رواية مالگي الفصل الثاني 2 - بقلم منار عصام
رواية مالگي الفصل الثاني
مالك بصدمة روااان!؟
شريف وهو بيقعد... يعني انت طلعت تعرفها اهو امال كنت بتنكر ليه؟
أنا فعلا في الاول مكونتش أعرف حضرتك بتتكلم عن مين.... بس لما وصفتلي شكلها أنا عرفت انها روان.
وتطلع مين روان دي يعني..... وايه البجاحة اللي هي فيها دي!
فاكر البنت اللي قولتلك اني بحبها واني بشتغل ليل نهار علشان اعرف اتجوزها!؟
اهاا قصدك اللي كانت سبب في كل التعب اللي حصلك واللي كنت هتروح مني بسببهاا! هي كمان ليها عين تيجي هنا..... ده انا ما
صدقت انك ابتديت تفوق وترجع لحياتك الطبيعية... ايه اللي رجعها تاني؟؟
جراا ايه يا حج ما تفك كده وتفرح ان ابنك جاتله عروسه ههههههه وعلي كده بقي يا حج مقالتش هتجيبلي بكام دهب..؟
قوم يا ابن الكلب يا بارد يلي معندكش دم من وشي....... انت ايه ياض جبله
قاال ايييه جايه تخطبك...! اااه يا نفوخي ده انا طلع عيني عقبال بس ما جدك وافق اني اشوف امك.
ههههههه قوول بقي انك غيران ان انا واد حليوه والبنات هتموت عليا كده.
شريف قلع الشبشب وحدفه عليه وهو طلع يجري.
مالك دخل اوضته فتح صورتها وفضل يعمل زوم علي ملامحها وبيكلم الصورة
ياااه قد ايه وحشتييني... انا مش واجعني كسره قلبي ورفضك ليا بالطريقه دي
قد بعدك عني.. حاسس ان جزء مني مش موجود. وضحك وهو بيقول لنفسه
شكل دعاءك استجاب يا واد يا مالك وربنا هيراضي قلبك، ونام.
~~~~~~~~~~~~~~~~~~~في بيت راضيه جده روان~~~~~~~
يا روان قومي موبايلك مش مبطل زن،، قومي شوفي مين
روااان بزهق يووووووه ده مين الرخم ده ع الصبح.،،،، بصت في الفون لقت عزه مرات ابوها.، ردت وقالت نعم عايزة ايه مني تاني.
عزه ببرود واضح في صوتها... هعوز منك ايه يا مقصوفه الرقبه ابوكي هو اللي عايزك اهو معاكي اهو،، خد ياخويا كلم بنتك.
وليد الووو ازيك يا بنت ليلي، يعني يختي محدش سامع حسك ولا بتسألي تشوفي ابوكي مات ولا عايش.
انا كويسه الحمدلله وهبقي كويسه طول ما انا مع تيتا حبيبتي وبعيده عن مراتك البومة.
يابت عيب دي في مقام امك
لا عاشت ولا كانت اللي اشبها بأمي، انا امي كانت ست أصيله ومحترمه مش زي
نااس.
سيبك من الكلام الفاضي ده، كنت عايزك تشوفيلي معاكي فلوس عشان انا قاعد من الشغل وعايزين نجيب اكل.
بقولك ايه يا بابا انا قاعده مبنزلش شغل ولا معايا فلوس عشان ادي حد خليكوا بقي في حالكوا وسيبونا في حالنا سلام يا والدي.
قفلت روان ورمت الفون ع السرير وهي علي وشها علامات الغضب
راضيه وهي بطبطب عليها،، معلشي يابنتي محدش بيختار أهله، متزعليش نفسك ولا تدايقي لانهم مستهلوش انك تزعلي اصلا،،، يلا يا حبيبتي قومي صلي وفوقي كده علشان نفطر مع بعض.... عملالك شويه فول يستاهلو بوقك.
روان وضعت قبله علي جبينها وهي بتقولها ربنا ميحرمنيش يا تيتا يا قمر انتي.
قامت صلت فرضها وفطرت مع جدتها وعملت القهوة وهما قاعدين قدام التلفزيون الجرس رن.
قومي افتحي يابنتي تلاقيه المكوجي...... هتلاقي الهدوم في شنطة ع الطربيزه اديهالو
قامت روان فتحت الباب وهنا حلت الصدمة
عدي دقيقتين وهي علي نفس الحال ولا بتنطق ولا بتتحرك من مكانها.
راضيه وهي رايحة عند الباب... مالك يابت تنحتي كده ليه؟ ايه ده ماااالك
اتفضل يابني اتفضل يا الف أهلا وسهلا.
مالك بيبص للي واقفة وقافله الباب...
أحم ممكن اعدي،، وهي واقفه وعيونها متسعه علي اخرها.
راضيه شدتها من ايدها وهي بتقول يا شيخة اوعي كده خلي الراجل يدخل
مالك دخل وقعد في الصالون..... راضيه بأبتسامه منور يابني خد راحتك البيت بيتك...... هروح انا اعملك عصير.
مشيت وراحت عن روان وميلت عليها...... يابت فوقي بطلي هبل واقفلي الباب ده وادخلي شوفي الواد.
روان اتنهدت بكل قوتها ودخلت قعدت علي الكرسي المقابل لي وقالت بهدوء....
أزيك يا مالك.
رد وهو مركز في عنيها زي اللي حاجة كانت ضايعة منه ولاقاها... الحمد لله يا روان كويس بشوفتك..... أنتي طمنيني عليكي عاملة أيه،؟
ردت بتوتر أنا الحمد لله بقيت كويسه دلوقتي.
احم انا بعتذرلك نيابة عن اللي صدر من والدي وبعتذر علي طريقته معاكي.
فاجئهم ضحك راضيه وهي جايه بالعصير.... هههههههه لا هو بصراحة يابني ابوك معذور.. روان هي اللي بنت مجانين هههههه.
روان بصتلها بغيظ وقامت وهي بتحاول متعيطش وقالت بصوت مكتوم...
طيب عن اذنكم انا داخلة اوضتي....
مالك اتكلم بسرعة وقاال......... روااان استني انا...........
*يتـبـــــــــــــــــــــــع الفصل الثالث اضغــــــــط هنا
*الفهرس يحتوي على جميع فصول الرواية " رواية مالگي " اضغط على اسم الرواية