رواية احببت مصارع الفصل التاسع 9 بقلم يوستينا سامي
رواية احببت مصارع الفصل التاسع 9
ادهم: ايه يا جماعه الصدمه دي باقول امراتي انا اتجوزت شاهنده
ابراهيم :بسم الله ما شاء الله حلوه جدا يا ادهم
الف مليون مبروك يا حبيبي
فهد :انت تجوزت بجد طب ازاي ما تقولناش
ادهم :معلش بقى يا فهود والله كانت ظروف بس اهو اديني رجعت مش جاي ايدي فاضيه كمان رجعت معايا شاهنده يمكن تغفر الحاجه من اللي عملتها
شمس: مبروك يا ادهم بجد الف الف مبروك
فهد بغيره :وانت مالك بيه اصلا تقولوش حاجه اساسا
شمس :الله يا فهد بابا بباركله فيها اي دي
فهد: لا يا اختي ما تتكلميش معه اصلا
ادهم: اعرفك بقى يا ستي ده اونك لابراهيم يبقى زي والدي دي بالضبط الله يرحمه وده يوسف ابن اخو عم ابراهيم ودي نور كاتبين كتابهم بس لسه مش عارف الفرح امتى الصراحة
يوسف بضحك 'ولا احنا اصلا
نور: اهلا وسهلا بيكي الف مبروك
شاهنده بذوق: لله يبارك فيك ميرسي
ادهم :و ده بقى فهد ابن عمك ابراهيم ودي شمس برضو كاتبين كتابهم ولسه مش عارف الفرح امتى صحيح مبروك يا شموسة علي الحجاب
شمس ضحكه :الله يبارك فيك يا ادهم
فهد بغيظ :الله يبارك فيك يا ادهم... ايه يا حيوان انت التاني وبعدين اي شموسة دي بقي ...
ادهم ضحك اوي وشاهندة كمان
ادهم :ودي بقى يا ستي هنا اخت نور الصغيره وده هيثم انا مش عارف ما وصل لحد فين بس تقريبا خطيب هنا ...
هنا بوجع: لا كان زمان ..
هيثم اتغاظ اوي منها ومن فكرة رجوع ادهم اصلا ...
بعد اذنكواااا ..ومشي ..
ادهم: ايه يا جماعه هو مشي ليه
يوسف :يا ابني هم اصلا بقلهم ثلاث ساعات بيتخانقوا ..
شاهنده :يا ساتر يا رب ليه كده بس
نور :ده عيل واطي اصلا وخاين كمان
ادهم: ليه يا جماعه بس هو عامل ايه
فهد: راحت المكتب بتاعه في المستشفى شافته حاضن واحده وقال ايه بيقول لها خطوبتنا ان شاء الله هتبقى الشهر الجاي ولما واجهته هنا قال لها ان دي نزوه وما فيش راجل ما عندوش نزوات في حياته و أنه هو بيحبها هي وعايز يكمل معها هي
شاهنده :وانت يا بتحبيه لو انت فعلا بتحبيه و مصدقه انا ممكن يعملش كده ثاني سامحيه سامحيه يا هنا لان فيها ما فيش حد ما بيغلطش وان فعلا الحب بيغير
هنا اتغاظت قوي منها ومن فكره وجودها اصلا مع ادهم واتمنت انها تكون مكانها وبكل غل وحقد قالت لها :وانت مالك لك اصلا وبعدين انت مين و هتعرفيني ازاي يعني علشان تديني نصيحه اساسا
شاهنده في صدمه: ايه ده انا اسفه ما كنتش اعرف انك هتضايقي كده
ادهم بعصبيه :في ايه يا هنا ما لك بتكلميني كده ليه شاهندة ملهاش دعوه على فكره انت مشكلتك معاه هو
هنا اضايقت قوي وبصته بوجع لانه بيدافع عنها وطلعت على اوضتها وهي بتعيط ...
ابراهيم بحرج :انا اسف يا بنتي والله بس هي يمكن نفسيتها تعبانه شويه...
شاهنده بكسوف: لا يا اونكل ما حصلش حاجه حصل خير..
يوسف: معلش هي بس متلخبطه ونفسيتها وحشه واللي شفته برده ما كانش قليل ...نور اطلعي شوفيها ...
فهد :وانت كمان شمس اطلعي معها وانت بقى يا عم ادهم اقعد ارتاح انت وعروستك وشويه تكون اوضتك فوق جاهز انت انت والعروسه يا معلم
ادهم: والله يا ابني مش عارف اشكرك ازاي
انا هتعبك معايا
فهد: ليه هو حد قال لك ان انا الي هوضبها ولا ايه ولا انت اتلم هاااا اتلم ....
ادهم ضحك: حاضر .....
ومر اليوم عادي جدا بملل ادهم وشاهندة طلعوا اوضتهم عشان يرتاحوا ويوسف راح شغله وفهد كذلك واتفقوا كلهم بالليل يتجمعوا يروحوا ينقوا الفساتين .........
في مول كبير للعرايس
يوسف بعصبية: انت غبية صح ..مش انا قولت مافيش فستان قصير ولا البعيدة غبية مثلا
مش كفاية مخلتكيش تتحجبي اصلا
نور: نعععم ولاااا اظبط كدة انا لما احب اتحجب انا الي هاخد القرار سامع ...
يوسف بحدة: اعاااا لا بقولك اي جو الي قادرة علي التحدي و جو الهبل ده مش معايا انا سامعة ولا
نور :وانت جو سي السيد ده برضوو مش معايا ..
فهد: اي بقي انتوا جايين تتخانقوا ..ماتخلصوا بقي
المول كله سمع صوتكم ..عيب كدة
نور: قوله يا فهد..قوله ...
فهد :اسكتي انت يا ماما ..يلا يا يوسف بقي
يوسف: يلا غيري ام الفستان ده بقي ..
نور: افففففففف ماشي
يوسف :اي الغبية دي ...
فهد :بس بقي وانت يا شمس اخلصي بقي علشان زهقت ...
شمس وهي في البروفة :مش عارفة البسه يا فهد والله ...
فهد :طب اوعي انا من قدام البروفة انا داخلك ..
وفعلا دخلها البروفة .....
شمس: مش عارفة اقفل السوستة ...
فهد بضحك :وانا قولت البت هتتكسف والجو ده
اول ما ادخل كدة سوسته ...
شمس :هههه تصدق انك بايخ ..وبعدين انا مراتك برضوووو
فهد :ههههه ماشي يا واد يا جامد ...
وفعلا ظبطوا الفستان وطبعا الفستان للمحجبات
شمس: اي رايك ...
فهد: يخربيت جمالك يا بت ..حتي و الفستان مقفول برضووو مزة ..شكل دخلتنا هتبقي في البروفة
شمس: فهد اتلم. أخرج برااااا ....
فهد :ماشي بس والنبي لتخلصي بسرعة وما تسيبيني مع الثنائي المريض الي براااا دول
شمس :حاضر ..يلا أخرج ..
وفعلا خرج فهد لفه يوسف برضو متعصب ..
فهد :اي تاني مالك .....
يوسف: مافيش علي بيقولي أن هيروح بكرة يتقدم لتمارا ...
فهد :طب ودي حاجة تضايق يا حج انت
يوسف :يبني انا فرحان ليه بس علي بكرا مش فاضي وامير متصاب وانا هفضل بكرا لوحدي ومعايا حتة ضابط يا فهد ....
فهد :اي شاطر ....
يوسف: حمار .. ولله يا ابني
فهد بضحك :صادق يا حبيبي منغير حلفان
يوسف: اسكت متفكرنيش بس .....
واخيرا نور خرجت من البروفة ...
نور: ها اي رايك ...
يوسف اتصدم من حلاوة الفستان عليها ...
اي ده .. هو في كدة ..
نور: اي بقي ماله ده كمان اعتقد مقفل اهوووو ..
.
فهد :لا مشاء الله جميل اوي يا نور
يوسف: وانت مالك انت ..ركز في مراتك ..الله
فهد افففف وبعد عنهم ....
............
نور: هااا اي رايك ....
يوسف بإعجاب: حلو اوي يا نور والله ..اي الطعامة دي يا بت انت
نور: اف اخيرا عجبك حاجة.... اوعي بقي علشان الحق اغير ..اوعي
وفعلا نور وشمس غيروا هدومهم ....
وفهد روحهم إنما يوسف طلع علي القسم ...
_________________________________$$$
في الفيلا ....
ابراهيم :مبروك يا ولاد جيلبتوا الفساتين ..
شمس بفرحة :اممم وحلوة اوي يا عمووو
ادهم :مبروووك ....
نور: اي رايك يا شاهي ....حلو صح
شاهدة: تحفة بجد ...الف مليون مبروك
نور: الله يبارك فيكي ...هو انتوا معملتلوش فرح هناك
يا شاهندة ....
شاهندة اتوترت اوي ...
ادهم: لا احنا كتبنا الكتاب وجينا علطوول ..بس تتعوض مع اول بيبي بقي ....
.شاهندة :أيوة احنا متفقين علي كدة ...
فهد: ايوة بس يلا علشان لازم تنزلوا تجيبوا بدلة للشحات ده وفستان ..الفرح اخر الاسبوع ...
هنا نزلت من الاوضة ..انتوا جيتوا
شمس: أيوة تعالي يا هنا افرجك .تعالي
هنا بخنقة وهي بتبص شاهندة ...
اه فرجيني ...الله حلو اوي يا بت يا نور
شمس: اي ده وانا . . .
هنا: ما هو محجبات مافيهوش اي ملامح ..
شمس زعلت اوي من كلامها ...
فهد :اي الكلام الغبي ده ..لعلمك بقي الفستان عليها تحفة بجد ..
ادهم وهو بيبص لهنا :في حد يقول كدة ..وبعدين
الحجاب ده هو الي محليها عقبالك ...
هنا بغيظ: والله طلاما بتحب المحجبات اوي كدة
ما اتجوزتهاش محجبة ليه ...
ادهم ببرود :علشان الي حبيتها يا هنا مش محجبة علشان كدة ..وبعدين انا عمري ما هجبرها انها تتحجب اصلااا
هنا ..والله
فهد: اي يا جماعة ما خلاص انا اصلا مش محتاج راي حد فيكوا ..يلا طلعوا الفساتين فووق .
وفعلا طلعت ونور وشمس فوق بس شمس كانت فعلا زعلانة من كلام هنااااا .......
__________________________________
فهد :ادهم تعالي عايز اتكلم معاك في موضوع برا
ادهم: ماشي تعالي ....
وفعلا خرجوا الجنينة وكان معاهم ابراهيم. ...
هنا وشاهندة كانوا جوا في الفيلا ....
هنا :وانت بقي فعلا بتحبيه ...
شاهندة بستغراب: اكيد اومال اتجوزتوا لي
هنا بضحك :لا في اسباب كتير اوي غير موضوع الحب ده ....
شاهندة :هو انت ليه كلامك بيبقي بيحمل اكتر من معني ..لو عايزة تقولي حاجة قوليها في وشي
علطووووول منغير لف ولا دوران
هنا بضحك: بس انا بقي لا بعرف الف ولا ادور
وبقولهالك اهوو جوازك من ادهم بالسرعة دي
مش داخل دماغي وانت مش مظبوطة ..
شاهندة بعصبية: مش مظ.بوطة يعني اي بقي ...
هنا: والله شوفي انت بقي .ازاي تتجوزي واحد بالسرعة ومنغير فرح أو أي حاجة ..طب فين اهلك ... ولا يمكن يا عيني ملحقتوش تعملوا فرح .
احسن ه.تتفضحي مثلا .....
شاهندة بغل :طب تعالي بقي ..وانا هفرجك مين الي مش مظبوووووط ....
هنا انت تفرجيني انااا....طب تعالي بقي
____________________________$$$
في الجنينة ....
ابراهيم :ها يا ابني قولت اي
ادهم :هقول أي يا عمي ..انت بتطلب مني امسك المصنع بتاع حضرتك ..
ابراهيم :أيوة واي ردك انت بقي
ادهم :ردي في اي ده انا اصلا في حكم العاطل ...
فهد: انت عبيط يا بني ادم انت وبعدين موضوع المصنع أو الشركة لو حبيت تيجي معايا ده حل مؤقت اصلا لحد ما تفتح مشروعك انت أو حتي ترجع تاني السوق ...
ادهم: يعني انت شايف كدة ..
فهد: اه طبعا يا ادهم ...
ابراهيم: ها يا حبيبي قولت اي
ادهم :قولت موافق طبعا ...وحضن ابراهيم
ابراهيم: وانا بقي عندي خبر حلو اوي
فهد: طب اي والنبي فرحني...
ابراهيم بضحك: عمر اتقدم لفريدة وقروا الفاتحة
ادهم بفرحة :مش معقووول ...ده انا هنفخه والله
فهد: ده فعلا خبر جاحد ....انا لازم أكلمه ...
وفاجاه سمعوا صوت صريخ جامد ....
تفتكوا مين هيض.رب مين ...هنا ولا شاهندة
_____________________________$$$
في مكتبه ....
اللواء سراج: بحدة لا نزلتي من ورايا وخبيتي عليا يا تمارا وانا عمري ما عودتك علي كدة ...
تمارا :ولله يا بابا ما كنتش لا تخلي ولا اي حاجة
كل الحكاية أن عرفت وحضرتك كنت نايم
وانا مفكرتش لقيت نفسي بجري علي المستشفي
كنت .خايفة ؟....
سراج: بس كان غلط يا تمارا ....والي حصل ده مش هيعدي بالنسبة ليا ....لازم قبل ما تعملي اي خطوة تبقي عارفة كويس اوي نتيجتهااا ...
تمارا :بابا انا اسفة والله حقك عليا ....
سراج: بعدين لينا كلام تاني لما نروح
وفاجاه الباب خبط .....
سراج ادخل ..
دخل علي ....
علي :مساء الخير يا فندم ....
سراج: كويس انك جيت ....
تفتكروا اي حصل بقي .....
- تابع الفصل التالي عبر الرابط: "رواية احببت مصارع 2" اضغط على أسم الرواية