رواية عشقت منقذتي الفصل الثاني والعشرون بقلم ياسمين سامي
رواية عشقت منقذتي الفصل الثاني والعشرون
عشق :انا مش فاهمه انتا بتتكلم عن اي ابيع مين واشتري مين
أدهم:انتي هتستعبطي ياروح امك ورفع ايده عشان يضربها مسك رحيم ايده أدهم انتا اتجننت
فتحت عشق عنيها اللي قفلتهم من خوفها لما رفع ايده عليها
أدهم:سيبني يارحيم لازم اخليها عبره لكل الموجودين هنا
رحيم :اعقل يا ادهم مش وقته الكلام ده اما زين يجي نبقي نشوف هنعمل اي الشركه كلها بتتفرج علينا
نزل ادهم ايده بغضب وبص لعشق بصه كلها حقد وغل واتجه لمكتبه
رحيم للموظفين بتتفرجوا علي اي كل واحد يشوف شغله
وبص لعشق وانتي ورايا علي مكتبي
عشق :تحت امرك مسحت دموعها اللي كانت مخبياها من غير ماحد ياخد باله عشان مش عاوزه تبان ضعيفه قدام حد
في مكتب رحيم
رحيم :اقدر اعرف اي اللي حصل بالظبط
عشق:حضرتك المفروض تساله هو السؤال ده هو اللي دخل عليا واتهمني اتهام باطل من غير اي حق او دليل
رحيم:وهو المفروض ان انتي اللي هتقوليلي اسأل مين ومسألش مين هو هيتهمك اتهام باطل من غير دليل ازاي اومال لو مكنش شايفك وانتي طالعه من بيت ياسين امبارح ومعاكي شنطه الفلوس
عشق بتوتر: هو قال لحضرتك
رحيم ببرود: تخيلي
عشق :يابن الجذ. يا أدهم
رحيم:نعم
عشق:لا ابدا انا فعلا كنت عند ياسين باشا امبارح وكان معايا فلوس وانا مروحه بس مش معني كده اني خنتكم ومكنتش قد ثقتكم فيا انا لا يمكن اعمل حاجه زي دي
رحيم:وياسين هيديكي فلوس ليه من غير مقابل لله وللوطن ولا كان عاشقك في الض..
عشق بغضب:رحيم بيه انا مسمحلكش انتا كده بتتهمني ف شرفي وعيب اووي كده لو زين باشا موجود مكنش سمحلك تكلمني بالاسلوب ده
رحيم :قام وقف حلو اووي وزين باشا بقي عارف باللي بينك وبين ياسين
عشق:ها لا لسه ميعرفش وبعدين انا مفيش حاجه بيني وبين ياسين عشان يعرفها
رحيم:اومال كنتي عنده امبارح بليل بتعملي اي ومروحه متأخر بشنطه الفلوس اي حد غيرنا هيفسر ده بايه
عشق بدموع:ده شغل بيني وبين ياسين باشا مالوش علاقه بشركتكم ماتقلقش
رحيم : لف من ورا مكتبه ووقف قدامها ههههه والمفروض ان انا كده اصدقك شغل اي اللي باسين هيشتغله مع سكرتيره ف شركتنا
عشق:ماطلبتش من حضرتك تصدقني او لأ انا مبكذبش ده اولا
رحيم :وثانيا
عشق:ثانيا استقالتي هتكون عند زين باشا اول مايوصل عن اذنك
في مكان ما
كانت فريده تقف بجانب سيارتها تنتظر شخص ما وتدخن سيجارها الفاخر بغضب وتوتر بعد لحظات
مجهول:فريده هانم
فريده التفتت وراءها لتجده هو من هددها بتصفيه شركاتهم وأموالهم والاضرار بسمعتهم
مجهول:اشعل سيجارته هو الاخر ومشي خطوتين ليقف امامها علي مقربه منها بتقولي انك عوزاني ضروري خير
فريده:انا مش هقدر ادفعلك المبلغ ده كله
مجهول:هههههه لو كنت اعرف انك جيباني عشان كده مكنتش جيت مانتي عارفه انا طالب كام ولا نسيتي
فريده:مش معايا الا20مليون هما دول اللي قدرت اجهزهم مش هقدر ادفع اكتر من كده
مجهول:تؤتؤ ياخساره مكنتش متوقع انك هتبيعيه بالسرعه دي وهنروح بعيد بيه ما انتي بعتك بنتك قبل كده
فريده بغضب :ماتجيبش سيره بنتي علي لسانك انا مبعتش حد كل الحكايه اني مش معايا فلوس
مجهول:انتي تعملي اي حاجه عشان الفلوس
فريده:وانتا بتعمل كده ليه مش عشان تاخد الفلوس برضوا
مجهول وهو يرمي سيجاره ويدوس عليه:تؤ مش عشان الفلوس ولف واداها ضهره عشان عاوز انتقم منك انتي وابنك
فريده :احنا معملناش حاجه غلط أللي عملناه كان لازم يتعمل من زمان مكنش ينفع شمس تكمل مع واحد كذاب وخاين زيك وكل يوم كان مع واحده شكل انتا مكنتش تستحقها ولا تستحق ثقتها وحبها فيك
مجهول:بغضب وهو يتجه ليمسك برقبتها بذراع واحد وانتي بقي قررتي من نفسك مكانها
عملتي قاضي وحددتي العقاب ونفذتيه عليا وعليها مفكرتيش فيها هيحصلها اي لو عرفت الحقيقه مفكرتيش هتعيش ازاي من غيري وانا هعيش من غيرها ازاي ترك رقبتها لتضع فريده يدها عليها بتألم وهيا تاخد نفسا وأكمل كلامه منكرش اني غلط وكتيررر بس ندمت وصلحت غلطي وكنت هبدأ معاها صفحه جديده نبتدي فيها من اول وجديد تاني علي نضافه بعيد عن المجتمع القذر اللي كنت عايش فيه بس جيتي سعاتك وبوظتي كل حاجه بغباءك ضيعتيها من ايدي وبعدتيها عني ليه
فريده :كان لازم تعرف حقيقتك مهما حاولت تخبي كان هيجي يوم وتعرف كل حاجه وساعتها كانت برضوا هتسيبك
مجهول: مين قالك شمس بتحبني وعمرها ماحبت غيري عمرها ماهتقدر تبعد عني كنتي سيبتيها تقرر هيا مش انتي كنتي سيبها تواجهني وتقولي انها مش عوزاني ساعتها كنت هحاول عشانها مكنتش هسيبها تبعد عني كنت هستحمل كل اللي هتعمله كنت هتحمل عندها وبعدها لما تهدي وترجعلي تاني مكنتش هتسيبني انا متأكد من كده ودتيها فين انطقي
فريده:ملكش دعوه بيها شمس خلاص عاشت حياتها مع حد غيرك شمس مش في مصر اصلا ماتتعبش نفسك وتدور عليها
اقترب منها كثيرا وهو يجز علي اسنانه لترجع فريده للوراء بخوف مستحيل مستحيل شمس تكون لحد غيري انتي كذابه مفكره انك كده هتخليني انساها او اطلعها من دماغي لا بالعكس انتي كده شجعتيني اني ادور عليها تاني وتالت وعاشر لحد ملاقيها واخليها مراتي قدامك انتي اول واحده وبعدين قدام العالم كله ورحع للخلف ببرود
خلينا في المهم دلوقتي اللي انا جاي عشانه
تحبي تحطي عنوان اي ع الفيديو بتاع زين العابدين وأدهم ابن عمه
تحبي نقول شاهد فضيحه زين العابدين مع عشيقته
ولا شاهد اولاد العابدين في سرير واحد مع فتاه ليل
فريده بصدمه:اي اللي انتا بتقوله ده مستحيل تعمل حاجه زي دي زين ممكن يقتلك فيها
هههههه هو بعد فضيحته واما شركاؤه كلهم يلغوا التعاقد معاه هيخرج من بيته تاني
فريده:ارجوك انا مش معايا الا المبلغ ده فعلا لو معايا اكتر كنت دفعت صدقني
مجهول: ده مش شغلي انا اصرفي هديكي فرصه تانيه مع انك مدتنيش فرصتي قبل كده ومستني ردك سلام يا
حماتي المستقبليه ومشي وسابها
فريده وقفت بدموع لاول مره تحس انها محطوطه بين ناريين يا اما تدفع مبلغ مش معاها نصه حتي يا اما زين هيفكر انها هيا اللي ورا المصايب اللي هتحصل
فلاش باك
كانت تستريح في غرفتها بعد ان جاءت من حفله مع اصدقائها كانت تفكر فيما ستفعله مع تلك المسماه بغرام وكيف تجعل ابنها ينساها ولا يفكر بها همت للوقوف لتشرب بعضا من الماء الموجود بجانبها ولكن وضعت الكوب سريعا من يدها مكانه عندما شعرت بنفس شخص اخر وراءها التفتت سريعا لتجده هو رجعت للخلف بخوف ويدها علي صدرها تغلق الثوب (الروب) لتغطي جسدها الشبه عاري
فريده بخوف واستغراب:انتا !انتا دخلت هنا ازاي وبتعمل اي
مجهول:بيبصلها من فوق لتحت متخافيش مش جاي عشان سواد عيونك ده انتي حتي قد امي
فريده تطمئن قليلا :اومال انتا جاي هنا ليه ودخلت ازاي
دخلت ازاي دي حاجه ماتخصكيش انما جاي ليه دي بقي اللي تخصك ولف وشه الصراحه مكنش ينفع الكلام في الموبايل اصل الحاجه اللي معايا لازم تشوفيها علي الحقيقه
فريده:اي اللي معاك يخليك تتجرأ وتقتحم عليا بيتي واوضتي بدون إذن زي الحراميه
مجهول:كان معايا فيديو كده وشويه صور هتفرحي اووي اما تشوفيهم ولف ليها وفتح الموبايل في وشها
مسكته فريده بصدمه ايه ده انتا صورت الكلام ده ازاي
كان زين نائما بجوار غرام الشبه عاريه اثر اعتداء عاصم عليها ومغطاه بملائه سحبها زين علي جسدها ليغطيها ويخفيها عن عيونه لكي لا يضعف امامها وبفعل مالا يستحسن فعله
كان يحاوط خصرها بيده وهو نائم وراءها ويداعب شعرها وادهم يقف خلفه هو الاخر لم يقدر علي حمل زين لانه كان ثملا للغايه فقام بخلع الجاكيت ليحرر جسده ويستطيع ان يتحرك بحريه ليقع هو الاخر بجوارهم علي السرير وزين يضحك علي وقوعه بينما الاخر انتهز الفرصه وأخذ يصورهم كانهم يلهون ويلعبون مع فتاه ليل وببعض المونتاج والفوتشوب تم التعديل في الفيديو والصور لتظهر كما يريدونها للجميع
فريده بصدمه:مستحيييل انتا ازاي تتجرأ وتدخل بيتي وتصور ابني كمان
مجهول:يعني معترفه ان ابنك مقضيها
فريده:لا طبعا الكلام ده مش حقيقي زين وأدهم مش كده الصور دي متفبركه
مجهول: ليه هيا اللي في الصوره دي مش اوضه غرام اللي كنتوا حابسينها فيها ولا متفبركه برضوا
بصت فريده في الفون وبصتله بعد ماشد من ايدها الموبايل انتا عاوز اي بالظبط
مجهول:خمسين مليون جنيه
فريده بصدمه:كام
زي ماسمعتي خمسين مليون جنيه والا
فريده :والا اي
الصور دي هتكون في كل مكان في كل الجرايد والصحف علي مواقع النت وكمان
فريده استغلت ان هو لف وشه ومسكت الفازه اللي كانت جمبها مكان ماوقفت تشرب عشان تضربه بيها علي دماغه لمحها هو في المرايه اللي كانت قصاده ولف بسرعه ضرب ايدها الفازه وقعت من ايدها ف نفس االوقت اللي كان نازل فيه قاسم من غرفه زين
وكمل كلامه وكمان زين هيعرف ان محدش صوره الصور دي غيرك مفيش حد هنا غيرك معاهم يقدر يعمل حاجه زي دي
فريده :بس انا اول مره اشوف الصور دي
مجهول:بس زين مش هيصدق الكلام وخصوصا انك عملتيها قبل كده
فريده :انتا اكيد اتجننت انتا ازاي تعمل كده انا هعرف زين باللي انتا بتعمله ده وبإبتزازك ليا
مجهول: مسكها من رقبتها خنقها بإيد والايد التانيه ماسك بيها الموبايل بيجز علي اسنانه بصوت واطي انا مبتهددش يافريده خمسين مليون لومكنوش عندي بعد يومين الصور دي هتكون السبب ان ابنك يصفي شركاته
قرب قاسم بصدمه من الباب عشان يقدر يتعرف ع الشخص ده رن تليفونه حاول يقفله بسرعه ملحقش كان فريده واللي معاها سمعوه وبصوا ع الباب جري قاسم علي تحت وفريده حطت ايدها علي رقبتها بتاخد نفسها بعد ماسابها وهرب هو كمان
في مركز الشرطه
غرام:لو سمحت انا كنت جايه اقدم بلاغ عن واحد اسمه عاصم
الشرطي:ماله الاستاذ عاصم ده كمان هو يوم باين من اوله
غرام بخوف وتوتر :تحرش بيا و
الشرطي:وايه انطقي تحرش لفظي ولا جسدي
غرام بدموع وتوتر وهيا تفرك يدها :اغ اغتصبني
اعتدل الظابط في جلسته :اغتصبك انتي! انتي متأكده من كلامك ده عارفه لو كنتي بتكذبي عقابك هيكون اي
غرام:عارفه انا مبكذبش الحيوان ده خطفني واغتصبني ومش انا لوحدي انا وطفله تانيه
الظابط بصدمه :طفله وهيا فين الطفله دي
غرام :في المستشفى اللي انا كنت بشتغل فيها كانت بتصارع الموت بسببه بس حاليا بقت احسن الحمد لله
الظابط :بطاقتك فين
غرام:مش معايا
الظابط :نعم يعني جايه عاوزه تعملي محضر وقضيه كبيره زي دي وجايالي من غير بطاقتك
غرام بخوف:انا هربانه من البيت عشان مايلاقونيش وبطاقتي هناك
الظابط:هما مين دول اللي يلاقوكي
غرام :عاصم وزين
الظابط :اسمك اي بالظبط
غرام :غرام محمد عزمي دكتوره في مستشفي الجراحه الخاصه او كنت دكتوره قبل مااقدم استقالتي
الظابط رن علي شخص بعتلك اسم اتحريلي عنه خمس دقايق وتكون عندي كل المعلومات اللي تخصه وابعتلي واحد ليمون علي مكتبي
بعد دقيقتين من توتر غرام ونظرات الظابط لها التي زادت توترها اكتر مما كانت عليه
اشربي الليمون ده واهدي واحكيلي كل حاجه من الاول شكلك حكايتك طويله ومش سهله خالص اشربي اشربي
غرام:شكرا ومسكت الكوبايه وايدها بتترعش وشربت
الظابط بعد خمس دقائق وهو يختلس النظر لها ها بقيتي احسن
غرام :الحمد لله شكرا لحضرتك
الظابط :ده واجب علينا اتفضلي احكي واسف علي سوء معاملتي اليوم كان مضغوط عليا وفكرتك واحده من اياهم اللي بتيجي ترمي بلاها علي الناس بسبب فلوس اوغيره رن هاتفه ليرد عليه
الامين:مظبوط يافندم غرام محمد عزمي دكتوره ف مستشفي الجراحه الخاصه قدمت استقالتها من يومين بعد مانتشر فيديو ليها مع رجل اعمال كبير
الظابط :فيديو اي
الامين:سعاتك كانت
الظابط كانت اي انطق
الامين:كانت في حضنه في حمام السباحه ويعني
الظابط :قفل في وشه السكه بغضب ووجه كلامه لغرام
ها هاتتفضلي تحكي ولا اطلبلك واحد ليمون كمان
في شركه زين العابدين
زين بعدما توجه لمكتبه رن الجرس لتدخل له عشق بتوتر تضع عينها في الارض ممسكه بورقه في يدها
زين : وهو يتصفح بعض الاوراق المهمه رفع نظره عليها عندما لاحظ سكوتها ونظر للورق مره اخري
هتفضلي ساكته كتير واي الورقه اللي ف ايدك دي
عشق:دي استقالتي اتمني حضرتك تقبلها
اتجه زين بنظره إليها وقام بغلق الورق الموضوع أمامه زين:وانتي بتقدمي استقالتك ليه
عشق:انا هحكي لحضرتك انا ليه عملت كده بس بعد ماتقبلها
زين :تمام اعتبريها اتقبلت اتفضلي احكي
بعد نصف ساعه
بس ده مش مبرر انك تروحي لياسين برجلك تاني بعد اللي عمله معاكي ولو كنتي زي ماقلتي ندمتي وبعدتي عن الطريق ده كان ممكن تجيلي انا وأنا اساعدك
عشق:مكنش قدامي الا هو خفت سعاتك متصدقنيش اوترفض وخصوصا ان حضرتك اليومين دول تعتبر مبتجيش الشركه ولو جيت محدش بيعرف يتكلم معاك
سرح زين لثواني وبصلها كان ممكن تطلبي من ادهم
عشق:بإبتسامه سخريه أدهم باشا حاططني في دماغه اليومين دول بتهيالي لو انا مت قدامه مش هيبصلي حتي
زين:وأدهم هيحطك في دماغه ليه واشمعنا انتي من بقيه الموظفين
عشق:شافني واناخارجه من عند ياسين بالفلوس واتهمني ان خنتكم مقابل المبلغ ده
زين :أدهم قالك كده
عشق:مقاليش لوحدي ده قال للشركه كلها قد اي انا واحده خاينه وواطيه ورمالي الفلوس في وشي كمان منا كل حاجه بعملها بقت بالفلوس
رن زين علي ادهم تكون عندي حالا
عشق :أتمني حضرتك تقبل استقالتي واسفه لو ورطتك معايا ف حاجه بس صدقني كان غصب عني
زين:اسف مش هقدر اقبلها محتاجك معايا الفتره دي وكمان انتي محتاجه الشغل عشان عيلتك
عشق:بعد اللي حضرتك عرفته عني لسه هتشغلني معاك
زين :مش عشان خاطرك عشان خاطر الراجل الغلبان اللي في المستشفي وعشان الست الطيبه متزعلش الاب والام مابيتعوضوش حافظي عليهم
عشق بفرحه:مكنتش اعرفك ان حضرتك طيب وشهم اووي كده سبحان الله قرايب بس واحد ملاك والتاني هلاك
زين :وبعديين
عشق:قفلت بوقي اهو
دخل ادهم من الباب بإبتسامه تحولت لغضب وحقد اول ماشافها
أدهم :انتي بتعملي اي هنا واحده غيرك كانت خدت نفسها ومشيت ومشفناش وشها تاني بعد اللي عملته
عشق:وانتا مالك انتا اساسا وبعدين مش انتا اللي تقرر امشي ولا لا وحطت ايدها ف وسطها بصلها ادهم بذهول علي جرأتها وولسانها الطويل كملت عشق وعلي فكره انا قدمت استقالتي وزين باشا رفضها وقالي ان ميقدرش يستغني عني وان محتاجني معاكم اممم وطلعت لسانه تغيظه
ادهم بغضب جري وراه جرت عشق في اتجاه زين
زين بغضب مصطنع وهو بيضحك علي جنانها وحركاتها اللي بستفز ادهم وتخليه يطلع اسوأ ماعنده عليها
زين:ادهم
وقف ادهم مكانه البنت دي لازم تمشي من هنا حالا يا انا ياهيا في الشركه دي
زين :بيداري ضحكته اهدي يا ادهم واقعد خلينا نحل الموضوع بينكم بهدوء
أدهم :نعم يا اخويا موضوع اي اللي تحله في هدوء مع واحده زي دي
عشق:لا بقي علي فكره انا مسمحلكش يعني اي واحده زي دي انا مالي بقي ان شاء الله
أدهم:انتي واحده خاينه بعتينا لعميل عندنا وبص لزين الهانم قبضت التمن من ياسين وضيعت الصفقه من ايدينا عارف ده معناه اي
زين:اهدي ياادهم انتا فاهم الموضوع غلط
أدهم:غلط هو اي اللي غلط انا شايفها بعيني دول وهيا خارجه من عند ياسين ومعاها شنطه الفلوس بطل تدافع عنها بقي انتا متعرفش حاجه النوعيه دي انا اللي افهمها كويس
عشق:ليه يابابا انتا مفكرني زيك ولا اي انا اشرف من الشرف ومحدش يجرأ يقول غير كده
ادهم :انتي
زين بغضب حقيقي المره دي وهو بيخبط علي المكتب:سكووووووت
وقفت عشق باعتدال وادهم راح قعد قصاده
أدهم :زين صدقني البت دي مزقوقه علينا من ياسين انا شايفها بعيني وهيا
زين :ادهم انا عارف كل حاجه مش مضطر انك تحكيلي عشق صحيح كانت عنده وخارجه بفلوس بس دي كانت فلوس وبص لعشق اللي شاورتله بدماغها لامتقولش
كمل زين بس الفلوس دي انا اللي كنت باعتها تجيبهم
ادهم:نعم فلوس اي اللي باعتها تجيبها وامنت دي علي مبلغ زي ده
زين:أدهم اتكلم باحترام عنها دي السكرتيره بتاعتي متنساش وانسانه قبل اي حاجه وايوه انا اللي بعتها تجيب المبلغ ده لما ياسين كلمني وقالي ان جهزلي جزء من المبلغ بتاع الصفقه وعاوز يقابلني بعت عشق
ادهم بعدم تصديق:انا مش عارف انتا بتدافع عنها ليه اصلا وعمال تخترع في حوارات انا عملت اللي عليا وانتا حر
زين :أدهم استني
ادهم وهو بيبص لعشق اللي كانت بتبصله بإبتسامه انتصار
افندم
زين :اعتذر لعشق عن اللي قولته عليهاقدامي وقدام الشركه كلها
ادهم:نعم ياخويا اعتذر ايه اعتذر لدي هو ده اللي انتا قدرت عليه بدل ماهيا اللي تعتذر عاوزني انا اللي استسمحها واتأسفلها
عشق بخبث::خلاص يازين باشا مالوش لزوم انا هسامحه المره دي عشان خاطرك بس بعد كده لو قال عليا ربع كلمه بس انا هقطعله
أدهم وهو يقترب عليها :هتقطعيلي اي كملي كملي
عشق:انا بهزر بهزر انتا مالك قفوش اوي ليه كده
أدهم :قفوش ومسك ايده بالعافيه وبص لزين انا سايبلك الشركه كلها وماشي ابقي خليها تنفعك
زين :ادهم
ادهم وهو ماشي بلا ادهم بلا زفت علي دماغها كانت نقصاها هيا كمان وقفل الباب وراه بغضب
زين لعشق:بطلي اسلوب الاستفزاز بتاعك ده ادهم عصبي زياده عن اللزوم حاولي تجتنبيه
عشق:هواللي بيضطر يخليني
زين :عششق أدهم هنا زيه زي بالظبط مش مجرد موظف عندي زي مابتحترميني تحترميه
عشق:ولو انه صعب بس هحاول
زين :عششق
عشق :حاضر اسفه بشكرك مره تانيه على وقفتك جمبي
زين :ياريت تبطلي كلام وتتفضلي يلا على شغلك ومتتأخريش عشان تلحقي تتطمني علي والدك
عشق:حاضر ربنا يجبر بخاطرك يارب
ومشت ابتسم زين وقعد علي مكتبه وسرح فيها ياتري انتي فين ياغرام ليه عملتي فيا كده معقول موحشتكيش زي ما انتي وحشتيني
بعد يوم طويل علي الجميع
دهبت عشق لمنزلها بعدما اطمئنت علي والدها لترتاح من التعب والارهاق وكثره التفكير لتجد والدتها تجري عليها بخوف عشق
عشق :في اي ياماما
غرام
عشق :مالها
يتبع الفصل الثالث والعشرون اضغط هنا
- الفهرس يحتوي على جميع فصول الرواية كاملة :"رواية عشقت منقذتي" اضغط على اسم الرواية