رواية اغتصبني واعطيته قلبي الفصل الثالث والعشرون 23 - بقلم اميرة محمود

رواية اغتصبني واعطيته قلبي البارت الثالث والعشرون 23 بقلم اميرة محمود

رواية اغتصبني واعطيته قلبي الفصل الثالث والعشرون 23

بعد ساعه بالضبط

اي ده يا مراد

مراد ، خليك في حالك انت والنبي 

حسام ،اي اللي خليك في حالك دي انت جايب المأذون ليه

مراد ، هيكون ليه اكيد هتجوز

حسام ، مش هترضي وهتحرج نفسك

مراد ، ملكش فيه وعديني ادخل كده انت قافل السكه كده ليه

حسام ، ادخل يا سيدي أما نشوف

مراد دخل لنور لقاها نايمه

مراد ، نور حبيبي اومي 

نور ، في ايه

مراد ، هطلب منك طلب لاخر مره 

نور ، طلب طلب ايه 

مراد طلع علبه من جيبه وفتحها 

نور ، الله ده الماظ صح

مراد ، تتجوزيني

نور ، مراد ممكن تتقبل كلامي اللي هقولهولك معلش

مراد ، ايه تاني يا نور

نور ، أنا نفسي اهلك هما اللي يطلبو أيدي نفسي احس اني مش اخداك غصبا عنهم نفسي يتعملي حفله زى اي عروسه والبس فستان واقعد استنا عريسي يجي ياخدني افهمني بقا يا مراد

مراد ، اممم طب بصي أنا جبت المأذون بره هنكتب كتابنا بس و والله هعملك اللي انتي عايزاه كله بس اكتب الكتاب بس عشان خاطرى

نور ، ماشي يا مراد

مراد بفرحه ، قلب مراد من جوه انا هخرج ادخل الراجل

نور ، مين الراجل ده

مراد ، المأذون

نور ، طب مش هينفع اعمل حاجه من غير حور لازم اعرفها

مراد ، هنفتح فيديو كول تشوف كل حاجه

نور ، والله انت مجنون

مراد ، فعلا أنا بقيت مجنون من يوم ما شفتك وراح خارج فاتح الباب

حسام ، هااا عملت ايه

مراد ، للاسف

حسام ، هههههه مش قولتلك اديك خرجت نفسك تاني

مراد ، للاسف هدخل عش الزوجيه دي الوقت

حسام ، بجد وافقت 

مراد ، عيب عليك ابن عمك مسيطر بردك 

حسام ، يا اخي اتلهي وحاسب كده اما اشوف غيرت رايها ليه

مراد ، غيرت رأيها ليه هو انت مكنتش عايزها توافق عليه واللا ايه

حسام دخل ، نور انتي موافقه بجد

نور ، اي ارجع في كلامي صح انت صاحبه وادرى بيه ارجع في كلامي 

حسام ، ههههه ترجعي في كلامك مين عشان يقتلك ويقتلني معاكي

نور ، ههههه مجنون ويعملها 

مراد ، والله 

نور ، اه والله هههههههه

حسام ، طب هات المأذون واتنين شهود عشان نخلص

نور ، اتصل بحور اول يا حسام لازم اعرفها قبل ما اعمل اي حاجه

حسام ، حاضر ياستي وراح متصل بحور

حور ، ايوه يا حسام

حسام ، بقولك يا قلبي مراد جايب المأذون وعايز يكتب الكتاب دي الوقت

حور ، قوله لو ممشاش من عنده أنا هاجي وافتحله كرشه 

حسام ، في ايه يا حور اهدي

حور ، اهدا اممم طب أنا جيالكم حالا والله لو كتب الكتاب لهشتكيكم انتو الاتنين هو مكفهوش اللي حصل لنور بسببه

حسام ، طب خدي رأي نور كلميها شوفي هي موافقه واللا لا

حور ، هاتها 

مراد ، لا هات اكلمها أنا يا حسام

حسام ، طب خد

مراد ، ازيك يا حور

حور ، لا ازيك ولا بتاع المأذون ده يمشي من عندك فورا

مراد ، ليه قوليلي انتي معترضه ليه

حور ، عشان سيادتك معروف بسمعتك الهباب وغير كده اكيد عشان الانسه مانعه لا يبقا نتجوزها وأما نزهق منها نرميها ونشوف غيرها

مراد ، أنا مش كده يا حور صدقيني والله أنا بحبها وعايزها عالطول معايا أنا مش وحش للدرجه القذره اللي بتقوليها دي

حور ، مراد بيه متنساش اني كنت سكرتيره حسام وعارفه كل بلاويك وفاكره كويس انت حاولت كام مره عشان تكلمني بس انا اللي كنت بصدك وببعدك 

مراد ، يعني انتي مش قادره تصدقي أن بحب اختك يا حور

حور ، ايوه ولو سمحت ابعد عنها خالص ملكش دعوه بيها كفايه اللي حصلنا اوي بسببك 

مراد ، تمام يا حور من انهارده اختك هي اختي وانا هبعد عنها خالص عشان ترتاحو مني بدالي سبب في مشاكلكم أنا بتأسف جدا ليكم سلام

حسام اخد الموبايل وبص علي نور لقاها منهاره بسبب مكالمه اختها ومراد اخد بعضه ومشا 

حسام ، نور انتي عايزاه

نور ، معتش عايزه حاجه خالص 

حسام ، ردي عليه عايزاه واللا لا

نور ، ده هيفرق في حاجه مانا طول عمرى بتحط في ظروف ومشاكل واختيارات غلط وكل حاجه وحشه وانا مليش ذنب ولا دعوه بيها

حسام ، طب أنا هروح مشوار وهجيلك حالا 

نور ، ماشي

حسام ركب عربيته وراح لحور 

حسام خبط علي الباب حور فتحتله ودخل

حسام ، انتي ليه كده

حور ، كده ازاي

حسام ، ليه انانيه انتي من حبك لأختك مش عايزاها تتنفس من غيرك ليه سيبيها تعيش حياتها مع الإنسان اللي قلبها اختاره بطلي انانيه

حور ، الإنسان اللي قلبها اختاره ده ازبل انسان شفته في حياتي أنا عارفه تاريخه كله زى ما عارفه تاريخك يا حسام بيه واختي دي يعني أنا وانا مرضلهاش تتعذب زيي اكيد هتلاقي بني ادم محترم تعيش وتكمل حياتها معاه

حسام ، يعني تقصدي اني مش محترم يا حور انتي بتهينيني بطريقه غير مباشره

حور ، اللي عايز تفهمه أفهمه بس انا صاحبك ده لو اخر واحد في الدنيا مش هيتجوز اختي

حسام ، لا هيتجوزها يا حور عشان حسام مش زباله وإذا كنت أنا زباله ففعلا أنا زباله أن سمحت لنفسي اتهان منك انتي طالق يا حور وراح فاتح باب الشقه وماشي

حسام اتصل بمراد ،. مراد انت فين

مراد ، راجع القاهره لشغلي ولحياتي 

حسام ، استنا عشان هرجع معاك

مراد ، طب ومراتك 

حسام ، خلاص طلقتها معدش ليه حد هنا 

مراد ، انت اتجننت مراتك وابنك ازاي تسيبهم 

حسام ، معدش ليه لازمه الكلام أنا جايلك اهو 

مراد ،. هتسيب نور لوحدها يا حسام

حسام ، اختها بقت كويسه تروحلها أنسا بقا السيره دي يا مراد انسا

بعد شهرين 

حور ، نور حبيبتي تيجي نخرج انهارده نعمل شوبنج ونغير جو

نور ، لا

حور ، هتفضلي حابسه نفسك كده كتير

نور ، لو سمحتي اقفلي النور والباب سيبيني أنا بحب العتمه

حور ، يانور كده غلط بقالك شهرين كده

نور بصوت عالي ، سيبينييييي كفايه بقاااااا 

حور ، لا مش هسيبك ولازم تفوقي بقا الناس دي مأخدناش من وراهم غير كل حاجه وحشه

نور ، لو مخرجتيش أنا همشي ومش هوريكي وشي تاني يا حور فاهمه

حور خرجت وقفلت الباب وقعدت في الصاله تعيط علي اختها ومنظرها 

حور لنفسها ، هي مش قادره تقتنع ليه أن أنا الوحيده اللي خايفه عليها ليه مش قادره تحس اننا ملناش غير بعض هو ممكن يكون حسام عنده حق فعلا أنا انانيه أنا مش عايزاها سعيده مع حد غيري احنا لازم نرجع القاهره وانا هصلح كل حاجه كنت السبب فيها

حور دخلت لنور ، نور ممكن تسمعيني

نور ، لا مش عايزه اسمعك ولا عايزه اسمع حاجه خالص

حور ، احنا هنسافر القاهره الصبح

ياتري ماذا سيحدث في القاهره يغير الأحداث 

• تابع الفصل التالي عبر الرابط: "رواية اغتصبني واعطيته قلبي" اضغط على أسم الرواية