رواية الحب الضائع الفصل السابع عشر بقلم رحمة طارق
رواية الحب الضائع الفصل السابع عشر
التفتت ارين خلفها بخضه : ادم
ادم بخبث: ايه اتخضيتي كده ليه
ارين بهدوء علي عكس ما بداخلها من قلق وهي تراه يقترب منها: لا ابدا مش مخضوضه ولا حاجه انت جاي ليه
ادم وهو يقترب منها: اصلك وحشتيني اوي
ارين بغضب: انت اتجننت ما تحترم نفسك وبعدين انا واحده متجوزه ازاي تكلمني بالطريقه دي
ادم بغضب : لا ما انا مش هاحبك سنتين وييجي هو وياخدك مني انسي يا ارين انتي ليا وهاتكوني ليا برضاك او غصب عنك
ارين بخوف وهي تراه قد وصل إليها: ادم استهدي بالله ما يصحش اللي انت بتقوله دا
ادم بجنون : خلاص اطلقي منه واتجوزيني انا
انا اللي بحبك مش هو
احست ارين بخطورة الموقف فقامت بالضغط على رقم ١ في هاتفها والذي لم يكن سوا رقم فهد
ارين بخوف من هيئته هذه والتي تراها لاول مره
: ادم ارجوك اللي بتقوله دا مش هاينفع انا بحب جوزي وعمري ما اطلق منه
ادم بغضب جنوني: خلاص اللي مش هاعرف اخده منك برضاك هاخده غصب عنك
وهجم عليها يمسكها ولكنها دفعته بقوه وجرت منه
ولسوء حظها وقع الهاتف من يديها كانت تهم بالنزول ولكنه جري خلفها حتي مسكها مرة أخرى
ارين بخوف: ابعد عني ابعد
علي الناحيه الاخرى في غرفة الاجتماعات
نظر فهد باستغراب الي الهاتف وهو يري ان ارين تتصل به
فهد بمقاطعه للاجتماع : ثانيه بس يا جماعه
اوما له الجميع بطاعه
فتح الخط وكان يهم بالرد ولكن قاطعه صوت صراخ حبيبته الذي يجعله ينتفض من مكانه بقوه : ابعد عني ابعد فهد الحقني يا فهد
ادم بخبث: تؤتؤ ما تحاوليش تنادي على حد عشان ما فيش حد هايسمعك انتي ناسيه اننا علي السطح
يا رينا
بمجرد سماعه لهذه الكلمه خرج يجري بسرعه الي السطح لحقه كريم ومنار وهم يعلمون ان هناك شئ سئ قد حدث
علي السطح
ارين ببكاء: ادم ابعد ارجوك حرام عليك
ادم بخبث: ابعد ايه دا انا اما صدقت انك ظهرتي قدامي تاني ما انا ما كنتش راسملك الوش البرئ الفتره دي كلها عشان تروحي تتجوزي
ثم اردف بنبره خبيثه وهو ينظر لجسدها بشهوه: اخيرا بقيتي بين ايديا ثم هجم عليها وهو يحاول تقبيلها بقوه وهي تقاومه بشده وتحاول دفعه عنها
ارين ببكاء وصراخ: ابعد عني يا حيوان فههههد
وجدت ارين ادم يسحب من فوقها بقوه
فهد بغضب جحيمي وهو يضربه بشده في كل جزء من جسده: يا ابن ***** يا***** دا انا هاقتلك والله العظيم لقتلك يا ابن*****
وصل كريم ومنار للسطح
ليروا ارين جالسة على الارض منهاره وتبكي بهستيريه
جرت اليها منار تحتضنها بقوه وهي تبكي على حال صديقتها بعد ان فهمت ماذا حدث من ملابسها الممزقه قليلا وبدات زكرياتها تعود اليها مرة اخري : اهدي يا ارين اهدي انتي كويسه
واتجه كريم الي فهد يحاول ان يبعده عن ادم قبل ان يموت بين يديه
كريم: سيبه يا فهد هايموت بين ايديك
فهد بغضب اعمي: سيبني يا كريم والله لاقتله ابن*** دا
قاطعهم صوت صراخ منار
منار ببكاء: الحقوني ارين اغمي عليها
اتجه اليها فهد بسرعه وقام بخلع جاكيته وغطاها به بعدما راي ان ملابسها ممزقه قليلا ثم حملها بخوف شديد ودموع متحجره في عينيه علي ما حدث لحبيبته واتجه بها الي المستشفي
فهد بصراخ شديد: دكتوره بسرعه
اتت اليه طبيبه واتجهوا بارين الي غرفة الكشف
كان فهد يقف بالخارج وقد ترك لدموعه العنان لتنزل
فهد ببكاء: انا اسف يا حبيبتي يا رتني ما سيبتك ثم تابع بغضب قسما بالله لاقتلك يا ابن الكلب
وصلت منار وكريم الي المستشفي
اتجه كريم الي فهد
كريم بقلق: هيا عامله ايه دلوقتي
فهد ببرود مخيف وعيون محمره من البكاء وشدة الغضب : لسه الدكتوره ما طلعتش نفذت اللي قولتلك عليه
كريم بايماء: الرجاله خدوه المخزن
فهد وهو ينظر الي الفراغ بغموض : تمام
نظر كريم الي منار ليجدها منهاره من البكاء وهي جالسه علي الارض بجانب الباب
اتجه اليها بسرعه ورفعها من علي الارض
كريم بقلق عليها وهو يمسح لها دموعها: هشششش اهدي هاتكون كويسه ما تقلقيش
منار ببكاء: هو ليه بيحصل معانا كل ده ليه مش سايبنا في حالنا طب ليه انا وهيا يحصل فينا كده
احنا كنا عملنا ايه ثم اجهشت في البكاء وهي تري ذكرياتها تعود امامها
اخذها كريم في احضانه لتتشبث فيه منار بقوه وتبكي بشده
كان كريم يتالم بشده علي بكاء حبيبته نعم فهو الان يعترف انها حبيبته وانه احبها وبشده
ولكنه نظر لها باستغراب ماذا تقصد ايه ان هيا وارين حصل معاهم كده
كريم وهو يحاول تهداتها: هشششش اهدي انا معاكي كل هيبقا تمام
هدات منار ثم خرجت من بين احضانه بخجل: انا اسفه اوي ما كنتش اقصد
كريم بضحك: طب يا ريت ما تقصديش دايما
منار بغضب وخجل: افندم
كريم : ايه يا بنتي انتي بتتحولي
نظرت له منار بغيظ وكانت تهم بالرد
ولكن قاطعهم خروج الطبيبه
خرجت الطبيبه من الغرفه
جري عليها فهد بسرعه
فهد بقلق: هيا عامله ايه دلوقتي
الطبيبه بعمليه: ما تقلقوش جالها انهيار عصبي عشان كده اغمي عليها وانا اديتها مهدا بس يا ريت تفضلوا جنبها وما تعرضوهاش لضغط
فهد: ممكن اخدها البيت
الطبيبه: اه تقدر تاخدها بس زي ما قولت لحضرتك بلاش ضغط
اوما لها فهد بنعم
ودخل لها الغرفه وجدها نائمه ويبدوا عليها ملامح التعب
فهد بغضب جحيمي في داخله: والله يا ابن الكلب لندمك على اللي عملته دا
قام بتقبيل راسها وحملها واتجه بها الي خارج المشفي في طريقهم للمنزل كانت نائمه علي قدم منار في المقعد الخلفي وكريم وفهد كانوا يجلسوا في الامام
كريم بغموض: ناوي على ايه
فهد بغموض اكبر وهو يقبض على مقبض السياره بقوه من الغضب: كل شر ان شاء الله
نظر كريم امامه فهو يعرف صديقه حق المعرفه فهو لا يترك حقه فما بالك بزوجته
وصلوا الي القصر وقام بحملها واتجه بها للداخل فزع الجميع عندما راوه يحمل ارين
علا بقلق: ايه اللي جرا لها يا فهد ثم نظرت له بغضب: اوعي تكون ضربتها تاني
فهد بمقاطعه: ماما مش وقته كريم هيبقا يحكيلكم
ثم صعد للاعلي
علا: ايه اللي حصل يا كريم
حكي لها كريم كل ما حصل
علا بحزن: يا حبيبتي يا بنتي الحمد لله انه لحقها
حياه بحزن هي الاخري: الحمد لله انها بخير
ثم وجهت كلامها لمنار: انتي مين يا حبيبتي
منار بابتسامه: انا منار اكون صاحبة ارين من زمان
حياه بابتسامة محبه : تشرفنا يا حبيبتي
منار بابتسامه اكبر: الشرف ليا ثم اردفت عن اذنكم بقا استاذن انا
فريده بمقاطعه وهي تنظر بخبث الي كريم الذي لم يرفع عينه من عليها منذ ان وصلوا: طب ما تتغدي معانا يا جميل
منار : معلش والله مش هاينفع اصل انا خرجت وما عرفتش بابا وماما انا فين ومعاد خروجي من الشركه عدا فعشان ما يقلقوش
فريده: ماشي يا حبيبتي بس المره الجايه اكيد هتتغدي معانا
منار بابتسامه: ان شاء الله
عن اذنكم
كريم: استني هاوصلك
منار: ما فيش داعي
كريم ببرود وهو يتجه للخارج: يالله
نظرت له منار بغيظ واتجهت خلفه لكي يوصلها
وصلت ياسمين الي المنزل في نفس الوقت الذي وصل فيه يوسف
شعرت ياسمين بالفرحه لرؤيته ولكنها لم تهتم له وهمت بالذهاب للداخل دون ان تعيره انتباه شعرت بيد تقبض على يديها
يوسف بغيظ لعدم اهتمامها به: ياسمين
نظرت له ياسمين ببرود: نعم عاوز ايه
يوسف بغضب طفيف : اتكلمي عدل معايا
ياسمين وقد طفح بها الكيل فصرخت فيه بغضب:
انت عاوز ايه بالظبط اما اجي اتكلم معاك تزعق لي ودايما بتجرحني واما ماتكلمش معاك ما بيعجبكش انا اعمل ايه تصرفاتك معايا ملهاش مبرر تحكماتك فيا من غير سبب غير انك ابن عمي دا انا حتي اخويا مش بيعمل معايا كده حتي العريس اللي اتقدملي قمت وزعقت وبدل ما تتكلم معايا لا سبتني ورحت قعدت في الشركه وانا قاعده هنا زي الكلبه مستنياك
طول الليل في البلكونه نمت في مكاني على الكرسي والباشا لسه ما جاش انت ليه بتعمل فيا كل دا ليه ما ترد
صرخ فيها بقوه: عشان انا بحبك
شعرت وكان العالم توقف من حولها هل اعترف لي هل قال لي أنه يحبني
ياسمين بصدمه: انت قولت ايه
يوسف بابتسامه: ايوه بحبك ومن زمان اوي بس انا واحد حمار وما كنتش عارف انا حاسس تجاهك بايه بس اما عرفت ان جايلك عريس وانك ممكن تكوني لغيري حسيت بنار بتقيد جوايا وحسيت ان دنيتي بتضيع مني عشان كده رحت الشركه وفضلت افكر في اللي انا بحس بيه نحيتك ولقيت ان انا بحبك وعمري ما اخلي حد تاني يا خدك مني انا بحبك يا ياسمين والله العظيم بحبك
ياسمين ببكاء وهي تضربه في صدره: اخيرا قولتها يا حيوان انا كنت بموت مليون مره وانت متجاهلني
يوسف بفرحه: يعني قصدك انك انتي كمان
ياسمين بضحك: ايوه بحبك يا غبي
احتضنها يوسف بشده وظل يدور بها
ياسمين بضحك: خلاص خلاص نزلني انا دخت
قام بانزالها ثم اردف بخبث: يالله بقا اجهزي يا عروستي عشان هادخل اطلبك من ابوك
ياسمين وهي تفكر: اديني فرصه افكر
قام يوسف بامساكها من قفاها: امشي يا روح امك قدامي قال فرصه تفكر قال
ثم اتجهوا للداخل
في الاعلي كان فهد يقف امام الشرفه يدخن سيجارة ولاول مره منذ زمن يدخن كان يشعر ان هناك نار تجتاحه وهو يتخيل منظرها وهذا الحقير يحاول الاعتداء عليها
قاطع شروده صراخ ارين
اتجه اليها بقلق شديد ليجدها تبكي وتصرخ بهستيريه
ارين بصراخ وبكاء وهي تتكور على نفسها: لا لا ابعد ابعد عني يا فهد فهد الحقني فهد
ذهب اليها واحتضنها بشده لتحاول مقاومته بشده ولكنه احكم القبض عليها ودموعه تنساب بغزاره علي معشوقته عجبا لك يا زمن اصبحت تبكي الحجر
فهد ببكاء وهو يحاول تهداتها: هششششش اهدي يا حبيبتي انا جنبك ما تخافيش انا جنبك
بدات ارين في الهدوء واحتضنته بشده
ارين ببكاء: فهد دا كان عاوز كان عاوز
فهد بغضب: بس وحياتك عندي لاندمه علي اليوم اللي اتولد فيه
ابتعدت ارين عنه
نظرت له ببكاء: انا خايفه اوي يا فهد
كور فهد وجهها بين يديه
فهد بصرامه: اوعي اوعي يا ارين اسمعك تقولي الكلمه دي طول ما انتي معايا انتي مرات وحبيبة الحوت حبيبة فهد الرفاعي اللي لو هايموت مش هايخلي حاجه تمسك مره تانيه
ابتسمت له ارين بحب : انا بحبك اوي يا فهد
نظر لها فهد بفرحه هل اعترفت له معشوقته
فهد بشك: ارين انتي بتتكلمي جد ولا مقلب من بتوعك
ارين بحب حقيقي: بحبك يا فهد
فهد بعشق: وانا بعشقك يا روح فهد ثم قبلها بحب شديد وصمتت شهرزاد عن الكلام غير المباح
ليكتمل حبهم لبعضهم واخيرا حبهم الضائع وجد طريقه مرة أخرى ولكن هل تستمر حياتهم في سعاده ام للقدر راي اخر
في المستشفي اتجهت دارين الي غرفة فتحي بعدما انتهت من بقيت المرضي
لتدخل لتجد عمر ويقف بجانبه عمار ينظرون لفتحي المغطي بملائه بحزن
دارين باستغراب: انتوا هنا ليه
لتنظر الي السرير لتردف بصدمه وهي تتراجع للخلف وهي تهز راسها بغير تصديق: لاء لاء
يتبع الفصل الثامن عشر اضغط هنا
- الفهرس يحتوي على جميع فصول الرواية كاملة :"رواية الحب الضائع" اضغط على اسم الرواية