رواية ملاك تحرق شيطان الفصل الأول 1 - بقلم بدور عاطف

  رواية ملاك تحرق شيطان الفصل الأول - بقلم بدور عاطف

رواية ملاك تحرق شيطان الفصل الأول

بداخل كلية التجارة كانت تقف تنتظر صديقتها ندي فاليوم هو بداية ترم جديد و ها قد اتت صديقتها

ملك يا اهلا بالناس الحلوه إلي مش هتبطل عادتها أبدا

ندي هههه كل سنه و انتي طيبه و ربنا ما يقطلنا عاده هههه

بعد السلامات و القبولات

ملك يلا بينا نلحق المحاضره و بعدين لينا كلام مع بعض

ندي يا مرحب بالامتياز قالت ذالك و هي تغمز لها

ملك أخر سنه و اخر ترم يا لمضه خلينا نعدي منها علي خير

دلفت الفتاتان الي المدرج و بدأت المحاضره و من بعدها محاضرة أخري

ندي لا كفايه كدا النهارده انا خلاص مش قادرة

ملك كفايه اي دا احنا لسه بنقول يا هادي

ندي لا و النبي طب تعالي نشرب حاجه و نستريح شويا

ملك بقله حيله ماشي يا ستي يلا و اهو علي ما معاد المحاضره يجي

جلست الفتاتان و بادرت ملك بالكلام ها يا ست ندي احكيلي بقا اي الي شغلك عني طول الاجازه إن ما في مكلمه واحده حتي 

ندي بتنهيده الحب يا اختي الحب هييييح

ملك الحب حبك برص يا شيخه 

ندي اي يا ملك الله خلاص مش هقول حاجه

ملك لا خلاص قولي مين الي انتص في نظره ده و حبك

ندي دا انتي رخمه بس هقولك عشان تموتي بغيظك

ملك اوف منك قولي يا اختي سمعاكي

ندي بدأت الحكايه ببوست علي الفيس و انا علقت و هو رد عليا في التعليقات و انا رديت عليه و الاخر بعتلي طلب صداقه بس انا مقبلتوش مع إني شوفت صوره و كان اي مز أخر حاجه و لقيته بعتلي علي الخاص و كلمني و انا مردتش عليه و تناه يبعت فروحت رديت و دخلتله دخله تمام من تهزيق و شتيمه و الذي منه و إنه ازاي يبعت و يكلمني  فقالي إنه معجب بيا و شكر في اخلاقي 

ملك اه ماهو باين من الدلقه السوده الي انتي مدلوقاها عليه 

ندي يوه يا ملك اسمعي للاخر

ملك كملي يا حلوه كملي

ندي قولتله ان ماينفعش كدا و انا مش بحب اعمل حاجه  من وراه أهلي و كدا غلط فلو حابب تعالي اتقدم و الموضوع يبقا رسمي 

ملك بإنتباه يخربيتك وش كدا اكيد فلسع منك لقاكي هدبسيه في جوازه فخلع ههههه

ندي لا موتي بغيظك لإنه وافق

ملك وافق يتقدم طب بعدين حصل اي كملي

ندي و هي تشرب العصير في مشكله هو مش عايش هنا 

ملك امال عايش فين

ندي في الكويت مع اهله 

ملك إلعب يا هلا بالخليجه و ملوك البترول 

ندي يا رخمه بطلي المهم انا عرضت الموضوع علي اهلي و اخويا و بابا وفقوا و رحبوا بيه خصوصا بعد ما كلمهم فيديوا و اتعرفوا عليه 

ملك يعني خلاص هتبقي عروسه و هنبل الشربات 

ملاك تحرق شيطان

بقلمي بدور عاطف

ندي اتوكسي 

ملك ليه في اي

ندي في مشكله

ملك اي هي 

ندي مش هيقدر ينزل مصر عشان والدته تعبانه

ملك امال هتعملوا اي

ندي هو اقترح علي بابا انه يتمم كل شئ و اسافرله انا

ملك اي ده ازاي إن شاء الله

ندي انتي هتعملي زي ماما الي رفضه الموضوع اصلا و عماله تقول بنتي متبعدش عني و ينعملها فرح مش عارفه اي و جو كدا

ملك و هي تتذكر والدتها المتوفيه كل ام بتخاف علي بنتها و يهمها مصلحتها لازم كدا

ندي يوه بقا

ملك طب انتوا سألتوا عليه يعني عشان بنأن عليه تقرروا

ندي هو ليه خال عايش في بورسعيد و هو هيجي يوم الخميس عشان يتفق مع بابا و يشوف قراره النهائي اي 

ملك هو من بورسعيد

ندي لا والدته هي الي من بورسعيد لكن أمير من الفيوم بس سيبين البلد من زمان و عايشين في الكويت

ملك هو اسمه أمير

ندي اه

ملك طيب ثم نظرت في ساعتها و قالت يا نهار عليكي يا ندي المحاضره ووقفت و جرت مسرعه

ندي و هي ترتشف باقي العصير استني ابت لسه مكملناش كلامنا مش تعرفي الباقي

ملك الله ياخدك انتي و امير بتاعك دا في ساعه واحده المحاضره و جرت مسرعه الي المدرج و من خلفها ندي

في مكان ما خارج البلاد كان يقف يتحدث في هاتفه مع أحد الاشخاص

أمير أهلا كامل بيه يا ريت تبلغ الباشا بالعمليه الجديده

كامل الباشا عارف إنك بدأت فيها و بيقولك ممنوع الغلط و إلا إنت عارف اي الي هيجرالك

أمير انا مش أول مره اعمل كدا انا أكتر واحد جايب شغل للباشا

كامل مفيش عندنا اكتر و لا اقل كله زي بعضه و يستحسن تأخد بالك عشان الغلطه بفوره و ماتنساش عاوزين حاجه نضيفه مش شكل المره الي فاتت الحجات بتتباع بملايين و كل ما كانت سليمه كل ماكان سعرها عالي 

أمير ماتقلقش انا عامل حساب دا كويس 

كامل ماشي اما نشوف سلام

أمير سلام

أنهي الاتصال و أخذ يقلب في هاتفه حتي توقف عند صوره لندي و قال خسارة الجمال دا كله بس اكل العيش بقا يا ندوش ههههه

بعد يوم دراسي طويل ذهبت كلا من ندي و ملك إلي منزلها 

في منزل ملك دلفت الي الداخل و كادت ان تتحرك و لكن اوقفها ذالك الصوت 

ملك في سرها أوف كانت نقصاكي إنتي كمان 

سميحه أهلا ما لسه بدري اي كل دا تأخير

ملك اول يوم دراسه بقا و محاضرات كتير

سميحه يا اختي علي الله دا كله بفيده و نخلص بقا من الهم ده 

نظرت لها ملك و قالت اللهم طولك يا روح

سميحه اي كلامي مش عجبك ما انتي بكرة تتخري و تشتغلي و تجيبي حق الي اتصرف عليكي 

نظرت لها ملك و الغيظ يقتلها ثم انفجرت قائله دا علي أساس إنك جايبه حاجه من عند أهلك يعني جري اي يا سميحه 

شهقت سميحه ثم قالت اه يا تربيه وس.... جري اي يا بت صحيح هقول اي ما انتي امك اتكلت بدري و ملحقتش تربيك فأنا هربيكي قالت ذالك و هي ترفع يدها لضربها و لكن أوقفتها ملك عندما أمسكت بيدها قائله بقولك حسك عينك تجيبي سيره أمي علي لسانك الزفر ده تاني إنتي مفكراني اي خلاص يا سميحه القطه المغمضه فتحت و بقت تخربش كمان و لو غلطي فيا و لو بكلمه هردهالك عشره إنتي فاهمه

ثم تركتها و ذهبت الي غرفتها

أما سميحه فكانت تستشيط غيظاً من تلك الفتاه و أخذت تتوعد لها 

بداخل غرفة ملك كانت تجلس علي فراشها و تمسك بصوره لوالدتها و ظلت تتحدث معها

ملك ماما انتي وحشتيني أوي ليه سبتيني لواحدي (نسبها تعيط شويا.     😢.     )

بداخل احدي الاماكن الراقيه داخل مصر بالتحديد في فيلا الأنصاري كان يقف في غرفة المكتب يتحدث في الهاتف قائلا مش عاوز غلطه واحده فاهم و كمان من غير إستعجال دا شغل لازم يتم براحه عشان يحقق نتيجه كويسه  فاهم يلا سلام 

انهي اتصاله و وقف ينظر في نقطه في الفراغ و لكن قطع ذالك دخول تلك الجنيه الصغيره و هي تصيح زيييييين

إلتفت إليها زين و ذهب نحوها فاردا ذراعيه ليحملها و يقبلها 

زين يا اهلا بجميلة الجميلات

جميله هههه انا جمييه بس مش جمييات

ضحك زين علي كلام صغيرته و قال إنتي اللدغه الي عندك دي مش هتتظبط أبداً 

جميله بعبوس انا مش يدغه يا زين

زين يا بنتي نفسي تقوليلي بابا إحترميني شويا

جميله و انت كمان احترمني شويا و ييا عشان جعانه أوووووي

ضحك زين و تحرك بها نحو الخارج 

جلس زين علي طاولت الطعام و أجلسها علي رجله كعادته و أخذ يطعمها 

شرد زين في حبيبته التي اشتاق لها و قال وحشتيني اوي يا جميله وحشتيني اوي يا حببتي

في منزل ندي كانت تقف في المطبخ تساعد والدتها في إعداد الطعام و لكن والدتها تتحاشي النظر اليها و التحدث معها 

اما ندي فإقتربت منها و قالت ها يا ماما هتنيكي كدا لحد امتي دا بدل ما تفرحيلي 

نظرت لها والدتها و لم تتحدث 

قامت ندي بوضع ما بيدها جانبا و امسكت بيد والدتها و قبلته و قالت يا ماما يا حببتي إنتوا مش كلمتوه و شفتوا اد اي أخلاقه عاليه و كمان بيحبني و متمسك بيا و كمان هو هيبعت خاله بعد بكره عشان تتكلموا معاه و تتفقوا 

الأم يعني انتي يا ندي عاوزه تبعدي عني طب يجي و نعملك فرح و بعدين سافروا

ندي يا حببتي هو قال مش هيقدر يجي و بعدين اديكي قولتيها اهو هنسافر بعد الفرح يعني كداكدا مسافرين ، يا ماما اي ام في مكان هتفرح يعني مين هيلاقي لبنته عريس حليوه كدا زي أمير و كمان مقتدر و شغال في الخليج دي ألف واحده تتمناه لبنتها ، فكي بقا يا ماما و النبي و النبي و أخذت تزغزغ فيها 

ضمتها والدتها اليها و اخذت تمسد علي شعرها و تقول ربنا يصلحلك الحال يا حببتي

أثناء ذالك دخل احمد اخو ندي المطبخ و قال

لا لا يا لهوي امي و اختي و فين في المطبخ وسط الحلل و المحشي الي رحته تجنن لا لا مش مصدق 

ضحكت كلا من ندي و والدتها علي كلام احمد

ثم قالت الام بطل غلبه و تعالي ساعد اختك و جهزوا السفره يلا

قام أحمد بأخذ الملاحه و بعض المعالق ثم نظر لندي و قال هاتي الاطباق دي و حصليني 

نظرت له ندي و قالت علي فكره هي قالت مساعده مش تأمر و إحنا ننفذ جنابك

إلتفت لها احمد و قال بس ابت و يلا ورايا

ندي دا انا المفروض عروسه يعني أقعد برنسيسه و إنت تجيبلي كل حاجه لحد عندي بس مش مهم بكره تعرف قمتي تقول و لا يوم من ايامك يا ندي يا نواره و ضحكت البيت يا ندي

أحمد انتي هتندبي كل دا عشان قولت كدا طب خلاص و قام بوضع ذراعه علي كتفها و قال بصي شيفه اللوحه الي علي الجدار هناك دي 

ندي اه مالها 

احمد سبيها خالص مالكيش دعوه بيها بصي الجدار نفسه بقا 

ندي ماله

أحمد إفلقي راسك فيه قال ذالك و فر من امامها ضاحكاً علي منظر أخته

ندي عااااااا يا ماما و الله ما هسيبك يا احمد تعالي هنا 

تلك الضحكات التي تملئ المنزل و السعاده التي تزينه هل ستستمر أم للقدر أحكام اخري .

يتـبـــــــــــــــــــــــع الفصل الثاني اضغــــــــط هنا

الفهرس يحتوي على جميع فصول الرواية "رواية ملاك تحرق شيطان" اضغط على اسم الرواية