رواية عاصفة القدر الفصل الأول بقلم إيمان المهدى
رواية عاصفة القدر الفصل الأول
صرخات متتاليه تصدر ف عتمه الليل وظلمة البحر المرعبه
انت سامع ال أنا سامعة ف صوت صرخات حد بيستغيث
فعلا يا أدهم. الصوت بعيد أكيد جاي من المركب ال هناك (مركب على مسافة قريبة منهم مضائة أنوارها )
شكله حد من الصيادين عنده مشكله. تعالى نساعدهم
خالد. أنا عارف ايه ال جابنى معاك يا أدهم حرام عليك أنا بترعب من خيالي لأ وكمان شكل هناك مصيبه
إشارات حمراء تملأ السماء العاتمة
أدهم بطل سخافة يا خالد. خايف من ايه وبعدين دى ناس بتستغيث بينا
خالد. ما هو دا ال رعبنى
أدهم.بقلة حيلة أعمل فيك ايه بس تفكريك هيجلطنى
بسرعة ياعبد الرحمن اطلع الكبينه واتحرك ف اتجاه الأنوار ال هناك
دقايق وكانت المركب الشراعيه يقف بجوار لانش فخم يدل ان اصحابه من الطبقة العاليه
بقلم إيمان المهدى
أدهم. وهو يراقب اليخت بتوجس. لتظهر فتاه شابه بملامح خوف وثياب ممزق ترتجف من شدة خوفها
طلع أدهم بسرعة على ظهر اليخت خير يا آنسه مالك
البنت ارجوك خدنى من هنا بسرعة قبل ما يفوق
أدهم بإستغراب. هو مين دا. وينظر على بعد امتار قليله يجد هناك شاب مسطح فاقد الوعى ينزف من رأسه ...
لكن ليس هو فقط اليخت ملئ بالشباب والفتيات المسطحين سكارى. علامات تدل على ان كانت هناك حفله. كؤؤس وبار وملذات واوضاع غير محترمة ومعظمهم بلباس فاضح جدا
البنت ببكاء وترجى ارجوك خرجنى من هنا وان هدفعلك ال انت عايزة بس اوصل للشط
أدهم ينظر لها بإشمئزاز. بسبب ما يراة ف هذا المكان.
لا أنا مش عايز منك حاجة واتفضلى اركبى عشان نوصل على الفجر
البنت شكرا شكرا جدا وركبت معاهم. نظرات الشباب الثلاثة كانت تتجه على الفتاة ف اشمئزز منها وقرف بسبب حالتها المزريه أي نعم هى ليس واضح عليها السكر ولكن حالة ثيابها ورائحة الخمر تفوح منها
فهمت الفتاة نظراتهم ولكن تجاهلتهم. فلم تكن ف وضع يسمح لها بتبرير اى شئ
أدهم اتفضلى
.... ايه دا.
أدهم البسى الجاكيت استرى نفسك وكمان الجو باليل برد.
.... شكرا
أدهم. بصوت منخفض وهو يستدير أهو دا ال ناقص أركب على المركب الأصناف دى ربنا يستر. على بناتنا واخواتنا
البنت سمعته وبدأت ف البكاء وتقول
نور
ادهم افندم
أنا اسمى نور. وجيت مع زميلاتى نحتفل
على اليخت هو ملك لوالد واحدة منهم. وكنت فاهمة انها حفله لبنات الدفعة بس عشان خلصنا امتحانات أولى جامعة. لما عزمونى قبلت دعوتهم اتفاجئت ان شباب الدفعة على المركب وفيه مسكرات ولما طلبت انزل ولومت زميلاتى. كان اليخت اتحرك وهما اقنعونى إنها مجرد حفلة عاديه وبس وكمان لان كنا على اليخت من بداية النهار. وان هنرجع قبل عتمه الليل بس اتفاجأت بسكرهم فأخدت جمب لحد ما اليوم يعدى كنا ف عرض البحر ومحدش عايز يسمعلى. وكلهم بقوا بالشكل دا ولقيت شباب ال لسه فيهم فايق بيحاولوا يتحرش بيا حبست نفسى ف كبينه اليخت ولما فقدوا الأمل منى سابونى و كملوا حفلتهم بعد وقت لقيت الجو كان هادى وكأنهم نايمين
عبد الرحمن قصدك فاقدين وعيهم بسبب الشرب
أدهم وبعدين
فاكملت خرجت من الكنيبه. ولقيت واحد منهم سكران جدا. واحاول يعتدى عليها وهو ال قطعلى لبسى بالشكل دا. اكملت ببكاء وانا واللهدافعت عن نفسى قدر المستطاع وطربته بزجاجة على دماغة وشوفت نور المركب على بعد افتكرت ان بيبقى فيه مسدس انفاذ دوؤت عليه عشان ابعتلم اشارة منه بعد مافقدت الأمل ان ممكن تسمعوا صوتى
خالد معلش احمدى ربنا أن خرجت من تحت ايديهم بالسلامه
أدهم أنا آسف لان انا شكيت ف اخلاقك بس دا ميبررش ان كنت غلط.
بقلم إيمان المهدى
نور. عارفة ان حقك تشك ف اخلاقى بعد ال شوفته. بس اى ال غلط ال عملته لما صدقت زميلاتى
أدهم الغلط أنك سيبتى بنات زيهم يستغلوكى
نور. بإستغراب. يستغلونى
ادهم أه اومال انت فاكرة ايه انهم اخدوكى معاهم. بنيه حفله وبس. مؤكد انك كنت فريسه او رهان ليهم مع الشباب. وانك يستغلوا فيكى غباءك
نور لوسمحت. انت أه انقذتنى وانا ممتنه لحضرتك بس دا مش معناه أنك تهنى او تقلل. منى
أدهم. وليكى عين تتعصبى كمان.
نور بعصبيه. انت انسان مش محترم
أدهم. بغضب هو مين دا يا ...
قاطعة. عبد الرحمن. أدهم. عيب كدا أنت عملت واجبك تجاهها كراجل. بس بلاش تهين حد انت مش واصي عليها
أدهم. انت مش بجاحتها
خالد. خلاص بقا يا أدهم. هى معملتش حاجة وكلنا بيحصلنا مواقف مبنعرفش نحكم على قدامنا وهى اتخدعت ف اصحابها. غلطة. يا عم مبتغلطش
أدهم. بغضب أكبر. غلطه. ال دى كانت هتدمر حياتها
كلهم كانوا مستغربين أدهم والعصبيه ال اتحول ليها فجأة
عبد الرحمن. طيب ممكن تعدى بقى عدت على خير. الوقت اتأخر واحنا قدمنا 4 ساعات على ما نوصل كل واحد يرتاح ف غرفة وانا هتولى القيادة. وهصحيكم على الفجر
أدهم مشى وهو مضتايق
عبد الرحمن. خالد عرف نور على غرفة تحت ترتاح فيها على ما نوصل
نور بإمتنان شكرا جدا. على مساعدتكم ليا وعلى ذوقكم. يا استاذ..
أنا عبد الرحمن. وهو خالد. وطبعا. ال تحت.أدهم صديقنا وصاحب المركب دى. بنخرج معاه من وقت للتانى نصتاد
نور أنتو صيادين مع ان مش باين عليكم
خالد لا احنا ف كليه حقوق. بس أدهم هو ال صياد
نور امممم
خالد بتفهم. أدهم صديقنا. بس هو ال صياد لإن مكملش بعد الثانوية لظروف
عبد الرحمن عارف لو ساب خالد مش هيسكت وطيبته هتخليه يحكى تفاصيل كتير. ودا هيضايق أدهم
بحزم خالد. خلاص نور أكيد عايزة ترتاح. ولها وتعالا عايزك
خالد. هااا أنا هنام.
عبد الرحمن. قولت وصلها وتعالا
خالد. كان متوتر عارف ان عبد الرحمن هيبدله بسبب لسانه ال مش بيقدر يسيطر عليه. ... بتوتر حاضر اتفضلى يا آنسه
تعريف. شخصيات البارت
أدهم
صياد بسيط يمتلك مركب شراعيه حديثة اشتراها بعد تعيش كتير ومجهود. كل مايملك ف المركب دى. 24 سنه. مكملش دراسته بسبب عجز والده اشتغل عشان يتكفل بمصاريف اخواته وابوه وامه ولان بيحب البحر قرر يعيش فيه معظم وقته بعيد عن الكل
مع ان احلامه كانت أكبر من كدا. بس قدرة ما ساعدوش ف كدا. بيؤمن بجمله دايما يقولها.
"أنا ال بصنع قدرى. مش قدرى ال بيصنعنى "
بالنسبة للصفات والشكل. فهو اخلاقه عاليه جدا قنوع بكل ما ياتيه. ملامحه هاديه. وسماته طبيعيه جدا عيون سوداء كاحله وبشرة قمحيه. وغمازتين تضيف على وجه جمال خاص بشعره الكثيف
خالد. وعبد الرحمن. آخر سنه كليه حقوق نفس سن معتز. بس ظروفهم احسن شويه. بالرغم من ظروف أدهم الا انهم كانوا دائما جمبه محسوش ان يوم كان أقل منهم
خالد شاب لطيف وشكله وسيم بس بيبان عليه طيبه غير طبيعيه ودى مضيعاه وصعبة يسيطر على لسانه
عبد الرحمن. جد شويه بس مش صارم زى أدهم. بيفكر الأول قبل الحكام واتخاذ قرار. مهتم بلياقته
اما نور
20 سنه خلصت تولى جامعة كليه الطب. جسمها متناسق عيونها عسلى فاتح بشرة بيضاء بتتمتع بالطيبه بتثق ف اى حد. مبتفكرش ابدا ف عواقب القرارات السريعة ودا دايما بيحطها ف مواقف مش لطيفه. بس حيويه ومحببه بشدة من قبل مامتها واخواتها وبالأخص باباها ال شديد الحرص عليها بسبب تصرفاتها الطفوليه والجنونيه
قبل آذان الفجر بساعة. كان يرسى عبد الرحمن بالمركب. وايقظ الباقيه
نور بنعاس. وصلنا.
عبد الرحمن. أه الحمد لله ولسه ساعة على الفجر كمان
خالد. طيب انسونى. بقا هاخد عربيتى وافلسع. يالا عبد الرحمن عندنا محاضرة بدرى
أدهم استنى هنا تمشى فين. اتفضل وصلها الأول
نور. لا متشكرة جدا. انا هاخد تاكسى ولا حاجة. وبعدين أنا ساكنه ف الشيخ زايد ودى بعيدة جدا. وهما عندهم محاضرة.
خالد. نهار ابيض الشيخ زايد. دا ولا ساعة ونصف على ما اوصلك ورجوع زيهم يعنى كدا هطلع على الكليه من غير نوم.
أدهم. وبعدين ايه الحل
نور قلتلك. أنا هتصرف. يالا سلام
أدهم. شدها من ايديها استنى هنا انت هتفضلى تتغابى ومتفكريش ابدا.
نور لوسمحت
أدهم لو سمحت ايه وقرف ايه بس الساعة 3 الفجر تقدر. تفهمينى. هتروحى ازاى ومع مين دلوقتى انت ضامنه حتى لو لقيتى تاكسى ممكن صاحبه يكون عامل ازاى او يفكر فيكى ازاى وانت راجعة ف وقت زى كدا
نور. مش الكل الناس تفكيرها زباله ونيتهم قذرة
أدهم. بضيق مش هتتعلمى ابدا. اتفضلى أنا هوصلك. بنفسى. وانتوا امشوا وخلصونى خلوا اليوم دا يخلص بقا
عبد الرحمن. اتشرفت بمعرفتك يا آنسه نور.
خالد. أه والله. مبسوط ان عرفت بنوته بالجمال دا
أدهم خلصت يا نحنوح منك ليه اتفضلوا بالسلامه.
عبد الرحمن احم. ماشى باي
خالد. سلام يا اخ. ومشوا ف طريقهم.
أدهم. هتقفوا كتير. كدا يالا اركبى
نور باستهزاء. هو فين ال عربيه ال هيركب فيها
أدهم وهو يشاور. هو حضرتك مش بتشوفى ولا حاجة. ما انت سانده عليه.
نور بإستغراب. انت قصدك دا
أدهم أه دا. هو انت فاكرة ان عندى عربيه. وكدا. لا أنا معنديش غير دا ويشاور على الموتيسكل هيوصلنا
نور بضحكة استهتار. ههههه هو دا بتسميه ايه. دا ميوصلش حد. وبعدين دا شبه الخردة. أنا مستحيل أركب الشئ دا
أدهم. كان وصل لشدة غضبه مبيحبش حد يقلل منه دا الموجود وعاجبنى هتركبى. اوصلك ولا امشى مش قدامك غير كدا وياريت تبطلى غجرفه شويه واحمدى ربك ان قبلت اوصلك
نور. محطش طلب منك توصلنى
أدهم. بقا كدا أنا غلطان اصلا ان اهتميت بأمر واحدة زيك أنا ماشى خليكى بقا عدى النجوم للصبح
وشغل الماكنه وقرر بالفعل يسيبها
نور بصت حواليه لقت المكان عتمه ومخيف جدا. زى المقطوع. ببكاء. هو انت هتسيبنى فعلا 😭
أدهم. اللهم طولك ياروح اخلصى اركبى.
نور ركبت بسرعة وراه
أدهم. خدى البسى الخوذة عشان الهوا
نور فرحت من جواها عشان فضلها عليه
بعد وقت كان معتز بيركن امام فيلا ف الشيخ زايد
ادهم هي دى الفيلا
نور أه هيا شكرا ليك ولسه بتنزل اتفاجأت بباها خارج من بوابة الفيلا ومعاه الحرس
نور بتوتر. بابا أنا آسفه والله أنا....
فايد. انت تخرسى خالص وشغلى معاكى بعدين. واتجه أدهم. ال لسه راكب. وشده ليه وضربه بالقلم وبغضب هو دا الكلب ال نايمه ف حضنه طول الليل.
انت اتجننت عشان تخرج وتسهر مع بنت فايد سليمان
وربى ما هيطلع عليك نهار تانى
يتبع الفصل الثاني اضغط هنا
- الفهرس يحتوي على جميع فصول الرواية كاملة :"رواية عاصفة القدر" اضغط على اسم الرواية