رواية حب في الثلاثين الفصل التاسع عشر بقلم آيه عطيه
رواية حب في الثلاثين الفصل التاسع عشر
و في عوده ادهم الي المنزل جاء لو اتصال
ادهم :السلام عليكم ازيك يا حبيبي
سليم :ازيك انت يا ادهم عامل ايه
ادهم:ايه يا عم قولت قدامك شهر و نازل عدا اربع شهور و زياده ومنزلتش
سليم :لا ما انا خلاص نازل الاسبوع اللي جي
ادهم :الاسبوع اللي جي اللي هو كمان شهرين تلاته كدا يعني
سليم :لا يا عم و الله انا خلاص حجزت
ادهم :بجد
سليم :ايوة و الله
ادهم :طب تمام ابعتلي ميعاد الطياره علشان استناك في المطار
سليم :هقفل معاك و ابعتلك الميعاد بس بقولك ايه انت عملت ايه في اللي قولتلك عليه
ادهم :قولتلي علي ايه
سليم :انت نسيت و لا ايه يا ادهم
ادهم :و الله ما فاكر
سليم :ياعم المكان اللي قولتلك تشوفهولي علشان اقعد فيه
ادهم :اهااا يا عم ما انا قولتلك المكان موجود و اما تيجي تبقي تختار بنفسك
سليم :يا عم مش هينفع
ادهم :لا هينفع و بعدين في كام حاجه قدام اما تيجي تشوف وتخلص
سليم :ان شاء الله سلام دلوقت و هكلمك تاني
ادهم :سلام
.............................
بعد اسبوع علي تلك الاحداث
اتفق ادهم مع ماهر علي عمل خطوبه و بعد شهرين يتم الزواج كما طلبت هدي
و كريم كما هو يفكر في هذا الحديث اللذي استمع اليه اثناء ما كان في منزل ماهر عندما كان متعب
و هدي هي الاخري تفكر في امر تلك الزيجه هل هي سعيده ام حزينه لا تدري لكنها لديها احساس بالامان
و ماهر و نهله كانو سعداء للغايه و سعادتهم زادت عندما تكلم ماهر مع زين و همس و كان ليس لديهم اي اعتراض و بدؤ جميعا في تجهز حفله للخطوبه صغيره
و مصطفي الي حد ما مستقر حاليا في منزل والده بالقاهره و يترك زوجته واطفاله و يسافر هو الي المنصوره لمتابعه الشغل
اما محمد فقد اهمل كثيرا العمل في القاهره و المنصوره فقرر بيع الصيدليه اللتي بالمنصوره و صب كل اهتمامه في الاخرى اللتي بالقاهره
اما نرمين بدات تجهيز الارض للمزرعه الخاصه بها هي و هدي بتعليمات من هدي و وكلت محمد في بيع المزرعه الاخري اللتي بالمنصوره اثناء بيع الصيدليه الخاصه به
و نورا عادت الي العمل بالمستشفي بعد اتمام شقيقتها للشفاء و حملت عمل اكثر علي اكتافها في غياب كريم
اما سليم فهذا اليوم المنتظر لعوده الي القاهره و بعد وصوله بيوم فهي خطبه ادهم و هدي
..............................
في المطار كان ادهم ينتظر و صول سليم و بعد وقت خرج سليم و لكن المفاجئه انه لم ياتي بمفرده فقد كان معه فتاه في اوائل العشرينات و معه طفل صغير لا يتعد الخمسه اعوام و اخري علي يده فتاه لا تتخطي الثلاث شهور
و صل سليم الي ادهم اللذي كانت معالم الصدمه مرتسمه علي وجهه
سليم :ازيك يا ادهم
ادهم بعد وقت احتضن صديقه
ادهم :الله يسلمك ازيك انت عامل ايه
سليم :انا تمام
ثم نظر الي الفتاه
سليم :اقدملك فرح اخت مراتي الله يرحمها
ادهم :البقاء لله
سليم :اما دا اسر ابني و دي بقه يا سيدي
يتحدث و هو يشر الي ابنته اللتي علي يده
سليم :دي جنه بنتي بردو
ادهم:ما شاء الله تبارك الله ربنا يحفظهم
سليم :يارب.... بس اوعي تقول عيالك كبار انا حالف مجوزش عيالي غير لعيالك
تحولت ملامح ادهم للحزن الشديد
لانه تذكر ماساته
سليم :مالك يا ادهم وشك اتغير كدا ليه
ادهم :متشغلش بالك يلا بينا
سليم :يلا ايه في ايه الاول
ادهم :بعدين نتكلم يلا
لمح في عين صديقه دمعه تود الهبوط و لكنه لا يسمح بها فاحب سليم تغير الموضوع
سليم :يلا ......... امال في الحيوان كريم
ادهم :كريم ميعرفش انك جي انهارده
سليم :ليه
ادهم :علشان تعبان و انا معرفتهوش علشان انا عارف لو قولتلو هيجي معايا و هو لسه بادء ياخد نفسه
سليم :تعبان ماله
ادهم :ارتاح انت بس انهارده
سليم :بس بكره تحكيلي كل حاجه من يوم ما سافرت
ادهم :لا بكرا مش هاينفع
سليم :ليه
ادهم :علشان بكرا خطوبتي
سليم :ايه
ادهم :زي ما سمعت
سليم :لا انا مش فاهم اي حاجه
ادهم :هتفهم بعدين يلا بس علشان نروح و ترتاح
سليم :ماشي يلا
و ذهبوا جميعا الي السياره و صعدو بها و عاد ادهم الي المنزل
ادهم :تعالي ادخل يا سليم البيت بيتك
سليم :االهم صل علي النبي
ادهم :عليه افضل الصلاة والسلام
سليم :لا و انا اللي قولت هرجع الاقيكم شحاتين و اقعد اتمنظر عليكم
ادهم :هههههههههههه احنا شحاتين يا واطي
سليم :يا عم اتنيل دا شكلي انا اللي هكون شحات جمبكم هههههههه
ادهم :لا يا سيدي و لا شحات و لا حاجه يلا تعالي اما وريكم أوضكم علشان ترتاحو. بس معلش فرح هتنام في اوضه نرمين للصبح هجهزلها اوضه و انت انا مجهزلك اوضه
سليم :نرمين اختك ياااااه و هي عامله ايه دلوقت
ادهم :تمام و هي قعده معايا هنا
سليم :هي متجوزتش
ادهم :اتجوزت و محصلش نصيب
سليم :ربنا يعوضها خير......... امال هي فين
ادهم :هي بايته عند صاحبتها اللي هي هتبقي خطبتي بكرا
سليم :انا فايتني كتير و مبحبش ابقي عامل زي الاطرش في الزفه
ادهم :متقلقش..... بس يلا دلوقت روح ريحلك ساعه كدا ولا حاجه عقبال ما اطلب اكل و اتصل كمان علي كريم يجي
سليم :متقولوش اني هنا
ادهم :انا هعمل كدا فعلا
و ذهب ادهم معهم ليريهم طريق الغرف و تركهم و هبط ادهم للاسفل لطلب الطعام و الاتصال علي كريم
...............................
في منزل هدي كان في خلاف شديد بين هدي و بين نرمين و نورا
هدي :قولت لا يعني لا
نورا :يعني ايه لا
هدي :يعني مش هلبس فساتين انا مش صغيره
نرمين :انا ساكته خالص اهو و سيباكي برحتك
هدي :شاطره يا نيرو
نورا :هو ايه دا اللي شاطره يا نيرو
و انتي ياختي في ايه استسلمتي مره واحده كدا ليه
نرمين :هااا..... انا... لا عادي اصل بس تعبت من المناهده
و في هذا الوقت طرق علي الباب
هدي :ادخل
دخل محمد الي الغرفه فا اؤقنت نورا و هدي انها هي وراء مجيئ محمد اليها
محمد :ممكن تسبونا لوحدنا يا بنات شويه
نرمين :يلا يا نورا سبيهم شويه و تعالي نشوف طنط نهله بتعمل ايه
نورا :يلا بينا
و خرجوا و من الغرفه
نورا :انتي اللي كلمتي محمد
نرمين :ايوة ما هو محمد بس اللي بيعرف يقنعها في اي حاجه
نورا : و الله بتفهمي انا مش عارفه مفكرتش فيه ليه من الاول
نرمين :انا وانتي واحد يا حبي
نورا :طب يلا نشوف ماما علي ما محمد يخلص الاجتماع المغلق دا
..........................
اما في الداخل
محمد :في ايه بقى مالك
هدي :مفيش
محمد:عليا انا
هدي :يا محمد نورا و نرمين عايزيني البس فستان و انا مش عايزه
محمد:طب و ايه المشكله
هدي :هو ايه اللي ايه المشكله
محمد :هما عايزين يفرحو و عايزينك حلوة
هدى :و هو انا وحشه
محمد :مين اللي قال كدا دا انتي ست البنات كلهم و تقولي للقمر قوم و انا اقعد مكانك
هدي :بجد
محمد :انتي ايه قله الثقه في نفسك دي
هدي :مش قله ثقه بس انا متوتره جدا و خايفه
محمد : لا تخافي و لا تتوتري كله هيبقي تمام ان شاء الله
هدي :يارب
محمد:اما بقه بخصوص الفستان هما بيقولولك البسي فستان مافور و لا عريان
هدي :لا طبعا
محمد :طب خلاص ايه المشكله ممكن تنزلي تنقي فستان حلو و شيك و محترم
هدي :بس
محمد:مبسش ايه رايك انزل انا معاكي الصبح نروح ننقي الفستان سوا و بعد كدا تطلعي علي الكوافير
هدي :ايه كوافير ايه لا طبعا انا ممكن انزل معاك نجيب الفستان انما كوافير لا لا
محمد:خلاص اهدي مش لازم كوافير انتي اصلا حلوة من غير كوافير
هدي :ربنا يخليك ليا
محمد :و يخليكي ليا.... اقوم انا بقه و انتي نادي عليهم و فرحيهم
هدي :حاضر
و خرج محمد من الغرفه و هي ظلت تشكر الله الذي اعطاه اخ مثل هذا
و اخبرت شقيقتها و صديقتها علي اقتراح محمد و فرحو بشده و قررو الذهاب هما ايضا لشراء ما يلزم للخطبه
نورا :خلاص انزل انا و نرمين نجيب حاجه لينا
نرمين :ايوة علي ما انتي تيجي انتي و محمد نكون احنا كمان خلصنا و جينا علشان نجهز سوا
هدي :تمام يلا بقه روحو نامو علشان نصحي بدري نخلص اللي ورانا
نرمين :نروح فين احنا هنام هنا
هدي :ايه لا طبعا
نورا :ليه ان شاء الله احنا مش هنام غير هنا
و بعد شد وجذب نامو بجوار بعضهما البعض
.............................
و في الصباح ذهب كلا منهم الي وجهه هدي مع محمد و معه زين و نورا و نرمين معا و ذهبت ايضا نهله مع همس لبتاع كلا منهم ما يلزمه
ذهبت نورا ونرمين الي مول كبير يوجد به كل ما يلزمهم
. ..........................
اما في فيلا ادهم قد استيقظوا جميعا و جلسو يتناولو الافطار
سليم :بقولك ايه مفيش مكان قريب من هنا عايز اجيب حاجات للولاد و شوفلي حد يقعد معاهم انهارده علشان مش هينفع يجو معايا خطوبتك و فرح هاخدها معايا
ادهم :حاضر بص انا ممكن اكلم ام خضر تبيت هنا انهارده
سليم :مضمونه
ادهم :ايوة بقالها فتره كبيره معايا كانت بتيجي تلات ايام في الاسبوع و معاها بنتين تنضف الفيلا و تجهز اكل في التلاجه علشان انا ابقي اسخنه بس من ساعه ما جات نرمين و هي هنا كل يوم
سليم :طب شوفها كدا و اوصفلي مكان قريب من هنا
ادهم :في مول قريب مننا هنا و في كل حاجه يعني مش محتاج تلف كتير
سليم :خلاص ماشي هطلب اوبر و اروح
ادهم:اوبر ليه ما انا موجود
سليم : والله ابدا انت شوف وراك ايه و خلصه و انا كمان هخلص كام حاجه علشان افضالك باليل
ادهم :خلاص يا عم بس بلاش اوبر في عربيه في الجراش هجبلك مفتاحها و اتعامل ماشي
سليم :ماشي
و ذهب سليم الي المول لابتياع ما يلزم اولاده
و فاجئه و هو يذهب الي محل ما و ينظر في هاتفه اصطدم بشخص ما رفع راسه ليري من الذي اصطدم به انها فتاه و قد سكب عليها هذا المشروب الذي كانت تتناوله
الفتاه :عاااااااااااااا
سليم :انا اسف و الله مخدتش بالي
الفتاه:مختش بالك يا حيوان يا اعمي انت ايه انت مبتشوفش
سليم :عيب كدا يا انسه دا انا اتاسفتلك
الفتاه :و اعمل ايه باسفك دا منك لله يا شيخ
وتركته في ذهول و ذهبت من امامه رائها و قفت مع فتاه اخر و تنظر اليه نظره استحقار و الفتاه الاخري تضحك عليها
...........................
اما هدي فقد اشترت فستان ابيض اللون وبه ورود من الاسفل ملونه و عند الصدر ايضا و حجاب بالون الازرق من نفس بعض الوان الورد
و ابتاع ايضا زين و محمد كلا منهم قميص و بنطالون
اما نورا و نرمين اشترو كلا منهم فستان نورا بالون الوردي و نرمين بالون البنفسجي الغامق و عادو الي المنزل بعد تلك المشكله التي حدثت
وجدو هدي ايضا عادت
هدي :مالكم في ايه شكلكم مش طبيعي و خصوصا انتي
و النبي سبيني في حالي
كانت هذه جملت ن...........
يتبع الفصل العشرون اضغط هنا
- الفهرس يحتوي على جميع فصول الرواية كاملة :"رواية حب في الثلاثين" اضغط على اسم الرواية