رواية حياتي الفصل الثاني بقلم توتة
رواية حياتي الفصل الثاني
إيلان بصدمه : انتي حياة
حياة : ايوه انا حياة
إيلان : وانا إيلان
ايوان : هاي حياة أنا ايوان
حياة : تشرفنا
طنط چيلان : تعالي معايا يا حياة عشان اوريكي اوضتك
حياة : حاضر
ايوان لإيلان : لا بس طلعت جامده
إيلان : عكس توقعاتي تماما
ايوان : يا عم دي طلعت احلي من اديل 100 مره
إيلان : اقعد انت قارن ما بين دي ودي ... عمرك م كنت جد أبدا
ايوان : سبنالك الجد .. يا أخي ده انت دايما جد ... نفسي اشوفك مره بتهزر
إيلان : كفايه انت
_______________________________________________________________________________________________________________________
طنط چيلان : دي اوضتك يا حياة
حياة : حلوه اوي
طنط چيلان : بتليق بيكي يا حياة
حياة : شكرا
طنط چيلان : اسيبك أنا بقا شكلك تعبانه وعايزه ترتاحي
حياة : تمام
استقرت حياة في غرفتها الجديده بعد أن طمأنت والدتها عليها وتأملت غرفتها الجديده
في صباح اليوم التالي استيقظت حياة من فراشها مبكرا لكي تذهب إلي كليتها وتحممت في حمامها الملحق بالغرفه مباشره وبعدها نزلت للأسفل بعد أن ارسلت چيلان خادمه لحياة لكي تخبرها بأن چيلان تريدها في الأسفل
نزلت حياة إلي الأسفل لتجد ( چيلان _ أيلان _ ايوان _ رغدان _ عمها ) يجلسون على مائدة الإفطار
طنط چيلان : حياة .. تعالي افطري يلا
حياة : صباح الخير
الكل : صباح النور
عمو : حياة ... ازيك يا حبيبتي .. انتي عارفه .. مشوفتكيش من فتره طويله .. سألت چيلان عليكي امبارح وقالت لي انك نمتي
حياة : الحمد لله والله يا عمو انت اكتر
طنط چيلان : طيب يلا افطري حبيبتي عشان إيلان هيوصلك في طريقه
حياة : حاضر
انتهت حياة من الأفطار ومعها بقيت العائله على الأغلب وذهبت هيا وإيلان إلي الخارج حيث سيارة إيلان
إيلان : انتي بتعملي ايه ؟
حياة : بركب العربيه
إيلان : ايوه وبتركبي ورا ليه ... هو أنا كنت السواق بتاعك
حياة : واركب فين بقا
إيلان : اركبي قدام
حياة : ليه هو أنا كنت مراتك أو خطيبتك .. أظن أن أنا المفروض اركب في المكان اللي يريحني مش يريحك
إيلان : بس دي عربيتي مش عربيتك
حياة : تمام ... خليها تنفعك ومتشكرين ع التوصيله
قالت حياة جملتها وخرجت خارج الڤيلا لكي تستأجر تاكسي حتي يوصلها إلي كليتها
استأجرت حياة تاكسي خاص وذهبت إلي جامعتها تحت نظرات إيلان المصدومه بتصرفها الجرئ هذا
براء : حياة
حياة : ايه ده انتي هنا
براء : اه أنا هنا .. لسه جايه
حياة : طب يلا بسرعه عشان شكلنا اتأخرنا على المحاضره
براء : اه يلا
_______________________________________________________________________________________________________________________
إيلان : ها في ايه يا تاره
تاره : فيه انهارده مواعيد مهمه وأهمها الدكتور / أمين القاضي صاحب بحث للطلاب التابعه لكليه الألسن English واللي هيكون فيها عدد معين من الطلاب والعدد ده هيكون مجموعه متفرقه لمجموعتين لكل مجموعه قائد بيتم اختياره من حضرتك
إيلان : كويس ... ودول هييجوا امتى
تاره : ابتداء من بكره
إيلان : خلاص هاتي المواعيد بتاع بكره للنهارده وخلي اليوم بكره فاضي للدكتور أمين
تاره : تحت امرك يا فندم .. اي طلب تاني
إيلان : لا روحي شوفي شغلك انتي
_______________________________________________________________________________________________________________________
الدكتور : اكيد مسمعتوش عني قبل كده .. ولا تعرفوا طريقتي .. لانكوا اول سنه .. بس انا دكتور نظري جدا وميهمنيش الشرح ... عشان في الشرح أنا مش ضامن مين مركز معايا ومين سرحان ... فببعت مجموعه منكوا كمثال من حرف الألف ل حرف السين يعني اي واحد اسمه بيبدأ بحرف الألف لحد حرف السين .... ودي بتبقي مجموعه ... المجموعه دي بتنفذ مشروع بحث في شركه من أهم الشركات ومش أنا اللي بقرر ... اللي بيقرر هو مدير الشركه اللي هتشتغلوا فيها ومن خلال تقييموا ليكوا بتاخدوا درجاتكوا النهائية سواء نجاح أو رسوب ... يعني من بداية الألف للسين مجموعه ومن السين للياء مجموعه كل مجموعه منكم في شركه مختلفه عن الشركه التانيه وانشاء الله هنبدأ من بكره
طالب 1 : ممكن أسأل سؤال يا دكتور
الدكتور : اتفضل
طالب 1 : مش ممكن ناخد فكره عن البحث اللي هنعمله ده
الدكتور : مش هينفع تعرفوا دلوقتي عشان كل مجموعه وليها بحث مختلف
طالب 2 : طيب حضرتك بالنسبه العدد بتاعنا
الدكتور : العدد بتاعكوا مناسب جدا لان الشركات اللي هتشتغلوا فيها كبيره
تم الانتهاء من المحاضره
حياة : الدكتور ده ناصح جدا والله ... بدل م يشرح ويتعب نفسه بعتنا نعمل ابحاث في شركات ويا عالم هنقعد قد ايه
براء : بس فكره حلوه برضو احسن م كل يوم نيجي وتحضر محاضرات
حياة : فعلا
براء : هتروحي !
حياة : اه هاخد تاكسي انا كده كده عرفت مكان البيت
براء : ماشي .. وانا كمان هروح ... اشوفك بكره بقا في الشركه ... معتمده عليكي العنوان معاكي
حياة : متقلقيش
براء : باي
حياة : باي
أخذت حياة تاكسي ووصلت إلي بيت عمها وكذلك صديقتها
حياة : السلام عليكم
طنط چيلان : عليكم السلام ... حمد الله ع السلامه
حياة : الله يسلمك
طنط چيلان : جيتي لوحدك ليه ... كنت هخلي حد يجيبك
حياة : لا مش مستهله أنا باجي لوحدي عادي
طنط : كمان يومين وهتتعودي على الوضع
حياة : اه عادي
طنط چيلان : بصي .. ليان بنت اختي هتيجي انهارده هتتعرفي عليها وهيا هتخرجك تعرفك علي الدنيا هنا
حياة : اممم
طنط چيلان : أنا قلتلها تيجي عشان تسليكي انهارده هيا في اخر سنه
حياة : ماشي .. عن اذنك طالعه اوضتي اغير هدومي
طنط چيلان : خدي راحتك
ذهبت حياة إلي الأعلي حيث غرفتها وأدت صلاتها وبدلت ملابسها ونزلت للأسفل مره اخري فوجدت ......
يتبع الفصل الثالث اضغط هنا
- الفهرس يحتوي على جميع فصول الرواية كاملة :"رواية حياتي" اضغط على اسم الرواية