رواية حياتي الفصل التاسع والعشرون بقلم توتة
رواية حياتي الفصل التاسع والعشرون
جميل : عارف وعشان كده قررت انك تتجوزي إيلان
حياة : نعم !!!؟
جميل : دي الطريقه الوحيده عشان تقدري تنقذي نفسك
حياة : اتجوز واحد كان شغال مع المافيا .. أنا اخاف على نفسي
جميل : أظن أن الاتنين تبع المافيا بس واحد منهم سابهم لما عرفهم علي حقيقتهم واظن برضو انتي عارفه هو دخل ليه
حياة : بس ازاي هتجوز واقول لاهلي حاجه زي دي ازاي
جميل : مفيش داعي لأنه هيكون جواز على ورق .. وبعد متخلصي منهم تقدروا تتطلقوا
حياة : بس
جميل : فكري براحتك بس مفيش حل غير ده
____________________________________________
في اليوم التالي
حياة : أنا خلصت بدري انهارده .. وعايزه أخرج لوحدنا اقابلك فين ؟
براء : خلصتي دلوقتي !!؟
حياة : اممم .. هستناكي في الكافيه اللي جنب الشركه عشان عايزه اخد رأيك في حاجه
براء : تمام .. ساعه بالكتير وهكون عندك
____________________________________________
رغدان : ايوان ابوس راسك انسي .. انت كده بتموت نفسك بالبطئ
ايوان : سبني في حالي يا رغدان
رغدان : طب مش عايز تعرف ايه اللي حصل لاخوك
ايوان : عارف
رغدان : ايه ده .. عرفت منين
ايوان : إيلان قالي .. متعرفش انت التقيله بقى
رغدان : ايه
ايوان : ابوك بيفكر يجوزهم
رغدان : هما مين دول
ايوان : إيلان وحياة
رغدان : عشان التذوير اللي حصل ده !!
ايوان : اهااا .. بص بقا هو محتاجك اكتر مني روحله بقا وسيبني في حالي يا عم أنا عايز اعيش في كأبه
رغدان : والله مايحصل .. قال اسيبك قال ..
ايوان : يووووه
____________________________________________
براء : مش قادره اصدق اللي بسمعه
حياة : صدقي
براء : إيلان ومافيا وجواز وكل ده في يومين ومعاكي .. أنا دماغي لفت خلاص
حياة : بصي أنا مقولتلكيش عشان تتصدمي كده .. أنا قلتلك عشان تفكري معايا
براء : تاخدي رأيي في ايه بقا .. ده انتي هتوافقي غصب عنك .. إيلان ارحم من العصابه الخطر دي مليون مره
حياة : هعيش مع حد مبقبلهوش ولا هو بيقبلني يا براء
براء : خلاص روحي مع المافيا يشغلوكي معاهم
حياة : لاء يا شيخه ده اليوم اللي كانوا خاطفيني فيه كان يوم .. استغفر الله
براء : وافقي عشان مقدمكيش حل تاني .. وافقي عشان مستقبلك اللي قدامك .. وافقي عشان جواز على ورق وهتطلقوا بمجرد م مشكلتك تخلص .. متحطيش الغلط على إيلان لوحده .. انتي عملتي اكبر غلط في حياتك لما دخلتي في حياتك شخص انتي متعرفوش
حياة : لاء مدخلتش حد مجرد زماله مش اكتر .. مش عارفه ازاي امضتي اتاخدت في يوم وليله وازاي
براء : خلاص اللي حصل حصل المهم ركزي في اللي جاي
حياة : أنا هوافق عشان مستقبلي وبس .. واكيد يومين وحياتي ترجع طبيعيه
براء : دي اسود ايام حياتك أنا عارفه
حياة ببراءه : لاء .. اسود ايام لما عرفت أن حبي الوحيد من زمان هيتجوز .. بس اسود يوم كان لما عرفت أنه هيتجوز اعز صديقه عندي لما كنت في ثانوي
براء : انتي طيبه اوي وبجد ربنا هيرزقك باحسن من اللي بتتوقعيه
حياة : أنا راضيه بكل حاجه ربنا كاتبها
____________________________________________
جميل : ايه يا حياة .. قررتي ايه .. ياريت تكوني قررتي عشان ورق الجواز لازم يكون في المحكمه قبل مينفذوا اللي هما عايزينه وانتي هنا امانه يا حياة واكيد مش هسمح لحد ياذيكي .. لانك بنتي
حياة : وانا موافقه .. لان ده جواز على ورق وبعد فتره هنتطلق
جميل : يعني اجيب المأذون ييجي انهارده
حياة : بس انا مش هقدر اعمل حاجه زي دي من غير مرجع لماما وبابا
جميل : متقلقيش يا حياة أنا هظبط كل حاجه
حياة : يعني اكلم ماما واقولها
جميل : اكيد طبعا .. دي فتره مؤقته
حياة : تمام
____________________________________________
حياة : بابا اللي قالك !
مامت حياة : اه هو اللي قالي .. انتي ايه اللي عكك العكه السوده دي بس
حياة : ماما انتي تعرفي ايه بالظبط
مامت حياة : البت اللي بتكرههك وزقت حد يزور امضتك عشان يجوزك
حياة : اه .. معلش بقا .. والاتفاق اللي حصل ده عشان ينقذوني ..كتر خيره إيلان بقا
مامت حياة : خدي بالك من نفسك يا حبيبتي
حياة : وانتي كمان خدي بالك من نفسك
____________________________________________
_بارك الله لكما وبارك عليكما وجمع بينكما في خير
كان تلك كلمات المأذون
طنط چيلان : معلش يا حبيبتي ... انشاء الله لما تتجوزي هيبقى ليكي فرح كبير اوي ومصر كلها تحكي عنه
حياة بابتسامه : انشاء الله
طنط چيلان : أما أنا لو شفت البت اللي زورت امضتك دي لو شفتها
حياة : خلاص يا طنط اللي حصل حصل
ليان : حياة عايزاكي
حياة : جايه اهو
ايوان : هما الناس اللي جايين دي هيمشوا امتي
إيلان : مش هيمشوا
ايوان : نعم !!
إيلان : ده جواز حقيقي مش لعبه ودي شهود جايين منين .. من البلد يعني هيمشوا بكره بعده
ايوان : اممم
ليان : انا مفهمتش حاجه من الموضوع ده وحاسه أن انتوا بتألفوا اي حوار
حياة : عايزه تعرفي ايه
ليان : ايه سبب جوازك من إيلان
حياة : طيب بصي ده موضوع يطول شرحه اوعدك بكره هفهمك كل حاجه
ليان : اشطا
____________________________________________
في غرفة إيلان
إيلان : هتفضلي واقفه كده ..
حياة : لاء .. هغير هدومي وانام
ايلان : طيب .. الحمام عندك اتفضلي
حياة : هو احنا هننام ازاي
إيلان : السرير عندك اهو .. وانا هنام على الكنبه
حياة : ده سريرك أنا هنام على الكنبه وانت نام في سريرك
إيلان راح ناحية الكنبه ونام عليها : تصبحي على خير
في صباح اليوم التالي
استيقظت حياة فكانت الغرفه فارغه ..
حياة : راح فين ده
ثم ذهبت الي الحمام
شهقت حياة عندما فتحت باب الحمام فكان هو بداخل الحمام
بعد فتره ليست بطوله خرج إيلان : في حاجه اسمها اخبط على الباب
حياة : بحسبك مش هنا
إيلان : الحمام فاضي .. وياريت بلاش شغل الكسوف والاسدال اللي انتي لابساه ده ونايمه بيه
حياة : أظن دي راحتي
إيلان : راحتك في اوضتك .. أنا جوزك برضووليا كلمتي
حياة : على الورق
إيلان : لو رديت عليكي تاني هضيع وقتي وانا متأخر
دخلت حياة الحمام
حياة : غبيه .. أنا غبيه .. ده يوم انسى فيه هدومي يعني .. أخرج أنا ازاي دلوقتي
ارتدت حياة ما يقال عنه بالمصري ( برنس ) وشعرها الطويل مفرود ومبلول
فتحت حياة باب الحمام ببطئ ونظرت في كل انحاء الغرفه فلم تجده خرجت وتنهدت براحه
حياة : الحمد لله اكيد خرج
في نفس اللحظه خرج ايلان من باب غرفة ملابسه الملحقه بغرفته
شهقت حياة عندما وجدته
حياة : انت لسه ممشتش
إيلان : اوباااا
يتبع الفصل الثلاثون اضغط هنا
- الفهرس يحتوي على جميع فصول الرواية كاملة :"رواية حياتي" اضغط على اسم الرواية