رواية منقذي الفصل الأول بقلم شوشو محمد
رواية منقذي الفصل الأول
ف قصر من افخم واكبر القصور ف مصر تدخل سيده ف اواخر الاربعين من عمرها وهي تبكي وتصرخ بشده
تتجه إليها الخادمه بدريه وتقول ست هاله مالك في اي بتعيطي كده ليه
هاله بابا فين يابدريه
بدريه خيري بيه ف مكتبه ثواني أبلغه ان حضرتك هنا
هاله لا انا هدخله
بدريه بس ياست هاله
هاله تجري وتدخل ع المكتب
يقف رجل ف السبعين من عمره يبان عليه الفخامه والاناقه والرقي ،وهو
🧓خيري الاسيوطي من اكبر مستثمرين العقارات ف الشرق الأوسط
خيري انتي ازاي تفكري تيجي هنا
هاله بابا ارجوك الحقني
خيري متقوليش الكلمه دي ع لسانك انا لا ابوكي ولا اعرفك أنا معنديش بنات بنتي ماتت من 25 سنه
هاله يابابا اسمعني
خيري قلتلك متقوليش بابا دي
هاله بعد كل السنين دي يابابا ولسه مسمحتنيش
خيري بحده اسامحك اسامح وحده جبتلي وجابت لخوها العار وكانت هتبقا السبب ف خراب بيت اخوها
هاله انا معملتش حاجه غلط ولا حرام انا اتجوزت ع سنه الله ورسوله اتجوزت الانسان الي حبيته مش الي كنت عاوز تبعني ليه
خيري أبيعك انا كنت عاوز مصلحتك كنت عاوز اجوزك جوازه تليق ب عيلتنا
هاله قصدك كنت عاوز تجوزني عشان مصلحتك انتا عشان تكبر شركاتك وفلوسك كنت عاوز مصلحتك مفكرتش فيا ولا ف مشاعري مفكرتش ف سعادتي
خيري اطلعي بره مش عاوز اشوفك
هاله لا مش طلعه يابابا مش طلعه ياخيري بيه انت لازم تساعد بنتي حفتك يابابا
قالت كده واغم عليها
جري خيري عليها وجلس بجانبها ع الارض يحاول يفوقها لكن مستجبتش
خيري بدريه انتي يابدريه
بدريه بخوف نعم يابيه
خيري اتصلي بدكتور بسرعه
تذهب بدريه وتتصل بالدكتور وبعد ربع ساعه
خيري خير يادكتور بنتي مالها
الدكتور دي حاله انهيار عصبي واضح كده أنها اتعرضت لصدمه أو انفعال شديد
خيري طب هي عمله اي الوقتي
الدكتور انا أدتها حقنه مهدئه هتفوق منها بعد ساعتين وحولو تبعدوها عن اي انفعال أو زعل
خيري شكرا يادكتور
الدكتور انا تحت امرك ف اي وقت ياخيري بيه ولو حصل اي حاجه كلمني
يمشي الدكتور ويدخل خيري الي الغرفه وينظر ل هاله ويقول
وحشتيني اوي ياهاله قدرتي تسبيني كل الفتره دي قدرتي تبعدي عني وعن اخوكي
انتي كسرتيني اوي ياهاله
بس انا عمري مقدرت اكرهك انتي بنتي وحبيبتي وكنتي اخر حاجه وصتني عليها امك الله يرحمها
انا طول السنين دي عيني مفراتكيش ثانيه وحده كنت جنبك وحوليكي ع طول
وفجاه يرن موبايل هاله
ينظر خيري الي الموبايل ويجد أنها نور حفيدته أبنة هاله
😍نور حامد البدري فتاه جميله جدا بشهاده من الجميع ملامحها هادئه عكسها تماما عيناها رمادية شعرها أسود طويل بيضاء ذات جسم متناسق عندها 23سنه ف كليه السن جامعه القاهرة
نور: ألو انتي فين يا ست ماما كل ده وسيباني
خيري: أزيك يا نور
نور :مين معايا مش ده موبايل ماما
خيري: إيوه
نور: أو مال مين حضرتك و موبايل ماما بيعمل معك اي
خيري :أمك هنا معايا
نور: معك فين أنت مين
خيري: أنا جدك خيري الاسيوطي
نور: جدي أنتا جيت أمتا
خيري: جيت منين
نور: مش حضرتك كنت مسافر أمريكا من 20 سنه وكنت بتبعتلي أنا وماما رسائل ع طول خيري: أنا🥺
نور: إيوه يا جدو أنا نفسي أشوفك اوي خيري :وانا نفسي أشوفك يا حبيبتي جدا هبعت السواق يخدك
نور :ماشي يا حبيبي اه من حق يا جدو ماما فين أنا نسيتها من فرحتي برجوعك
خيري: هي نائمة أصل تعبت شوية
نور :بخضه تعبت مالها طمني عليها
خيري :لا اطمني هي بس ساعة ما شفتني أعدت تعيط لأني كنت وحشها وبعد كد نامت
نور اه قول كد بقا هي ماما كد ع طول عيوطا 😂😂
خيري 😂اه طول عمرها عيوطا يا له إجهزي وهبعتلك السواق يجيبك
نور: أوكي بأي يا جدو
خيري :باي ياحبيبتي جدو
ينظر خيري ل هاله ويقول بنتك شكلها طلعه طقه زيك ثم يقوم و يأمر السواق أن يذهب إلي منزل هاله يأتي بنور ويعطيه العنوان
عند نور تلبس درس اسود وطرحه حمرا وتقف قدام المرايا
نور :واللهي قمر يابت يانور 😘😘ام انزل اشوف السواق ده وتنزل تلقي السواق تركب معه متجها إلى القصر
ف القصر يعود ادم من الشركه متعب يقابل جده ف حديقه القصر
🤨ادم علي خيري الاسيوطي ابن علي الاسيوطي حفيد خيري الاسيوطي الوحيد وقريب من جده اوي يقوم بإدارة شركات جده مع والده رغم سنه الصغير يحب العمل جدا وشايف أن الفلوس والسلطة اساس النجاح مش بيحب غير شغله وبس
ادم عنده 29 سنه قمحي عنيه رمادي شعره بني جسمه رياضي و طويل
ادم اي ده خيري بيه بنفسه اعد ف الجنينه
خيري: اطلع من دماغي الوقتي مش فايق
ادم: لي كده بس ياجدو دانا ادم حبيبك
خيري: مدايق شويه ياادم
يجلس ادم بجانبه ويقله مالك ياجدو اول مره اشوفك حزين كده
خيري :عمتك هاله
ادم: مالها اي الي فكرك بيها بعد السنين دي
خيري: هاله رجعت
ادم: رجعت فين
خيري :رجعت هنا ف القصر و نائمه ف اوضتي
ادم: عاوز تفهمني أن عمتو رجعت بعد السنين دي بتهزر صح
خيري: بهزر اي بس بقلك جوه وكان الدكتور عندها
ادم: دكتور اي انا مش فاهم حاجه
خيري: انا هحكيلك وحكا خيري ل ادم أن هاله جت تعتز له وهو مرداش فجالها انهيار عصبي نتيجه لانفعال
ادم: طب وبعدين ياجدو هتعمل ايه معاها
خيري: مش عارف
ادم :سمحها ياجدو انت طول السنين الي فاتت بتتعذب من فرقها
خيري: ربنا يسهل
ادم: انا طالع بقا اخد شور وأكل حاجه عشان عندي اجتماع
خيري :ماشي ياحبيبي
يذهب ادم الي غرفته
عند نور يقف السواق أمام القصر ويقالها اتفضلي يا هانم البيه بيستناكي جوه تنزل نور من العربيه وهي تنظر بدهشه
يتبع الفصل الثاني اضغط هنا
- الفهرس يحتوي على جميع فصول الرواية كاملة :"رواية منقذي" اضغط على اسم الرواية