رواية القدر والسند الفصل الخامس عشر بقلم رودي محمد
رواية القدر والسند الفصل الخامس عشر
مليكه:....... انتي اي فكرك بيا ي رهف؟
رهف: عمري م نسيتك لية كرهتيني برغم انك عارفه اني مظلومه وكل ده كان بسبب ريم....
مليكه:... وهي بتدخل وسابت باب الشقه مكنتش عايزه حاجه تفكرني بالماضي ولا بالخذلان اللي عشته
رهف: هي كمان دخلت وهي بتقول.... بس ريم فضلت معاكي فتره كبيره؟
مليكه: ..... مكنتش اكتشفت كدبها وخداعها كنت عميه ماشيه بكل غباء وسذاجه وراهاا
رهف: مليكه انا بحبك عمري م نسيتك انتي اكتر حد حبيته بجد تعالي نرجع صحاب؟!
مليكه:.... صدقيني ي رهف مبقاش عندي ثقه ف حد خالص كل اللي عشته خلاني فقدت الثقه ف كل الناس حتي اقرب م ليا وجلست ع الكرسي بتنهيده .....
رهف: عارفه موضوع مالك بس احب اقولك من واحده اتظلمت قبل كده بلاش تظلميه.....
مليكه: بضحكه كلها استهزاء وغباء.. وانا لية كل الناس ظالماني
رهف مسيرك تعرفي مين بيحبك بجد ومن بيتسلي بيكي بعد اذنك....
.... خرجت وانا فضلت افكر ف كل حاجه ف الماضي واللي عشته ف الخذلان حاسه اني عايشه ف دوامه مش قادره اخرج منها للنور......
ف المستشفي........
مالك: واجهزه كتير متوصله بيه
دخلت مليكه وبصت عليه وبدموع قربت منه
مليكه: تعرف اني مش عايزه اعيط عشان مش عايزه حد يشلني غيرك تعرف ان بعد كل ده لسه بحبك بس لازم ابعد ي مالك مش هقدر اكمل انا اسفه
عمر: ازيك ي حسام
حسام: ابو الصحاب عامل اي
عمر: تمام ي حسام عايزك ف موضوع مهم
سعاد اروح اغير هدومي واهو مليكه جمبه
ف البيت دخلت سعاد اااه ي ضهري مش قادره قعده المستشفي دي تموت الواحد
خبط الباب........
سعاد:.... ي ترا مين جاي فتحت عايز اي تاني
عمار: ...... ازيك ي سعاد مش هتقوليلي اتفضل
سعاد: بتذمر دخلت وسابت الباب
عمار: لي ي سعاد بتعملي كده لي بتكرهيني كل الكره ده
سعاد:.؟.... بص بقي لو جاي عشان تقول الكلمتين دول ف وفرهم لنفسك انا مش عايزه صداع
عمار:..... لسه شرسه زي م انتي متغيرتيش
سعاد:...... بس انت اتغيرت اوي اتغيرت للاوحش للاسواء بقيت اسود اوي من جوه بقي الشر باين ف عنيك..
عمار: وهو بيقعد الزمن بيعمل اكتر من كده
سعاد: ملعون ابو الزمن اللي يخلي جوا الواحد حقد وحسد وكره بالشكل ده
عمار: بعصبيه وقام من مكانه كفايه بقي بتتكلمي وكان مفيش حاجه حصلت نسيتي زمان نسيتي انا كنت ايه كنت هامش
وانا مينفعش اكون هامش فاهمه؟!.......
سعاد: عشان كده قلبت غول ابعد عن بنتي عشان لو حصلها حاجه انا مش هرحمك وابواب جهنم هتتفتح عليك فاهم قالت كده وهي بتبص ف عنيه بحده
عمار: بص ليها باستهزاء 😒لسه غبيه زي م انتي وسابها ومشي.....
........
رهف:...... الو كله تمام
الشخص الاخر: حلو اوي كده استمري معاها تمام اياكي تسبيها......
رهف: بابتسامه متقلقش...انا م صدقت اصلا...
.
مليكه:.... قوم ي مالك برغم زعلي منك مش قادره اشوفك كده قوم عشاني قوم مسكت نفسها عشان مش تعيط....
رن فونها مليكه يووو عايز اي بس خرجت برا الاوضه الو
عمار: اي ي قلب عمك انتي فين
مليكه: ف المستشفي..
عمار: بعصبيه بس بيداريها بتعملي اي عندك؟
مليكه: مفيش ي عمي كنت جايه اطمن بس وهمشي خلاص...
عمار: طيب ي حبيبتي تعالي ع البيت عازمك انهارده....
مليكه: اسفه ي عموا بس
عمار: مفيش بس ده عمر يزعل اوي ده موصيني انك تكوني موجوده
مليكه: باستغراب عمر؟ 🙃
عمار: اه ي بنتي بيقول وحشتني وكده
مليكه: برفعة حاجب حاضر ي عمو هاجي ان شاء الله....
حسام... لو سمحت ف واحد اسمه حماده وليه اسم شهره كده
القهوجي... اه ي باشا اسمه حماده مطوه هتلاقيه متلقح ع القهوه هناك..
حسام: انت حماده مطوه
حماده: هو احنا مش هنخلص ولا اي
حسام: انا الرائد حسام يروح امك
حماده: بتوتر انا مليش دعوه بحاجه يباشا انا بنفذ تعليمات وبس
حسام عارف: قولي بقي تعليمات من مين
حماده! معرفش ياباشا
حسام: انا كده هزعل وزعلي وحش تحب تجرب
حماده: ياباشا لو هعرف هقول
حسام: امم اظاهر مفيش فايده شاور بايده نزل حد من العربيه وشد حماده واخده معاه
ف مكان مااا........
مجهول واحد: بتقول اي ي غبي يعني اي حماده حد خده مين اللي خده
مجهول اتنين: لسه ي باشا مش عارف بس اكيد هعرف وهبلغك
مجهول واحد: م انا مشغل معايا حمير ورمى الفون كسره
عمر: اي ي مليكه اخبارك؟
مليكه: تمام ي عمر اومال فين عمو
عمر: مش عارف جاله تليفون ونزل
مليكه: مفيش اخبار
عمر: متقلقيش تعالي ناكل بقي
............
ف المستشفي.......
صدر صوت للاجهزه عند مالك وجات الممرضات تجري والدكتور
سعاد: ف اي مالك ماله
حسام اهدي هو اكيد كويس
بعد نص ساعه خرج الدكتور
الدكتور!: انا اسف
يتبع الفصل السادس عشر اضغط هنا
- الفهرس يحتوي على جميع فصول الرواية كاملة :"رواية القدر والسند" اضغط على اسم الرواية