رواية لصه سرقت لي قلبي الفصل الخامس عشر - بقلم بدور عاطف
رواية لصه سرقت لي قلبي الفصل الخامس عشر
وصل خالد إلي احد المطاعم و دخل و نور تمشي بجواره و جلسوا علي الطاوله التي حجزها خالد
خالد،،ها يا ستي تاكلي اي
نور،،مش عاوزه اكل
خالد،،نور انا ماكلتش حاجه من الصبح كلي معايا يلي انا هطلب الاكل
طلب الاكل و ات النادل و وضع الطعام و بداوا في الاكل
نور،،خالد
خالد،،نعم يا حببتي
نور،،عاوزه اشتغل
خالد،،تشتغلي بجد
نور،،اه
خالد،،طيب ما تنزلي شركة باباكي
نور،،لا انا عاوزه اشتغل معاك و لا اقولك هخلي ياسين يشوفلي شغل
خالد بحده،،و الله ياسين او انا الشركه لينا و انا هشوفلك ما دخليش ياسين في حاجه
نور،،طيب
خالد،،يلا كلي عشان اخدك السينما و لا تحبي تروحي الملاهي
نور و قد تذكرت ما قالته لها كارما
نور،،لا هنروح مكان تاني خالص
خالد،، اي هو
نور،،كل الاول و بعدين اقولك عليه
عند كارما كانت تجلس في المكتب و تنفخ بشده فهي لا تطيق الجلوس هكذا و مر اكثر من ساعتين علي وجودها في هذا المكتب دون ان يامرها باي شئ فتوجهت للباب و خرجت و جدت السكرتيره منهمكه في العمل
كارما،،ما الشغل ماشي زي الرز اهه امال مطنشني بقا و لا اي طيب يا ياسين انا هوريك دخلت كارما و توجهت الي مكتب ياسين
ياسين و هو ينظر لها،،في حاجه
كارما،،دا في حاجات هو انا هفضل متلقحه كدا لا شغله و لا مشغله اي هتعطف عليا بالمرتب من غير شغل
ياسين و هو يقف ،،مين قال كدا جهزي نفسك عشان هتنزلي معايا
كارما،،هنروح فين
ياسين ،،من غير اسأله امشي و انتي ساكته
تحرك ياسين و تحركت خلفه كارما و خرجوا
ساره،،الملف جاهز يا فندم
ياسين لكارما،،هاتي الملف و تعالي ورايا
اخذت كارما الملف و ذهبت خلفه و نزلوا و ركبوا السياره
ياسين و هو يتحدث في الهاتف،،ايو انا جاي حالا تمام
وصل ياسين الي احد المطاعم فكان هناك من العملاء من ينتظره
دخل ياسين و هي خلفه و توجهوا الي تلك الطاوله التي يجلس عليها احد رجال الاعمال و معه اخته
سلم عليهم ياسين و جلس و جلست بجواره كارما
جاسر الروعي،، دا شرف كبير ليا اني اقابلك يا باشا
ياسين،،الشرف لينا احنا يا باشا
جاسر،، الصفقه جاهزه و المحامي اكيد بلغك بالمطلوب
ياسين،،طبعا و انا جهزت كل حاجه و فاضل بس نمضي علي العقود و دا نسخه من الملف
اخذ ياسين من كارما الملف و اعطاه لجاسر
چوليا برقه،، بالمناسبه دي يا ياسين باشا احب اعزمك علي حفله عيد ميلادي بكره
ياسين،،كل سنه و انتي طيبه
چوليا،،و انت طيب بس لازم تيجي
ياسين،،اكيد طبعا
جاسر،، تمام يا باشا و دا هيكون شرف ليا تحضر الحفله و اهو نعلن عن الصفقه الجديده
ياسين،،ما فيش مشكله
كان جاسر يتطلع علي كارما بين الحين و الاخر
كارما لهمس،، ابو ام تقل دمك انت و المشخلعه الي جنبك دي
سمعها ياسين و قال لها بهمس،،اتلم و عدي يومك علي خير
كارما،، قوله هو يتلم بدل ما اعلم عليه و اخذقله عيونه الي فرحان بيهم دول
ضربها ياسبن من تحت الطاوله
فقامت كارما بركل قدمه
ياسين في نفسه ،، و الله ما هرحمك يا زفته بس اخرج من هنا
مر الوقت و انصرف الجميع
ياسين،،اي الي هببتيه دا
كارما ،،اي احمد ربنا اني فضلت ساكت و الا كنت هخذقله عينه دي
ياسين،،قسما بربي يا كارما لو ما اتعدلتي لعدلك
كارما بتحدي،،لو تقدر ابقي اعملها يا باشا ثم تحركت و ركبت السياره و هو ركب و انطلق
كان يقود بسرعه جنونيه حتي وصل الي منزله
كارما و هي تنظر حولها ، اي الي جابنا هنا
ياسين،،جاي بيتي
كارما،،و انا
ياسين،،كنت السواق الخصوصي لجنابك
كارما،، لا يا باشا و دي تيجي سلام يا كبير ثم نزلت و مشت
اخذ ياسين ينظر لها من المرأه و ابتسم و قال،،هه قريب اوي يا قطه هتدخلي القفص و مش هتخرجي منه تاني
ثم تحرك و دخل الفيلا
عند خالد كان قد انتهي من تناول الطعام و تحرك هو و نور و ركبوا السياره
خالد،،ها يا ستي هنروح فين
نور،،امشي بس و انا هقولك
تحرك خالد و هي كانت توصف له المكان حتي وصلوا
خالد،،اي المكان دا
نزلت نور و قالت،،انزل يا شبح يلا
نزل خالد و قال،،نور اي المكان دا و عرفتيه منين
تحركت نور و قالت،،تعال بس يا اخي
دخلوا كلاهما
نور للحارس،،مسا مسا
الحارس،،احلا مسا عليك يا كبير اتفضلي
خالد بصدمه،،مين دي
دخلت نور و معها خالد الذي انصدم مما راه
خالد،،ها اسوح اي دا يا بت
يتـبـــــــــــــــــــــــع السادس عشر اضغــــــــط هنا
الفهرس يحتوي على جميع فصول الرواية "رواية لصه سرقت لي قلبي " اضغط على اسم الرواية