رواية الضوء الخافت الفصل الخامس عشر 15 - بقلم منه محمد
رواية الضوء الخافت الفصل الخامس عشر
آمير: لو اتكلمت مع شيريهان نفسها انا هقدر اخليها تغير رايها
سيرين بهدوء: امير انسي الموضوع اوقات فيه حاجات صعب نغيرها
آميربتكشيره : بس انا لسه معملتش كل جهدي
سيرين: انت عملت الي عليك وكفايه انت اتذللت لمراد ودي لا طريقتك الي اول مره اشوفك فيها
آميربصوت حزين: عملت ده عشان اخويا ينام في قبره مرتاح فاروق الي علمني معني العايله لولا اخويا مكنتش ابقي امير العصامي عشان كدا مستعد اعمل اي حاجه وكل حاجه اقدر عليها اسددله الدين بس مع الاسف فشلت
سيرين بصتله واشفقت علي حالته الي تقطع القلب وهي في ايدها تمحي حزنه ووجعه
آمير بصلها : عارفه لو اخويا كان عايش وعرف اني مقدرتش اوصل لـ امر زي ده كان زمانه اتبري مني
سيرين: لا يا امير كان هيتفهم انا كمان عندي شخص ومستعده اعمل اي حاجه عشانه وعشان احميه والشخص ده بيفهمني طول الوقت!
آمير بصلها بغيره وفكر انها بتتكلم عن حد بتحبه وكشر جدا
سيرين: عن اذنك ادخل التواليت
آمير بخنقه: وانا رايح اقعد علي الشط شويه
..............منه محمد.............
سيرين اتصلت بتؤامها قبل ما تاخد اي قرار ويكون متهور
سيرين: شيرين لو حد انحط في موقف صعب بسببنا واحنا في ايدينا نساعده نعمل ايه
شرين: طبعا نساعده
سيرين: بس انا مش عايزه ده مش واثقه جوايا حاجات كتير متلغبطه
شيرين: طالما بتسألي ومهتمه يبقي اكيد ساعدك قبل كدا مظبوط لكن لو مساعدكيش ولا تهتمي ومتفكريش كتير
سيرين: فهماني دايما
شيرين ضحكت: ده لاني اختك تؤامك سيرين سيبي عنادك وفكري في الناس التانيه لو الامر مش صعب عليكي ساعديه
سيرين: تمام يله سلام وقفلت وفضلت تفكر ياتري توافق وتجازف وزي ماتيجي اخر ما زهقت قامت تنام صحت علي صوت كركبه لقت آمير بيجمع هدومهم عشان يغادر الفندق
سيرين: امير احنا هنمشي خلاص
آمير بدون ما يبصلها: ايوه يا شيرين
سيرين: اتصل بمراد كمحاوله اخيره قبل ما تمشي مين عارف
آمير مكشر جدا: تاني
سيرين ايوه مش هتخسر حاجه يله اتصل وكدا تكون عملت الي عليك لـ اخر مره
بالفعل امير اتصل وهو متأكد انه هيسمع نفس الرد لكن ملامحه اتغيرت للفرحه لما مراد عكس توقعاته وبلغه ان شيريهان وافقت تعمل العرض ومن فرحته طار في حضنها كأنه طفل خرج للحياه في التو واللحظه سيرين الي اتخطفت لكن كانت مقدره فرحته وان عمل ده بغرض شريف!!!
........منه محمد......
في فيلا العصامي من النجمه
مني اخدت بنتها وصديقتها وراحت طبت عليهم ودخلت لقتهم قاعدين بيشربوا القهوه
مني ببتسامه واسعه: ماما اعرفك نغم صديقه ديدي في المدرسه وارقصه باليه محترفه دي حتي قربت توصل للعالميه وجبتها تقدم نفسها بنفسها
رقيه ببتسامه: اهلا وسهلا يابنتي
نغم بحترام: اهلا بحضرتك يا طنط
رقيه بعلامه استفهام:ايوه بس ليه جايباها لحد هنا
مني : اقعدي يا حبيبتي ( وراحت قعدت جنب امها) جيبهالك تقابليها لو كانت مناسبه تكون موديلز الاعلان وانا فخوره اني بقدمهالك لاني متأكده ان آمير مش هيكون قادر يتعاقد مع شيريهان
آمير دخل مع سيرين وبأجمل ابتسامه: مفيش داعي لكل كلامك يا مني لان شيريهان وافقت تشتغل معانا
مني الصدمه بانت علي وشها و بنرفزه كبيييره واضح من نبره صوتها اللي احتدت بقهر والكل لاحظ عليها لما سحبت بنتها وصديقتها: انا ماشيه
رقيه طنشتها ولفت عليه بفرحه: بجد فرحتني يا امير انك خلتها توافق علي الاعلان
غاده استأذنت من عمتها وراحت قعدت جنب آمير ومسكته من دراعه: انا سعيده عشانك يا امير
سيرين بصت لـ ايدها الي حوالين دراعه ونفسها تقوم تاكلها وبعدين تسحلها وبتسأل نفسها ليه اضايقت
آمير بحماس:رغم انها وافقت علي الاعلان بس عندها شرط واحد
ايسل :شرط ايه يا امير
امير: تلبس اثناء الاعلان قناع
ايسل بتعجب: هتلبس قناع اثناء تصوير الاعلان
امير بتأكيد: ايوه بالظبط كدا
رقيه :بجد شخصيه غريبه
آمير اتنهد وببتسامه: السبب انها رافضه الشغل من البدايه لانها مش حابه تكشف شخصيتها الحقيقيه واظن دي افضل طريقه
غاده :وانت ماشاء الله ذكي جدا
امير :بس دي مش فكرتي ياغاده فكره شيرين الي لازم اشكرها لانها فكرتها
سيرين بصتله وابتسمت نص ابتسامه لانه طول ما هو بيتكلم عيونها عليه معجبه برزنته وتقله وثقته ايسل وشها اتغير لحقد وغاده بصتلها بشكل مستفز وحاقد ورقيه بصت لـ امير الي هياكل سيرين بعيونه وعمال يبتسملها
........منه محمد......
آمير سحبها بالكرسي ومره واحده وقف في الجنينه
سيرين لفت وسألته: ليه وقفت
آمير لف ووقف قدامها بأجمل ابتسامه: لان عندي ليكي حاجه لازم اقولك عليها
سيرين بهتمام: حاجه ايه
آمير: لما جيتي تشتغلي في الشركه في البدايه كنت معتقد انك هتفضلي تستغلينا بس حاليا غيرت فكري تماما لانك خلتيني اشوف جديتك وانك بتكرسي وقتك للشغل ( عدل ياقه قميصه بغرور) وبما اني مديرك هخليكي تبدئي الشغل
سيرين بفرحه كبيره: بجد
أمير فرح لفرحتها: اه بجد
سيرين صرخت بعلامه النصر
امير ضحك: انا لسه بفكر وانتي صرختي زي المجنونه
سيرين: عادي اعتبرها طقوس بس انت قولتلي قدامي شهر تحت التمرين ليه غيرت رايك
آمير: امممم اعتبريه حاله استثنائيه لانك خليتي شيريهان توافق علي الاعلان لشركتنا
ونخ قدامها ومسك ايدها برقه) بجد انتي عطتيني كتير وهرده ليكي ومستحيل اخدعك
سيرين مدت كف ايدها التاني بمشاغبه: ممكن تكتبلي اقرار كضمان ع كلامك
آمير وقف وضحك اوي: انا عند كلمتي ومن غير ضمان (وحط كف ايده في ايدها كوعد
امير اتك علي ايديها وهي تاهت في تفاصيله الحلوه اوي وبتسأل نفسها ياتري ليه بتجاذف عشانه وهو بادلها بنفس النظره شويه ولما حست انه اتك علي ايدها شدت ايدها منه بسرعه
سيرين رجعت شعرها وري ودنها: هستني واشوف سلام
........منه محمد.....
في غرفه الاجتماعات غاده وزعت عليهم ورق ورجعت قعدت في مكانها
غاده :دي التفاصيل الي بعتها فريق الانتاج وفيه شئ طالبينه مننا نجهز العربيه الي هنستخدمها في المشهد
امير: تمام غاده دبري انت الامر ده من فضلك
غاده: اكيد متقلقش
امير :شيرين ممكن تساعدي غاده
سيرين بابتسامه حلوه:حاضر
امير :غاده بخصوص شيريهان كله تمام
غاده :متشغلش بالك كل حاجه بنجهزها ليها علي اعلي مستوي الي ناقص غرفه خاصه ليها
امير: اوك المخرج قالي ان شيريهان هتدرب في نفس يوم التصوير يعني هتكون جاهزه للتصوير عشان كدا كلنا نستعد مش عايز اي غلطه فاهمين
الموظفين باصوات متفرقه: تمام ......اطمن
امير :ممتاز جدا اخر حاجه هطلبها منكم في الشغل ده لانه هيساعدنا ننقذ المبيعات ونرجع سمعه شركه الفاروق الكل يشتغل بجد تقدروا تتفضلوا
سيرين خرجت هي وغاده يوزعه تفاصيل بالاعلان علي الموظفين وسيرين خلصت ورجعت مكتبها
غاده قربت منهم: خدي واهتمي بالمشروبات وواجب الضيافه
سيرين: اوك
غاده لفت ورجعت تاني: اه نسيت اشكرك
سيرين استغربت: تشكريني بخصوص ايه
غاده: عشان ساعدتي امير
سيرين: ده كان واجبي مفيش داعي تشكريني
غاده: انا بشكرك لان امير شخص مهم بالنسبه لي بس ده مش معناه اني هبقي لطيفه معاكي واوقف الحرب الي بينا اظن فهمتي مش كدا
سيرين تأفأفت: مفيش داعي تكرري كلامك ده لانه فهماه كويس جدا
غاده : لو كنتي فاهمه ده اعرفي اني قريب هرجع مكاني وابقي مهمه لـ امير زي ما كنت قبل كدا
سيرين بصتلها بطرف عينها وفتحت الشاشه وطنشتها لحد ما غاده اتنرفزت من غيظها وسحبت الورقه من قدامها ومشت!!!
............منه محمد.........
رجعت البيت قررت تكلم اختها فيديو كول
سيرين: في يوم تصوير الاعلان تيجي مكاني هنا عشان محدش يشك
شيرين: سيرين انتي متأكده انك هتقدري تكوني بعيده عن عيون آمير يوم التصوير
نوال: واحده في مهاره شيريهان متقلقيش عليها
محي دخل الشات: انا هنا هاي يا بنات
سيرين: استاذ محي مرحبا واخيرا
نوال: استاذ محي انت روحت فين احنا خلصنا تقريبا نص الكلام
محي ضحك: بتتكلموا عن ايه
سيرين: بقول لشيرين لازم تيجي البيت عشان تبقي انا لحد ما اصور وارجع
شيرين: وانا همثل اني تعبانه عشان مروحش التصوير!
محي: حلو اوي اتفاقكم وانا هاجي اخدك يا مدام شيرين
سيرين: معلش بنتقل عليك يا استاذ محي لانك هتساعدنا في عمليه التبديل
محي بلطف: عادي مرحب بالتقل ده يا ستي المهم هتعملي خدعه ايه هي!
سيرين ابتسمت بشقاوه: surprises
........
قاعدين علي السفره هما الاربعه بيتغدوا امير الي بياكل بس حاسس بطعم الاكل غريب وسيرين عماله تراقبه لحد ما اخد باله بصلها شويه وبعدين اخد كوبايه ميه شربها علي دفعه واحده
آميربتعجب: في ايه مالك مبحلقالي كدا
سيرين: ابدا اصل دي اول مره اعمل الاكله دي وعايزه اعرف نجحت فيها ولا لأ
نوال: اظن حقها
آميرابتسم: عندك حق
نوال: حماده لذيذ مش كدا
حماده هز دماغه بنعم
امير اكل تاني لكن لسه حاسس بحاجه غريبه: ليه حاسس ان الطعم وسكت لما بصوله بتركيز
آمير كمل: شغال
سيرين قلقت وخافت وبصت لنوال
امير قرص خدها: لابهزر دي لذيذه جدا عشان من ايدك
سيرين ابتسمت ابتسامه مصطنعه بسبب التوتر: طالما عجبتك خلص الطبق كله
آمير بصلها بنظره حلوه: امرك
وبدء ياكل منه زي المجنون
آمير قرب منها المعلقه : تحبي تدوقي
سيرين بتبعد وشها: لالا اصلي شبعت الحمد لله
آمير: ليه مش عايزه تدوقي
سيرين: بالهنا والشفا قدامي طبقي لسه مليان
آمير: طيب خدي انتي يانوال
نوال ضحكت بتوتر: حماده طبقه كبير باكل معاه
آمير رجع تاني واكل الطبق كله وسيرين مرقباه لحد ما بدء يتثاوب علي نفسه
سيرين: انت عايز تنام دلوقت يله طالما عايز تنام قوم للسرير معتدل مرش
آمير: انا فعلا كابس عليا النوم بس مش عايز انام احنا لسه المغرب
وقام يحرك رقبته شمال ويمين ويتمطع
سيرين بهمس: نوال الدواء الي اشترتيه ليه منمش رغم اكل الطبق كله
نوال: وانا ايش عرفني اهدي بس الاول دي حبوب منومه مش مهدء لفيل هو دلوقت هيحس بتقل في عنيه وغصب عنه هينام
امير فتح مجله يقرء فيها
نوال من بعيد بتعمل حركات نوم مغنطيسي: نام نام
وفعلا آمير كأنه استجاب لحركه ايدها زي المغناطيس ودماغه بدئت تتقل جامد
............منه محمد.......
شيرين ومحي منتظرين قدام البيت
محي: شيرين انتي مش جعانه
شيرين: لا خالص
شافوا البوابه اتفتحت وخرج منها محمد يرمي الزباله
محي: شيرين اتخبي بسرعه
وفتح الكرسي علي وري وميل بجسمه كله عليها وكأنها نايمه في حضنه وهي اتحرجت واتجمدت وحست برتجاف بشفايفها ولفت دماغها بعيد عنه لان وشها كان قريب جدا من وشه
شيرين: لسه واقف
محي قام بجسمه نص قومه: لا مشي
شيرين بكسوف: طيب اتحرك من فضلك
محي حس بنفسه وقام من فوقيها واتبدله النظرات
...................منه محمد..........
آمير واقف تحت الدش وحاسس بدوخه وزغلله فضل يطوح علي الازاز وجسمه يروح ويجي بصعوبه فتح الباب الزجاجي للبانيو وخرج يطوح سند علي الحوض وسحب الفوطه لفها علي وسطه وخرج سيرين شافت كدا حطت المجله علي وشها وصرخت فيه
سيرين : انت البس هدومك
آمير عيونه مدغششه مش قادر يفتحهم اطلاقا وبيطوح زي السكران
سيرين: انت مالك
آمير مقدرش يمسك الفوطه اكتر من كدا لان اعصابه ارتخت فوقعت من حوالين وسطه ووقف قدامها عريان تماما وسيرين صرخت جامد
آمير: انا
سيرين: انت واحد مجنون
آمير حاسس بدوخه مش قادر يتحملها ولا يقاومها قرب منها
سيرين: مجنون انت هتعمل ايه
آمير رماه جسمه كله ع السرير وهي صرخت واخدت مخده حطتها علي الجزء الذكوري وهي لسه بتصرخ وبعدين نطت ومسكت اللحاف ولفت جسمه كله بيه
سيرين لنفسها: اه انا لازم اروح اغسل عيوني بمطهر وبدئت تقرب منه بحذر وبطئ وتهز فيه ولما اتأكدت انه نانم بعمق بدئت تلبس وتتحرك
....منه محمد......
آمير قام الصبح بدري لما اشعه الشمس اقتحمت عيونه حاول يقوم لقاه نفسه متكتف جوه اللحاف خرج ايده بصعوبه وقام وبدء يلبس كامل هدومه وراح يدور عن سيرين وايقن انها عند نوال راح وخبط ع الباب ودخل بكل هدوء وشيرين قاعده متلبكه وخايفه
آمير: مالك نوال قالت لي انك تعبانه
شيرين: ايوه شويه
آمير: طالما تعبانه ليه مصحتنيش
شيرين بكثوف: اصل امبارح انت
آمير هرش وري ودنه بحرج: اه فهمت اتحرجتي تصحيني
شيرين: ايوه فعلا عشان كدا جيت انام في اوضه نوال
آميربأسف: اسف كبس عليا النوم بشكل رهيب لدرجه فقدت الوعي
وقرب قعد جنبها علي نفس السرير: ها حاسه بسخونيه وحط ايده علي جبهتها
وشيرين بصتله وبرقت
آميرحرك ايده علي خدها: بس انتي مش دافيه خلاص اخدك للدكتور يشوفك
شيرين بسرعه: لا ملوش لزوم انا هنام وهبقي كويسه وبعتذر لاني مش هقدر اروح معاك الشركه النهارده وانت طبعا هتروح شركه الانتاج بعد الشغل
آمير بص في ساعته الانيقه: بس انا لسه عندي وقت اقدر اخدك نروح نطمن عليكي ده الاهم
شيرين: متشغلش بالك بيا النهارده يوم مهم بالنسبه لك بلاش تخليني سبب في فشل شغلك
امير بصلها اوي لانها خايفه عليه وحط ايده علي شعرها بحنان: انتي يظهر حرارتك عاليه ليه بتتكلمي معايا بهدوء ورقه ولا قررتي متعصبنيش منك النهارده وحط ايده علي كتفها بلطف بس بجد الشغل من غيرك هيبقي وحش وممل اوي ومسك ايدها بحنان لو حسيتي بأي حاجه اطلبي من نوال تتصل بيا علي طول اتفاقنا
شيرين سحبت ايدها بهدوء: اتفاقنا
قام وراح للباب ولف بصلها وابتسم وغمز وبعدما فتح الباب يخرج لقاه نوال ومعاها حماده باس حماده وصبح عليهم ومشي
.......منه محمد........
نوال نزلت حماده الي جري علي امه وحضنها
نوال: شيرين كله تمام سألك عن اي حاجه؟!
شيرين: نوال قوليلي هو آمير وسيرين قريبين من بعض اوي كدا
نوال: اوه الاتنين فريق بيتصارعوا ع طول مع بعض الي عايزه اقوله انهم دايما بيتخانقوا كل ما يبقوا قريبين من بعض
شيرين: كلامك ده بجد ولا هزار
نوال ضحكت: اه والله تعال احكيلك
.........منه محمد........
يوم التصوير الاستوديو كله واقف يشتغل علي قدم وساق
المخرج للمساعدين: الحلقات دي حطوها فوق يله روح استعد والاضاءه اعلي شويه مش عايز الضوء الخافت
آمير دخل يتفرج علي الاستوديو وانبهر بالديكور
المخرج ببتسامه: اهلا امير بشا
آمير: ها طمني كله تمام
المخرج: كله تمام يبشا احنا كدا جاهزين منتظرين توصل شريهان ونبدء التصوير
آمير: لو فيه اي حاجه ناقصه قولي ع طول
المخرج: اكيد وشكرا لذوقك يا امير بيه
الضوء الخافت
منه محمد
غاده راحت عليه بسرعه: امير شريهان جات ودخلت اوضتها
آمير مد بخطواته السريعه عشان يرحب ويسلم ويشوفها عن قرب لقاها فايته مع مراد ووراها اتنين بودي جارد ضخام جدا ولابسه كمامه واكله نص وشها اول ما شافت امير مدت ومراد فتح الباب وزقها لجوه بسرعه آمير كان خلاص قرب و جاي يدخل البودي جارد منعوه بأنه ممنوع الدخول
غاده بحده فيهم: بس ده آمير بيه المالك
مراد طلع بسرعه: اسف يا امير بيه
آمير كشر: انا حابب ارحب بيها واخرج علي طول
مراد: شيريهان عطت اوامر محدش يزعجها خصوصا اليوم فبلاش تعارضها لتمشي
غاده بنرفزه: هي ليه مغروره ومتعجرفه كدا؟!
مراد بسخريه لاذعه: هدخل اسألها عشانك
غاده هجمت تدخل: لا عنك انا الي هدخل اسألها بنفسي!
مراد وقف حاجز: تقدري تسأليها من مكانك اتفضلي
آمير مسك ايد غاده: خلاص يا سيد مراد عرفنا ان شيريهان شخصيه بتحب الخصوصيه عشان كدا احنا مش حابين نزعجها ولا نضيقها
مراد ببتسامه: ثانكيو لذوقك
المخرج قرب منهم يشوف الجدال الي حاصل!!!
مراد: انت يامخرج شريهان طالباك تدخلها بشكل خاص
المخرج: تمام! ودخلها
مراد فتحله الباب نص فتحه: اتفضل
آمير بضيق: غاده نمشي
غاده بعصبيه: دي علي الاقل لازم تحترم صاحب الشغل احنا دفعنا فلوس كتير عشانها
آمير بهدوء: الفلوس متهمش شخصيه زي شيريهان ياغاده هي بس بتحب تثير الاعجاب بغموضها
غاده بستياء: اعجاب
آمير: جربي تفكري وهتشوفي هي وافقت علي الاعلان عشان سمعه شركتنا ومطلبتش آجر لحد دلوقت يبقي الفلوس مش من اولويتها اظن شخصيه زيها صعب نلاقي نفسها في الزمن ده الي الماده طغت فيه ع كل حاجه
المخرج قرب عليهم وقطع كلامهم: سيد امير انت هنا
امير لف وبصله بهتمام: خير
المخرج: الامور جاهزه تقدر تدخل تشوف بنفسك لو فيه اي تعديل اي حاجه مش عجباك قولنا واحنا ننفذ
آمير: تمام يله بينا
غاده جزت علي اسنانها بغل: متكبره زي دي الناس ليه تشتغل معاها ناس معتوه جدا
بنت ما: عايزه اشوف شيريهان
شاب معاها: احلمي حتي آمير مالك الشركه مقدرش يهوب ناحيتها
البنت: بجد
شاب ما: جد يله نخلص شغلنا
غاده واقفه هتفرقع من الغيظ لقت حد بيناديها
صحفيه: انسه غاده انا من مجله النور والامل سمعت ان شيريهان وافقت علي عرض اعلان لشركتكم وحبيت اغطي الاخبار
غاده: اسفه جدا محدش هيسمحلك فيهم بالدخول
الصحفيه برجاء: ارجوكي فكري ارجوكي لو نشرت خبر بخصوص شيريهان شوف الاستفاده الي هترجع لشركتكم من العلاقات العامه انا عارفه ان شيريهان مش بتحب تكون في الاخبار ولا بتحب تعرض شخصيتها الحقيقيه بس اؤكدلك ان شركتك مش هتكون في مشكله لو وافقتي ارجوكي خليني اغطي العرض
غاده: قوليلي ايه هي خطتك الاول
الصحفيه بمكر: تمام هقولك بس اوعديني لو عجبتك انفذ
غاده: اوعدك
يتـبـــــــــــــــــــــــع الفصل السادس عشر اضغــــــــط هنا
الفهرس يحتوي على جميع فصول الرواية " رواية الضوء الخافت " اضغط على اسم الرواية