومروان روحوا شقتهم
مريم : قوم نام انت يامعاذ انا هفضل جمبها اطمن
معاذ وهو نايم ع نفسه: لا لا انا صاحي نامي انتي لو حابه
مريم : يابني ليه بتعمل فرق بينا قوم نام انت عندك شغل الصبح انما انا موريش حاجه
معاذ : معرفش لي عندي احساس اني بتقل عليكي
مريم مسكت ايده وقالت : عارف ليه علشان لسه بتعتبرني واحده غريبه عنكوا ومش عارفه اي السبب بصراحه
معاذ بنظرة حزن : لا الموضوع مش كدا
مريم بإبتسامه : طالما مش كدا ممكن تقوم تنام وتسبني أنا جمبها علشان لو احتاجت حاجه
معاذ وقف وقال بتنهيده : ماشي يامريم تصبحي ع خير
مريم بإبتسامه : وانت من اهل الجنه ياحبيبي
معاذ ابتسم واخد بعضه ودخل اوضته اول لما حط دماغه ع السرير نام من كتر التعب
اما مريم راحت اتوضت وجت فرشت سجادة الصلاه جمب حماتها وقررت تصلي قيام الليل
فجأه حماتها بتصحى وبتقول
: معاذ هاتلي بوء مايه يامعاذ
بتخلص مريم صلاتها بسرعه وبتروح تديلها المايه
حماتها بتعب: هو معاذ نام ولا اي
مريم : ياااه دا نام بعد ماغلبني فضلت اتحايل عليه يقوم ويسيبك واقوله انا هاخد بالي منها يقولي ابدا امي وهفضل قاعد تحت رجلها بس الحمدلله اقتنع وقام نام
والدة معاذ بسعاده : ياحبيبي ربنا يحميه يارب
مريم بإبتسامه : ربنا يباركلك فيه ياماما ويفضل دايما تحت رجلك
والدة معاذ بصت ع سجادة الصلاه وقالت : هو الفجر أذن ولا اي
مريم بإبتسامه: لا دانا كنت بصلي قيام الليل
والدة معاذ : اي قيام الليل دا يابنتي فرض جديد دا ولا اي
مريم شدت الكرسي وقعدت جمبها وهي بتقول
: قيام الليل دا ياماما سنه مؤكده عن النبي صل الله عليه وسلم والسنه المؤكده دي معناها ان النبي واظب عليها طول حياته ولم يتركها الا مره او مرتين
والدة معاذ : انا يابنتي اول مره اسمع عنه بيتصلى ازاي قيام الليل داه
مريم : قيام الليل او صلاة التهجد معادها بيبدأ من بعد صلاة العشاء حتى أذان الفجر ف الوقت دا كله انتي ممكن تصلي القيام
والدة معاذ: افضل من بعد صلاة العشا لحد الفجر اصلي
مريم بإبتسامه : لا ياماما انا اقصد انك ممكن تصلي القيام بعد العشا ع طول او تتسني لحد منتصف الليل او قبل الفجر الوقت دا كله بتاع قيام الليل
بس في حاجه لو انتي ناويه تصلي القيام بالليل يبقى الأفضل متصليش الوتر بعد العشاء وتسبيها لبعد ماتخلصي صلاة القيام ولو صليتي الوتر بعد العشاء علشان مثلا خوفتي متصحيش بالليل فبردوا عادي
بس لو صحيتي وانتي كنتي مصليه الوتر بعد العشاء بتصلي القيام عادي ومبتصليش الوتر تاني
لأن النبي ﷺ قال: لا وتران في ليلةوأفضل وقت لصلاة التهجد هو الثلث الأخير من الليل؛ لأن الله -عز وجل- ينزل إلى السماء في الثلث الأخير كما رُوي في الحديث: «إذا مضى شطرُ اللَّيل، أو ثُلُثاهُ، ينزِلُ اللَّهُ تبارك وتعالى إلى السَّماء الدُّنيا، فيقول: هل من سائِلٍ يُعطى؟ هل من داعٍ يُستجابُ له؟ هل من مُستغفرٍ يُغفرُ له؟ حتَّى ينفجر الصُّبح
والدة معاذ بإنبهار : انتي بتتكلم جد يابت يامريم يعني ربنا بينزلنا اخر الليل
مريم بإبتسامه : اه ياماما بينزل بس للأسف معظم الناس بتكون نايمه وناسيه الحدث العظيم داه تخيلي كدا ربنا ينزل للسماء الدنيا يلاقيكي ساجده ع الأرض بتدعيله وعلشان كدا بنقول اي حد عايز اي حاجه من ربنا يصلي قيام الليل
والدة معاذ : طب ونصلي كام ركعه بقى
مريم : بيتصلى ركعتين ركعتين او نجمعهم مع بعض بس الأفضل كل ركعتين لوحدهم ومفيش عدد معين يعني ممكن تصلي ركعتين بس وممكن تصلي اربعه وممكن تصلي سته وهكذا وبتختميهم بركعة وتر
والدة معاذ : وبيعمل اي قيام الليل داه هناخد حسنات يعني
مريم : مش هناخد حسنات بس داحنا هناخد رزق كبير اوي كمانقال تعالى: تَتَجَافَى جُنُوبُهُمْ عَنِ الْمَضَاجِعِ يَدْعُونَ رَبَّهُمْ خَوْفًا وَطَمَعًا وَمِمَّا رَزَقْنَاهُمْ يُنْفِقُونَ فَلَا تَعْلَمُ نَفْسٌ مَا أُخْفِيَ لَهُمْ مِنْ قُرَّةِ أَعْيُنٍ جَزَاءً بِمَا كَانُوا يَعْمَلُونَ [السجدة:وقال صلى الله عليه وسلم: واعلم أنك لن تسجد لله سجدة إلا رفع الله لك بها درجة وحط عنك بها خطيئة. الحديث رواه الإمام أحمد وغيره، وصححه الأرناؤوط.
وقيام الليل هو شرف المؤمن كما قال النبي صل الله عليه وسلم
والدة معاذ: هو طلع حاجه حلوه اوي بس افرض انا مبقدرش اقوم بالليل اعمل اي
مريم: علشان ربنا رحيم بينا وعايز يدينا الأجر وفرلنا كل سبل الراحه علشان فعلا ميكونش لينا حجه خالص لو انتي مثلا مش هتقدري تصحي بالليل او تعبانه او.. او .. صلي ركعتين اتنين بس بعد سنة العشاء وقبل الوتر وكدا انتي بقيتي من قائمين الليل فمحدش ليه حجه اهوه وممكن كمان تظبطي المنبه قبل الفجر بربع ساعه بس تصلي فيها قيام الليل والفجر بالمره وكدا بردو هتكوني من قائمين الليل
والدة معاذ : دا كدا تمام اوي يامريم بكرا بعد صلاة العشا لازم تفكريني اصلي ركعتين قيام ليلل ماشي
مريم قامت من مكانها غطتها كويس وقالت : من عيوني حاضر ريحي انتي دلوقتي بس لأني واضح اني تقلت عليكي ف الكلام
والدة معاذ : لا متخفيش عليا انا كدا كدا مش جايلي نوم
مريم : طب اقولك فكره اي رأيك تسمعي شوية قرآن بصوتي
والدة معاذ: ياريت يابنتي والله بقالي فتره مسمعتش قرآن
مريم كانت خلصت صلاة القيام ومسكت المصحف بتاعها وقعدت ع السجاده وبدأت تقرأ صورة طهقالت :أعوذ بالله من الشيطان الرجيم، قال تعالى: طه مَا أَنْزَلْنَا عَلَيْكَ الْقُرْآنَ لِتَشْقَى إِلَّا تَذْكِرَةً لِمَنْ يَخْشَىالى آخر الآيات وكان صوتها جميل جدا ووالدة معاذ كانت مستمتعه وهي بتسمع لحد مانامت على صوتها
___________
نهار يوم جديد
صحي معاذ علشان شغله فتح الباب علشان يطمن على والدته لقى مريم حاضنه المصحف ونايمه ع سجادة الصلاة ع الأرض
بص على والدته لقاها نايمه بردو
قرب ع مريم بهدوء وقال بصوت واطي
: مريم مريم قومي نامي ف الأوضه جوه
مريم فتحت عيونها وقامت وهي بتتألم بسبب نومها ف الأرض قالتله
: انا شكلي نمت غصب عني وانا بقرأ قرآن ماما كويسه فيها حاجه
معاذ بصوت واطي : مفيشهاش حاجه هي نايمه
مريم بأسف : اخص عليا النوم غلبني وسبتها
معاذ بإبتسامه : لا دا كتر خيرك اوي ع فكره قومي نامي جوه يلا
مريم : لا لا انا هفضل جمبها روح انت ع الشغل
معاذ : انا اتصلت برنا هتيجي تاخد بالها منها لحد مانتي تريحي شويه قومي بقى متبقيش غلابويه
مريم: طب وليه قولت لرنا وهي مشغوله ف الدروس والمذاكره
معاذ : هتيجي لحد مامعاد درسها يجي وهتبقى تمشي
فجأه الباب بيخبط وبتدخل رنا ومعاها شنطتها وبتقعد جمب والدتها وهي نايمه تذاكر ومريم بتدخل تنام شويه
___________
بعد مرور الوقت
مريم ورنا قاعدين بيتكلموا
والدة معاذ : انا زهقت من القعده هو مفيش تلفزيون هنا ولا اي
مريم : التلفزيون بره لو عايزاها لما معاذ يجي هخلي يجبهولك حاضر
والدة معاذ: شوفيلي الساعه كام كدا يابت يارنا
رنا : انا عارفه انتي عايزه اي اطمني لسه ساعه مبيجيش دلوقتي
مريم بتعجب : هو اي داه ممكن اعرف
رنا بضحك : المسلسل الهندي ياستي ال هي متبعاه حتى وهي متكسره عايزه تسمعه
والدة معاذ: بس تنكري انه مسلسل جميل اوي يابت يارنا الهنود دول بيعملوا عظمه
رنا : مش فاضيه والله ياماما سبوني ف مذكرتي
مريم : انتي عارفه ياماما الهنود ال انتي بتقولي عليه بيعملوا عظمه دول بيعملوا اي ف المسلمين دلوقتي
والدة معاذ : معرفش هيكونوا بيعملوا اي يعني
مريم :بصي ياستي في بلد ف الهند اسمها كشمير كشمير دي كانت دوله هندوسيه لحد ماوصل الأسلام لسلطان البلد دي واسلم ومن هنا اتحولت لدول مسلمه والأسلام انتشر فيها
الهندوس طبعاً الوضع مش عاجبهم فضلوا على مدار السنين يطلعوا كل فتره يعملوا مذبحه وإباده جماعيه للمسلمين ف كشمير
والقتل بيكون بأبشع الطرق ومبيرحموش لا كبير ولا صغير ولا حتى النساء
مشكلة الهند مع كشمير ان كل بلادها هندوس الا كشمير الوحيده ال فيها نسبة 90٪مسلمين والوضع داه مش عاجبهم فمن حوالي 40يوم طلعت الحكومه الهنديه وقالت ان كشمير خلاص بقت تابعه ليهم وبدأ ياخدوا اراضي المسلمين يدوها للهندوس وطلعوا قرار بمنع المسلمين من ذبح البقر ومش بس كدا دا ال هيدبح بقره هيتعدم
حاليا الحكومه الهنديه قفلت المساجد والجامعات لأجل غير مسمى ونشروا الجيش بتاعهم هناك واعلنوا حظر التجوال يعني الوضع بينذر بمذبحه جديده يعني في 8مليون مسلم ف كشمير مهددين بالقتل
رنا بصدمه : معقوله الكلام دا بجد ما كل واحد حر ف ديانته وطالما مبيأذيش حد لي يقتلوه
مريم : قال الله تعالى(لتَجِدَنَّ أَشَدَّ ٱلنَّاسِ عَدَٰوَةً لِّلَّذِينَ ءَامَنُواْ ٱلْيَهُودَ وَٱلَّذِينَ أَشْرَكُواْ ۖ)
والدة معاذ : طب مفيش حد بيدافع عنهم
مريم : لا مفيش للأسف ولا حتى حد فكر ينصرهم
رنا : طب احنا نقدر نساعدهم ولا مفيش بإيدنا حاجه
مريم : الحاجه الوحيده المتاحه لينا هي السوشيال ميديا لازم نتكلم عنهم علشان العالم كله يعرف المجزره ال الهند بتعملها والدعاء طبعاً لازم نفتكرهم ف دعائنا بإستمرار وكمان نقاطع مسلسلاتهم وافلاهم احنا المسلمين العرب بنشتري افلامهم ومسلسلاتهم بملاين الدولارات لو كل واحد فينا قفل تلفيزيونه عن المسلسل الهندي ال متابعه كدا العرب هيبطلوا يشتروا منهم ثم ان مسلسلات الهنود كلها بتحكي عن ثقافة الهندوس يعني بينشروا ثقافتهم وسطنا واحنا بنتفرج ومبهورين بيهم واخواتنا المسلمين بيبادوا عندهم ومحدش بيتكلم
رنا : يلهووي دا الهنود طلعوا وحشين جدا الحمدلله اني مبحبهمش
مريم : دا انا بس حكتلك بإختصار انتي ممكن تدخلي ع الهاشتاج داه وتشوفي كل الصوره والجرائم بتاعتهم وتدعميهم بإنك تنزلي الهاشتاج عندك ع الأكونت
والدة معاذ : واي الهاشتاج دا بيعمل اي يعني
رنا : والله يامريم أنا معرفش اي لازمة الهاشتاج دا بصراحه
مريم :الفكرة مش فكرة هاشتاج يترفع
الفكرة انك مسلم واجب عليك تعرف اخواتك المسلمين بيحصل فيهم ايه!اخواتك بيذبحوا!!!قال رسول الله (ﷺ) :ما من امرئ ينصر مسلماً في موضع ينتقص فيه من عرضه، وينتهك فيه من حرمته إلا نصره الله في موطن يحب نصرته.اللهم انصر الاسلام والمسلمين
- تابع الفصل التالي عبر الرابط: "رواية بنت أصول" اضغط على أسم الرواية