رواية الملتزمة الصغيرة الفصل الثالث والعشرون بقلم سمر ابراهيم
رواية الملتزمة الصغيرة الفصل الثالث والعشرون
مرت الأيام نفس في اوضتها طول الوقت بتذاكر فهد بطل يكلم تفاؤل بس هي رافضة تذاكر وبتعطل نفسها باي حاجة وخاصمت نفس لأنها بتذاكر ومش بتقعد تحكي معاها
نفس:- ي الله دا أنا شكل البيت وحشني ي ترى العيلة دي عاملين ايه من غيري انهاردة طول اليوم لعب نمشي على الجدول الأول نعمل خناقة بين منال ومريم وحشتني خناقتهم وبعدها نصالح تفاؤل ونتدرب شوية في الچيم وبعدها أكمل اليوم مع جدو وحشي اوي الرجال العجوز دا
عند الشباب كلهم متجمعين
أويس:- شباب فاهمين نقول ايه حاضر وماشي أنت صح وأحنا غلط
مصطفى:- يعني هو جدو كل سنة كدا يجمعنا يبهل فينا على الشغل
فهد:- ربنا يستر يلا بينا
نفس:- السلام عليكم متجمعين عند النبي خير ي شباب مالكم كدا ضاربين بوز
مصطفى:- جدو طالبنا يراجع معانا شغل السنة اللي فاتت وأحنا الحق والحق يقال عكين الدنيا
نفس:- آممممم تدفعوا كام وامشي ليكم الأمور
أويس:- أمشي ي بت مش دافع عندنا لسان ونقدر ندافع عن نفسنا
نفس:- بقى كدا طيب نلم بقى العلية كلها تتفرج على المتحدث الرسمي أويس بيه
أويس:- عادي نادي اللي تناديه
نفس:- لو عايزين مساعده مني قول بطيخ وأنا أدخل بس يتحول متين جنية لحسابي الشخصي بعد المهمة
مصطفى:- اشطا
الكل أتجمع على الغداء وبعد الأكل الجد بدأ الكلام
الجد:- شباب قدامي على المكتب أشوف شغلكم
وبعد وقت مش طويل من النظر الجداول والحسابات وورق الصفقات الجد فضل يزعق
الجد:- ايه دا ممكن أفهم أنتم طول السنة خدتوا مشروع وأحد كبير وباقي المشاريع كام فيلا وعمارة
مصطفى:- ي جدوا أحنا الشكل بتاعنا على أعلى جودة وبأسعار مناسبة والتصميمات بتاخد وقت
الجد:- أنت تسكت خالص أقولك روح رجع مراتك اللي مطلعة عينك دي مش قادر عليها
مصطفى:- كدا ي جدو شمتان فيا
أويس:- أسكت أنت ي مصطفى
نفس:- طيب ي جدو أنت متعصب ليه ها
الجد:- نفس أسكتي وأنت ي أستاذ منك ليه دا شغل ولا لعب عيال أنا غلطان إني سلمتكم إدارة الشركة
أويس:- أهدأ ي جدو أنت عارف أننا بنشتغل بضمير بس الفترة دي كل الشركات في النازل بسبب فيروس كورونا والشركة تعتبر من أكثر الشركات اللي وقفت في الوقت الصعب دا معظم الشركات وقعت واعلنوا الإفلاس
الجد:- لا كمان بتجيب أعذار لفشلكم ي دكتور أويس أنت مركز في الماجستير اللي بتحضره وسايب الشغل على الشباب
مصطفى غمز لنفس
نفس:- جدو النبي صلى الله عليه واحد جه قاله أوصني النبي قاله" لا تغضب" ورددتها كذا مرة لا تغضب لا تغضب هو العصبية دلوقتي تفيد بايه ممكن تحل المشكلة وبعدين أنت الغلطان أصلاً
الجد:- أنا ي بت
نفس:- ايوه قولتلك أسمع كلامي العيال دي من غيرك ولا حاجة ي كبير أنت الكل في الكل أنت الأساس والباقي كله شنط وكياس بس أنت اللي عايز ترتاح بعد تعب كل السنين دي وتسبب الحمل عليهم متعرفش أنهم من غيرك ولا حاجة أنت الأصل
الجد فضل يضحك عليها وكان مبسوط من كلامها رجع ليه جزء كبير من مكانته اللي حاسس أنها قلت لما قعد في البيت وساب الشغل للشباب والمدراء أحمد وعامر ولاده
«بكلمات بسيطة ممكن ترجع لشخص ثقته شعور صعب اوي لما تحس أنك ملكش لأزمة أو خارج نطاق الخدمة ودورك أنتهى إحساس كل وأحد أو وحدة كبر في السن وحاسس أنه خلاص راحت عليه إحساس مؤلم ودورنا كشباب أننا نزرع في طريقهم البسمة هما الأساس في وجودنا هما كانوا سند لينا وأحنا صغيرين وكل حاجة بنقدمها دلوقتي ليهم الفضل فيها وكمان نعمل حاجة في حياتنا نفتخر بيها لما نكبر الآن دي فترة الإنتاج بلاش تضيعها في حجات تافهه أعمل حساب لما تبقى جد ولادك يقولوا أنت عملت ايه في حياتك ي جدو»
الجد:- نفس أنا عايزك أنتي تمسكي إدارة الشركة بعدي
نفس:- كان على الخاطر بس بعدك أنت الشركة دي هتقوم بالرجالة اللي أنت جبتهم رجالة عيلة النديم ثمرة مجهودك اللي جبتهم على الدنيا هما بس محتاجين دعمك وتشجيعك ليهم وأصبر عليهم شوية ي حج لسه بيتعلموا
مصطفى وأسد وفهد وأويس واقفين فاتحين بقهم من سياسة نفس المفروض تمسك رئيسة أمريكا
الجد:- طيب عشان خاطر نفس مفيش عقاب بس عايزة شغل تمام السنة الجاية
كلهم:- أن شاء الله يا جدو
نفس باست أيده والكل باس أيده
نفس:- ممكن ي كبير تطلع معايا سهرة رومنسيه لوحدنا ونتمشى على الكورنيش شوية
أويس:- نعم بمناسبة ايه أن شاء الله
نفس:- بمناسبة إني مخنوقه عندك اعتراض
الجد:- موافق جهزي نفسك
أويس:- وأنا عايز اجي معاكم
أسد وفهد ومصطفى:- وأحنا كمان
نفس:- مش بناخد عيال اشربوا اللبن قبل النوم وبلاش سهر قدام الكارتون زي كل يوم 😁😁
أويس:- نينينينيني 😒
منال:- هههههههه جدعة ي نفس أروح أنا أجهز نفسي صح رايحين فين
نفس:- لا ي منال اقعدي على حيلك طالعين أنا والحج بس حد عنده اعتراض
تفاؤل:- شايفه ي تقى بتاكل بعقل جدو حلاوة
نفس:- بطلي غيبه يلي تنشكي في صباعك الصغير مخصماكي متجبيش سيرتي
تفاؤل:- اف أبو شكلك
،،،،،،،،،،،،سمر إبراهيم إبتسامة عابرة
في أوضة أسد تقى دخلت تنام زي طول اليوم ودا مدايق أسد أنها مش بتقعد ولا تتكلم معاه ومن أول الحمل مقضيها نوم
أسد:- توتو بلاش نوم ايه رأيك نخرج زي نفس وجدو
تقى:- لا مش قادره أتحرك عايزه أنام
أسد:- طيب بلاش خروج تعالي نقعد سوى في الجنينة
تقى بصوت عالي:- قولت تعبانه ي أسد أنت بتفهم اذاي
أسد:- تقى صوتك ميعلاش أنتي نسيتي نفسك
تقى:- قصدك ايه أنك شقتني من كافية أنت بـ تعيرني ي أسد
أسد:- أنا مقولتش كدا أنا طالبك من بيت باباكي بس صوتك ميعلاش عليا فاهمة
تقى سكتت وفضلت تبكي وأسد خرج وهو متعصب
تقى فضلت تفكر أول مرة شافها فيها وتقدم ليها
"فلاش باك"
أسد كان في كافيه هو وصحابة وهو قايم شاف بنت زي الملاك دخلت الكافيه قعد تاني وطلب قهوه
تقى جات على طاولة قريبه من أسد وقعدت وكان في شب قاعد عليها بس شكلة وش إجرام وشه مرسوم عليه خريطة العالم وبقه واقع منه أسمه ممدوح
تقى:- السلام عليكم ورحمه الله وبركاته
ممدوح:- سامو عليكم
تقى:- سامو على قلبك ي شيخ أنت كدا بتدعي عليا كان الكفار يقولها للنبي وهو يقول ليهم ولكم بالمثل
ممدوح:- لا مؤاخذة ي قمر اسم الجميل ايه
تقى هو بقه واقع كدا ليه هو دا اللي جايبه ي بابا :- قمر ايه ي أستاذ أحترم نفسك وبعدين أسمي تقى وأنت
ممدوح:- محسوبك مندوح ويدعلوني بدوحه
تقى:- مندوح ههههه اسم جميل والسلسلة دي جميلة اوي ما شاء الله
ممدوح:- عجبتك مستوده
تقى ي ميلة بختك ي تقى دا بيتكلم لغة ايه دا:- ايه مستوده دي ي ممدوح
ممدوح:- مستوده من توكيا بلاد بوه
تقى:- بوه وتوكيا أنت جاي تتعلم الحروف
ممدوح:- مش فاهم ي قمر بتقولي ايه
تقى:- أكيد أنت تعليم بلاد بره وبتتكلم لغات صح أصل دا لو حلفت أنه مصري مستحيل أصدق
ممدوح:- لا مصري ي عسلويه أنا مصري وأبويا مصري بس دارس إنجليزي تسع سنين
تقى:- وه تسع سنين ليه كلية ايه دي يخويا اللي تسع سنين
ممدوح:- مش كوليه دول ست سنين ابتدائي وتلاته إعدادي يبقوا تسعة اهو ومعايا شهادة إعدادي
تقى:- ما شاء الله اللهم بارك لاااااا كلية ايه اهم حاجة الأخلاق والآداب التعليم مش مهم
ممدوح:- فعلاً أهم حاجة الأخلاق وعشان كدا اختارتك
تقى:- صحيح قولي بقى أنت بتكلم بنات
ممدوح:- بصي ي مزه من غير كدب أنا أحب الصراحة اوي اه أنا بكلم بنات بس أنتي اللي في القلب
تقى:- ما شاء الله صريح اوي أحيك على صراحتك
ممدوح:- لا دا أنا أعجبك
تقى:- طيب بقولك اخترتني ليه لمؤاخذة بلغتك أن كانت عينك مليانه ومش ناقصك حاجة
ممدوح:- لاااااا أنتي هتبقى مراتي وأم ولادي ولازم أكون حريص على اختيارك برضو
تقى قامت وتكلمت بصوتها كله:- أنت عبيط ياض هو أنت تبقى حريص على مراتك وأنت بتلعب على عقول بنات المسلمين وتفسدهم لااا وجاي نافش ريشك ومنزل بنطلونك وكله كوم وبقك اللي عايز تلاته عمره دا كوم تاني وفخور اوي بالمعصية يخويا أنت المفروض تيجي مدلدل رأسك وتمشي مكسوف من نفسك ي نسونجي ي بتاع البنات
ممدوح:- جرى ايه ي بت أش حيل أنك مش عانس وابوكي هو اللي بيعرضك على ولاد الناس
تقى:- أنت مسمي نفسك ولاد ناس أنت راجل أنت روح ياض أتعلم الرجولة وشوف مين عاملك وشك شوارع وتعالى أتكلم ولا أقولك أتعلم تتكلم الأول
ممدوح قام مسكها مش الخمار:- ي بت الـ...... أنا أرجل من أهلك
أسد في اللحظة دي قام وضرب أيده بعيد:- يلا ياض ي خيخه أمشي من هنا بدل ما أخلي أمك تتحسر عليك
ممدوح:- ايوه قولي كدا جايه تقابلي حبيب القلب اللي مركز ليكي من أول القعدة عشان كدا خايفة تتجوزي
أسد ضربه بوكس في وشه وفضل يضرب فيه الناس في الكافيه بعدته عنه بصعوبة
أسد بعدها فضل يدور عليها بس هي اختفت :- اه ي ندله ي جبانه لو اشوفك بس
"باك" سمر إبراهيم إبتسامة عابرة
أسد رجع لتقى وهي كانت بتبكي وهي بتفكر في أول لقاء ليهم
أسد:- تقى
تقى:- ها أنت رجعت امتى
أسد:- من حبه صغيرين أنتي لسه بتبكي أنا آسف ي حبيبتي
تقى:- وأنا كمان أسفه مكنش قصدي أعلي صوتي بس مخنوقة ي أسد
أسد:- عادي هورمونات حمل اللي مجنني ي قلبي إلا صحيح كنتي بتفكري في ايه
تقى:- في أول مرة اتقابلنا فيها
أسد:- ي ندله يعني تهربي زي الحرامية كنت عايز أعرف أنتي مين فضلت أسبوع أبحث عن أسم تقى على الفيس بوك
تقى:- هو أنت بجد مش كنت تعرفي مع إني كنت بشتغل في الشركة النديم من سنين طويلة اوي
أسد:- ممكن أكون لمحتك بس عمره ما كان في بينا شغل أنتي سكرتيره فهد حتى شغلك كانت بتقدمه اللي أسمها نوران
تقى:- هههههه أنا أول ما دخلت الكافيه عرفتك بس عملت مش واخده بالي وكمان نوران كانت بترسم عليك عشان كدا كانت تدخل ليك أي ورق
أسد:- بجد يعني أنا مز والبنات كلها كانت عيونها عليا
تقى:- إلا وأنا بس على فكرة مش ندله أنا وقتها خرجت وفضلت اعيط كتير اوي حسيت إني رخيصة أبويا فعلاً كان يخليني أقابل اي حد لأن سني كان اكتر من التلاتة وعشرين سنة هو أنا وحشه ي أسد علشان كدا مفيش حد كان يجي ليا
أسد:- لا ي تقى ربنا كان مخبي ليكي حاجة حلوه وخير كتير اللي هو أنا ولا ايه رأيك ي مراتي
تقى:- أنت أجمل حاجة ربنا كرمني بيها ي أسد أنت هدية ربنا ليا بعد سنين قاسية أنا عارفة إني قصرت في حقك اليومين دول بس غصب عني تعب الحمل ي أسد ي ريت تقدر موقفي
أسد:- مقدر ي حبيبتي بس بلاش الواد صهيب دا يخدك مني كدا طول الوقت
تقى:- هههههههه طيب يلا تصبح على خير بقى
أسد بزعل:- وأنتي من أهل الخير ي تقى
بعد ما نامت فضل يبص لملامحها :- هو أنتي فعلاً مش حلوه ي تقى ولا ايه تصدقي أول مرة الحظ أن منخيرك كبيرة فعلاً بس حبه صغيره ومحتاجة إهتمام ببشرتك شوية زي أول الجواز كدا
تقى فتحت بقها وهي نايمة أسد ضحك على شكلها وصورها صورة
أسد:- بحبك حتى لو كل العيوب دي فيكي أنتي ديماً أجمل وحده في عيوني ي تقى وآسف على الأفكار اللي بتجيني الأيام دي بس كله بسبب الإهمال بتاعك ناصحة تهتمي بـ صهيب بيه اف امتى يجي الكلب دا وحشني قبل ما أشوفه بس مستحيل اخليه يخدك مني
«اسد مكنش ملاحظ الحجات دي في تقى بس الأستاذة اللي معظم الوقت قدام المرايا لحظة عيوبها وفضلت تسأل أسد هو أنا عندي حبوب أسد أنا منخيري كبيرة أسد أنا وحشه وهنا أسد لحظ الحجات دي فالرجل بيشوفك بعيونك قبل عيونه ولازم تكوني وثقة في نفسك راضية عن شكلك وحتى عيوبك بتحبيها ومش مكسوفه منها كل البنات عندها حاجة ناقصة مش الكل ملكات جمال بس الفرق في وحده تتقبل عيبها تحبها وتحبب غيرها فيها وفي وحده الكل شايفها جميلة بس هي مركزة على الحسنة الصغيرة اللي تحت عينها ونسيت كل الجمال بتاعها حتى لو شكلك مش حلو خلي روحك تغلب على شكلك وتميزك عن غيرك »
،،،،،،،،،،،،،،،،،،، سمر إبراهيم إبتسامة عابرة
عند نفس أكلت في مطعم خمس نجوم
الجد:- يلا نمشي ي نفس
نفس:- لا ي جدو حابه أمشي على النيل شويه ونأكل ترمس وحمص الشام
الجد:- تعرفي ي بت أنتي الوحيدة اللي فاهمة ذوقي مش ذي عيال الجيل دا مش بيحبوا التراث
نفس:- لا أنت انهاردة تقول كل اللي نفسك فيه
الجد:- ههههه أحنا نمشي السواق دا ونعيش براحتنا بقى
نفس:- اشطا ي جميل يلا بينا
بعد وقت طويل من الضحك
نفس:- الوقت أتأخر ي وحش يلا بينا
الجد:- ههههه خايفة على نفسك ي قطة أنا انهاردة رجعت شباب من جديد ويتخاف مني
نفس:- العبدة لله مش بتخاف ي راجل ي عجوز بس يلا بينا بقى
شوية شباب حوالي خمسة جم عليهم
شاب:- ما لسه بدري ي قطة ومش كبير عليكي اوي الجح دا صحيح أنتي مش باين منك عين ولا ودن بس شكلك جامده المنتقبات دول مزز أنا عارفهم
نفس سكتت وجدها أتكلم:- أمشي يلا أنت وهو من هنا
وأحد تاني وهو بيطوح:- ليه بس ي حج طيب ما تسيب عفركوش دا
الجد مسك تلفونه ورن على أويس
الشاب الأول:- ليه كدا ي حج سيب التلفون بس ونتفق تاخد فيها كام
أويس سمع الكلمة دي وتجنن :- جدو أنتم فين
الجد:- أحنا قدام مول أسمه ........
الشاب:- بقى كدا بتتصل بحد طيب تعالي بقى يختي كدا ومسك أيد نفس
الجد بيحاول يبعد ايه حس بضعف كبير أنه مش قادر يحمي نفس سنة لا يسمح وغير كدا مفيش حد في المكان لأن الوقت أتأخر الفجر على آذان :- أبعد إيدك عنها ي حيوان
نفس ضربت أيده بكل قوتها الولد مسك أيده وفتح بقه مش قادر يصوت من الوجع اللي تقريبا أيده انكسرت بسبب ضربتها
وأحد تاني:- جرى ايه ياض انشف كدا كل دا من ضربة البسكوته المغلقة دي
وقرب من نفس بأبتسامة نفس من غير صوت ضربته بوكس على وشه وقعت سنانه فضل يجيب دم
وأحد تاني:- ي بت المفترية بس أموت أنا في الشراسه
بعد شوية أويس وصل شاف نفس بتبكي
أويس:- نفس حصل ايه مالك حد كلمك
الجد:- بص تحتك ي أويس وأنت تشوف حصل ايه
أويس شاف خمس شباب كل وأحد في مرمي على الأرض وتقريباً داس عليهم قطر من كتر الأصابات
أويس:- هما دول مين ضربهم كدا المفتري
الجد شاور على نفس اللي بتبكي
أويس:- دي اللي عملت كدا اذاي طيب يلا بينا
الجد:- لا نفس مصرة أنها تعمل محضر واتصلت بالشرطة
أويس:- دي الشرطة تاخد مين بس أنتي التانية بطلي عياط وهما كفاية اللي حصل ليهم
نفس ببكاء:- لا لازم القانون يعاقبهم دول شاربين خمرة ريحتهم وحشة
أويس:- القانون يعاقبك أنتي على اللي عملتيه فيهم
سمعوا سيارات الشرطة جات عليهم
محمد:- أنزل ي عسكري منك ليه
نفس😲:- محمد
الجد:- مين يختي
أويس بتوتر:- أنت تاني أستغفر الله العظيم
محمد:- هو في ايه مين جاني ومين مجني عليه بالضبط
نفس ارتاحت أن محمد عرف يتصرف:- أنا المجني عليه ي باشا ودول شاربين خمرة
محمد:- اممم مجني عليه طيب أمشي أنتي مع عيلتك شكلك طيبة ومش وش بهدله والعيال دي أنا أعرف اربيها كويس
الجد:- شكراً ي حضرت الضابط يلا ي نفس
أويس:- عربيتي قدامك اركبي يختي
محمد:- طلع يبني العيال دي في البوكس
،،،،،،،،،،،،،،،،،،،،،،سمر إبراهيم إبتسامة عابرة
أويس بصوت عالي:- ما خلاص ي زفته كل دا عياط
الجد:- صوتك ميعلاش عليها يلا وأنتي ي نونو بتبكي ليه وأنتي اللي ضربهم
نفس:- مسك أيدي الحيوان يوه استغفر الله العظيم بس فوق اللبس عادي صح
الجد فضل يضحك بصوت عالي
نفس:- أنت بتضحك فين المشاعر ي جدو
الجد:- دا أنتي قلبك ميت أنا دلوقتي عرفت بتعملي ايه في أوضة الچيم الشباب بطلوا يدخلوها من يوم ما جيتي بس النتيجة ما شاء الله عليكي أنا بعد كدا أخرج معاكي وأنا مطمن
أويس كان مدايق أنه شاف محمد غير القلق اللي حس بيه لما سمع أن ناس اتعرضت ليها بس النتيجة فرحته أبتسم أنها بتقدر تدافع عن نفسها
وصلوا البيت وكل واحد نام بعد يوم طويل في أحداث كتير
،،،،،،،،،،،،،،،،،،سمر إبراهيم إبتسامة عابرة
عند أسد بعد وقت طويل من نوم تقى خرج البلكونة تلفونه رن
ميرا:- آلو
أسد:- آلو مين معايا
ميرا:- أنا ميرا ي أسد نسيت صوتي
أسد:- أيوه يعني عايزه ايه مش كل وأحد راح لحاله
ميرا:- أسد أنا بحبك مش قادره أنسى صدقني رفضت عرسان كتير لأنك الوحيد اللي حبيته بس أخويا إسلام جاب عريس وعايز يجوزه ليا غصب عني
أسد :- مش فاهم أنا مالي في كل دا اخوكي عايز يجوزك أنا مالي
ميرا:- أنت ليه مش مستوعب كلامي أنا بحبك ولو جوزوني حد غيرك أموت نفسي أرحم ليا
أسد:- وأنا وأحد متجوز وبحب مراتي اللي حامل في أبني
ميرا:- أنت مش بتحبها ي أسد أنت أعجبت بشخصيتها أول مرة بس هي ضعيفة وأنت قوي هي مش واثقة في نفسها ولا حلوه
أسد:-. أنتي ايه عرفك أنتي تعرفيها
ميرا:- أنا أعرف عنك كل حاجة ي أسد أنت حاجة كبيرة في حياتي أنت كل حياتي أنا مش عايزك تحبني أنا كل طلبي تساعدني أخلص من الشخص دا ولا أقتل نفسي
أسد:- وأنا مليش فيه مستحيل أخون ثقة مراتي
ميرا:- فكر ي أسد وعرف أن حياة إنسان بين إيدك
أسد:- .....
يتبع الفصل الرابع والعشرون اضغط هنا
- الفهرس يحتوي على جميع فصول الرواية كاملة :"رواية الملتزمة الصغيرة" اضغط على اسم الرواية