رواية الاعمي الجزء الثاني 2 الفصل الثاني والعشرون بقلم ليلة عادل
رواية الاعمي الجزء الثاني 2 الفصل الثاني والعشرون
شقه مروان 11 ص
البلكونه
تجلس اميرة فى البلكونة و هى تستمع الى اغانى فيروز على هاتفها وهى تنظر الى النيل بتأمل وتمسك بايدها مج لكن بعد قليل تسمع صوت والدتها فريدة تتسع عينيها وبملامح عدم تصديق . تغلق الاغانى تضع المج على الترابيزة تذهب الى الصوت ....
تجد فاطمه تمسك هاتفها وتتحدث مع فريده وهى تفتح المايك تغلغلت الدموع فى عين اميرة وهي تقترب اكثر حتى تقف بجوار فاطمة ومروان
اميرة : بصوت حزين ومكتوم .. دي ماما , ماما وحشتيني اوى ياماما
مروان : ينظر لها مش هينفع تكلميها ولا ترد عشان اليمين
اميرة : تضع ايدها على فمها تبكى تبلع ريقها تاخد نفس .. قوليلها يا دادا انها وحشتنى اوى هى وكريم وياسمين وبابا
فريده: تبكى .. قوليلها هى كمان وحشتنا خليها تاخد بالها من نفسها وتفرح وتسافر متزعلش ابدا مننا قوليلها انى اسفة اسفة يابنتى لو مكنتش الام اللى تستحقيها
اميره : بدموع قوليلها انى مقدرة اختيارها مش زعلانة منها ولا منهم انا اللى اسفة انى حطتهم بالموقف ده انتم وحشتونى اوى اساليها ينفع تفتح كام
فريدة : اه ينفع
تفتح فريدة الكاميرا تنظر اميرة الى كاميرا الهاتف وهو مع فاطمه بشوق مع ملامسة الشاشة باطراف اصابعها .. انا بقيت كويسة لما شفتك
فريده : بدموع قوليلها يا دادا انى مش هبقى كويسة غير لما اشوف ضحكتها الحلوة
اميره : دادا اساليها محدش من اخواتى جنبها
فريده : لا .. انا لازم اقفل دلوقتى بس هكلمك تانى يا دادا عى طول
اميره : ماشى سلميلى عليهم سلام
فريده :سلام
تغلق فاطمة الهاتف تاخذ اميرة الهاتف من ايدها وتحضنه وتقبله ثم تنظر الى فاطمة
اميرة : تمسح دموعها وبامتنان ...شكرا انك خلتينى اسمع صوتها انا مديونالك
فاطمه : لا شكرا دى تقوليها لمروان هو صاحب الفكرة مش انا اعتقد دلوقتى بقى ممكن تاكلى
اميره : بابتسامه .. ممكن
دادا تقترب من فاطمة .. بخجل واعتذار .. انا آسفة حقيقى اسفة ما كنتش اقصد اللى حصل امبارح اتحملينى , اتحملونى كلكم انا حقيقى مش عارفة ليه باعمل كدا , انا عارفة انه مالكمش ذنب بحاجة , باتمنى منكم تقدرو الحالة اللى انا فيها , وتتحملو سخافتى الفترة دي
فاطمه : تطبطب على كتفها .. انتى فكرانى زعلانه منك , طب وغلاوتك عندى مازعلت , انا زعلانة انى مش قادره اساعدك, مافيش بايدى حاجة يابنتى اعملها غير انى ادعيلك بكل ركعة , ربنا يحنن قلب ابوكى عليكى , انا بس عايزه اقولك حاجه صغيرة , احنا اهلك وسندك اوعى تفتكرى انك اتعريتى ابدا , واللى خلق الخلق ده انا باعتبرك بنتى اللى مخلفتهاش , ربنا يسعدك يابنتى يارب , هروح احضرلكم الفطار
بعد مغادرة فاطمه تنظر اميرة لمروان
اميره : متشكره على الصباح الحلو ده
مروان : بتشكرينى على ايه انا معملتش حاجه انا مش هرتاح غير لما اجمعك بيهم تانى
اميره : انت متعرفش المكالمة دى فرقت معايا ازاى نفسى اخدها بحضنى اوى
مروان : هتاخديها صدقينى هى مسألة وقت مش اكتر اصبرى شوية
اميرة : تتنهد بيأس ..هو انا بعرف اعمل فى حياتى غيره , كل حاجه بحياتى صبر , ده انا الصبر يتعلم منى الصبر
يرن هاتف مروان المتصل منير
مروان : ايه يا حبيبى عامل ايه
منير : بقولك ايه احنا اصحاب من زمان وانت عارف انى مش بعرف أحوار
مروان : عملت ايه !!!
منير : الشباب جايين عندك على 6 كدا انا قولتلهم انكو ماسافرتوش
يغلق مروان الهاتف بوجه منير
منير : بمزح .. طب سلام يا حبيبى .. كويس انها جت على قفل التليفون بوشى
اميره : باستغرب .. ايه اللى حصل
مروان : منير قال للشباب اننا مسافرناش وجايين يباركولنا
اميرة: طيب عادى فيها ايه
مروان : انتى قادرة تقابلى حد
اميرة : لازم تعرف اننا هنبقى ممثلين الفترة الجاية ,لازم نمثل على الناس اننا سعداء واسعد زوجين بالعالم وان حياتنا كلها فرح وهنا وسعادة وان جوازنا حقيقى
مروان : وانتي مش مبسوطة انك معايا
اميرة : انت سعيد ؟
مروان : طبعا انا اتجوزت البنت اللى قلبي بيحبها ,لازم اكون مبسوط بس هكون مبسوط اكتر لو شفتها بتضحك زى
زمان ,بعدين ليه مانكنش سعداء بجد وتبقى حقيقة مش تمثيل
اميرة : تغير الكلام ..هى فاطمة اتاخرت ليه
مروان : هروح اشوفها
اميره : هاستنى فى البلكونة
❤️____ليلةعادل_____ ❤️
شقه مروان 6 م
يقوم مروان باستقبال شهد وشرين وشهاب ومعتصم
اميره : شهود حبيبتى وحشتينى تقوم بعناقها
شهد : مبروك يا حبيبتى عقبال البيبى
في الريسبشن يجلس الجميع على ملامحهم الفرح ثم تدخل عليهم فاطمة معها صينية بها كوبايات عصير وتضعها على الترابيزه وتخرج كانت اميرة تجلس بجانب مروان على كنبه الراسبشن
شرين : شكل ميرو ما بتنمش
اميره : عرفتى منين
شرين : وشك بهتان
اميره : اممم فعلا انا ومارو على طول سهرانين
شهد : انتم كدا مش هتسافرو ولا ايه
اميره : مش عارفه
شهد : مش مهم المهم انك مع الى بتحبيه
شرين : بس انتم ماسفرتوش ليه يا مروان
اميره : تقوم باغاظتها ...و تنظر لمروان برومانسيه .. هو السبب كل ما نصحى نلاقى معاد الطيارة فات اقوله كدا تضيع علينا معاد الطيارة, يقولى نحجز اللى بعدها , وبعدها يجيب اللى بعدها شكلى هقضى الهانى مون كله هنا
شهاب : انتم كدا هتفتحوا نفسى على الجواز
اميره : تنظر لشهاب .. ايوة الجواز حلو اوى خصوصا تنظر لمروان مره اخرى بعينيها ..لو اتجوزت اللى بتحبها صح يا مارو
مروان : مش مصدق تمثيلها ... امممم اكيد طبعا
بعد انتهاء الزيارة عند الباب تقوم اميرة ومروان بتوديعهم تمسك اميرة ايد شرين تقترب منها دون ان يلاحظها احد وبلؤم
اميره : على فكره الحاجات اللى مجربتهاش طلعت حلوه اوى , و فى حاجات احلى بكتير جربتها ؟ خساره لانك مستحيل تجربيها ! تبتعد عنها نورتينى يا دكتورة شرين
شرين تنظر لها بغل.. بنورك سلام
سيارة شرين 7م
تجلس شرين فى سيارتها يبدو على ملامح وجهها الضيق ثم تتذكر
(فلاش باك)
❤️____ليلةعادل_____ ❤️
مركز مروان 1 م
غرفه مكتب مروان
يجلس مروان على كرسى مكتبه ويقوم بالكتابة ثم يطرق الباب
مروان : اتفضل
تدخل شرين
شرين : عامل ايه
مروان : كويس خير
شرين : تقترب منه .. ايه المعاملة دي
مروان : معامله ايه؟
شرين : معرفش حاسه فى جفاء فى المعاملة
مروان : عايزه ايه
تجلس شرين على سن المكتب فى نفس اللحظة كانت اميرة تقف على الباب تسترق السمع
شرين : ممكن اعرف اتغيرت معايا كدا ليه
مروان : بغضب وحسم .. ايه القعدة دي اتفضلى اقعدى على الكرسى شرين انا سايبك عشان خاطر اميره قالتلى سيبها لكن لو مابطلتيش اللى بتعمليه ده اللى هعمله مش هيعجبك ابدا وانتى عارفه مروان ووشه التانى
شرين : للدرجه دي اميرة ليها تاثير عليك
تفتح اميره باب المكتب وتدخل
اميره : اوى اوى مش قادرة اقولك قد ايه انا عذراكى عارفه ان القعدة على مكتب الدك جميلة قعدتى المفضلة بس خسارة يا شيرى مينفعش تقعديها عشان مش ليكى
شرين : تقترب من اميرة وبمكر بصراحة هى جميلة مش بس القعدة على مكتبه اللى حلوة فى حاجات تانيه احلى جربتيها خسارة شكلك مجربتهاش عن اذنكم
تقترب اميره من مروان
اميره : ايه بقى الحاجات الحلوة اللى انا مجربتهاش قعدت على حجرك
مروان : نعم
اميره : نعمين بجد عايزة اعرف ايه هى الحاجات دى ها عملت ايه قول ماتخفش بس ابقى عرفه
يقوم مروان من على مكتبه ويقف امامها ويمسك ايدها
مروان هتصدقيها دى بضايقك
اميره : بجد
مروان : بجد
اميره : هصدقك عشان عارفة ان الدك مش بيكدب على ميرو
مروان :بجديه اميره انا هفضل لحد امتى فى لعب العيال ده انا مش فاضى سبينى ارفدها عشان مش عايز وجع دماغ
اميره : هتترفد بس اصبر شوية وبعدين بقولك انسى كل حاجة دلوقت ماشى يلا بينا بقى ننزل نشتريلك كام طقم كدا عشان الجواز
مروان : اسمعى الكلام وقولى حاضر انا مش عايز ازعلك
اميره : مارو خلاص بقى انسى شرين متفكرش فى اى حاجة خلينا في فرحنا كمان اسبوعين لازم نجهزوكى يا بيضه ولا ايه
مرروان : حاضر يا مغلبانى والله انا مش عارف انا بوافقك بسهوله كدا ازاى
اميره : اصلى عملالك سحر اسود ههههههههههههههه
مروان : ههههه طب يلا يا لمضه
كانت شرين تقف على الباب تستمع الى كلامهم ثم تذهب
نرجع تانى لمشهد شرين وهى بسيارتها تفكر ثم تتحدث بصوت داخلى ماكنش شرين قدرى ان ماندمتكم وخلتكم تطلقو
احد حدائق القاهره7م
تجلس حنين وادهم على احد المقاعد بالحديقة ويتحدثون على ملامحهم السعاده
حنين : اول مره تيجى هن
ادهم : الجنينة دى اه اول مرة لكن روحت جناين غيرها كتير
حنين : اصلى بحب الخضرة وريحتها مريحه للاعصاب
ادهم : المكان جميل وهادى اهدى من النادى ومش هلاقى حد
ياخدنى منك
حنين : محدش يقدر ياخدك منى اصلا واللى يفكر ادبحه
ادهم : يا شرس انت بقولك
جربتى تنطى من الباراشوت قبل كدا تحضرى الشروق سافرتى
حنين : لاء , بس متحمسة انى اجربها
ادهم : خلاص اعملى حسابك الجمعة الجاية هنسافر دهب
حنين : لوحدنا
ادهم : معانا اصحابى
حنين : اقصد انا وانت بس
ادهم : لو حابه تجيبى والدتك هاتيها
حنين : اوك .. هو فى بنات بيعرفو ينطو لان مش هينفع نركب بالباراشوت سوا
ادهم : فى ايه يا حنين للدرجة دي مافيش ثقة
حنين : مش قصه ثقة حرام انا محجبة هانقرب من بعض بشكل مش لطيف عيب انت خطيبى
ادهم : طب منا ركبت مع اميرة وعادى
حنين : اميرة كانت مراتك كنت كاتب كتابك عليها فى فرق , بعدين انا واميره لينا اراء مختلفة, بعدين هى كل حاجة اميرة لازم اميرة بجملة مفيدة بكلامنا
ادهم : مقصدش انا بديكى مثال آسف
حنين : مافيش مشكلة
ادهم : خلاص متكشريش كدا اضحكى بدل ما اعملك استدعاء بالنيابه واحبسك اربع ايام على ذمه التحقيق
حنين : هتحبسنى
ادهم : اممم بزنزانة قلبى , يا كل قلبى
حنين : انا والله العظيم بحبك انسي اميرة هى انتهت من حياتى اسف اوعدك مش هاكررها تانى سماح بقى
حنين : سامحنى لو بضايقك بغيرتى غصب عنى
ادهم : بلعكس انا بحبك وانتى غيرانه , لانى بشوف قد ايه انا فارق معاكى بشوف حبك ليا, موافقة نكتب كتابنا الاسبوع الجاي
حنين : موافقه
ادهم : يقبلها من ايدها .. بحبك
شقه مروان 8م
غرفه النوم
تقوم اميرة بتغير ملابسها ثم يطرق مروان الباب لكن تطلب منه اميره الانتظار بعد ارتداء بيجاما تطلب منه الدخول بعد دخول مروان ينظر لها بابتسامة
مروان : غيرتى هدومك كنت هقولك تعالى ننزل نتعشا بره
اميره : ماليش مزاج اخرج انت متربطش نفسك بيا
مروان : عايز اكون معاكى طب نروح لنور او منير
اميره : بحسم مروان انا مش هتنقل من البيت اخرج انت
مروان. : يحاول ان يمسك ايدها لكنها تبعد ايدها عنه.. طب تحبى تعملى ايه
اميره : انام
مروان : دلوقت
اميره : تصبح على خير
مروان : وانتى من اهل الخير
❤️____ليلةعادل_____ ❤️
شقه د/ خالد 8م
تجلس فى الريسبشن فريده وهى تقرأ القران بعد قليل يفتح باب الشقة خالد ويجلس بكرسي مجاور لها
فريده : صدق الله العظيم ..
احضرلك العشا
خالد : ياريت
فريد : عقبال متغير هدومك العشا هايكون جاهز
-غرفه السفرة
تقوم فريدة بتحضير السفرة ثم يدخل عليها خالد يجلس على الكرسى
فريده : حاجة تانية
خالد : انا هتعشى لوحدى هو خلاص هنفضل كدا كتير
فريده : انت اللى اختارت انت السبب عمرى ما هسامحك يا خالد انا لو كنت صابرة وساكتة عشان خاطر ياسمين وكريم وبس لكن اللى بينى وبينك انتهى
خالد : يقف انتى اللى اختارتى
فريده : بحسرة .. مظبوط انا اللى اختارت , اختارت مادمرش بيت بقاله 33 سنة , اختارت مدمرش اولادى وحياتهم , وانى مضحكش الناس عليا بعد العمر ده كله , انا فعلا غلطت وللاسف حتى لو اتراجعت باختيارى مش هيغير حاجة
شقه مروان القديمه 12 م
غرفة النوم
تنام اميرة على السرير والغرفة مظلمة لكن يضيئها نور الشمس, ثم تقوم اميره باللف يمين ويسار ثم تبدأ بفتح عينيها وتجلس على السرير ,تدعك عينيها ثم تقوم وترتدى شبشب وتدخل الحمام تقف امام حوض المياه والمراية تتمطع وهى مازلت تغمض عينيها , ثم تبدأ بغسل وجهها ثم تبدأ بفتح عينيها , تتفاجئ بوجود مروان خلفها عارى الصدر يلف فوطه حول خصره , ينظر لها فى المراية بابتسامة تفتح اميره عينيها باتساعها تلتفت له و تدعك عينيها وتنظره له ثم تنظر مره اخرى فى المراية مع اشارة مروان لها بايده بابتسامة , وبسرعه تضع اميرة ايدها على عينيها وتلتفت له وتتحدث معه بغضب
اميره : بنرفزة .. ايه ده , ايه ده , هو فى كدا , مش تقول انك هنا
مروان : اقولك ازاى يعنى
اميرة : معرفش بعدين ما تكح اعطس اعمل اى صوت ايه ده
بعدين متقفل الباب عليك بالترباس , ايه قلة الادب دى
مادخلتش الحمام التانى ليه اصلا
تيجى تمشى تدخل فى الباب وتتخبط لكن مروان يمسكها يسندها تفتح عينها وهى بين يدي مروان
اميره : بألم .. ااه
مروان : برومانسية .. مش تاخدى بالك
اميره : من ايه
مروان : الباب
اميره : تبتلع ريقها .. باب ايه
مروان : الازاز
اميره : ازاز
ينظر مروان لها بابتسامة ساحرة لكن بسرعة تستجمع اميرة نفسها وتقف .. مش فاهمة بردو ده
مكان تحط فيه الباب , بعدين ازاى واقف قصادى كدا , قلة ادب تيجى تمشى يمسكها من دراعها يقربها منه
مروان : فى واحدة تتكسف من جوزها كدا
اميره : انا مش مكسوفة بعدين اوعى كدا تتركه و تخرج للخارج يخرج خلفها
اميره : تضع ايدها على وجهها تدارى عينيها ..انت مش ليك اوضه تانيه
مروان : لبسى كله هنا
اميره : انت هتعمل ايه
مروان : هلبس
اميره : ملبستش جوة فى الحمام ليه
مروان : انا طول عمرى بلبس هنا
اميره : زمان لما كنت لوحدك انا دلوقتى معاك
مروان: يقترب منها بتتكلمى ليه وانتى مدارية وشك
اميره : اصلى مش ابيحه زيك تتركه و تذهب للسرير تنام وتضع علي وجهها الغطاء
مروان : ينط جنبها على السرير يشيل الغطاء من على وجهها .. يعنى ايه أبيح
اميره : يييو بقى انت هتبطل ولا اسبلك الاوضه واخرج
مروان :ماتطلعى , انتى شكلك عجبك الوضع وعايزه تقعدى صح اعترفى
تمسك اميره مخدة تخبطه بيها جامد
مروان ههههه خلاص اهدى بلاش افتراه هاقوم البس
يقوم يقف عند التسريحة لسه هيفك الفوطة
اميره : بصوت عالى انت بتعمل ايه ايه ده انت لابس
مروان : ههههههههه اه بس حبيت ارخم عليكى شويه
اميرة : تحدفه بالمخدة
❤️____ليلةعادل_____ ❤️
شقه منير 4م
يقف مروان ومنير فى البلكونه
منير: انت هتعمل ايه
مروان مش عارف افتكرت انى لما اخليها تكلم والدتها هتهدى بس ولا اى شئ حتى نور مش عارفة تعمل معها حاجة
منير : متاخدها وتسافر ولا اعمل ليها مفاجئة من اللى بتعملها
مروان :هى بترضى تخرج بره باب الشقة كويس انها بتقف فى البلكونة
منير : معلش اصبر عليها
مروان : انا نفسى بس تبقى كويسة اى حاجه تانية مش مهم
منير : انت خليك معها وحاول اكيد شويه هتفك بردو موقف صعب على اى انسان انا نفسى لما بافتكر قلبى بيوجعنى
مروان : نفسى اروح اسأله استفدت ايه لما عملت كدا بس خايف لو شفته أتهور عليه
منير: انا نفسى لو شفته هتهور عليه المهم انت زود جرعة
الرومنسية وخليك لطيف معها لحد ماتفك انت لسه صح
مروان : لسه ايه
منير : لسه
مروان : امممم
منير : مش مهم خليك عادى المهم انها تبقى كويسة
مروان : والله ما فارق يا منير ولا بدماغى انا عايزها تبقى كويسة وبس
- مشاهد سريعه خلال الثلاث اشهر لمروان ونور كل منهما يحاول ان يفعل اشياء كثيرة لاسعاد اميرة و خروجها من حالة الاكتئاب التى اصابتها لكن دون جدوى , ونرى ايضا ان فريدة مازلت تتعامل مع خالد بجفاء وشدة وتنام بغرفة اميرة ,ومن ناحية اخرى نرى حنين وهى تقوم بالتحضيرات لزفافها مع ادهم وهما بغاية السعادة , وايضا نرى اقتراب شهد وشهاب من بعضهما ويبدو انه سيكون بينهما علاقة عاطفية وان شرين اصبحت تدير المركز مع منير
❤️____ليلةعادل_____ ❤️
شقه مروان 1م
غرفه النوم
تخرج اميرة من الحمام ... وهي ترتدى بيجاما عارية جدا هوت شورت وتوب تظهر بطنها وتقوم بتنشيف شعرها بالفوطة و وجهها وكان مروان بالغرفه يقف عند الكومودينه يبحث عن الشاحن عندما يراها خارجة , ينظر اليها بشوق وعشق الى جمال جسدها الذى يراه لأول مرة نظرات كلها شوق وعشق من زوج لجسد زوجته التى ينحرم منها ، تشيل اميرة الفوطة من على وجهها تتفاجئ بوجود مروان امامها
اميره : انت هنا
مروان : اممم
تذهب عند التسريحة وتجيب بادى لوشن وتجلس على السرير تبدأ بوضعه على قدميها ورقبتها مع استمرار نظرات مروان لها عضه على اصبعي
اميره : بتبصلى كدا ليه
مروان : يبتلع ريقه .. لا مافيش كنت بدور على شاحن كمان كنت جاى اسالك انا هطلب اكل اطلبلك معايا واعمل حساب نور
اميره : ياريت هى بطريق .الجو حر اوى ممكن تعلي التكييف شوية
مروان : بلاش عشان متبرديش استنى شوية
اميره : انت مش حران
مروان : انا انا مولع بس عشان ميجلكيش برد
يرن جرس الباب
مروان :هروح افتح
اميره : امال فاطمه فين
مروان : نزلت تشترى حاجات
يذهب مروان بفتح الباب يجد
نور : بابتسامه .. الحمد الله , اميره بلاوضه , هاتى بقا مرمر الصغيره وادخلى لصحبتك , اثناء حمله للطفله ..اوعى تكونى اتغديتى
نور : بمزح .. انت عايز البائسه اللى جوه تقتلنى , بلطف ..
مروان انا اسفه على معاملتى معاك وطريقتى زمان , انا لما اقعدت معاكم الكام شهر دول , فهمت قد ايه انت بتحب اميره , طلعت فعلا تستاهل اللى عملته عشانك , تستاهل كل الحب , وكل التضحيات اللى ضحتهالك , انا بشكرك نيابه عنها انك اتحملت كل ده ,مع انك مالكش ذنب ، حقيقى انت كبرت بعينى اوى , وخلتنى اشوف نفسى صغيره اوى , حقيقى انا اسفه وانا، اوعدك زى ماكنت بحاول ابوظ موضوعكم وعلاقتكم , مش هاهدى غير لما ارجعهالك تانى
مروان : انا عمرى مازعلت منك يا نور بلعكس كنت متفاهم رد فعلك انا نفسى اميره ترجع تضحك وتبقى سعيده من قلبها غير كدا والله مافارق معايا بعدين بتشكرينى على ايه انا مهما عملت لاميره مش كفايه
نور : وانا وعدتك انى هرجعهالك زى زمان وانا قدها
غرفه النوم / تدخل نور الغرفه دون ان تطرق الباب
اميره : بنرفزه .. هو انا مش قولت تخبط . هو انتى
نور : اه انا ناعيما يا بائسه
اميره : امال ميمى فين
نور : تجلس امامها على سرير ... مع مروان , مروان متبنيها من وقت ما باجى لحد مامشى , لا وبت سهتانه بتسكت وهى معه , واول ماخدها منه تعيط واضح مروان عامل سحر اسود لكل اللى اسمهم اميره
اميره : تقوم وتقف وتقترب منها ..هو بيحب الاطفال
نور : تنظر لها ... اوبا بقى ايه بيجاما دى , لا حلو اللى مش لبسه ده هى ليلتنا بمبى ولا ايه كنتى قولتى مكنتش جيت
اميره : مالك
نور : تغمزلها ... ليلتنا بمبى يا بمبى
اميره : يابت انتى مافيش بدماغك الا الحاجات السفله دى متحترمى نفسك
نور : امال انتى لابسه كدا ليا مثلا
اميره : منتى عارفه لبسى بالبيت بصيف بيكون براحتى اصل معظم الحاجات اللى جبتها بجاهز كدا اوفر انا عارفه بس اعمل ايه
نور : ياستى انا بتكلم بشى معين انتى بتقعدى مع مروان كدا يعنى لما بمشى بتغيرى لابسك وتقعدى كدا
اميره : لا مش كدا يعنى بظبط
نور: بمزح ..هو يا عيل جبله يا عيل جبله محولش يتحركش بيكى
اميره : برفعت حاجب ..ميقدرش
نور : تقف امامها وتقترب منها .. لا هو يقدر ، بس هو اللى محترم بزياده , ومحترم رغبتك , ومش عايز يعمل حاجه غصب عنك , اميره بصى اللى بتعملى ده حرام , اصلا حرام عليكى , تمنعى من حقه عليكى , يعنى قولنا ثلاث شهور اللى فاته النفسيه تعبانه محتاجه ترتاحى وتهدى , بس اتلمى بقى متقعديش قصاده كدا , حرام عليكى ده راجل بردو عنده مشاعر وبيحبك ,راعى احساسه لما يشوفك كدا , وانتى حرما منك مينفعش
اميره : يعنى مشكلتك انى لبسه شورت ووتوب قصاده , حاضر هدخل اشوف اى حاجه نص وبنطلون
نور : اميره مروان مالهوش ذنب , بضيق .. فى ايه كفايه , انتى كل يومين بتكلمى طنط وكريم وياسمين وبتطمنى عليهم كفايه بقى , اخرجى شوفى الشارع وسافرى مع جوزك وتهنى لحد امتى هتفضلى كدا
اميره : تجلس على السرير .. يا سبحانه الله بقى نور سليم بدافع عن مروان مش مصدقه ودانى
نور : تجلس بجانبها تنظر لها .. لازم انا لما شفت بعينى طريقتى وتحمله للي بتعمليه , عرفت انى كنت غلطانه مافيش راجل بدنيا يتحمل اللى كنتى بتعملى , بفكر ازاى كدا راضى وساكت وفعلا من قلبه مش تمثيل , كل اللى فارقله انك تضحكى من قلبك , عايزه ايه تانى
اميره : عايزه اهلى بابا ماما واخواتى
نور : خلاص اطلقى
اميره : لو اطلقت بابا مش هيرجعنى
نور : لا هيرجعك حمزه قابله وكلمه فهم كدا ان من كتر ضغط طنط عليه وكريم وياسمين هدوه يعنى لو اطلقتى دلوقت
هيفتحلك الباب عادى ويسمحك
اميره : .. تنظر لها تفتكرى مروان هيوافق يطلقنى
نور :.عنه ما وافق اخلعى
اميره : بستغراب شديد اخلعه
نور : مش عايزه اهلك
اميره : برتباك وتهتهى ... اه اه بس يعنى اصل مروان ميستهلش كدا منى مش لدرجه دى يعنى مش مش لدرجه انى اخلعه
نور :بنصف ابتسامه .. اميره انتى بتحبى مروان ومش عايزه تطلقى منه , جواكى صراع خايفه تعيشى حياتك عادى مع جوزك يقوله باعت اهلها عشان واحد , وبنفس الوقت مش قادره تسيبى مروان ولا تستغنى عنه , فاقولتى تمسكى العصايا من نص, بس هل انكل خالد عارف انك لحد دلوقتى متجوزه مروان على الورق ؟ ,محدش عارف غيرى حتى حمزه ميعرفش , اميره حرام المعامله اللى بتعملهالو , حقيقى مروان ميستحقهاش , انتى عارفه انا عمرى مكنت هقولك كدا عن مروان, وانى اخر وحده تدافع عنه , بس فعلا الرجل ده مظلوم معاكى من البدايه كفايه لان اللى انتى عامله مالهوش داعى انتى بنظر الكل متجوزه مروان وعايشه حياتك لكن ميعرفوش الحاله اللى انتى فيها دى فافكى بقى
اميره : يعنى عايزه ايه دلوقت
نوره : هقولك
احد النايت كلاب بالقاهرة 12 م
اجواء موسيقية صاخبة حركة من الجميع رقص وخمر ثم نرى شهاب وشهد على الاستيدج يرقصون على ملامحهم السعادة بعد فترة من الرقص وشرب الخمر يجلسون عند البار يطلب شهاب من عامل البار ان يقدم لهم كاسين فوتكا
شهد : لا كفاية , مش عارفة هاروح ازاى
شهاب : لسه بدرى السهرة بأولها
شهد : بالنسبة ليك انت , انا لاء , بعدين معاك حاجة تضيع الريحة اللى في بوقى دى
شهاب : بقولك ايه بلاش رخامة , متبوظيش الليلة انا هحجزلك اوضة هنا قوللهم انك بايتة عند صحبتك
شهد : مش عارفة
شهاب : بلاش بواخة بقى
اشربى , .. يعطيها كاس يلا يا هاسكى اشربي عشان أعلمك الرقص
شقه مروان 2 م
يفتح مروان باب شقته ثم يقف امام غرفة أميرة يطرق الباب مرة ثم مرة ثم بقوة لكنها لا تجيب فيقوم بفتح الباب ويدخل داخل الغرفة لا يجدها يقترب من الحمام لكنها ليست بداخله يزداد قلقه يخرج خارج الغرفه ويقوم بالنداء على فاطمة
مروان : فاطمة فاطمة
تخرج من المطبخ
فاطمة: ايوة يا حبيبى
مروان : اميرة فين
فاطمه : دى خرجت من الصبح
مروان : باستغراب .. خرجت !!
ماقلتش راحت فين
فاطمه : لا اخدت شنطه هدومها ومشيت
مروان بستغراب .. شنطه هدومها
فاطمه اه وقالى انك عارف
مروان : طب روحى انتى ,
يخرج هاتفه من جيبه يتصل بيها لكن هاتفها مغلق يقوم بالاتصال بنور.. الو ايوة نور ازيك هى اميره معاكى متعرفيش عنها حاجة لالا مافيش يمكن نزلت تجيب حاجة من السوبر ماركت ماشى هطمنك ..يكلم نفسه و يتنهد راحت فين دى .. يقوم يدخل غرفة نومه ثم يجلس على السرير يجد ورقة على الكومودينة يفتحها يجد فيها رساله ينظر مروان للورقة باستغراب
يتبع الفصل الثالث والعشرون اضغط هنا
- الفهرس يحتوي على جميع فصول الرواية كاملة :"رواية الاعمى" اضغط على اسم الرواية